Morgunblaðið - 13.02.2002, Blaðsíða 13
HÖFUÐBORGARSVÆÐIÐ
MORGUNBLAÐIÐ MIÐVIKUDAGUR 13. FEBRÚAR 2002 13
HAFNARFJARÐARBÆR hefur
átt í viðræðum við heilbrigðisráðu-
neytið að undanförnu um að nýrri
heilsugæslustöð verði komið upp í
miðbænum. Heilbrigðisráðherra
segir búið að ákveða að næsta
heilsugæslustöð komi í Salahverfi í
Kópavogi en segir að Hafnarfjörður
sé á lista ráðuneytisins yfir staði
sem þurfi lausn á sínum málum.
Að sögn Magnúsar Gunnarssonar
bæjarstjóra í Hafnarfirði hafa Hafn-
firðingar líkt og margir aðrir ekki
farið varhluta af því að það vanti
heilsugæslulækna til starfa en að-
eins ein heilsugæslustöð er í bæj-
arfélaginu. „Það eru mjög margir á
hvern heimilislækni hér og senni-
lega er það nú með því mesta sem
gerist. Það hafa komið hugmyndir
um að stækka heilsugæslustöðina á
Sólvangi en vegna þess að um er að
ræða 6-8 stöðugildi þá er ég þeirrar
skoðunar að það væri eðlilegra að
þau yrðu í nýrri stöð á öðrum stað í
bænum.“
Fyrirtæki tilbúið að byggja
Magnús segir að undanfarið hafi
hann fundað með fulltúum heilsu-
gæslustöðvarinnar og heilbrigðis-
ráðuneytisins og von væri á frekari
fundarhöldum næstu daga vegna
málsins. Hann segir undirtektir
ráðuneytisins gagnvart hugmynd-
inni hafa verið jákvæðar.
Að hans sögn eru möguleikar á
húsnæði til staðar í miðbænum.
„Annaðhvort væri hægt að leigja í
verslunarmiðstöðinni Firði en þar
eru hæðir sem standa auðar eða þá
að byggja á reit sem gengur út frá
Landsbankahúsinu hér og er mjög
miðsvæðis.“
Umrædd lóð er við Linnetsstíg
númer 4 en á bæjarráðsfundi í síð-
ustu viku var lagt fram bréf frá
Fjarðarmótum ehf. þar sem óskað
er eftir reitnum til byggingar
heilsugæslustöðvar. Segir í bréfinu
að fyrirtækið myndi fjármagna alla
framkvæmdina og leigja síðan út
húsnæðið til 15-25 ára. Magnús seg-
ir að með þessu bréfi sé umrætt fyr-
irtæki að reyna að skapa sér at-
vinnutækifæri. Í þessu tilfelli fari
það saman við þann vilja að heilsu-
gæslustöð verði reist í miðbænum.
„Nú þarf málið aðeins meiri um-
ræðu og umfjöllun. Ég lít svo á að
það hljóti að vera löngu, löngu kom-
ið að okkur að koma upp heilsu-
gæslustöð og ef við eigum mögu-
leika á því að skapa hér aðstöðu þá
ætti varla að vera nokkuð því til fyr-
irstöðu að ráðist verði í það.“
Ekki líkur á þessu ári
Eins og Morgunblaðið hefur
greint frá hafa bæjaryfirvöld í
Kópavogi þrýst á um að fá þriðju
heilsugæsluna í bæjarfélagið en um
6.000 manns í Kópavogi munu ekki
vera með skráðan heimilislækni. Jón
Kristjánsson heilbrigðisráðherra
segir að fjárlög heimili kaup eða
leigu á einni heilsugæslustöð á höf-
uðborgarsvæðinu á þessu ári.
„Það eru ekki líkur til þess að
Hafnarfjörður komi inn á þessu ári
því við höfum ákveðið að Salahverfið
í Kópavogi sé næst í röðinni. Síðan
höfum við hug á að reyna að byggja
upp eins hratt og unnt er. Við von-
um að það dragist ekki um langt
árabil með úrlausn annars staðar og
erum með Hafnarfjörð á okkar lista.
En við verðum einhvern veginn að
forgangsraða og höfum ákveðið að
Kópavogur komi næst því þar er
gríðarleg fjölgun.“
Hafnarfjörður óskar eftir að fá nýja heilsugæslustöð á miðbæjarsvæðið
Morgunblaðið/Kristinn
Heilbrigðisráðuneytið hefur ákveðið að næsta heilsugæslustöð á höfuðborgarsvæðinu muni rísa í Salahverfi í Kópavogi.
Ráðherra segir Kópavog næstan
Hafnarfjörður/Kópavogur
HVATNINGAR- og
sprotaverðlaun Mosfells-
bæjar voru afhent síðast-
liðinn föstudag. Var það
Reykjalundur, endurhæf-
ingarstöð SÍBS, sem hlaut
hvatningarverðlaunin að
þessu sinni en sprotaverð-
launin hlaut matsölustað-
urinn Kentucky Fried
Chicken sem opnaði nýjan
veitingastað í Mosfellsbæ
á síðasta ári.
Það er atvinnu- og
ferðamálanefnd Mosfells-
bæjar sem veitir verðlaun-
in en þetta var í þriðja
sinn sem hvatning-
arverðlaunin voru afhent.
Á síðasta ári ákvað nefnd-
in að veita líka svokölluð
sprotaverðlaun og segir í
fréttatilkynningu að til-
gangur þeirra sé að vekja
athygli á þeim fyr-
irtækjum í Mosfellsbæ sem
eru að gera vel, bæði fyrir
sig, starfsmenn sína og
íbúa Mosfellsbæjar.
Björn Ástmundsson for-
stjóri Reykjalundar og
Jón Benediktsson fram-
kvæmdastjóri sjúkrahúss-
viðs, veittu hvatning-
arverðlaununum viðtöku. Í
umsögn dómnefndar segir
að Reykjalundur hafi vak-
ið verðskuldaða athygli
vegna þeirrar starfsemi
sem þar fer fram. „Langir
biðlistar eru vitni þess að
staðurinn hefur á sér gott
orð meðal fagstétta og al-
mennings. Fyrir Mos-
fellsbæ er það mikill feng-
ur að hafa slíkt fyrirtæki
innan bæjarmarkanna.“
Það voru systurnar
Kristín og Ingunn Helga-
dætur sem tóku við
sprotaverðlaununum í
fjarveru föður síns Helga
Vilhjálmssonar eiganda
KFC staðarins. Segir í
umsögn nefndarinnar að
frágangur og aðkoma að
staðnum sé til fyr-
irmyndar. Fyrirtækið
stefni að því að vera allt-
af í fararbroddi á sínu
sviði og mikið sé lagt upp
úr jákvæðu andrúmslofti
á staðnum.
Hvatningar- og sprota-
verðlaun afhent
Morgunblaðið/Ásdís
Björn Ástmundsson, forstjóri Reykjalundar, systurnar Ingunn og Kristín Helgadætur,
fyrir hönd eiganda veitingastaðarins KFC, og Jón Benediktsson, framkvæmdastjóri
sjúkrahússviðs Reykjalundar, við afhendingu verðlaunanna síðastliðinn föstudag.
Mosfellsbær
BORGARRÁÐ hefur ákveðið
að svipta veitingastaðinn
Prikið í Bankastræti leyfi til
áfengisveitinga tímabundið,
dagana 15. – 17. febrúar
næstkomandi.
Segir í umsögn lögfræð-
ings skrifstofu borgarstjórn-
ar að staðurinn hafi fengið
áminningu í október síðast-
liðnum. Engu að síður hafi
hann haldið áfram ítrekuðum
brotum í rekstri, sem varði
m.a. mun fleiri gesti inni á
veitingastaðnum en heimilt
er.
Var leyfishafa tilkynnt í
byrjun þessa mánaðar að til
stæði að svipta hann leyfinu
tímabundið og nýtti hann sér
ekki tilskilinn frest til að gera
athugasemdir við þá ákvörð-
un.
Miðborg
Áfengis-
veitinga-
leyfi aft-
urkallað
tímabundið
KRISTINN Breiðfjörð Guðmunds-
son verður ráðinn skólastjóri Folda-
skóla. Þetta var samþykkt á fundi
borgarráðs í gær.
Áður hafði fræðsluráð fjallað um
málið og ákveðið að mæla með
Kristni. Fimm umsækjendur voru
um starfið.
Nýr skóla-
stjóri
Foldaskóla
Grafarvogur
♦ ♦ ♦
HREPPSNEFND Bessa-
staðahrepps hefur sam-
þykkt að auglýsa tillögu
að nýju deiliskipulagi á
jörðinni Breiðabólstöðum
þar sem gert er ráð fyrir
þremur nýjum einbýlis-
húsum vestan við Hvol.
Að sögn Gunnars Vals
Gíslasonar, sveitarstjóra
og skipulagsstjóra í
Bessastaðahreppi, er um-
rætt svæði á Norðurnes-
inu, gegnt Bessastöðum.
„Þar er jörðin Breiðaból-
staðir og einn angi af
henni er íbúðarhúsið Hvoll
en Breiðabólstaðajörðin
hefur í gegnum árin skipst
í nokkra hluta. Við ætlum
að deiliskipuleggja þrjú
íbúðarhús í landi Hvols.“
Gunnar segir um nokk-
uð einfalt skipulag að
ræða þar sem verið er að
hanna þrjá nýja bygginga-
reiti. Á svæðinu verði lítil
þyrping fjögurra einbýlis-
húsa sem verða á einni
hæð. „Við gerum ráð fyrir
því að deiliskipulagið verði
tilbúið um mánaðamótin
apríl – maí og upp úr því
má fara að huga að því að
lóðirnar komi til bygg-
inga,“ segir hann.
Landið eru í einkaeigu
og býst Gunnar við að þeir
aðilar sem eigi lóðirnar
muni byggja á þeim í sam-
ráði við hreppinn.
Þrjú ný einbýlishús við Hvol
Bessastaðahreppur
BORGARRÁÐ hefur sam-
þykkt að ráða Svanhildi Kon-
ráðsdóttur sem forstöðumann
nýrrar upplýsingamiðstöðvar
ferðamála í Reykjavík. 75 um-
sækjendur voru um stöðuna.
Svanhildur er kunn af störf-
um sínum í fjölmiðlum og sem
kynningarstjóri Reykjavíkur
Menningarborgar 2000. Nú-
verandi starf hennar er að
hafa umsjón með hugmynda-
vinnu og frumathugun á nýt-
ingarmöguleikum Eiðajarðar-
innar á Héraði.
Forstöðu-
maður
ráðinn
Reykjavík
Ný upplýsinga-
miðstöð ferðamála
BÆJARSTJÓRN Garða-
bæjar hefur samþykkt að
ítreka við úthlutunarhafa lóða
í Ásahverfi, sem enn hafa ekki
fengið útgefinn lóðarleigu-
samning, að réttur samkvæmt
úthlutunarsamningi sé bund-
inn við nafn viðkomandi út-
hlutunarhafa og sé óframselj-
anlegur nema með samþykki
bæjarins.
Það var Laufey Jóhanns-
dóttir fulltrúi sjálfstæðis-
manna í bæjarráði sem var
flutningsmaður tillögunnar.
Segir hún hana tilkomna
vegna frétta af því að lóðar-
hafar hafi verið að framselja
réttinn án vitundar bæjarins.
„Mér fannst mjög leiðinlegt
að heyra þetta og hefði reynd-
ar aldrei trúað því að menn
gerðu svona þannig að þetta
kom mér á óvart.“
Hún segir regluna reyndar
klárlega í þeim samningum
sem gerðir hafa verið en
ástæða hafi verið að ítreka
hana.
Reglur
í lóðar-
samning-
um ítrek-
aðar
Garðabær
♦ ♦ ♦