Morgunblaðið - 07.03.2002, Blaðsíða 24
BÍLAR
24 FIMMTUDAGUR 7. MARS 2002 MORGUNBLAÐIÐ
Menntaskólinn í Kópavogi – Hótel- og matvælaskólinn – Ferðamálaskólinn – v/Digranesveg
VERIÐ
VELKOMIN!Opið hús
laugardaginn 9. mars milli kl. 13.00 og 17.00
MEÐAL nýrra bíla á alþjóðlegubílasýningunni í Genf, sem stend-ur til 17. mars, eru Audi RS6,gjörbreyttur Opel Vectra, Suzuki
Liana stallbakur, Citroën C8, Mazda 626,
Mercedes Benz sportbíllinn CLK og Volvo
CX90 svo nokkrir séu nefndir. Þá getur að líta
nokkra hugmyndabíla, meðal annars frá Daih-
atsu, Mazda, Toyota, Renault, Nissan og
fleiri. Virðist sem hugmyndabílar séu í æ rík-
ara mæli raunverulegir kostir sem brúk-
unarbílar, undanfarar líflegra bíla fyrir þá
sem kjósa bíl sem fellur að einhverjum
ákveðnum lífsstíl.
Alls eru kringum 100 nýjungar kynntar í
Genf, þ.e. ýmist frumsýningar, bílar sem ekki
hafa verið sýndir áður í Evrópu og nokkrir
sem ekki hafa áður verið sýndir í Sviss. Er
það eins og áður merki um að flestir bíla-
framleiðendur líta á þessa sýningu sem hlut-
lausa og hentuga til að kynna nýjungar. Síð-
ustu ár hafa gestir verið yfir 700 þúsund og af
þeim 44% frá nærri 100 öðrum löndum en
Sviss, blaðamenn um fjögur þúsund frá 80
löndum og geta má þess að rúmur fjórðungur
sýningargesta eru konur.
Nokkuð einkennandi fyrir sýninguna að
þessu sinni er fjöldi fjölnotabíla, þ.e. sport-
legra ferðabíla sem duga í margs konar brúk-
un. Bílar með dísilvélum eru nokkuð áberandi
og hvers konar rafeindastjórnun við vélar,
drifbúnað, hemla og öryggistæki fer sífellt
vaxandi. Þá er ótalin fjölbreytnin í öðrum
orkugjöfum en bensíni eða olíu og með sam-
einingu og samvinnu framleiðenda verður sí-
fellt meira um að bílar með ýmsum nöfnum og
breytilegu útliti séu byggðir á sama ramma.
Framleiðendur með stærstu básana eru til
dæmis Daimler-Chrysler, Renault, Opel,
Volkswagen, Peugeot og Toyota og á síðast-
nefnda básnum fer mikið fyrir hinum nýja
Toyota Corolla. Bogi Pálsson og Emil Gríms-
son, tveir af aðalforráðamönnum Toyota voru
þar á sveimi og bentu þeir m.a. á þá áherslu
sem Toyota leggur um þessar mundir á leitina
að öðrum orkugjöfum. Segja þeir umhverfis-
og öryggisþættina ofarlega á blaði í öllu rann-
sóknarstarfi Toyota. Fyrirtækið hefur lagt
mikið í grunnrannsóknir á þessu sviði. Þar eru
efnarafalar ofarlega á blaði en ólíklegt þykir
þó að þeir verði almennir í einkabílum fyrr en
eftir allmörg ár. Þangað til horfa Toyota-
menn á tvinnbíla, þ.e. bíla sem nota bæði
bensín og annan orkugjafa meðfram.
Á blaðamannafundi hjá GM kom fram að
síðasta ár hefði verið fyrirtækinu erfitt og að
þetta ár yrði líka snúið. Rich Wagner, for-
stjóri GM, sagði fyrirtækið þó standa mjög
styrkum fótum. Á næstu fimm árum myndi
nýjungum verða dembt á markað undir
merkjum Opel, Vauxhall og Saab. Yrði á
næstu árum þannig mesta hrina nýjunga í
sögu fyrirtækisins.
Porsche kynnti á blaðamannafundi
Cayenne, öflugan aldrifssportjeppa með hrað-
aksturseiginleikum. Bíllinn var þó aðeins sýnd
veiði en ekki gefin því hann verður ekki
kynntur almennilega fyrr en í haust. Bíllinn er
búinn 340 hestafla vél og annarri með for-
þjöppu sem er 450 hestöfl og er sá bíll aðeins
5,6 sekúndur að ná 100 km hraða úr kyrr-
stöðu. Wendelin Wiederking, forstjóri
Porsche, sagði fyrirtækið standa sterkt, salan
hefði aukist um 1,2% á fyrri helmingi fjár-
hagsársins frá ágúst til janúar á þessu ári,
tekjur um 12% og pantanir um 29%. Hann
segir fyrirtækið ætla sér mikið með Cayenne,
mikil samkeppni væri milli bíla af þeirri gerð,
en Porsche hefði sterk spil á hendi.
Dýrir og ódýrir bílar
Fleiri fulltrúa íslensku bílaumboðanna
mátti sjá á sýningunni. Þannig minntu fulltrú-
ar Heklu, sem hefur umboð fyrir Volkswagen-
fyrirtækið, á Phaeton-lúxusvagninn en Sverrir
Sigfússon telur afar ólíklegt að hann eigi eftir
að vera fluttur inn þar sem markaður fyrir bíl
á yfir 10 milljónir sé afar takmarkaður. Meiri
áhugi gæti verið fyrir Skoda Superb og Audi
kynnti RS6 sem er álitlegur vagn. Subaru
kynnti nýjan Forrester og segir Júlíus Vífill
Ingvarsson, framkvæmdastjóri Bílheima, það
vera gjörbreyttan bíl yst sem innst. Hans er
von til Íslands í byrjun næsta vetrar. Á bás
Suzuki var nýr Alto sýndur en af þeim smábíl
hafa selst milljónir og þar var einnig í boði
stallbaksútgáfan af Liana. Framleiðendur
merkja, sem þekktust eru hérlendis, bjóða því
sem fyrr ódýra bíla og dýra og allt þar á milli.
Í lokin má geta þess að í Sviss jókst bílasala
örlítið frá 2000 til 2001 eða úr 315 þúsund bíl-
um í 317 þúsund. Aukning varð í sölu bíla frá
Frakklandi, Þýskalandi, Svíþjóð og Kóreu um
2–4% en bílar frá Bretlandi, Bandaríkjunum,
Ítalíu og Japan voru nokkuð á undanhaldi, um
7–18%.
Alþjóðlega bílasýningin í Genf í Sviss stendur nú sem hæst og er fjölbreytt að vanda
Opel sýndi hugmyndabílinn M í fyrsta sinn í Genf. Þetta er fjögurra manna smábíll með
miklu innanrými og segir Opel bílinn breyta hugmyndum manna um fjölnotabíla.
ReutersNý Mazda 6 SW er með 120 til 166 hestafla vélum.
Um 100 nýjung-
ar og hugmyndir
að nýjum bílum
Um 100 nýjar gerðir bíla og endurnýjaðar útgáfur get-
ur að líta á alþjóðlegu bílasýningunni í Genf sem nú er
hafin og stendur til annars sunnudags. Jóhannes Tóm-
asson fór þar um bása og nam ýmsan fróðleik. Kann-
anir hafa sýnt að fjórðungur sýningargesta er konur.
Skoda Tudor er hugmyndabíll sem á að sýna sköpunarkraft hönnuða hins tékkneska bíla-
framleiðanda. Þetta er stór lúxusbíll en áður hefur Skoda kynnt Superb-lúxusbílinn.
joto@mbl.is