Morgunblaðið - 13.02.2002, Blaðsíða 15
SUÐURNES
MORGUNBLAÐIÐ MIÐVIKUDAGUR 13. FEBRÚAR 2002 15
LANDIÐ
ÁHUGI á hnefaleikum er að aukast
mjög þessa dagana. Þannig eru nýir
félagar að skrá sig í BAG, boxklúbb
Hnefaleikafélags Suðurnesja, sem
er fjölmennasti boxklúbbur lands-
ins.
„Við getum farið að færa út kví-
arnar. Setja upp boxsýningar og
efna til keppni,“ segir Sigurður
Friðriksson formaður Hnefaleika-
félags Suðurnesja sem rekur BAG
boxklúbbinn í Keflavík þegar hann
var spurður að því hverju við-
urkenning Alþingis á lögmæti
ólympískra hnefaleika breytti.
Hann segir að atburðarásin sé hröð
þessa dagana. Forystumenn box-
klúbbanna hafi komið saman hjá
Íþróttasambandi Íslands í gær og
ákveðið að starfa innan vébanda
ÍSÍ. Næsstu skref séu að láta þýða
og samræma reglur og þjálfa leið-
beinendur og dómara.
„Ég finn fyrir mikilli vakningu í
íþróttinni um þessar mundir þótt
andstaðan sé vissulega áfram til,“
segir Sigurður. Hann segir að í box-
klúbbinn komi fólk á öllum aldri og
báðum kynjum til að æfa ýmsar teg-
undir af boxi. Þangað komi hópar
og einstaklingar og nefnir hann sem
dæmi að öll áhöfnin á Happasæl
komi á æfingar þrisvar í viku.
Sigurður er skipstjóri á Guðfinni
KE 19, og er betur þekktur á Suð-
urnesjum sem Diddi Frissa, en box-
ið hefur átt hug hans allan frá því
hann kynntist því fyrst fyrir tveim-
ur árum. „Ég fann strax hvað boxið
gerði mér gott. Þetta var eins og að
herða upp líkamann. Hann varð
sneggri, stinnari og kraftmeiri,“
segir Sigurður um reynslu sína af
íþróttinni. Hann segist hafa lést um
40 kíló frá því hann fór að æfa.
Þessi áhugi varð til þess að hann
og Guðjón Vilhelm Jóhannsson
hnefaleikaþjálfari hóuðu saman
hópi manna og stofnuðu boxklúbb-
inn. Áhuginn hefur vaxið svo síðan
að klúbburinn hefur sprengt hús-
næðið utan af sér og segir Sigurður
að unnið sé að athugun á að fá
stærri sal til afnota.
Þegar blaðamaður heimsótti Sig-
urð voru tveir piltar að skrá sig í
klúbbinn. Þeir voru boðaðir á sína
fyrstu æfingu daginn eftir en Sig-
urður byrjaði þó að sýna þeim
ákveðin undirstöðuatriði.
Strákarnir, Pétur Svavarsson og
Hrólfur Böðvarsson, sögðust hafa
verið að velta því fyrir sér um tíma
að byrja að æfa hnefaleika og drifið
í því núna. Sögðu að samþykkt Al-
þingis um ólympíska hnefaleika
hefði engu breytt um þá ákvörðun.
„Þetta er góð hreyfing og æfing fyr-
ir líkamann,“ sagði Pétur sem hefur
stundum æft lyftingar. Þeir sögðust
hafa horft mikið á hnefaleika í sjón-
varpi og fengið áhugann vegna
þess. Pétur sagðist stefna að því að
æfa til að geta keppt í íþróttinni en
Hrólfur sagðist ætla að sjá til, byrja
að æfa og keppa síðan ef hann gæti.
Morgunblaðið/Helgi Bjarnason
Sigurður Friðriksson sýnir Pétri Svavarssyni og Hrólfi Böðvarssyni hvernig þeir eigi að bera sig að í boxinu.
Stærsti boxklúbbur landsins er í Reykjanesbæ
Við getum nú farið
að færa út kvíarnar
Keflavík
ÖSKUDAGSSKEMMTANIR
verða meðal annars í Reykja-
nesbæ og Sandgerði í dag og á
báðum stöðum hefjast þær
klukkan 14.
Lúðrasveit og léttsveit Tón-
listarskóla Reykjanesbæjar
standa fyrir hátíðarhöldum
fyrir nemendur fyrsta til sjötta
bekkjar grunnskólanna í
Reykjanesbæ. Skemmtunin
verður í Reykjaneshöllinni og
stendur yfir frá 14 til 16. Kött-
urinn verður sleginn úr tunnu,
boðið upp á andlitsmálningu og
leiktæki.
Foreldrar hvattir
til þátttöku
Foreldrar eru hvattir til að
taka þátt í skemmtuninni með
börnum sínum, að því er fram
kemur í tilkynningu á heima-
síðu Reykjanesbæjar.
Öskudagsskemmtun verður
í Íþróttamiðstöðinni í Sand-
gerði og hefst klukkan 14.
Kötturinn verður sleginn úr
sekknum, farið í leiki og verð-
laun veitt fyrir bestu bún-
ingana.
Kötturinn
sleginn úr
tunnunni
Reykjanesbær/Sandgerði
„VIÐ biðum bara eftir því að það
hækkaði í og bökkuðum þá út,“ segir
Gunnar Svavarsson skipstjóri á
Gunnþóri GK sem strandaði í inn-
siglingunni til Sandgerðishafnar í
fyrradag. Gunnþór fór upp í fjöru
sunnan við hafnarmynnið. Gunnar
segir að skipið hafi farið svo hægt að
engin hætta hafi verið á ferðum.
Veðrið hafi verið gott og því hafi það
bara verið þolinmæðisverk að bíða
eftir að það flæddi að og losa þá skip-
ið. Það komst af sjálfsdáðum á flot
um klukkan þrjú í fyrrinótt.
Kafari var að athuga botn skipsins
í gær þegar rætt var við Gunnar og
hafði hann þær fréttir frá kafaranum
að skipið væri óskemmt. Sagðist
Gunnar vera að fara á sjó aftur, ekki
væri eftir neinu að bíða með það.
Bakkaði út á flóðinu
Sandgerði
NÚ HEFUR verið ákveðið að taka
hluta næstu myndar um njósnarann
James Bond í Austur-Skaftafells-
sýslu. Undanfarnar vikur hafa fram-
leiðendur myndarinnar verið á báð-
um áttum um hvort notast ætti við
Alaska eða Austur-Skaftafellssýslu
sem tökustað. Um helgina kom svo
hópur frá framleiðendunum í annað
sinn til Hornafjarðar til að kanna að-
stæður og í kjölfarið var ákveðið að
hefja tökur á Íslandi í lok febrúar.
Þessi ákvörðun er með þeim fyr-
irvara að veður verði hagstætt og all-
ar aðrar forsendur standist. Hér er
um mjög stórt verkefni að ræða því
ráðgert er að tökur standi yfir í fjór-
ar vikur og að á annað hundrað
manns verði í tökuliðinu. Fjöldi
heimamanna kemur til með að vinna
við að þjónusta kvikmyndagerðar-
fólkið og mestallt gistirými í sýslunni
hefur verið bókað.
Fjöldi fjallabíla
Jónas Þorgeirsson hjá fyrirtækinu
Arctic-Ice á Hornafirði verður með
30 sérútbúna fjallabíla á sínum
snærum í tengslum við James Bond-
verkefnið en Arctic-Ice sér um allan
flutning á kvikmyndagerðarfólkinu
og búnaði þess. Fyrirtækið hefur
þjónustað erlent kvikmyndagerðar-
fólk á Vatnajökli um skeið og á síð-
asta ári var Jónas m.a. einkabílstjóri
leikkonunnar Angelinu Jolie þegar
tökur stóðu yfir á kvikmyndinni
Tomb Raider á Vatnajökli.
Jónas segist reyna að fá sem mest
af heimamönnum með fjallajeppa
sína til starfa en í jafn stóru verkefni
sem þessu verði hann að leita út fyrir
svæðið eftir bílum og bílstjórum.
Meðan á Bond-verkefninu stendur
er væntanlegur annar hópur til að
gera sjónvarpsauglýsingar og útveg-
ar Arctic-Ice þeim níu fjallabíla. Það
verður því nóg að gera hjá Jónasi og
fyrirtæki hans á næstunni.
Kemur okkur ekki
úr jafnvægi
„Það þarf nú eitthvað meira en
James Bond til að koma okkur úr
jafnvægi,“ segir Anna María Ragn-
arsdóttir hótelstjóri á Hótel Skafta-
felli. Kvikmyndagerðarmenn gista
iðulega á hótelinu og segir hún að
reynslan hafi kennt henni að þeir
geti horfið jafnsnögglega og þeir
birtist. Nokkuð er um bókanir á
þessum árstíma á Hótel Skaftafelli
en Anna María segist reyna að taka á
móti sem flestum af Bond-fólkinu og
að sjálfsögðu þjóna þeim eins vel og
hægt er.
„Ég vona bara að þeir fái gott veð-
ur svo þeir geti lokið sínu verkefni.“
James Bond-mynd að líkindum
tekin í A-Skaftafellssýslu
Gistirými í sýslunni
nánast fullbókað
Hornafjörður
ÞORSTEINN Sverrisson, fram-
kvæmdastjóri Þróunarfélags Vest-
mannaeyja, segir að ákveðnir aðilar
hafi lýst yfir áhuga á því að hefja
fiskeldi úti á Eiði í Vestmannaeyjum
en þar standa nú yfir boranir eftir
heitum sjó sem nýst gæti við flat-
fiskeldi, s.s. eldi á lúðu og sand-
hverfu. Þorsteinn vill ekki gefa upp
hvaða aðilar það eru sem hafi áhuga
á fiskeldinu að svo stöddu. Hann
segir hins vegar að boranir eftir
heitum sjó á Eiðinu lofi góðu fyrir
fiskeldi.
„Búið er að bora niður í 90 metra
og höfum við fengið þar 12 gráðu
heitan sjó,“ segir hann en mælingar
á sjónum gefa til kynna rétt salt-
magn og sýrustig miðað við að sjór-
inn yrði notaður við fiskeldi. Jarð-
boranir hf. sjá um borunina en
verkstjórn og eftirlit er í höndum
Bæjarveitu Vestmannaeyja.
Gert er ráð fyrir því að bora niður
í allt að 300 metra en að sögn Þor-
steins hitnar sjórinn við það að
renna í gegnum bergið. Bætir hann
því við að vonast sé til þess að sjór-
inn sé um tólf til sextán gráðu heitur
þegar komið er niður í 300 metra.
Að sögn Þorsteins þarf gríðarlega
mikla orku til að hita sjó. Af þeim
sökum yrði það mikill sparnaður ef
hægt yrði að dæla upp heitum sjó
fyrir fiskeldi. „Það yrði því fýsilegur
kostur að hafa fiskeldi á Eiði,“ segir
Þorsteinn að lokum.
Morgunblaðið/Sigurgeir
Jarðboranir bora eftir heitum sjó úti á Eiði.
Borað eftir heitum sjó í Eyjum
Ákveðnir aðilar hafa
áhuga á fiskeldi
VestmannaeyjarSIGRÍÐUR Marelsdóttir kemur á
hverjum degi til að gefa fuglunum
sem halda sig á tjörnunum á Njarð-
víkurfitjum. Í gær færði hún þeim
fjórar fötur fullar af rúnstykkjum
sem hún hafði fengið gefins. Álft-
irnar og endurnar kunnu vel að
meta þetta og hámuðu brauðið í sig
og mávarnir reyndu líka að sækja í
matinn þótt Sigríði líkaði það ekki.
Hún segir að skemmtilegt sé að
hafa fuglana þarna og sé fólk farið
að koma með börnin til að gefa
fuglunum brauð. Segir hún að bæta
megi umhverfið og það standi víst
til.
Morgunblaðið/Helgi Bjarnason
Gefur fuglunum daglega
Njarðvík