Morgunblaðið - 15.02.2002, Síða 1
38. TBL. 90. ÁRG. FÖSTUDAGUR 15. FEBRÚAR 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 15. FEBRÚAR 2002
Vladímír Pútín, forseti Rússlands,
sagði í gær að Bandaríkjastjórn
hefði ekki ástæðu til að grípa til
hernaðaraðgerða gegn Írak. Hann
viðurkenndi þó að ríkjum heims væri
vandi á höndum vegna þess að Írak-
ar neituðu enn að heimila eftirlits-
mönnum Sameinuðu þjóðanna að
rannsaka hvort þeir væru að reyna
að framleiða gereyðingarvopn.
George W. Bush Bandaríkjafor-
seti kvaðst í fyrradag vera að íhuga
ýmsar leiðir til að koma Saddam
Hussein Íraksforseta frá völdum og
útilokaði ekki að gripið yrði til hern-
aðaraðgerða. „Saddam Hussein
verður að skilja að mér er full alvara
með því að verja land okkar,“ sagði
Bush.
Bandaríkjamenn sagðir
undirbúa aðgerðir
The New York Times sagði að ein-
ing væri innan Bandaríkjastjórnar
um að koma þyrfti Saddam Hussein
frá völdum og verið væri að semja
áætlanir um hvernig það yrði gert.
Hins vegar hefði ekki náðst sam-
komulag um hvenær stjórnin ætti að
láta til skarar skríða.
Breska dagblaðið Guardian hafði í
gær eftir bandarískum embættis-
mönnum og stjórnarerindrekum í
London að bandaríska varnarmála-
ráðuneytið og leyniþjónustan CIA
hefðu þegar hafið undirbúning hern-
aðaraðgerða í Írak síðar á árinu.
Gert væri ráð fyrir því að allt að
200.000 hermenn tækju þátt í að-
gerðunum og að meginhluti herliðs-
ins réðist inn í Írak frá Kúveit.
„Ég er ekki hissa á því að áform
séu um að taka á ógninni sem stafar
af Írak,“ sagði Geoff Hoon, varnar-
málaráðherra Bretlands. Hann
bætti við að bandaríska stjórnin
þyrfti að hafa samráð við banda-
menn sína áður en hún hæfi hern-
aðaraðgerðir gegn Írökum eins og
hún hefði gert fyrir hernaðinn í Afg-
anistan.
Leggja kapp á að
hindra árásir á Írak
Arabaríki óttast að hernaður í Írak
magni spennuna í Miðausturlöndum
Washington, Moskvu. AP, AFP.
AMR Moussa, framkvæmdastjóri Arababandalagsins, sagði í gær að araba-
ríki gerðu nú allt sem þau gætu til að koma í veg fyrir að stjórn Bandaríkj-
anna hæfi hernaðaraðgerðir gegn Írak. Framkvæmdastjórinn sagði að árásir
á Írak myndu valda mikilli reiði meðal almennings í arabaríkjunum. „Stjórn-
arerindrekar okkar eru mjög virkir í þessu sambandi og við vonum að okkur
takist að afstýra aðgerðum sem myndu auka spennuna í Miðausturlöndum.“
ÞÚSUNDIR manna urðu að flýja
heimili sín í gær vegna flóða í
mörgum hverfa Jakarta, höf-
uðborgar Indónesíu. Látlaust úr-
helli hefur verið í borginni í þrjá
daga.
Yfirvöld í Indónesíu sögðu að
ekki væri vitað um manntjón af
völdum flóðanna.
Að minnsta kosti 67 manns létu
lífið og meira en 330.000 misstu
heimili sín í miklum flóðum í borg-
inni fyrr í mánuðinum.
Þúsundir
manna
flýja flóð
Reuters
ÞJÓÐERNISSINNAÐIR hindúar
komu saman í indversku borg-
unum Bombay, Nýju-Delhí og
Kalkútta í gær til að mótmæla
Valentínusardeginum sem er
helgaður elskendum. Þeir
kveiktu í Valentínusarkortum og
kröfðust þess að Valentínus-
ardagurinn yrði bannaður á Ind-
landi þar sem hann spillti hefð-
bundnum gildum hindúa.
Reuters
Valentínusar-
degi mótmælt
á Indlandi
GEORGE Robertson, framkvæmda-
stjóri Atlantshafsbandalagsins,
sagði í gær að ekkert væri hæft í
ásökun Slobodans Milosevic, fyrr-
verandi forseta Júgóslavíu, um að
NATO hefði brotið alþjóðalög með
sprengjuárásum á saklausa borgara
í Serbíu árið 1999.
„Hann hefur rétt til að verja sig en
lygar um NATO verða honum ekki
til framdráttar,“ sagði Robertson.
„NATO virti alltaf alþjóðalög og
hafði að markmiði að bjarga manns-
lífum, ekki að valda manntjóni.“
Hyggst stefna Chirac sem vitni
Milosevic kvaðst í gær ætla að
kalla Jacques Chirac, forseta Frakk-
lands, til sem vitni í réttarhöldunum
yfir sér fyrir stríðsglæpadómstóln-
um í Haag.
Hann sagði að Chirac hefði stað-
fest að Frakkar hefðu beitt neitunar-
valdi gegn áformum yfirmanna
NATO um að varpa sprengjum á
brýr í Belgrad í Kosovo-stríðinu.
Hann kvaðst ætla að spyrja Chirac
hvers vegna hann hefði ekki líka
beitt neitunarvaldi gegn því að ýmis
önnur skotmörk yrðu sprengd.
NATO
neitar
ásökun
Milosevic
Haag. AFP.
„Hafsjór lyga“/21
GEORGE W. Bush Bandaríkja-
forseti boðaði í gærkvöldi ýmsa
skattaafslætti til að hvetja fyr-
irtæki og einstaklinga til að
draga úr losun lofttegunda sem
eru taldar valda gróðurhúsa-
áhrifunum. Er þetta svar forset-
ans við Kyoto-bókuninni við
loftslagssáttmála Sameinuðu
þjóðanna, en Bush hafnaði henni
þar sem hann telur hana geta
kostað milljónir Bandaríkja-
manna atvinnuna.
Embættismenn Bush segja að
markmið hans sé að fá fleiri fyr-
irtæki til að taka þátt í opinberri
skráningu á losun gróðurhúsa-
lofttegunda og þau geti síðan
skipst á mengunarkvótum. Að-
eins 220 fyrirtæki, aðallega raf-
magnsveitur, taka nú þátt í þess-
ari skráningu. Stefnt er að því að
minnka losun gróðurhúsaloftteg-
unda úr 183 tonnum á hverja
milljón dollara af vergri þjóð-
arframleiðslu í 151 tonn árið
2012, eða um 18%. Miðað við
þennan mælikvarða minnkaði
losunin um 1,6% á ári síðustu tíu
árin.
„Þetta markmið er sambæri-
legt við meðaltalsárangurinn sem
þau ríki, sem undirrituðu Kyoto-
bókunina, eiga að ná,“ sagði í yf-
irlýsingu frá Hvíta húsinu.
Umhverfisverndarsinnar
hafna áætluninni
Bush stefnir ennfremur að því
að draga úr losun orkuvera á
verstu mengunarvöldunum, nit-
uroxíði, brennisteinsdíoxíði og
kvikasilfri – en ekki koltvísýr-
ingi – um 70%. Bush sagði að
bandarísk stjórnvöld myndu
meta árangurinn árið 2012 og þá
kæmi til greina að koma á
strangara mengunarvarnakerfi.
Embættismenn Bush segja hann
vilja að önnur ríki, sem undirrit-
uðu ekki Kyoto-bókunina, svo
sem Kína og Indland, íhugi áætl-
un hans sem nýjan kost.
Samtök bandarískra umhverf-
isverndarsinna höfnuðu áætlun
Bush og lýstu henni sem þjónk-
un við bandarísk stórfyrirtæki.
Með því að tengja losun gróð-
urhúsalofttegunda við ákveðið
hlutfall af vergri þjóðarfram-
leiðslu myndi mengunin minnka
lítils háttar „en aðeins þegar
hagvöxturinn er mikill“.
Bush kynnir áætlun
um mengunarvarnir
Washington. AP, AFP.
ÞRÍR Ísraelar biðu bana og tveir
aðrir særðust í gærkvöldi þegar
sprengja sprakk undir skriðdreka á
Gaza-svæðinu, að sögn heimildar-
manna í Ísraelsher.
Heimildarmennirnir sögðu að Pal-
estínumenn hefðu hafið skothríð á
bíla ísraelskra borgara, sem nutu
verndar hermanna, og sprengt
sprengju. Herinn hefði sent skrið-
dreka á staðinn og önnur öflug
sprengja hefði sprungið undir hon-
um. Þeir sögðu ekkert um hvort þeir
sem létu lífið hefðu verið hermenn
eða óbreyttir borgarar.
Sprengingin varð við gatnamót
suðvestan við Gaza-borg. Ísraelsher
sendi skriðdreka og jarðýtur inn á
sjálfstjórnarsvæði Palestínumanna
sunnan við Gaza-borg eftir sprengju-
árásina. Ísraelska ríkisútvarpið
sagði að íslamska hreyfingin Hamas
og vopnaður hópur, sem tengist
Fatah-hreyfingu Yassers Arafats,
hefðu lýst árásinni á hendur sér.
Þrír Ísrael-
ar féllu
Jerúsalem. AP.