Morgunblaðið - 07.03.2002, Blaðsíða 14

HÖFUÐBORGARSVÆÐIÐ
14 FIMMTUDAGUR 7. MARS 2002 MORGUNBLAÐIÐ
Nýja Moisture Surge Extra eða Light frá
Clinique fyrir andlit og Moisture Surge Eye
Gel fyrir augu gefur húðinni heilbrigðara og
frísklegra útlit.
Rakastig húðarinnar hækkar óðfluga.
Rakatap af völdum sólar og umhverfis-
áhrifa er bætt.
Húðin fær allan þann raka sem hún
þarfnast.
Moisture Surge sefar, sléttar, mýkir og deyfir
fíngerðar þurrklínur.
Eins og vænn sopi af vatni fyrir þann
sem þyrstir.
Nýjar vörur sem slökkva þorstann
Moisture Surge Extra 30 ml. kr. 2.725
Moisture Surge Extra 50 ml. kr. 3.840
Moisture surge Light 30 ml. kr. 2.725
Moisture surge Light 50 ml. kr. 3.840
Moisture Surge Eye Gel 15 ml. kr. 3.100
Clinique 100% ilmefnalaust.
www.clinique.com
Hjálp til handa þyrstri húð
100% ilmefnalaust
Kringlunni, snyrtivörudeild, sími 568 9300.
Vikuna 7.-14. mars verða ráðgjafar Clinique í Hagkaup Kringlunni frá 12-18 og veita þér fría
húðgreiningu og ráðgjöf um förðun.
FRAMKVÆMDIR við end-
urnýjun neðri hluta Skóla-
vörðustígs og hluta Banka-
strætis hefjast í næstu viku.
Gert er ráð fyrir að fram-
kvæmdir standi til septem-
berloka og er áætlaður heild-
arkostnaður vegna þeirra á
bilinu 190–200 milljónir
króna.
Breytingarnar hannaði
Kjartan Mogensen fyrir
gatnamálastjóra. Að sögn Jó-
hannesar Kjarval, hverfis-
stjóra hjá skipulags- og
byggingasviði Reykjavíkur-
borgar, felast þær í því að
endurnýja yfirborð Skóla-
vörðustígsins frá Týsgötu/
Klapparstíg og niður Banka-
stræti að Ingólfsstræti. „Það
er fyrst og síðast þrengt að
aksturssvæðum til að auka
gangstéttir og það er aðal-
breytingin í þessu. Þá eru
tekin út bílastæðin norðan
megin á neðsta hluta Skóla-
vörðustígs milli Bergstaða-
strætis og Laugavegar og
gangstéttin víkkuð út. Eins
er komið fyrir götugöngum,
trjám og öðru slíku.“
Breytingar við
Hegningarhúsið
Jóhannes segir nokkrar
breytingar fyrirhugaðar við
Hegningarhúsið í þessu sam-
bandi. „Veggurinn beggja
vegna við Hegningarhúsið
verður rifinn að Skólavörðu-
stíg en bakgarðurinn sem er
umtalsvert stór verður áfram
við lýði. Þannig skapast
þarna heilmikið torg við
Skólavörðustíginn hjá Hegn-
ingarhúsinu og við munum
sjá allt húsið sem miklu meiri
heild en verið hefur nánast
frá því að húsið var byggt.“
Hann segir að búast megi
við talsverðri röskun á um-
ferð á meðan á framkvæmd-
unum stendur. „Það er þarna
eins og í Austurstrætinu og
annars staðar sem þetta hef-
ur verið gert að þetta er
veruleg áþján fyrir þá sem
búa og reka fyrirtæki á svæð-
inu. Hins vegar er mjög stór
þáttur í verkinu einmitt að
gera mönnum kleift að reka
starfsemi sína nánast óáreitt-
ir. Þannig að akandi umferð
truflast á tímabilum en það
verður reynt að greiða fyrir
gangandi umferð.“
Byrjað í
Bankastrætinu
Sigurður I. Skarphéðins-
son gatnamálastjóri segir að
stefnt sé að því að hefja
framkvæmdir í næstu viku.
„Við byrjum í Bankastrætinu
rétt ofan við Ingólfsstræti og
fikrum okkur þaðan upp að
þeim hluta Laugavegar sem
var endurnýjaður fyrir nokk-
uð mörgum árum. Síðan er
farið upp Skólavörðustíginn
að Klapparstíg/Týsgötu.“
Hann segir að lokað verði
fyrir akandi umferð á við-
komandi kafla meðan á fram-
kvæmdum stendur. Hann
segir þetta þó heldur minni
framkvæmd en um var að
ræða í Austurstræti, Póst-
hússtræti og á Ingólfstorgi í
fyrra. „Við eigum aðeins eftir
að gera okkur grein fyrir um-
fanginu en þetta er nokkrum
milljónatugum ódýrari fram-
kvæmd en sú í fyrra.“
Borgarráð samþykkti á
fundi sínum á þriðjudag að
taka tilboði Háfells ehf. í
framkvæmdirnar en það
hljóðaði upp á tæpar 98 millj-
ónir króna. Sigurður segir
það þó ekki segja alla söguna
um kostnað vegna endurnýj-
unarinnar því að þá sé
óreiknaður kostnaður við
hönnun og eftirlit auk tals-
verðs efniskostnaðar. Er að
hans sögn reiknað með að
heildarkostnaðurinn verði á
bilinu 190–200 milljónir
króna.
Áætlað er að framkvæmd-
um verði lokið í september-
lok.
Hönnun/Kjartan Mogensen
Hér sést hluti Skólavörðustígs við Bergstaðastræti þar
sem Hegningarhúsið er en það mun fá nýjan svip eftir að
veggur, beggja vegna við það, verður rifinn.
Skólavörðu-
stígur end-
urnýjaður
Miðborg
UM 300 íbúar við Eiðisgranda og
Ánanaust og í næsta nágrenni skrif-
uðu undir mótmæli vegna tillögu um
40 hektara landfyllingu við Eiðis-
granda sem gert er ráð fyrir í tillögu
að nýju aðalskipulagi Reykjavíkur
2001–2024. Frestur til að skila at-
hugasemdum vegna skipulagstillög-
unnar rann út í gær.
„Undirskriftunum var safnað á
tveimur dögum og á takmörkuðu
svæði,“ segir Þorbjörg Jónsdóttir,
íbúi á svæðinu, sem tók þátt í að safna
undirskriftunum. „Við erum því mjög
ánægð með þessi skjótu viðbrögð íbú-
anna sem sýna eindreginn vilja
þeirra.“
Í greinargerð sem fylgir skipulags-
tillögunni og samkvæmt upplýsingum
frá aðalskipulagsdeild skipulags- og
byggingarsviðs Reykjavíkur er gert
ráð fyrir 900 íbúðum á landfyllingunni
auk atvinnusvæðis og ef af verði hefj-
ist framkvæmdir í fyrsta lagi 2012.
Þéttleiki þessa nýja hverfis yrði tals-
verður en byggðin þó lágreist.
Íbúarnir 300 skrifuðu undir eftir-
farandi mótmæli: „Við undirrituð
fögnum því hversu vel borgaryfirvöld
hafa staðið að uppbyggingu strand-
lengjunnar við Eiðisgranda á undan-
förnum árum. Þar er nú ósnortin
fjara og vinsæl útivistarparadís fyrir
íbúa á Grandanum og hvaðanæva úr
Reykjavík.
Við mótmælum þess vegna harð-
lega áformum um landfyllingu við
Grandann, þar sem m.a. er fyrirhug-
að að reisa 900 íbúðir á einungis 40
hekturum. Við viljum vernda þær ör-
fáu náttúruperlur sem enn finnast í
borgarlandinu og sjáum enga knýj-
andi þörf fyrir að þróa byggðina á haf
út. Þá bendum við á að umferðaræðar
frá hverfinu til miðborgarinnar og út
úr borginni, anna engan veginn þeirri
umferð sem fyrir er, hvað þá aukinni
umferð. Það gæti orðið afdrifaríkt, ef
rýma þyrfti þennan borgarhluta af
öryggisástæðum.“
Samkvæmt tillögunni er um að
ræða heilt skólahverfi og segir m.a. í
greinargerðinni að á landfyllingunni
megi gera ráð fyrir framhaldsskóla
og hjúkrunarheimili ef af verður.
Samkvæmt upplýsingum frá aðal-
skipulagsdeild verða áform um land-
fyllingu eins og þau eru sett fram í til-
lögunni endurskoðuð með tilliti til
athugasemda sem berast.
Morgunblaðið/Sverrir
Undirskriftarlistinn var afhentur í gær. Við honum tóku fyrir hönd
skipulags- og byggingarsviðs Ingibjörg R. Guðlaugsdóttir, deildarstjóri
aðalskipulagsdeildar, Salvör Jónsdóttir sviðstjóri og Helga Bragadótt-
ir, deildarstjóri deiliskipulagsdeildar, úr hendi Þorbjargar Jónsdóttur
og Guðmundar E. Finnssonar, fulltrúa íbúa.
Tillögum um land-
fyllingu mótmælt
Eiðisgrandi
BÆJARRÁÐ Hafnarfjarðar
hefur heimilað stækkun leik-
skólanna Hvamms og Smára-
lundar en samkvæmt sam-
þykkt ráðsins verður
fullnaðarhönnun á stækkun
leikskólanna sett af stað og
útboð heimilað.
Að sögn Heiðrúnar Sverr-
isdóttur leikskólafulltrúa er
fyrst og fremst um stækkun á
starfsmannaaðstöðu að ræða í
báðum skólunum. „Það er
verið að breyta og bæta
starfsmannaaðstöðu í báðum
skólunum en það er samt svo-
lítið ólíkt á milli skólanna.
Þannig erum við að byggja sal
í Smáralundi en á Hvammi
þarf að bæta eldhúsaðstöð-
una,“ segir hún og bætir við
að einnig sé verið að huga að
bættum brunavörnum í skól-
unum. Að hennar sögn ekki er
áætlað að börnum fjölgi á
leikskólunum við stækkunina
nema þá að óverulegu leyti.
Heiðrún segir að leikskól-
unum verði lokað í júlí og á
framkvæmdum að vera lokið
þegar þeir verða opnaðir aft-
ur.
Aðstaða bætt í
tveimur leikskólum
Hafnarfjörður
ÁTTA arkitektar eða teikni-
stofur hafa sótt gögn vegna
hugmyndasamkeppni um
miðbæ Garðabæjar, fyrir ut-
an þá fjóra aðila sem sérstak-
lega voru valdir til að taka
þátt í keppninni samkvæmt
upplýsingum frá Garðabæ.
Tillögum á að skila í síðasta
lagi 25. mars.
Í keppnislýsingunni segir
að óskað sé eftir hugmyndum
að heildaruppbyggingu svæð-
isins. Felur það í sér fyrir-
komulag og stærð bygginga,
torgmyndanir, stígakerfi,
bílastæði og annað sem máli
skiptir til að mynda heild-
stæðan og aðlaðandi miðbæj-
arkjarna.
Tólf skoða
miðbæjar-
samkeppni
Garðabær