Morgunblaðið - 22.02.2002, Blaðsíða 50

BÍLAR
50 FÖSTUDAGUR 22. FEBRÚAR 2002 MORGUNBLAÐIÐ
ÞETTA er hrein og tær snilldhjá þeim í Arctic Trucks.Það er eitt og hálft ár síðanég keyrði síðast bíl og ég
hafði ekki hugmynd um að það stæði
til að leyfa okkur að keyra,“ segir
Einar Lee, einn af ellefu félögum í
Blindrafélaginu sem tóku þátt í ferð á
Langjökul á breyttum jeppum frá
Arctic Trucks. Sumir félaganna
höfðu aldrei áður á ævinni ekið bíl en
allir fengu tækifæri til að prófa grip-
ina uppi á hájöklinum og höfðu mikið
gaman af.
Hugmyndina fékk Loftur Ágústs-
son, framkvæmdastjóri Arctic
Trucks, fyrir nokkrum misserum og
lét svo verða af þessu síðastliðinn
miðvikudag. Hugmyndin ein og sér
er sérstæð; að veita blindum og sjón-
skertum tækifæri til að aka alvöru
jeppa án þess að nokkrum væri
hætta búin af því – og því sem næst á
jafnréttisgrundvelli því skyggnið
uppi á jökli var takmarkað og enda-
laus snæhvítan setti sjáandi í svipaða
stöðu og sjónskerta og blinda.
Ekki farnar troðnar slóðir
í markaðskynningu
En að sjálfsögðu var það ekki góð-
mennskan ein sem réð ferðinni hjá
þeim ágætu mönnum í Arctic Trucks,
þótt vissulega sé það sú hlið sem snýr
að þakklátum félögunum í Blindra-
félaginu. Ferðin var auðvitað um leið
liður í markaðskynningu og Arctic
Trucks og móðurfyrirtækið, P. Sam-
úelsson, hafa ekki farið troðnar slóðir
í þeim efnum. Skemmst er að minn-
ast risastórrar auglýsingar af nýjum
Toyota Corolla sem límdar voru á
millilandavélar Flugleiða og vökti
mikla athygli. En víst er að framtakið
féll í góðan jarðveg hjá félögum í
Blindrafélaginu sem nutu dagsins út í
æsar.
Lagt var af stað frá Blindrafélag-
inu í Hamrahlíð árla morguns og ekki
staðnæmst fyrr en í Kaldadal, þar
sem byrjað var að hleypa lofti úr hjól-
börðum. Farkostirnir voru Toyota-
gerðar, breyttir af Arctic Trucks, þar
á meðal „Pólverjinn“, sem svo er
nefndur. Það er Land Cruiser breytt-
ur fyrir 44 tommu hjólbarða sem hef-
ur unnið sér það til frægðar að vera
ekið um Suðurskautslandið og þvert
yfir Grænlandsjökul. Undir stýri sat
sá sem ók á Suðurskautslandinu,
Freyr Jónsson þúsundþjalasmiður.
Nokkur barningur var að komast inn
Kaldadal þar sem allt hafði verið á
floti einum sólarhring fyrr. Nú hafði
bætt í snjóinn og fryst lítillega þann-
ig að snjóþekjan var stundum eins og
hlemmur yfir potti. Það kom líka fyr-
ir að jeppar sukku ofan í pyttina en
driflæsingar ásamt kunnáttu í notk-
un þessara tækja leystu jafnan vand-
ann.
Mikil upplifun
Við skálann á Langjökli, sem er
harðlæstur um þetta leyti árs, var áð
áður en haldið var að fyrirfram
ákveðnum punkti á jöklinum sem
kallaður er Söðullinn. Ekið er eftir
GPS-leiðsögukerfi enda engin kenni-
leiti eða útsýni að hafa í hríðarkófinu.
Einar fyrrnefndur, sem starfaði sem
bifvélavirki áður en hann missti sjón-
ina af völdum sykursýki, ók Pólverj-
anum upp slakkann og að Söðli eftir
tilsögn Freys. „Það er upplifun að
hafa ekki keyrt í langan tíma og fá
svo að taka í svona magnaðan bíl. Svo
er enginn hér sem getur sagt neitt
við því. Ég er mikill bílaáhugamaður
og Pólverjinn er hrein snilld. Það eru
líka svo mörg tæki inni í bílnum sem
skipta máli og vinna með honum.
Þarna er ferðatölva með GPS-
tengingu. Ef tölvan segði manni
punktinn, t.d. að maður ætti að
beygja tíu gráður til hægri eða
vinstri, væri hægt að keyra hérna
einn og blindandi.“
Skúli Skúlason, sölustjóri Toyota
og margreyndur jeppamaður, bland-
ar sér í samtalið og bendir Einari á
að hægt sé að beita raddstýringu á
tölvuna. Einar sagði að það væri lík-
lega eitt af fáu sem Freyr kunni ekki.
Haraldur Haraldsson hefur verið
blindur frá fæðingu. Honum þótti
það frábær tilfinning að keyra jeppa
á Langjökli. „Ég hef líka mikinn
áhuga á flugmálum og get þekkt flug-
vélar af hljóðinu. Í flugtaki er mis-
munandi hljóð. Ég hef fengið að
lenda flugvél,“ sagði Haraldur.
Þær stöllur Arnbjörg Vignisdóttir
og Kolbrún Sigurjónsdóttir voru
sömuleiðis glaðar í sinni og kváðust
innilega þakklátar Arctic Trucks fyr-
ir þetta ævintýri.
„Þetta er í fyrsta sinn á ævinni sem
ég hef keyrt bíl. Ég hef ekkert viljað
það því ég veit hvernig sjónin er. Ég
læt mér nægja að stjórna eiginmann-
inum úr hægra sætinu. Þetta var
samt skemmtileg upplifun en það er
verst ef maður fær bakteríuna og fer
að stelast í heimilisbílinn,“ sagði Kol-
brún og hló dátt.
Guðjón Nordal ætlaði ekki að fást
til að hætta að aka hringi í kringum
Söðulinn. Hann hefur áður snert bíla
en aldrei áður á jökli. Hann sá þokka-
lega til næstu bíla og var því betur
settur en margur annar á jöklinum.
Hann fékk augnsjúkdóm en sjónin
hefur heldur lagast upp á síðkastið
enda verið skipt um báða augasteina
og framkvæmd leysigeislaaðgerð að
auki. Hann vinnur núna við pökkun á
framleiðslu Blindrafélagsins á kúst-
um og burstum.
„Við vildum opna sýn þeirra sem
almennt eiga þess ekki kost að fara á
jökul. Við gátum líka ímyndað okkur
að það væri draumur blindra og sjón-
skertra að fá að keyra bíl sem ekki er
hægt við venjulegar kringumstæður í
borginni. Það þurfti ekkert að kenna
fólkinu á bílana. Það setti bara í gír
og ók af stað,“ sagði Björn Víglunds-
son, markaðsstjóri Toyota.
Morgunblaðið/Guðjón Guðmundsson
Lofti hleypt úr dekkjum áður en haldið er á jökulinn. Við dekkið bograr Freyr Jónsson suðurskautsfari.
Einar Lee á fullri ferð undir stýri á Pólverjanum. Haraldur þekkir flugvélar af hljóðinu.
Í hríðarkófi á jöklinum. Svo þurfti að bæta lofti í dekkin þegar komið var niður af jökli.
Blindum
opnuð
sýn
á jökli
Arctic Trucks í Kópa-
vogi bauð
félögum í Blindra-
félaginu að aka
jeppum á Langjökli.
Guðjón Guðmundsson
slóst með í för.
gugu@mbl.is