Morgunblaðið - 13.02.2002, Blaðsíða 10
FRÉTTIR
10 MIÐVIKUDAGUR 13. FEBRÚAR 2002 MORGUNBLAÐIÐ
HAGKVÆMNI virkjunar Hvalár í
Ófeigsfirði á Ströndum verður
metin nái tillaga Karls V. Matt-
híassonar, þingmanns Samfylking-
arinnar, og fjögurra samflokks-
manna hans fram að ganga, en
Karl mælti fyrir henni á Alþingi í
gær. Í tillögunni felst að iðnaðar-
ráðherra láti gera nauðsynlegar
forathuganir til þess að hægt sé að
meta hagkvæmni mögulegrar
virkjunar Hvalár. Stefnt verði að
því að nauðsynlegum rannsóknum
í þágu verkefnisins verði lokið fyr-
ir haustið 2003.
Áætlað að rannsóknir kosti
um 20 milljónir
Í greinargerð með tillögunni er
bent á að ávallt sé þörf fyrir orku í
samfélaginu. Orkuöflun í sem flest-
um hlutum landsins tryggi öryggi í
orkuöflun landsmanna og fjöldi
ónýttra möguleika bíði notkunar
mætti upp orkufrekri og arðvæn-
legri atvinnustarfsemi sem sam-
rýmdist landsháttum og náttúru
Vestfjarða. Í þessu sambandi
mætti jafnvel hugsa sér vetnis-
framleiðslu sem menn beina sjón-
um sínum að í æ ríkari mæli. Þá
er fiskeldi einnig vaxandi atvinnu-
grein og ekki er vafi á því að mik-
ið fiskeldi þarfnast mikillar raf-
orku, einkum ef framtíðin krefst
þess að það verði eingöngu stund-
að í kerum á landi. Þá er einnig
ljóst að álverið á Grundartanga
hyggur á stækkun starfsemi sinn-
ar og álverið í Straumsvík hefur
einnig látið slíkan vilja í ljós.
Verði Hvalárvirkjun að raunveru-
leika er ljóst að rafmagn framleitt
á Vestfjörðum mætti einnig selja
til þessara verksmiðja sem þó ætti
að verða síðri kostur en að það
nýttist á sjálfum Vestfjörðum,“
segir í greinargerðinni.
og frekari rannsókna. „Einn þeirra
möguleika sem við eigum til orku-
öflunar er Hvalá í Ófeigsfirði á
Ströndum. Ekki er óeðlilegt að af-
marka fyrst virkjunarsvæðið og
kanna hvort líkur séu á því að
virkjun þarna sé hagkvæm, því ef
svo reynist ekki liggur ekki á að
gera miklar umhverfisrannsóknir
vegna virkjunarframkvæmda,“
segir þar ennfremur og þess getið
að ekki sé óvarlegt að áætla að
slíkar rannsóknir gætu kostað um
20 millj. kr.
Jákvæð áhrif á atvinnu- og
mannlíf á Vestfjörðum
„Öllum má ljóst vera hversu já-
kvæð áhrif það hefði á atvinnu- og
mannlíf á Vestfjörðum ef virkjun
Hvalár yrði að raunveruleika. Eins
og fram hefur komið er beisluð
orka mjög dýrmæt. Það yrði Vest-
firðingum mikill fengur ef koma
Hvalá í Ófeigsfirði á Ströndum
Hagkvæmni virkjun-
ar verði könnuð
KOSTNAÐUR við rekstur Jafnréttisstofu á Akureyri árið 2000 nam
tæplega 14,3 milljónum króna, en starfsemin hófst 1. september það ár.
Hluti af kostnaðinum, eða 3,7 milljónir króna, er vegna kaupa á stofn-
búnaði og aðkeyptrar vinnu við standsetningu á húsnæði Jafnrétt-
isstofu á Akureyri. Ferðakostnaður Jafnréttisstofu frá 1. september
2000 til þessa dags nemur um 2,3 milljónum, en ferðakostnaður Skrif-
stofu jafnréttismála árið 1999, síðasta heila árið í starfsemi hennar,
nam 147 þúsund krónum.
Þetta kom fram í svari félagsmálaráðherra við fyrirspurn Stefaníu
Óskarsdóttur á alþingi. Þar kemur einnig fram, að kostnaðurinn er í
samræmi við þær fjárheimildir sem stofnuninni voru markaðar á árinu
2000.
Stefanía innti ráðherra einnig eftir hve margir störfuðu á Jafnrétt-
isstofu samanborið við forverann, Skrifstofu jafnréttismála í Reykjavík.
Í svarinu kemur fram að nú eru fimm starfsmenn á Jafnréttisstofu. Á
Skrifstofu jafnréttismála störfuðu samtals sex starfsmenn í 5,5 stöðu-
gildum. Fjórir starfsmanna Jafnréttisstofu eru búsettir á Akureyri.
Þá kemur fram að Jafnréttisstofa hefur ekki fundaraðstöðu í Reykja-
vík, „en með nútímatækni, farsímum og ferðatölvum er ekki vandi að
sinna erindum án fastrar aðstöðu“, segir í svari ráðherra, sem bendir
einnig á að Jafnréttisstofa getur nýtt fundarsali ráðuneytisins, und-
irstofnana þess og sali á hótelum.
Ferðakostnaður hækkar
Kostnaður Jafnréttisstofu vegna ferðalaga innanlands er nú um 2,3
milljónir króna frá því að stofnunin tók til starfa. Þar af eru fargjöld
innanlands um 1,7 milljónir, dagpeningar tæp 300 þúsund og dval-
arkostnaður innanlands rúmlega 300 þúsund. Þessi kostnaður er bæði
vegna starfsfólks Jafnréttisstofu og vegna fyrirlesara og leiðbeinenda,
sem flutt hafa erindi á ráðstefnum, námskeiðum og fundum stofnunar-
innar um land allt. Á móti þessum kostnaði hafa verið innheimt ráð-
stefnu- og fundagjöld, svo hreinn kostnaður er nokkru lægri.
Til samanburðar birtir ráðherra töflu yfir ferðakostnað Skrifstofu
jafnréttismála. Árið 1999 voru greiddar 137 þúsund krónur í fargjöld
innanlands og 10 þúsund krónur í dagpeninga. Ekkert var greitt það
ár vegna dvalarkostnaðar innanlands og ekki kemur fram hvort um
hreinan kostnað er að ræða, eða hvort eftir er að færa ráðstefnu- og
fundargjöld til frádráttar þessari upphæð.
Ferðakostnaður frá
stofnun 2,3 milljónir
ÞÓRUNN Sveinbjarnardóttir,
þingmaður Samfylkingarinnar,
skoraði á Halldór Ásgrímsson utan-
ríkisráðherra á þingfundi á mánu-
dag að bjóða Yasser Arafat, leiðtoga
Palestínumanna, í opinbera heim-
sókn til Íslands nú þegar. Vísaði hún
til hins ótrygga ástands mála fyrir
botni Miðjarðarhafs en gat þess
jafnframt að betur horfði með því að
Bandaríkjamenn hefðu hafnað því
að slíta stjórnmálasambandi við
heimastjórn Palestínumanna og því
að ESB væri sameinað í afstöðu
sinni og stuðningi við sjálfstæða
Palestínu.
Halldór Ásgrímsson svaraði því
til að lengi hefði staðið til að Arafat
kæmi til Íslands, einkum í tengslum
við heimsóknir hans til annarra
Norðurlanda, en ekki orðið af. Það
stæði hins vegar enn að hann gæti
komið hingað til lands þegar báðum
aðilum hentaði.
Utanríkisráðherra gat þess einnig
að Palestínumenn hefðu lagt áherslu
á að hann heimsækti þetta svæði og
það hefðu Ísraelsmenn raunar einnig
gert. Af því hefði þó ekki getað orðið
enn sem komið væri.
„Það er fullur áhugi af okkar hálfu
á því að lýðræðislega kjörinn fulltrúi
Palestínumanna komi hingað til
lands og við höfum líka áhuga á því að
finna aðstæður til þess að heimsækja
fulltrúa þessarar þjóðar fyrir botni
Miðjarðarhafs,“ sagði Halldór Ás-
grímsson.
Þórunn Sveinbjarnardóttir þakk-
aði utanríkisráðherra svörin og sagð-
ist leyfa sér að fullyrða, að það hefði
mikið að segja ef íslensk stjórnvöld
byðu Yasser Arafat í opinbera heim-
sókn til Íslands. Þannig gæti litla Ís-
land sent skýr skilaboð til umheims-
ins, því þá þyrfti að leysa Arafat úr
stofufangelsi því sem hann hefur
sætt að undanförnu.
Hvattur til að
bjóða Arafat
til Íslands
FUNDUR hefst á Alþingi í dag, miðvikudaginn 13. febrúar, kl. 13.30. Á dag-
skrá eru fyrirspurnir til ráðherra. Alls liggja fyrir um 25 fyrirspurnir til
ráðherra, en vísast mun aðeins brot af þeim koma til umræðu á morgun.
Þingflokksfundir hefjast kl. 16 og má búast við að fyrirspurnatíminn tak-
markist að mestu við það.
Fyrirspurnir
til ráðherra
FRUMVARP iðnaðarráðherra til
laga um virkjun Jökulsár á Brú og
Jökulsár í Fljótsdal – Kárahnjúka-
virkjun – og stækkun Kröfluvirkj-
unar hefur verið lagt fram á Alþingi.
Forseti Alþingis lét þess getið að
frumvarpið kæmi til fyrstu umræðu
á þingi á morgun, fimmtudag, en þá
hefst þingfundur kl. 10.30. Sagði for-
seti að gera mætti ráð fyrir kvöld-
fundi vegna umræðunnar.
Í frumvarpinu felst að Lands-
virkjun verði heimilt að reka og
reisa vatnsaflsvirkjun í Fljótsdal
með allt að 750 MW afli ásamt aðal-
orkuveitum og virkja til þess jökul-
árnar tvær í tveimur áföngum, s.k.
Kárahnjúkavirkjun. Í fyrri áfanga
verði Landsvirkjun heimilt að reisa
þrjár stíflur við Fremri-Kárahnjúka
(Kárahnjúkastíflu, Desjarárstíflu og
Sauðárdalsstíflu), veita Jökulsá á
Brú frá miðlunarlóni (Hálslóni) um
aðrennslisgöng undir Fljótsdalsheiði
að stöðvarhúsi, reisa stöðvarhús
neðan jarðar í Fljótsdal með frá-
rennsli eftir göngum og skurði út í
farveg Jökulsár í Fjótsdal, í sam-
ræmi við uppdrátt í viðauka, svo og
að reisa önnur mannvirki vegna
virkjunarinnar.
Í síðari áfanga verði Landsvirkjun
heimilt að reisa stíflu í farvegi Jök-
ulsár í Fljótsdal (Ufsarstíflu), veita
ánni ásamt vatni af Hraunum inn í
aðrennslisgöng Kárahnjúkavirkjun-
ar á Fljótsdalsheiði í samræmi við
uppdrátt í viðauka og reisa önnur
mannvirki vegna virkjunarinnar.
Gert er ráð fyrir að virkjunarleyf-
ið falli úr gildi tíu árum eftir gild-
istöku laganna, hafi leyfishafi þá
ekki þegar hafið framkvæmdir, og
fimmtán árum eftir gildistöku lag-
anna ef virkjunin er þá ekki komin í
rekstur.
Aukinheldur er lagt til að iðnaðar-
ráðherra verði heimilt að veita
Landsvirkjun leyfi til að stækka
Kröfluvirkjun í allt að 220 MW
ásamt aðalorkuveitum, enda liggi
fyrir mat á umhverfisáhrifum fram-
kvæmda, eins og það er orðað.
Kárahnjúkavirkj-
un rædd á morgun
ÞINGMÖNNUM sem öðrum mönn-
um er nauðsynlegt að slá stöku sinn-
um á létta strengi í önnum hvers-
dagsins. Hér hefur formaður Vinstri
grænna séð eitthvað spaugilegt
álengdar og bendir félaga sínum
Ögmundi Jónassyni á. Þeir félagar
sitja enda jafnan á fremsta bekk í
þingsal og fer því fátt framhjá þeim.
Morgunblaðið/Sverrir
Slegið á létta strengi
ÁRSVERKUM hjá hinu opinbera fjölgaði um rúm 7% á tímabilinu 1995 til
2000 að mati Þjóðhagsstofnunar. Þetta kemur fram í skriflegu svari for-
sætisráðherra, Davíðs Oddssonar, við fyrirspurn Guðmundar Árna Stef-
ánssonar, þingmanns Samfylkingarinnar. Hefur svarinu verið dreift á Al-
þingi.
Í því er lögð áhersla á að fyrrgreind niðurstaða byggist á svokallaðri
hagrænni flokkun starfa, þar sem t.d. starfsemi á borð við póstþjónustu og
orkuveitur teljist ekki til opinberrar starfsemi. „Til samanburðar má nefna
að fjölgun starfa á landinu í heild nemur 13% á sama tímabili, svo að ljóst
er að almenn fjölgun starfa er hlutfallslega meiri en fjölgun starfa hjá hinu
opinbera á tímabilinu 1995–2000,“ segir í svarinu.
Fjölgar um rúm 7%