Morgunblaðið - 09.03.2002, Blaðsíða 53
MÚSÍKTILRAUNIR
MORGUNBLAÐIÐ LAUGARDAGUR 9. MARS 2002 53
HLJÓMSVEITAKEPPNI Tóna-
bæjar sem kallast Músíktilraunir
hófst í tuttugasta sinn síðastliðið
fimmtudagskvöld. Þá leiddu saman
hesta sína tíu hljómsveitir ólíkrar
gerðar þótt flestar hafi þær leikið
tilbrigði við rafgítarrokk.
Soap Factory Hljómsveitin Soap
Factory var fyrst á svið þetta kvöld
en virtist ekki láta það á sig fá;
sveitarmenn virkuðu öruggir með
sig og yfirvegaðir. Þeir leika gleði-
pönk með gamansömum textum og
gerðu það prýðilega, greinilegt að
þar fer tilvonandi stuðsveit á ís-
lenskum ballamarkaði.
Tómarúm Tómarúm lék öllru
þyngri tónlist og ekkert var sparað
í hamagangi og hávaða, þegar
heyrðist í mönnum það er að segja.
Lögin sem sveitin lék voru fullgisin
fyrir svo mikla keyrslu og virtist
sem liðsmenn sveitarinnar væru illa
æfðir.
Lime Emil H. Petersen tók einnig
þátt í síðustu músíktilraunum með
naumhyggjulegt tölvupopp sitt og
hefur tekið ákveðnum framförum.
Sérstaklega var síðasta lag hans vel
unnið, minnti á þýska tölvuróman-
tík frá áttunda áratugnum, en hin
lítt áhugaverð, hljóðheimur ekki að-
laðandi og skortur á laglínum.
Core Blooming Þeir félagar í Core
Blooming hafa greinilega lagt hart
að sér í æfingahúsæðinu því þeir
voru geysiþéttir og öruggir. Laga-
smíðar voru og þokkalegar, en mik-
ill galli hvað þeir virkuðu ófrum-
legir og óspennandi. Það var helst
er þeir sprettu úr spori í lokalaginu
að maður gleymdi þeirri tilfinningu
að hafa heyrt þetta allt saman áður.
Ókind Víst var það rétt hjá til-
raunakynni að nafn hljómsveitar-
innar Ókindar er tvírætt, gæti eins
verið Ó, kind. Tónlist sveitarinnar
var líka skemmtilega tvíræð; var
þetta gaman eða alvara? Hvað sem
því líður var Ókind tvímælalaust
skemmtilegasta hljómsveitin þetta
kvöld og sú jafnbesta.
Nuggets Piltarnir í Nuggets eru
ekki háir í loftinu, aðeins þrettán
ára, og varð að taka viljann fyrir
verkið. Þeim er þó ekki alls varnað,
voru skemmtilega svalir á sviðinu
og ágætis laglína gægðist út úr
öðru og þriðja lagi, aukinheldur
sem textinn í þriðja laginu var
mergjaður.
Tha Skreamerz Þeir félagar í Tha
Skreamerz leika tölvutónlist, eins
konar trans/breakbeat eins og þeir
lýstu því, en vantaði samfelluna
sem ber upp gott trans. Takturinn í
fyrsta lagi var ágætur, en lögin tvö
sem á eftir komu stefnulaus frasa-
söfn.
Gizmo Gizmo státaði af þremur
gítarleikurum sem tryggði að gít-
arhljómamúrinn var þéttur og
menn gátu gleymt sér við að hlusta
á gítarleik þegar lögin sjálf brugð-
ust. Verkaskiptingin með þeim var
líka góð, en söngurinn ekki traust-
ur.
Noise Noise komst í úrslit á síð-
asta ári með Nirvana-kennt rokk og
reri á svipuð mið. Sveitinni hefur
farið mikið fram frá því í fyrra, sér-
staklega var gítarleikarinn traustur
og trommuleikari vel efnilegur þótt
hamagangurinn hafi sett hann út af
sporinu í einu lagi. Þeir Noise-fé-
lagar eiga aftur á móti eftir að
móta sér frumlegan stíl og þangað
til það gerist er ekki eftir miklu að
slægjast.
Heilaskaði Heilaskaði átti síðasta
orðið að þessu sinni og flutti þjóð-
legar stemmur við einfaldan tölvu-
gerðan undirleik. Textar voru hæfi-
lega kæruleysislegir, sérstaklega
textinn um bensínlausa bílinn, og
undirleikurinn, sem byggðist á ein-
földum og „ódýrum“ hljóðum og
minnti einna helst á gamaldags
Casio-hljómborð, gaf lögunum
smekklega háðskan blæ. Það var
svo gaman að sjá mann berja á
tölvuskjá á sviði í stað rafgítars eða
trommusetts sem hefur verið siður
svo lengi sem elstu rokkvinir muna.
Niðurstaða tilraunanna að þessu
sinni var svo að Gizmo sigraði á at-
kvæðum úr sal, en dómnefnd til-
raunanna valdi Ókind áfram. Þess
má geta að Ókind var í öðru sæti á
atkvæðum úr sal, skammt á eftir
Gizmo.
Tilbrigði
við rafgítar-
rokk
TÓNLIST
Tónabær
MÚSÍKTILRAUNIR
Fyrsta tilraunakvöld Músíktilrauna Tóna-
bæjar, haldið í Félagsmiðstöðinni Tóna-
bæ fimmudaginn 7. mars. Þátt tóku Soap
Factory, Tómarúm, Lime, Core Blooming,
Ókind, Nuggets, Tha Skreamerz, Gizmo,
Noise og Heilaskaði. Áheyrendur um
300. Árni Matthíasson
Tómarúm
Soap Factory
Lime Core Blooming
Nuggets
Tha Skreamerz
Heilaskaði
Noise
Morgunblaðið/Björg Sveinsdóttir