Morgunblaðið - 28.02.2002, Síða 23

ERLENT
MORGUNBLAÐIÐ FIMMTUDAGUR 28. FEBRÚAR 2002 23
Dreifmenntun
fyrir alla
- alls staðar
Ráðstefna um upplýsingatækni í skólastarfi
Menntaskólanum við Hamrahlíð 1. og 2. mars.
Ráðstefnan hefst kl.13.00 á föstudaginn.
Skráning: www.menntagatt. is/ut2002 eða í s íma 511 2660
135 fjölbreyttir fyrirlestrar í boði fyrir öll skólastig:
• Dreifmenntun
• Netlistir
• Netsamfélög
• Netháskólar
• Tungutækni
• Fjarvinnsla
Aðalfyrirlesarar ráðstefnunnar eru: Prof. Wim Veen, frá hollensku
upplýsingatæknimiðstöðinni, Prof. Angela McFarlane við Kennaraháskólann
í Bristol og Øystein Johannessen deildarstjóri í norska menntamálaráðuneytinu.
N
O
N
N
I O
G
M
A
N
N
I
Y
D
D
A
/
SÍ
A
Unga fólkið á móti
Það sem kemur eldra fólki, eins og
Kaspar Villiger, fjármálaráðherra
og núverandi forseta landsins (sviss-
nesku ráðherrarnir sjö skiptast á
um að vera forseti í eitt ár í senn), og
öðrum sem greiddu „Nei“ fyrir 16
árum en ætla nú að kjósa „Já“, helst
á óvart er hversu margt ungt fólk
virðist vera á móti aðild. Unga fólkið
er í hópi þeirra sem sjá enga ástæðu
til að breyta samstarfinu við alþjóða-
stofnunina, það sé ágætt eins og það
er. Helstu baráttumenn gegn aðild
eru sammála því en benda þar að
auki á að Svisslendingar gefi upp
hluta af sjálfstæði sínu með því að
láta Öryggisráðið, þar sem stórþjóð-
irnar hafa neitunarvald, taka
ákvarðanir fyrir sig. Og þeir segja
hlutleysi Svisslendinga ekki lengur
hafa sama gildi og áður ef þeir eru í
Sameinuðu þjóðunum eins og allir
aðrir. Þeir telja það geta komið þjóð-
inni og jafnvel öðrum vel ef Sviss
hefur áfram sérstöðu í samstarfi
þjóðanna.
189 þjóðir eru aðilar að Samein-
uðu þjóðunum. Taívan er utangátta
út af Kína. Sviss og Vatikanið eru
einu ríki heims sem eiga aðeins
áheyrnarfulltrúa á allsherjarþinginu
í New York. Fulltrúarnir mega
hvorki greiða atkvæði né taka þátt í
umræðum. Það skiptir svissneskan
almenning út af fyrir sig litlu máli en
stjórnmála- og embættismenn finna
fyrir því og þykir miður. Þeim er því
sérstaklega umhugað um að þjóðin
gangi í Sameinuðu þjóðirnar.
Blocher enn á ferðinni
Yfir 100.000 manns skrifuðu fyrir
tveimur árum undir tillögu óflokks-
bundinna samtaka um nýja þjóðar-
atkvæðagreiðslu um umsókn Sviss
um aðild að Sameinuðu þjóðunum.
Svissneska þingið samþykkti tillög-
una í báðum deildum með samtals
184 atkvæðum gegn 42. Ríkisstjórn-
in styður tillöguna og ráðherrar hafa
tekið virkan þátt í kosningabarátt-
unni og þrætt við Christoph Bloch-
er, háværasta andstæðing aðildar
Sviss að Sameinuðu þjóðunum, á
kosningafundum undanfarnar vikur.
Blocher var einnig helsti andstæð-
ingur aðildar Sviss að Evrópska
efnahagssvæðinu á sínum tíma og er
harður andstæðingur aðildar þjóð-
arinnar að Evrópusambandinu.
Breytt heimsmynd
Sviss tekur nú þegar fullan þátt í
starfi flestra sérstofnana Sameinuðu
þjóðanna. Það renna um 500 millj-
ónir franka (30 milljarðar ísl. kr.) til
þeirra á ári. Full aðild mun kosta um
70 til 75 milljónir franka (4 til 4,5
milljarða ísl.kr.) til viðbótar. Fæstir
velta viðbótarkostnaðinum fyrir sér.
Afstaða fólks hefur fyrst og fremst
breyst frá því fyrir 16 árum af því að
staðan í heimsmálunum hefur
breyst. Kalda stríðinu er lokið. Al-
þjóðastofnunin virðist einnig vera
betur rekin en áður. Og sumir óttast
að það geti komið Genf illa í sam-
keppni við aðra staði um fundi og
ráðstefnur á vegum Sameinuðu
þjóðanna ef svissneska þjóðin held-
ur áfram sérvisku sinni og gerist
ekki aðili.
Þjóðarat-
kvæði í
Sviss um
aðild að SÞ
Zürich. Morgunblaðið.
AP
Svissnesk stúlka gengur að höfuðstöðvum SÞ í Genf. Svisslendingar
munu greiða um það atkvæði á sunnudag hvort þeir ganga formlega í
samtökin eða verða bara með áheyrnarfulltrúa eins og hingað til.
SVISSLENDINGAR halda þjóðaratkvæðagreiðslu um aðild að
Sameinuðu þjóðunum í annað sinn á sunnudaginn kemur. 76% þátt-
takenda í atkvæðagreiðslunni 1986 voru á móti aðild. Skoðanakann-
anir benda til að meirihluti þjóðarinnar sé nú orðinn hlynntur aðild
að alþjóðastofnuninni. Gallinn fyrir stuðningsmenn aðildar er sá að
það nægir ekki að tillagan sé samþykkt með meirihluta atkvæða
heldur verður hún einnig að vera samþykkt í meirihluta kantónanna
26. Þéttbýliskantónurnar munu samþykkja aðild en ekki er eins víst
um niðurstöður í dreifbýlis- og fjallakantónum þar sem fólk er
íhaldssamara.
Sérblað alla
sunnudag