Morgunblaðið - 22.02.2002, Blaðsíða 16
NÝJUM samræmdum örygg-
isreglum og öryggishandbók
hefur verið dreift inn á alla
leikskóla í Mosfellsbæ. Regl-
urnar taka á því hvernig haga
skuli daglegu starfi leikskól-
anna með tilliti til öryggis
barnanna sem þar dvelja.
Þetta er í fyrsta sinn sem
slíkar samræmdar reglur eru
gerðar í bæjarfélagi á Íslandi.
Að sögn Gunnhildar Sæ-
mundsdóttur, leikskólafull-
trúa Mosfellsbæjar, var að-
dragandinn að því að ákveðið
var að ráðast í gerð regln-
anna úttekt á öryggismálum
stofnana bæjarins þar sem
börn dvelja en úttektin var
gerð árið 2000 að áeggjan
Sambands íslenskra sveitar-
félaga. Úttektin leiddi til þess
að settir voru fjármunir í að
Morgunblaðið/Ásdís
Krakkarnir á leikskólanum Hlíð og allir aðrir leikskólakrakkar í Mosfellsbæ njóta nú þess
að búið er að semja öryggisreglur fyrir leikskóla bæjarins.
bæta það sem betur mátti
fara. „Í kjölfarið ákvað skóla-
skrifstofa að ganga enn
lengra og gera þessar sam-
eiginlegu öryggisreglur og
eins má segja að ábending
hafi komið frá foreldrum um
að þetta vantaði,“ segir Gunn-
hildur.
Að sögn Gunnhildar varða
öryggisreglurnar atriði á
borð við gönguferðir barn-
anna, útileiksvæði, geymslu á
skaðlegum efnum, kröfur til
starfsfólks og forráðamanna
og margt fleira sem lýtur að
daglegu starfi leikskólanna.
Þá fylgja þeim gátlistar sem
starfsfólk á að fara yfir dag-
lega en þeir taka til húsnæðis,
tækja og umhverfis. Hand-
bókin inniheldur svo fjölda
upplýsinga sem komið geta
að gagni við að bæta öryggi
leikskólabarna.
Gunnhildur segir önnur
bæjarfélög þegar farin að
horfa til þessa verkefnis.
„Þetta hefur spurst út og það
heyrist að fólk hafi áhuga á að
gera eitthvað svipað.“
Bókinni og reglunum hefur
verið dreift inn á alla leik-
skóla og til foreldrafélaga í
Mosfellsbæ. Þá stendur til að
dreifa handbókinni til aðila
sem veittu aðstoð við gerð
hennar en þar má nefna um-
boðsmann barna, Almanna-
varnir ríkisins, Slökkvilið höf-
uðborgarsvæðisins og fleiri
stofnanir.
Örygg-
isreglur
á alla
leik-
skóla
Mosfellsbær
HÖFUÐBORGARSVÆÐIÐ
16 FÖSTUDAGUR 22. FEBRÚAR 2002 MORGUNBLAÐIÐ
HUNDARÆKTARFÉLAG
Íslands, HRFÍ, hefur dreift
tölvupósti til fjölmargra ein-
staklinga, með upphafsorðun-
um „kæri dýravinur“, þar
sem þeir eru beðnir að senda
áskorun til Dýraverndarráðs
um að það endurskoði starfs-
leyfi sem hundaræktarbú
innan lögsagnarumdæmis
Reykjavíkur fékk nýlega.
Hjá Dýraverndarráði fengust
þær upplýsingar að á annað
hundrað áskoranir hefðu bor-
ist og ráðið myndi fjalla um
málið á fundi sínum í næstu
viku.
Lögreglustjórinn í Reykja-
vík gaf nýlega út starfsleyfið
sem heimilar búinu að halda
allt að 120 hunda. Leyfið var
byggt á umsögn héraðsdýra-
læknis, heilbrigðisnefndar
Reykjavíkur og Dýravernd-
arráðs. Búið hafði starfað frá
árinu 1996 og án leyfis þar til
nýlega.
Í tölvubréfi HRFÍ er því
m.a. haldið fram að hunda-
ræktarbúið sé með 12–17
hundategundir í búrum í úti-
húsi. Fimm starfsmenn eigi
að sinna 20–25 hundum og
hvolpum á dag. Síðan segir:
„Þeir sem eiga fleiri en einn
hund, vita að þetta er ómögu-
legt, jafnvel þótt 50 klukku-
stundir væru í sólarhringn-
um. Til samanburðar má geta
þess að í einangrunarstöð
gæludýra í Hrísey eru tvær
manneskjur sem annast 14
hunda og fjóra ketti auk þess
sem dýralæknir vitjar stöðv-
arinnar reglubundið.“
Í bréfinu er jafnframt
skorað á yfirvöld að sjá til
þess að sett verði reglugerð
um starfsemi hundaræktar-
búa þar sem leitað verði eftir
þekkingu hjá sérfræðingum.
Leyfið gefið út
með skilyrðum
María Harðardóttir, ritari
Dýraverndarráðs, sagði við
Morgunblaðið að ráðið hefði
byggt sína umsögn á áliti
héraðsdýralæknis. Leyfið
hefði verið gefið út með því
skilyrði að farið yrði að lög-
um um dýravernd og reglu-
gerð um dýrahald í atvinnu-
skyni.
„Í framhaldi af þessum
bréfaskriftum mun ráðið taka
málið upp og athuga hvort
ástæða sé til að endurskoða
leyfið. Ef starfað er eftir öll-
um settum skilyrðum þá er í
rauninni ekkert hægt að
gera,“ sagði María en benti á
að í íslenskri löggjöf væru
ekki staðlar um það hve
margir starfsmenn ættu að
vera um hvern hund á rækt-
unarbúum. Í Svíþjóð væri t.d.
í gildi reglugerð um að einn
aðili mætti ekki sjá um fleiri
en fimm hunda.
Dýraverndarráð og hér-
aðsdýralæknir hafa áður
fengið athugasemdir vegna
umrædds hundaræktarbús
og starfsemin verið tekin út.
Að sögn Maríu hefur verið
bætt verulega úr aðbúnaði
hundanna á síðustu árum og
eftir skoðun sá héraðsdýra-
læknir ekki ástæðu til að
hafna umsókn aðstandenda
búsins um starfsleyfi. María
sagði að á búinu hefði byggst
upp tíu ára reynsla í ræktun
hunda og tveir starfsmenn
hefðu kynnt sér starfsemi
hundaræktarbús í Bandaríkj-
unum.
Hundaræktarfélag Íslands sendir frá sér dreifibréf í tölvupósti til fjölmargra „dýravina“
Skorað á yfirvöld að
endurskoða starfsleyfi
hundaræktarbús
Reykjavík
ÞAÐ getur verið freist-
andi að taka sér smá-
útúrdúr á leiðinni heim
úr skólanum þegar
snjórinn þekur jörðina
og spegilslétt svell
blasa við hér og þar.
Þá er eins gott að
prakkarar eins og
þessir, sem voru að
leik við Lækinn í Hafn-
arfirði á dögunum, séu
vel búnir, ekki síst til
fótanna enda ísinn ekki
alltaf alveg eins traust-
ur og halda mætti. Er
þó vissara fyrir æv-
intýragjarna krakka að
fara ekki í könn-
unarleiðangra út á ís
þessa dagana, nema
þar sem vitað er að
grunnt er, eins og
raunin er í þessu til-
felli. Morgunblaðið/Sverrir
Sullað
við snjó
og ís
Hafnarfjörður
BÆJARSTJÓRN Garða-
bæjar samþykkti á fundi sín-
um í gær að kynna tillögu að
breytingu á aðalskipulagi við
Arnarnesvog á svæði þar sem
nýtt strandhverfi er fyrirhug-
að, en gangi allt upp er gert
ráð fyrir að framkvæmdir hefj-
ist síðsumars.
Laufey Jóhannsdóttir, for-
seti bæjarstjórnar og formað-
ur skipulagsnefndar Garða-
bæjar, segir að um gríðarlega
mikla breytingu sé að ræða á
aðalskipulaginu. Áður hafi ver-
ið gert ráð fyrir blandaðri
byggð á svæðinu og þó einkum
þjónustustarfsemi en með
framlagðri tillögu sé lagt til að
höfninni verði lokað og í stað
hnignandi iðnaðarhverfis verði
komið upp glæsilegri íbúðar-
byggð með verslun, þjónustu
og stofnunum. Áhersla verður
lögð á þéttingu byggðar í sam-
ræmi við fyrirliggjandi tillögu
að svæðisskipulagi höfuðborg-
arsvæðisins. Gert er ráð fyrir
að flest núverandi mannvirki
verði fjarlægð og bætt við um
2,5 hektara landfyllingu í
framhaldi af þeirri sem fyrir
er.
Deiliskipulagstillagan gerir
ráð fyrir að í hverfinu verði
íbúðarbyggð með 560 almenn-
um íbúðum og 200 íbúðum fyr-
ir eldri borgara. Flestar bygg-
ingarnar verða tveggja og
þriggja hæða íbúðarhús og er
hæð þeirra ákveðin þannig að
þau trufli sem minnst útsýni
frá núverandi íbúðarhverfum.
Vestast við voginn er nátt-
úruleg fjara sem verður áfram
óhreyfð. Í beinu framhaldi af
henni til austurs er gert ráð
fyrir svæði fyrir leikskóla,
sparkvöll og sjóbaðsströnd.
Aðstöðu til fuglaskoðunar
verður komið fyrir, strand-
lengjan verður öll opin al-
menningi og gangstígur tengir
hana og hverfið við miðbæ
Garðabæjar.
Laufey Jóhannsdóttir segir
að hverfið í þessari tillögu sé
miklu minna en gert hafi verið
ráð fyrir í tillögu ákveðinna
framkvæmdamanna. Mikið til-
lit hafi verið tekið til þeirra at-
hugasemda sem hafi komið
fram í umræðunni um náttúru-
vernd og með þessu verði m.a.
lokað fyrir mengun í höfninni.
Tillögurnar verða kynntar á
bæjarskrifstofunum kl. 16.30
til 18.30 nk. mánudag.
Kynna skipulag
Arnarnesvogs
Garðabær
RKÍ um 55 milljónir króna ár-
lega vegna sjálfra bifreiðanna.
Samkvæmt samningnum
sér SHS um sjúkraflutninga á
höfuðborgarsvæðinu. Sjúkra-
flutningar eru skilgreindir eft-
ir tegund sjúkraflutninga og
flokkkaðir eftir forgangi. Ef
um alvarlegt slys eða bráða-
tilfelli er að ræða er strax
kölluð út sjúkrabifreið ásamt
sérstakri bifreið með lækni í
forgangsakstri. Innifalið í
NÝR samningur milli heil-
brigðis- og tryggingamála-
ráðuneytis og borgarstjóra
um sjúkraflutninga á höfuð-
borgarsvæðinu var undirritað-
ur í gær af Jóni Kristjánssyni
heilbrigðisráðherra og Ingi-
björgu Sólrúnu Gísladóttur
borgarstjóra. Samningurinn
felur í sér að ríkið greiðir
Slökkviliði höfuðborgarsvæð-
isins 255 milljónir króna ár-
lega til ársins 2005, eða rúman
milljarð króna næstu fjögur
árin.
Upphæðin mun standa
straum af kostnaði við launa-
greiðslur starfsmanna, vinnu-
fatnað og endurmenntun
þeirra auk annars kostnaðar
við launagreiðslur sem fellur
til vegna sjúkraflutninganna.
Rauði kross Íslands á allar
sjúkrabifreiðir á landinu sam-
kvæmt sérstökum þjónustu-
samningi við heilbrigðisráðu-
neytið og greiðir ráðuneytið
sjúkraflutningum er flutning-
ur til flugvalla og þyrlupalla á
þjónustusvæðinu og frá þeim,
auk sjúkraflutninga út fyrir
þjónustusvæðið þegar beiðni
berst um slíkan flutning.
Þjónustusvæðið er höfuð-
borgarsvæðið og er hér átt við
Reykjavík, Kópavog, Garða-
bæ, Hafnarfjörð, Seltjarnar-
nes, Bessastaðahrepp, Mos-
fellsbæ, Kjalarnes, Kjósar-
sýslu og Bláfjallasvæðið.
Rúmur milljarður
til sjúkraflutninga
Morgunblaðið/Júlíus
Frá undirritun samningsins. Frá vinstri: Jón Viðar Matth-
íasson, aðstoðarslökkviliðsstjóri SHS, Jón Kristjánsson
heilbrigðisráðherra, Ingibjörg Sólrún Gísladóttir borgar-
stjóri og Hrólfur Jónsson slökkviliðsstjóri.
Höfuðborgarsvæðið