Morgunblaðið - 28.02.2002, Qupperneq 16

HÖFUÐBORGARSVÆÐIÐ
16 FIMMTUDAGUR 28. FEBRÚAR 2002 MORGUNBLAÐIÐ
UM 800 smáar hendur og því
hvorki meira né minna en um
4.000 litlir fingur voru á lofti í
íþróttamiðstöðinni í Dalhús-
um í Grafarvogi í gær er ljós-
myndari Morgunblaðsins leit
inn. Þar fór fram dagskrá í
tengslum við vetrarhátíð
Reykjavíkurborgar, Ljós í
myrkri. Hátíðin sú hófst ein-
mitt í gær og stendur til 3.
mars nk.
Eigendur smáu handanna
eru elstu börn allra leikskóla í
Grafarvogi og hátíðin sem þau
mættu á í íþróttamiðstöðinni
kallaðist Ljós og hreyfing. Til
að sameina þetta tvennt
gengu börnin frá leikskólun-
um að íþróttamiðstöðinni eða
tóku strætó. Við komuna
þangað fengu þau öll afhent
vasaljós og enginn annar en
íþróttaálfurinn úr Latabæ tók
á móti þeim á sal, með hama-
gangi og bros á vör eins og
honum einum er lagið.
Íþróttaálfurinn tók að sér að
stjórna alls kyns leikjum og
æfingum þar sem vasaljósin
spiluðu stórt hlutverk, enda
salurinn myrkvaður. Líkt og
alltaf þegar íþróttaálfurinn
hittir svona stóran hóp barna
greip hann tækifærið og
brýndi fyrir þeim nauðsyn
þess að borða hollan og góðan
mat og stunda íþróttir og úti-
vist.
Hátíðin Ljós og hreyfing er
í anda hverfisverkefnisins
Gróska í Grafarvogi, sem allir
leikskólarnir eru aðilar að.
En krakkarnir sem tóku
þátt í hátíðahöldunum í
íþróttamiðstöðinni gætu orðið
kvikmyndastjörnur því þrír
kvikmyndatökumenn frá
Latabæ voru með íþróttaálf-
inum í för og var hátíðin tekin
upp á myndband sem verður
notað til kynningar erlendis á
íslenskum aðferðum við að
koma jákvæðum boðskap á
framfæri.
Morgunblaðið/Sverrir
Klappað, stappað, hlegið og brosað út að eyrum.
Lítil ljós í myrkri
Íþróttaálfurinn er alltaf jafnhress og liðugur.
Grafarvogur
„NEMENDUR og kennarar í
Menntaskólanum við Sund og
Vogaskóla hafa ítrekað bent á
að starfsaðstaða í skólunum
sé óviðunandi. Þrengslin eru
mjög mikil,“ segir Júlíus Vífill
Ingvarsson, borgarfulltrúi
sjálfstæðismanna. Af þessu
tilefni lagði hann fram tillögu
um stækkun skólanna á borg-
arráðsfundi í vikunni. „Ég hef
verið að leita leiða sem gætu
nýst skólunum í þessum hún-
sæðisvanda. Ég vildi leita út
fyrir núverandi skólalóð og
skoða málið heildrænt. Ég sé
nú, eftir að hafa rætt málið við
arkitekta, að það gengur vel
upp og mun vera meira en
nægilegt rými til stækkunar,
verði Gnoðarvoginum lokað
frá Skeiðarvogi til austurs og
lagt af hringtorgið sem þar
er,“ sagði Júlíus í samtali við
Morgunblaðið. Hann leggur
síðan til að skipulagssjóður
kaupi upp þær húseignir sem
næst standa Skeiðarvoginum,
þar sem verslanir og fyrir-
tæki eru nú til húsa. „Þá mun
veitast rými við skólann svo
hægt verður að byggja með-
fram Skeiðarvoginum glæsi-
lega og fallega skólabyggingu
sem verður meira en nægi-
lega stór til að sinna þörfum
bæði Vogaskóla og Mennta-
skólans við Sund.“
Nægilegt rými mun skap-
ast fyrir báða skólana
Júlíus fékk Ívar Örn Guð-
mundsson, arkitekt hjá Nex-
us arkitektum, til að gera
drög að útfærslu hugmynda
sinna. „Það er alveg ljóst af
þeim teikningum sem þegar
liggja fyrir að þetta er gerlegt
og vænlegur kostur.“
Júlíus segir að formaður
fræðsluráðs, Sigrún Magnús-
dóttir, hafi bent á þann mögu-
leika að byggja nýtt hús fyrir
Menntaskólann við Sund í
Laugardal. Það hús myndi
rísa á auðu svæði næst
Glæsibæ, svæði sem mjög
hefur verið umdeilt, að sögn
Júlíusar. „Þar ætlaði Lands-
síminn að byggja auk þess
sem kvikmyndahús vildi fá að-
stöðu. Það skrifuðu 33 þúsund
Reykvíkingar undir og mót-
mæltu þessum áformum er
þau voru kynnt. Þessu mót-
mæltu því fleiri Reykvíkingar
en nokkurn tímann fyrr í sögu
borgarinnar.“
Júlíus telur að fjárhagslega
og út frá öðrum hagkvæmn-
isjónarmiðum sé betra að
nýta þær eignir sem fyrir eru
en að færa starfsemi mennta-
skólans um set. „Fari mennta-
skólinn úr því húsnæði sem
hann er í skapast aftur of mik-
ið rými fyrir Vogaskóla.“
Skipulagi gatna breytt
Í tillögu Júlíusar segir að
skipulagi gatna á svæðinu
verði breytt í næsta nágrenni
skólanna í þeim tilgangi að
stækka skólalóðir. „Gnoðar-
vogur frá Skeiðarvogi til aust-
urs verði lokaður og Mennta-
skólinn við Sund fái lóð yfir
götuna en ný og vegleg við-
bygging skólans meðfram
Skeiðarvogi loki Gnoðarvogi.
Hringtorg á Skeiðarvogi legg-
ist af. Þá verði gert ráð fyrir
enn frekari stækkunarmögu-
leika skólahúsnæðisins með
uppkaupum atvinnu- og versl-
unarhúsnæðis sunnan megin
við Gnoðarvog sem næst
stendur Skeiðarvogi.
Útreikningar fagfólks á
ofangreindum lóðarstækkun-
um benda ótvírætt til þess að
með þessum hætti megi leysa
brýnan vanda Vogaskóla og
Menntaskólans við Sund til
framtíðar með nýjum glæsi-
legum skólabyggingum sem
munu njóta sín á þessum mik-
ilvæga og áberandi stað í
borginni.“
Tillögunni var frestað í
borgarráði, en Júlíus hefur
lagt til að henni verði vísað til
skipulags- og byggingar-
nefndar til skoðunar þar sem
gerð verði drög að skipulagi
svæðisins. „Ég tel að þetta
ætti að verða til hagsbóta fyr-
ir þá sem í Gnoðarvogi búa og
varanleg lausn til framtíðar
fyrir bæði Menntaskólann við
Sund og Vogaskóla.“
Tillaga að úrlausn
húsnæðisvanda
MS og Vogaskóla
Teikning/Nexus arkitektar
Núverandi skólahúsnæði er skyggt á teikningunni sem sýnir frumdrög að hugmynd um
stækkun Menntaskólans við Sund og Vogaskóla og breytingar á götum samfara því. Sam-
kvæmt teikningunni munu Vogaskóli og MS nýta sameiginlega íþróttahús en að öðru leyti
yfirtekur Vogaskóli núverandi húsnæði MS og starfsemi menntaskólans færist yfir í nýja
byggingu sem liggja mun samhliða Skeiðarvogi líkt og teikningin sýnir.
Gnoðarvogi verði lokað frá Skeiðarvogi og
borgin kaupi upp verslunarhús
Vogar
NÝR einkarekinn leikskóli,
Korpukot við Fossaleyni í
Grafarholtshverfi, var opn-
aður á föstudaginn.
Í Korpukoti er gert ráð
fyrir 100 heilsdagsrýmum
fyrir börn á aldrinum 6 mán-
aða til 6 ára. Fyrsta skóflu-
stungan var tekin í maí 2001
og hófu fyrstu börnin skóla-
göngu sína í nóvembermán-
uði sama ár. Bygging-
arkostnaður leikskólans, sem
er 860m² að stærð, er um 140
milljónir króna. Leik-
skólastjóri í Korpukoti er
Guðfinna Björk Hallgríms-
dóttir leikskólakennari.
Sömu eigendur og rekstr-
araðilar eru að Korpukoti og
Fossakoti í Grafarvogi sem
var opnað í september 1997.
Leikskólarnir eru í eigu og
undir yfirstjórn hjónanna
Guðríðar Guðmundsdóttur
leikskólastjóra og Þorsteins
Svavars McKinstry fram-
kvæmdastjóra.
Leikskólinn Korpukot
vinnur eftir sömu námskrá
og leikskólinn Fossakot þar
sem fram koma markmið og
leiðir um leikskólastarfið. Í
frétt frá leikskólanum segir
að markmið leikskólans sé að
„skila til þjóðfélagsins nám-
fúsum og lífsglöðum ein-
staklingum með jákvætt við-
horf til samfélagsins.
Einstaklingum með sterka
sjálfsmynd og heilbrigða sið-
ferðiskennd. Einstaklingum
með virðingu fyrir sjálfum
sér, samfélaginu og nátt-
úrunni“.
Samtals nýta u.þ.b. 200
nemendur sér þau 172 heils-
dagsrými sem leikskólarnir
hafa. Í starfinu hefur verið
bryddað upp á ýmsum nýj-
ungum s.s.
skógrækt, vettvangs-
fræðslu nemenda, tölvunámi,
tónlistaruppeldi, auk heim-
speki og sérstaks undirbún-
ings sex ára nemenda fyrir
grunnskólann. Einnig hefur
verið sett af stað virkt sí-
menntunarstarf og heilsuefl-
ing starfsmanna svo og for-
eldrafræðsla að breskri
fyrirmynd.
Nýr einkarekinn leikskóli
með 100 heilsdagsrýmum
Morgunblaðið/Árni Sæberg
Það var margt um manninn í Korpukoti síðastliðinn laug-
ardag en þá var leikskólinn vígður við hátíðlega athöfn.
Grafarholt
SAUTJÁN tilboð bárust í
stálsmíði vegna göngubrúa yf-
ir Miklubraut á móts við
Kringlu annars vegar og Hafn-
arfjarðarveg við Hraunsholt
hins vegar. Lægsta tilboðið
var frá Eldafli ehf. í Reykja-
nesbæ og nam það rúmlega
36,5 milljónum króna, sem eru
68,9% af kostnaðaráætlun. Af
tilboðsupphæðinni er hluti
Miklubrautarbrúar tæpar 19,9
milljónir.
Fjórtán tilboð bárust vegna
jarðvinnu og stígagerðar sem
tengist brúarsmíðinni. Vega-
gerðin og Reykjavíkurborg,
sem eru verkkaupar, hafa lagt
til að næstlægsta tilboði, frá
Heimi og Þorgeiri ehf., verði
tekið, þar sem fjárhagsstaða
verktakans sem bauð lægst
gefi ekki tilefni til að unnt sé að
taka tilboði hans. Tilboð Heim-
is og Þorgeirs ehf. nam rúm-
lega 33,9 milljónum króna, sem
eru 96,7% af kostnaðaráætlun.
Verktakakostnaður í heild við
Miklubrautarbrúna er því
rúmlega 53,8 milljónir og alls
er gert ráð fyrir að hluti
Reykjavíkurborgar sé um
40%, en áætlaður heildar-
kostnaður við verkið allt er
rúmlega 80 milljónir og hluti
borgarinnar því um 38,5 millj-
ónir króna.
Fjöldi tilboða barst í
vinnu við göngubrýr
Kringlan/Garðabær