Morgunblaðið - 10.03.2002, Side 4

4 B SUNNUDAGUR 10. MARS 2002 MORGUNBLAÐIÐ
súpudiska (helst ekki úr plasti).
Látum ekki köld vorhretin eða póli-
tísk hret draga úr okkur dug heldur
einbeitum okkur að því að skynja
nálægð vorsins og byggjum okkur
upp með seiðandi súpum (ekki
skulda þó!). Finniði ekki hvað mars-
hrynjandin er sprellfjörug og kitl-
andi? Steinunn Sigurðardóttir nær
að koma þeirri tilfinningu vel til
skila í upphafsljóði Verksummerkja
(1979):
Núna er mánuðurinn mars
og mikið útstáelsi á dögunum
þeir koma ekki inn fyrr en á kvöldin.
Öðruvísi mér áður brá í skammdeginu
þegar þeir rétt skruppu út um hádegið
og ekkert hægt að gera.
Júní verður bestur
dagarnir úti allar nætur
stanslaus friður og við ein heima
Súpum seyðið
Hvort sem þeir sem af sér brjóta
gegn almenningi í landinu súpa
seyðið af misgjörðum sínum er
heillavænlegast fyrir okkur borgar-
ana að snúa vörn í sókn og súpa sjálf
á næringarríku seyði til uppbygg-
ingar á líkama og sál, en ergja okk-
ur ekki um of á spillingu og síauk-
inni misskiptingu auðæfa landsins.
Hér sannast enn og aftur hinn ís-
lenski málsháttur „Fáum þykir sinn
sjóður of þungur.“ Sannleiksgildi
hins göfuga málsháttar „Öllum er
sjófang sameiginlegt“ virðist hins
vegar hafa farið forgörðum í seinni
tíð. En ekki dugar að sýta Björn
bónda heldur skal safna liði og hafa
í huga að eigi er sopið kálið þótt í
ausuna sé komið. Með réttu og hollu
mataræði eflist athyglin og við verð-
ÞÓTT við séum nú sumhver bit yfir þeim fjár-hneykslis- og spillingar-málum sem blossa upphvert af öðru í þjóðfélag-
inu um þessar mundir þurfum við
samt sem áður tilbreytingarríkt við-
bit í hádeginu. Þá er það siðapredik-
unin: Oft er freistandi fyrir önnum
kafið fólk að sleppa hádegismatn-
um, t.d. þegar þarf að nota hádeg-
ishléið til að framlengja víxil eða
bruna með skjal í þinglýsingu. Og
þá er tvennt til; að vera sínartandi
allan eftirmiðdaginn og hafa litla
lyst á kvöldmatnum eða svelta sig
fram að kvöldmat og gleypa hann í
sig af svo mikilli áfergju að það
skríður frá borðinu úttroðið og ör-
magna og verður í litlu stuði kvöldið
það (getur reyndar virkað sem
ágætis deyfing fyrir fréttatíma full-
an af fréttum um siðleysi og bruðl
með almannafé en það er önnur
saga). Hvort tveggja er skaðlegt
fyrir magann og auk þess streitu-
myndandi.
Reynið með einhverju móti að
slaka á í hádeginu, borða í róleg-
heitum og safna þar með kröftum
fyrir það sem eftir er dagsins. Ef
þið hafið tekið með ykkur nestis-
pakka að heiman þurfið þið ekki svo
langan tíma til að borða dæsandi
með dreymandi augu. Súpur eru
einfaldur og fljótlegur kostur í há-
deginu. Það er minna maus en
margur heldur að útbúa kjarnmikla
og nærandi heita súpu. Vinnufélag-
ar geta eldað hana í sameiningu um
morguninn eða jafnvel skipst á að
koma með vænan súpudreitil tilbú-
inn að heiman sem þá þarf bara að
hita upp og ausa herlegheitunum á
um meðvitaðri um umhverfi okkar
og þar með betur í stakk búin til að
setja hnefann í borðið er þess reyn-
ist þörf, full af orku, réttlætiskennd
og bjartsýni.
Hvað mikilvægi hádegisverðar
áhrærir skulum við vera síminnug
heilræðis Adelle Davis: „Á morgn-
ana skaltu borða eins og kóngur, í
hádeginu eins og prins en eins og
öreigi á kvöldin.“ Leikum nú prinsa
og prinsessur hvað sem tautar og
raular!
Hér eru nokkrar uppbyggjandi,
krassandi og vorlegar kuldasúpur.
KJÚKLINGASÚPA MEÐ KÓKOS
2 beinlausar kjúklingabringur
1 dós kókosmjólk
¾ l kjúklingasoð
1 skalottlaukur, fínt saxaður
safi úr ½ limeávexti
ögn af rauðum ferskum chili
1 askja sveppir, skornir í sneiðar
væn handfylli baunaspírur
1–2 þunnt sneiddir vorlaukar
1 vænt búnt af ferskum kóríander
salt og pipar
Steikið kjúklingabringur ásamt
lauk upp úr ólífuolíu í potti eða
djúpri pönnu. Setjið til hliðar og
steikið sveppi og blandið svo öllu
saman eftir að hafa rifið kjúklinga-
bringurnar niður í mjóa strimla.
Bætið kjúklingasoði saman við
ásamt kókosmjólkinni, kryddi og
limesafa. Látið malla í 30–40 mín. Í
lok suðutímans setjið þá kóríander
og baunaspírur saman við og hellið í
fallegar súpuskálar. Stráið þunnum
sneiðum af vorlauk yfir hvern súpu-
skammt.
GULRÓTARSÚPA MEÐ ENGIFER
1 kg gulrætur, skornar í bita
ögn af ferskum rauðum chili (eftir
smekk)
¾ l kjúklinga- eða grænmetissoð
1 dós sýrður rjómi
1 skalottlaukur
1–2 cm rifinn ferskur engifer
Steikið gulrætur ásamt engifer
og söxuðum lauk í ólífuolíu þar til
gulræturnar eru orðnar nokkuð
mjúkar. Skellið blöndunni í mat-
vinnsluvél og maukið vel. Hellið í
pott ásamt soði og chili og látið
malla í hálftíma. Bætið sýrða rjóm-
anum saman við í lokin og saltið eft-
ir smekk.
RAUÐ PAPRIKUSÚPA
6 rauðar paprikur
4 púrrur
2–3 hvítlauksrif
4 msk ólífuolía
3⁄4 l kjúklingasoð
óreganó
salt og pipar
Ristið paprikurnar heilar efst í
ofni í 20–30 mín. við 200°. Gott ráð
til að ná hýðinu vel af er að láta
paprikurnar strax að ristun lokinni í
plastpoka, binda vel fyrir og láta
bíða þannig í tíu mín. Eftir það ætti
hýðið að renna auðveldlega af.
Maukið paprikurnar því næst í mat-
vinnsluvél. Mýkið sneiddar púrr-
urnar upp úr ólífuolíunni en gætið
þess að þær brúnist ekki. Hellið soði
og paprikumauki saman við, krydd-
ið og látið malla í um þrjátíu mín.
Hanna Friðriksdóttir
Krassandi (s)kuldasúpur
Ekki spillir að sötra súpur úr fallegum skálum. Þessar eru úr smiðju Ragnheiðar Ágústsdóttur.
nonas@mi.is
Sælkerar á sunnudegi
Steingrímur Sigurgeirsson Hanna Friðriksdóttir Áslaug Snorradóttir
VÍNIÐ frá systkinunum þrem-
ur sem stjórna hinu gamla vín-
fyrirtæki Allegrini-fjölskyld-
unnar er tvímælalaust með
besta víni Veneto-héraðsins á
Norður-Ítalíu og sumar vínteg-
undir fyrirtækisins teljast með
þeim allra bestu, sem framleidd-
ar eru á Ítalíu. Það á t.d. við um
vínið La Poja. Það er einungis
fáanlegt á einstaka veitingastað
hér á landi en hins vegar eru nú
fáanlegar þrjár Allegrini vínteg-
undir á sérlista ÁTVR, sem svo
sannarlega eru þess virði að
bragða. Allegrini er eitt nokk-
urra fyrirtækja á Ítalíu sem hef-
ur kosið að nota skilgreininguna
IGT á flestar betri víntegundir
sínar í stað hinna hefðbundnu
skilgreininga DOC og DOCG til
að hafa aukið frelsi við fram-
leiðslu vínsins. Þannig er sumt
vín Allegrini ekki skilgreint sem
Valpolicella þó svo að það sé
framleitt á Valpolicella-svæðinu
heldur sem IGT.
Allegrini Valpolicella Classico
2000 (1.510 kr.) er mjög mikið
vín af Valpollicella að vera.
Kröftugur þykkur ilmur af sæt-
um, þroskuðum kirsuberjum er
ríkjandi í nefi. Vínið er mikið um
sig í munni með þéttum tann-
ínum.
Allegrini Palazzo Della Torre
1998 (2.250 kr.) er ein af betri
víntegundum Allegrini og flokk-
að sem IGT. Í ilmi þess er þurr
og sólaður ávöxtur, í munni er
vínið lipurt og mjúkt en jafn-
framt tannískt með heitum og
góðum ávexti. Það hefur næga
sýru til að standa undir mat.
Kryddað og skemmtilegt.
Annar toppur frá fyrirtækinu
er Allegrini La Grola 1998 (2.340
kr.) en La Grola er hlíð við vín-
ekruna. Þetta vín er framleitt úr
blöndu nokkurra þrúgna: Corv-
ina, Rondinella, Sangiovese og
Syrah. Í nefi eru steinefni og
krít ásamt nýju bakkelsi. Í
munni er það mjúkt sem silki og
ljúft sem rjómasúkkulaði.
Hreinasta afbragð.
Steingrímur Sigurgeirsson
Allegrini
st@mbl.is