Morgunblaðið - 09.03.2002, Blaðsíða 24
ERLENT
24 LAUGARDAGUR 9. MARS 2002 MORGUNBLAÐIÐ
NOKKRIR þungavigtarmenn í rík-
isstjórn Verkamannaflokksins í
Bretlandi hafa hótað því að segja af
sér embætti lýsi Tony Blair forsætis-
ráðherra stuðningi við hugsanlegar
hernaðaraðgerðir Bandaríkjamanna
gegn Írak. Frá þessu var sagt í The
Financial Times í gær.
George W. Bush Bandaríkjafor-
seti ræddi fyrr á árinu um Írak sem
eitt af þremur ríkjum er mynduðu
„öxul hins illa“ í heimi hér. Hefur
Blair ekki gert athugasemdir við
þetta orðaval forsetans. Óttast
margir að Bush hyggist nú efna til
hernaðarárása á Írak í því skyni að
bola Saddam Hussein forseta frá
völdum.
Hugsanlegar hernaðaraðgerðir
gegn Írökum njóta hins vegar ekki
stuðnings allra í Bretlandi. Er leitt
að því líkum að Clare Short, ráð-
herra þróunarmála, og Robin Cook,
fyrrverandi utanríkisráðherra og
núverandi leiðtogi þingmanna
Verkamannaflokksins, séu meðal
þeirra sem mótfallnir eru aðild Bret-
lands að hugsanlegum aðgerðum
Bandaríkjamanna. Ljóst er jafn-
framt að meðal óbreyttra þing-
manna eru margir sem ekki myndu
styðja slíkar aðgerðir.
Skoruðu 62 þingmenn Verka-
mannaflokksins á Blair á fimmtudag
að taka ekki þátt í aðgerðum Banda-
ríkjamanna heldur reyna áfram að
koma því til leiðar að vopnaeftirlits-
menn Sameinuðu þjóðanna fái að
fara til starfa í Írak.
Sögðu bresk dagblöð í gær að mál-
efni Íraks hefðu verið ofarlega á
baugi á fundi ríkisstjórnarinnar á
fimmtudag og komu nokkrir meðlim-
ir stjórnarinnar þar andmælum sín-
um á framfæri.
Hugsanlegar hernaðaraðgerðir í Írak
Blair mætir and-
stöðu í eigin flokki
London. AFP.TUGÞÚSUNDIR manna fylgdust
með er barnabókahöfundurinn
Astrid Lindgren var kvödd í gær
en kista hennar var flutt á hest-
vagni um götur Stokkhólmsborgar.
Var hún flutt frá Kirkju Adolfs
Friðriks þar sem Olaf heitinn
Palme hvílir til Storkyrkan í gamla
borgarhlutanum. Á eftir líkvagn-
inum var leiddur hvítur hestur að
gömlum, sænskum sið. Konungs-
fjölskyldan, ráðherrar og aðrir
frammámenn í sænsku þjóðlífi
voru meðal 1.500 gesta við kveðju-
athöfnina en Lindgren verður jarð-
sett síðar við hlið foreldra sinna í
fæðingarbænum, Vimmerby.
Reuters
Astrid
Lindgren
kvödd
Stokkhólmi. AP.
BANDARÍSKU fyrirsætunni Önnu
Nicole Smith hafa verið dæmdar
rúmlega 88 milljónir dollara – tæp-
ir níu milljarðar króna – með dómi
sem byggður var á þeirri forsendu,
að Playboy-fyrirsætan fyrrverandi
hefði haft réttmæta ástæðu til að
ætla að hún fengi í sinn hlut part af
dánarbúi eiginmanns síns án af-
skipta stjúpsonar síns.
Smith, sem er 33 ára, hefur um
langa hríð staðið í stappi fyrir dóm-
stólum í Kaliforníu og Texas vegna
eigna fyrrverandi eiginmanns síns,
olíuauðjöfursins Howards
Marshalls, sem lést í ágúst 1994, ní-
ræður að aldri. Þau höfðu þá verið
gift í fjórtán mánuði. Rétt nafn
Smith er Vickie Lynn Marshall.
Hún kynntist Marshall 1991 þegar
hún var nektardansari, þremur ár-
um síðar gengu þau í hjónaband,
þegar hún var 26 ára og hann 89.
Í úrskurði undirréttardómara
segir, að sonur Howards Marshalls,
E. Pierce Marshall, hafi ásamt öðr-
um haldið uppi njósnum um hjónin,
og hafi Pierce stjórnað aðgengi föð-
ur síns að peningum til þess að
koma í veg fyrir að Anna Nicole
fengi þá fjármuni sem henni hafði
verið lofað. „Vísbendingar um
ásetning, illvilja og sviksemi eru yf-
irþyrmandi,“ sagði í úrskurðinum,
sem var birtur á fimmtudaginn.
„Þetta er fullkominn sigur fyrir
skjólstæðing minn, og ég held að
þetta sé líka sigur fyrir ást eig-
inmanns á konu sinni,“ sagði lög-
fræðingur Önnu Nicole, Philip
Boesch.
Anna Nicole Smith
Anna Nicole Smith
fær níu milljarða
Santa Ana í Kaliforníu. AP.
AP
ENN syrtir í álinn í japönskum
efnahagsmálum en samdráttur
varð á síðasta ársfjórðungi síðasta
árs um 1,2%. Samdráttur hafði
einnig orðið tvö tímabilin þar á
undan og telst þetta níu mánaða
samdráttarskeið það versta í
skráðri sögu japansks hagkerfis,
sem er það næststærsta í heim-
inum á eftir því bandaríska.
„Við verðum að viðurkenna að
efnahagsaðstæður eru engan veg-
inn nógu góðar,“ sagði Yasuo Fu-
kuda ráðuneytisstjóri við frétta-
menn.
Verg þjóðarframleiðsla hafði
dregist saman í Japan um 0,5% á
tímabilinu júlí-september og 1,2%
ársfjórðunginn þar á undan og
þegar samdráttartölur fyrir tíma-
bilið september–desember 2001
bætast við þykir ljóst að erfitt
verður fyrir ríkisstjórn Junichiros
Koizumi að ná markmiðum sínum
um að samdráttur á tímabilinu
apríl 2001 – mars 2002 verði í
heildina einungis 1%.
Enn syrtir
í álinn í Japan
Sam-
dráttur
um 1,2%
Tókýó. AFP.
VÍSINDAMENN hafa skýrt
frá því að leg hafi verið grætt
í 26 ára konu á sjúkrahúsi í
Sádi-Arabíu og mun þetta
vera fyrsta legígræðslan í
heiminum. Hefur þetta vakið
vonir um að konur, sem geta
ekki alið börn vegna skaddaðs
móðurlífs, geti orðið mæður
þegar fram líða stundir. Sér-
fræðingar vara þó við of mik-
illi bjartsýni og segja að þróa
þurfi þessa tækni frekar.
Konan gekkst undir
ígræðsluna sex árum eftir að
leg hennar var fjarlægt vegna
lífshættulegrar blæðingar.
Nýja legið kom úr 46 ára
konu.
Leg grætt
í konu
SLOBODAN Milosevic, fyrrver-
andi forseti Júgóslavíu, hélt því í
gær fram fyrir rétti í Haag að að-
gerðir Serba í Kosovo 1998–1999
hefðu einungis beinst gegn alb-
önskum hryðjuverkamönnum sem
notið hefðu liðsinnis al-Qaeda sam-
taka Osama bin Ladens. Lagði
hann fram skjöl frá bandarísku al-
ríkislögreglunni, FBI, sem hann
sagði sýna og sanna að al-Qaeda
hefði stutt við bak múslimskra
skæruliða í Bosníu, Tsjetsjníu og
Kosovo.
Áður hafði Milosevic lent saman
við eitt vitnanna fyrir alþjóða
stríðsglæpadómstólnum og mátti
hann þola ofanígjöf frá Richard
May yfirdómara fyrir vikið. Brást
Milosevic hinn versti við ákúrum
dómarans.
Milosevic gagnspurði í gær Kos-
ovo-Albanann Sabit Kadriu, sem er
kennari og hefur auk þess unnið að
mannréttindamálum í Kosovo. Ka-
driu hafði á fimmtudag rakið voða-
verk Serba í Kosovo á árunum
1998–1999 en Milosevic einbeitti
sér að því í gær að reyna að fá
Kadriu til að viðurkenna að Serbar
hefðu mátt þola mörg voðaverkin
af höndum Albana. „Hefur þú vitn-
eskju um það hversu margir íbúar
Kosovo þurftu að yfirgefa héraðið
af því að þeir máttu sæta ofsóknum
Albana?,“ spurði Milosevic vitnið.
„Veistu það eða veistu það ekki?“
Kadriu, sem eins og önnur alb-
önsk vitni sneri sér allan tímann
frá Milosevic til að þurfa ekki að
horfast í augu við hann, kannaðist
hins vegar ekkert við staðhæfingar
Milosevics um morð á Serbum,
nauðganir og rán, né heldur að
ítrekað hefði verið kveikt í húsum
þeirra og grafreitir þeirra vanhelg-
aðir.
„Þessar staðhæfingar eru aðeins
til marks um frjótt ímyndunarafl
þitt,“ sagði Kadriu við Milosevic.
Hluti af bar-
áttunni gegn
al-Qaeda
Haag. AFP.
Slobodan Milosevic ræðir
aðgerðir Serba í Kosovo
FUNDIST hafa við Norðaust-
ur-Grænland fjórar, áður
óþekktar eyjar en þær geta
skipt verulegu máli finnist gas
eða olía á þessum slóðum.
Að því er segir í Jyllands-
Posten var það Johan Mohr,
lektor við danska Tækniháskól-
ann, sem fann eyjarnar er hann
var að skoða gervihnattamynd-
ir frá Norðaustur-Grænlandi.
Eru þær í allmikilli fjarlægð frá
ströndinni.
Mikilvægur grunn-
línupunktur
Eyjarnar eru smáar og fara
stundum að hluta undir sjó en
geta verið mjög mikilvægur
grunnlínupunktur finnist gas
eða olía á hafsvæðinu milli
Grænlands og Svalbarða. Um
skiptingu þessa svæðis hafa
Danir og Norðmenn lengi deilt.
Skýringin á því, að eyjarnar
skuli ekki hafa fundist fyrr, er
sú, að fátítt er, að flugvélar
fljúgi yfir þetta svæði, og yfir-
leitt er það lokað skipum vegna
mikils rek- og lagnaðaríss.
Fjórar
eyjar finn-
ast við
Grænland