Morgunblaðið - 13.02.2002, Blaðsíða 41
FRÉTTIR
MORGUNBLAÐIÐ MIÐVIKUDAGUR 13. FEBRÚAR 2002 41
Fræðslufund-
ur um stam
MÁLBJÖRG, félag um stam, heldur
fræðslufund, fimmtudaginn 14. febr-
úar. Jóhanna Einarsdóttir, talmeina-
fræðingur, segir frá umræðum í
Bandaríkjunum um uppeldi, stríðni
og stam. Umræður verða um erindi
Jóhönnu og síðan um hugðarefni
þeirra sem stama og foreldra barna
sem stama.
Leikskóla- og grunnskólakennar-
ar eru sérstaklega velkomnir á fund-
inn sem hefst kl. 20 í Hátúni 10 b, 9.
hæð, fimmtudaginn 14. febrúar.
Náms-
styrkir FEF
„ÚTHLUTAÐ verður úr námssjóði
Félags einstæðra foreldra 15. febr-
úar. Hlutverk sjóðsins er að styðja
einstæða foreldra til þess að bæta
stöðu sína á vinnumarkaðnum.
Styrkirnir eru veittir til ólánshæfra
námskeiða, styttra starfsnáms eða
réttindanáms sem stuðlar getur að
því. Námssjóðurinn var stofnaður
með framlagi frá Rauða krossi Ís-
lands árið 1995 og fara úthlutanir
fram tvisvar á ári á vor- og haustönn.
Rauða krossi Íslands eru færðar
þakkir fyrir veittan stuðning,“ segir í
fréttatilkynningu frá FEF.
Lýst eftir vitnum
LÖGREGLAN í Reykjavík lýsir eftir
vitnum að árekstri þann 7. febrúar
um. kl. 17.40 á gatnamótum Smiðju-
vegar og Reykjanesbrautar. Rauðri
Toyota Corolla var ekið suður
Reykjanesbraut og blárri MMC
Lancer var ekið austur Smiðjuveg
með fyrirhugaða akstursstefnu norð-
ur Reykjanesbraut. Ágreiningur er
um stöðu umferðarljósa á gatnamót-
unum.
Þá lýsir lögreglan eftir vitnum að
umferðaróhappi sem átti sér stað
sunnudaginn 10. febrúar milli kl. 18
og 18.10 við Fossháls 1, Töltheima.
Ekið var á hvíta Toyota Corolla
Touring XA-999 og stungið af frá
tjóninu.
Þá var ekið á Ford Sierra, bláa að
lit, með númerinu R-5597 miðviku-
daginn 6. feb. Hún stóð á stöðureit á
Skothúsvegi við Laufásveg. Tjón-
valdur, sem ók hvítri jeppabifreið,
stakk af frá vettvangi. Jeppabifreiðin
gæti verið af tegundinni Range Rov-
er. Sá er tjóninu olli er beðinn að hafa
sambandi við lögregluna í Reykjavík
svo og vitni ef einhver eru.
Þá varð harður árekstur tveggja
bifreiða laugardaginn 9. feb. kl. 21.07,
á gatnamótum Bústaðavegar og
Litluhlíðar. Þar rákust saman rauð
fólksbifreið af tegundinni Hyundai,
sem ekið var vestur Bústaðaveg eftir
vinstri akrein og grá fólksbifreið af
tegundinni Nissan Micra, sem ekið
var suður Litluhlíð. Ágreiningur er
um stöðu umferðarljósanna á gatna-
mótunum. Vitni eru beðin að hafa
samband við lögregluna í Reykjavík.
Námskeið um menn-
ingarheim Araba
JÓHANNA Kristjónsdóttur heldur
námskeiðið „Menningarheimur
Araba“ í fyrsta skipti á vegum Mím-
is-Tómstundaskólans nú á vorönn.
Námskeiðið hefst fimmtudaginn 14.
febrúar og stendur yfir í 4 vikur.
„Fjallað verður um íslam og upp-
haf þess, sögu Múhammeðs, tilurð
Kóransins og bænagjörðir múslima.
Saga svæðisins frá lokum heims-
styrjaldarinnar fyrri 1918 verður
rakin og þær breytingar sem urðu á
landamærum viðkomandi ríkja,
sem hafa haft mikil áhrif á sam-
félögin sem eiga í hlut. Vikið verð-
ur að fornri menningararfleifð
landa Arabaheimsins, rætt um
faraóatímann í Egyptalandi og
Grikkja- og Rómverjaskeiðið vítt
og breitt um Arabalöndin. Einnig
verður fjallað um stjórnarfarið nú,
orsakir þess og viðhorf Araba til
Vesturlanda.
Staða fjölskyldunnar og þar með
talin staða kvenna er gjarnan til
umræðu í hinum vestræna heimi.
Jóhanna mun fjalla um þessi mál og
önnur tengd eins og merkingu
þeirra búninga sem arabískar kon-
ur klæðast, m.a. slæðunotkunin og
andlitsblæjan. Jóhanna hefur miklu
að miðla, þar sem hún hefur verið
búsett í flestum Arabalöndunum
um lengri eða skemmri tíma og
þekkir því betur til en flestir Íslend-
ingar,“ segir í fréttatilkynningu.
LEIÐRÉTT
MISSAGT var í frétt blaðsins í gær
af umræðum á Alþingi um einkavæð-
ingu Landsímans að Steingrímur
Sigfússon hafi spurt Davíð Oddsson
út í ummæli er hann hafi látið falla í
Kastljóssþætti sjónvarpsins. Um-
mælin féllu í fréttaviðtali við frétta-
stofu útvarps að loknu Kastljósi sem
var útvarpað á mánudagsmorgun og
í hádegisfréttum þann sama dag.
Wall Street Journal
Í frétt á forsíðu Morgunblaðsins í
gær þar sem greint var frá viðtali við
Vladímír Pútín Rússlandsforseta
sagði að það hefði birst í dagblaðinu
The World Street Journal. Hið rétta
er að dagblað þetta nefnist The Wall
Street Journal. Beðist er velvirðing-
ar á þessari misritun.
SAMFYLKINGIN mun setja sjávar-
útvegsmálin á oddinn í aðdraganda
alþingiskosninganna 2003 og berjast
fyrir sjávarútvegsstefnu Samfylking-
arinnar sem sett hefur verið fram.
Þar liggi tækifærið til að ná fram
breytingum í jafnræðisátt á núver-
andi sjávarútvegsstefnu stjórnvalda.
Þetta kom m.a. fram í máli Jóhanns
Ársælssonar alþingismanns en hann
hafði framsögu á fundi um sjávarút-
vegsmál í Duggunni í Þorlákshöfn á
fimmtudagskvöld. Alþingismennirnir
Margrét Frímannsdóttir, Lúðvík
Bergvinsson og Sigríður Jóhanns-
dóttir tóku undir að þetta væri ásetn-
ingur Samfylkingarinnar.
Fundurinn hafði yfirskriftina
„Réttlæti í sjávarútvegi“ og snerist
um þá stefnu sem Samfylkingin hefur
sett fram og byggist á því að veiði-
heimildir verði innkallaðar í jöfnum
áföngum á tíu ára tímabili. Útgerðum
fiskiskipa verði þess í stað gefinn
kostur á aflahlutdeild til fimm ára í
senn á markaði þar sem öllum útgerð-
um sambærilegra fiskiskipa er feng-
inn jafn réttur og nýliðun þar með
auðvelduð. Greiðslur fyrir veiðiheim-
ildir dreifast á það ár sem þær eru
nýttar. Allar aflahlutdeildir verða
samkvæmt þessu komnar á markað
eftir tíu ár.
Eina leiðin til að ná jöfnuði
Jóhann Ársælsson sagði að jafn-
ræði lýsti best stefnu Samfylkingar-
innar en jafnræði hefði ekki verið í
sjávarútvegi síðan kvótinn var settur
á. Rétturinn til að halda áfram að
stunda sjó hefði vikið fyrir einkaeign-
arrétti á kvótanum. „Við sjáum afleið-
ingarnar í því að fyrirtæki stækka og
gleypa þau minni og möguleiki til að
stofna til nýrra fyrirtækja í sjávar-
útvegi er vonlaus. Fyrningarleiðin er
eina leiðin til að ná jöfnuði,“ sagði Jó-
hann.
Hann sagði mögulegt að koma á
breytingu án þess að kollvarpa þeim
fyrirtækjum sem fyrir væru í grein-
inni. Í stað eignheimildarkerfis komi
leiguheimildarkerfi til fimm ára í
senn en eftir það þurfi menn að ná aft-
ur í heimildir til næstu ára. Jóhann
sagði þessa leið ekki flókna en það
væru um hana deildar meiningar sem
eðlilegt væri. Það sem hins vegar
væri að gerast sagði Jóhann vera það
að stjórnvöld væru að festa í sessi nú-
verandi kerfi með því að gera sem
flesta háða því með ýmsum hætti.
Hann nefndi sem dæmi að nú væru
smábátar komnir með kvóta sem ekki
var áður og þeir sem hefðu kvóta
vildu halda í kvótakerfið.
„Afstaða manna ræðst út frá eigin
stöðu sem er eðlilegt en okkar tillögur
eru skynsamlegar til lengri tíma og
takist okkur ekki að kollvarpa þessu
kerfi verður þetta að fullu eignar-
haldi,“ sagði Jóhann og leiguliðakerfi
kæmist alfarið á. Það yrðu til fyrir-
tæki sem ættu kvótann og leigðu
hann frá sér.
Verið að kaupa menn til fylgis
Jóhann vék að samkomulagi LÍÚ
og sjómannasamtakanna og sagði að
það væri verið að kaupa menn til
fylgis við kvótakerfið með því sam-
komulagi. „LÍÚ er komið í vörn og vill
gera sjómenn háða kerfinu,“ sagði Jó-
hann og fullyrti að með þessu væri
verið að loka kerfinu enn frekar.
Hann sagði LÍÚ leika blekkingarleik
með því að segja að auðlindaskattur
væri landsbyggðarskattur. Það rétta
væri að byggðarlögin væru í núver-
andi kerfi að borga kvótaeigendum
háar fjárhæðir fyrir auðlindina og
nefndi Þorlákshöfn sem dæmi en
þangað hefðu verið leigðar heimildir,
1100 tonn fyrir 120–130 milljónir.
Snæfellsbær hefði til dæmis leigt til
sín 10 þúsund tonn fyrir 500–600
milljónir. Hann sagði að aðgangur að
auðlindinni væri seldur og menn
þyrftu alltaf að kaupa sér aðgang að
henni en kerfið yrði að vera þannig að
menn kepptu á jafnræðisgrundvelli
um tilvist í greininni.
„Samfylkingin vill kalla þetta inn
og setja á markað þar sem menn
keppa um heimildirnar. Þetta þarf að
vera þannig að allir viti hvernig heim-
ildirnar koma inn á markaðinn og full-
víst er að verðið verður ekki það sama
og er núna. Það verður til sem ein-
hvers konar markaðsniðurstaða. Þeir
sem geta borgað hæsta verð fá til sín
veiðiheimildirnar, hinir falla út og það
er eðlilegt. Það er hins vegar ekki
eðlilegt að menn bæti sér ef til vill upp
lélegan rekstur með því að leigja frá
sér heimildir,“ sagði Jóhann.
Benedikt Thorarensen, einn fund-
argesta, sagði Þorlákshöfn hafa misst
mikið af kvóta, nú væri talað um
hundruð tonna í Þorlákshöfn í stað
þúsunda áður. Hann benti á að Meit-
ilskvótinn hefði farið á einni nóttu
þrátt fyrir yfirlýsingar eigenda og
sama hefði gerst með Stokkseyrar-
kvótann. „Í þessu vandræðafyrir-
komulagi núna eru allir að hugsa um
sjálfa sig og lenda í alls konar deilum
og þetta nýtir LÍÚ sér. Það sem gildir
er að markaðurinn fái að ráða,“ sagði
Benedikt.
Hannes Sigurðsson útgerðarmað-
ur sagði að opna þyrfti greinina svo
ungir menn sæju tækifæri í henni.
Hann sagðist treysta einkaframtak-
inu til að keppa á markaði við stóru
aðilana um aflaheimildir.
Böðvar Gíslason vakti máls á því að
rætt væri um að greiða útgerðar-
mönnum fyrir aflaheimildir en spurði
hvernig ætti að bæta íbúum sjávar-
þorpanna skaðann þegar þeir misstu
fótanna með minnkandi vinnu þegar
kvótinn væri farinn. Verð á fasteign-
um í Þorlákshöfn hefði ekki haldið í
við verð á Selfossi og í Hveragerði.
Fólk væri bundið átthagafjötrum og
margir væru á þeim aldri að geta ekki
keppt á vinnumarkaðnum.
Taka þarf kvótakerfið til bæna
Þingmenn tóku undir orð Böðvars.
Lúðvík Bergvinsson sagði að sjávar-
byggðirnar hefðu orðið til vegna
tækifæra til sjávarins en miðunum
hefði verið lokað með tilkomu kvóta-
kerfisins. „Það fólk sem fer hefur
kraft til að leita að nýjum tækifær-
um,“ sagði Lúðvík, „og það er slæmt
fyrir byggðirnar að missa þetta fólk
frá sér.“ Hann sagði það sína skoðun
að samfélagið væri skaðabótaskylt
gagnvart fólkinu og þessi þróun væri
ástæða fyrir því að Samfylkingin
legði fram nýjar hugmyndir í sjávar-
útvegsmálum um jöfn tækifæri og
möguleika á því að nýir aðilar kæm-
ust að til að nýta tækifærin. Hann
sagði að ef samkomulag LÍÚ og sjó-
mannasamtakanna yrði að veruleika
yrði nýliðun skorinn enn þrengri
stakkur.
Margrét Frímannsdóttir sagði að
taka yrði mark á þessari þróun sem
Böðvar nefndi. Hún væri afleiðing
kvótakerfisins í sjávarútvegi og
reyndar líka í landbúnaðinum. Tillög-
ur Samfylkingarinnar væru innlegg
til breytinga.
Sigríður Jóhannsdóttir kvaðst hafa
verið stuðningsmaður kvótakerfisins
á sínum tíma og talið að um fisk-
verndarsjónarmið væri að ræða en
hún sagðist hafa beðið þjóðina afsök-
unar á því, ekki síst eftir að hún horfði
á kvóta fara frá byggðarlögum eins
og Sandgerði þrátt fyrir góð orð aðila.
Hún kvaðst hafa meiri trú á sóknar-
kerfi sem stjórnkerfi og innan þessa
uppboðskerfis sem Samfylkingin
legði til rúmaðist sóknarkerfið því
auðvelt væri að bjóða upp sóknardag-
ana. Hún sagði erfiðara að berjast
gegn kvótakerfinu núna þegar LÍÚ
og sjómannasamtökin hefðu samein-
ast um það og erfitt væri að fást við
flokksagann í Sjálfstæðisflokknum.
„Okkar tillaga er ekki gallalaus en
hana má ræða og bæta,“ sagði Sigríð-
ur.
Í lok fundarins hnykktu alþingis-
menn á þeirri skoðun sinni að eina
leiðin til þess að ná fram breytingum
væri að gera sjávarútvegsmálin að
kosningamáli í næstu alþingiskosn-
ingum.
Samfylkingin með fund í Þorlákshöfn um sjávarútvegsmál
Tillögurnar miða að því að
ná jafnræði í sjávarútvegi
Selfossi. Morgunblaðið.
Morgunblaðið/Sig. Jóns
Frá fundi Samfylkingarinnar um réttlæti í sjávarútvegi í Duggunni í Þorlákshöfn.
Tíu í prófkjör
Samfylking-
arinnar í
Kópavogi
PRÓFKJÖR Samfylkingarinnar í
Kópavogi fer fram laugardaginn 23.
febrúar nk. Í prófkjörinu verða vald-
ir fulltrúar í 4 efstu sæti listans við
bæjarstjórnarkosningarnar í vor.
Tíu einstaklingar hafa gefið kost á
sér í prófkjörinu en þeir eru: Árný
Jóna Stefánsdóttir nemi, Birna
Bjarnadóttir verkefnastjóri, Flosi
Eiríksson húsasmiður, Hafsteinn
Karlsson skólastjóri, Kolbrún Sig-
urðardóttir þjónustufulltrúi, Kristín
Pétursdóttir kennari, Loftur Þór
Pétursson bólstrari, Sigrún Jóns-
dóttir stjórnmálafræðingur, Tryggvi
Felixson hagfræðingur, Valgeir
Skagfjörð leikari .
Félagar í Samfylkingunni í Kópa-
vogi og þeir sem skrifa undir stuðn-
ingsyfirlýsingu við framboðið eiga
rétt á að taka þátt í prófkjörinu.
Kjörstaður verður í Digranesskóla.
Kynningarfundur með frambjóðend-
um verður mánudaginn 18. febrúar
kl. 20.00 í safnaðarheimili Digranes-
kirkju, segir í fréttatilkynningu.
Ráðinn til Sam-
fylkingarinnar
SIGURÐUR Hólm Gunnarsson hef-
ur verið ráðinn framkvæmdastjóri
Ungra jafnaðarmanna og vefstjóri
Samfylkingarinnar. Sigðurður hefur
aðsetur á skrifstofu Samfylkingar-
innar og hefur hafið störf. Hann rit-
stýrði m.a. vefnum skodun.is, segir í
fréttatilkynningu frá Samfylking-
unni.