Morgunblaðið - 10.03.2002, Side 6

6 B SUNNUDAGUR 10. MARS 2002 MORGUNBLAÐIÐ
ferðalög
„ÞAÐ er bæði aðgengilegt og spenn-
andi að ráfa um þessa yndislegu
sögufrægu borg og anda að sér
menningunni sem er greypt í vegg-
ina alls staðar,“ segir Diddú, sem
heimsækir borgina á hverju ári.
Það eru tveir veitingastaðir sem
hún heldur mikið upp á í Veróna,
annar er við aðaltorgið, Piazza Bra,
og hinn steinsnar frá torginu Piazza
Erbe.
„Arena-hringleikahúsið stendur
við Piazza Bra og þar er gríðarlega
mikið af alls konar veitingahúsum.
Þar á ég einn uppáhaldsstað. Þetta
er alveg dæmigerður ítalskur staður
sem heitir Olivi. Það sem einkennir
hann er fyrst og fremst að allt hrá-
efni sem notað er í matargerðina er
brakandi ferskt og verðið viðráðan-
legt. Þarna er til dæmis hægt að fá
frábæra pastarétti og bruschetta,
sem er gjarnan grilluð ciabatta-
brauðsneið með tómat- og basiliku-
mauki.“
300 ára gamall veitingastaður
„Steinsnar frá hinu torginu, Pi-
azza Erbe, er síðan hinn veitinga-
staðurinn sem ég held upp á og hann
er ævintýri út af fyrir sig. Þetta er
eitt af hæst skrifuðu veitingahúsum
borgarinnar og vilji fólk fara veru-
lega fínt út að borða er þessi staður
tilvalinn. Hann ber nafnið Postul-
arnir tólf eða Dodici Apostoli. Það
þarf að hringja með fyrirvara og
panta borð.“ Diddú segir að Post-
ularnir tólf sé tæplega 300 ára gam-
all fjölskylduveitingastaður og eng-
inn verði svikinn af matnum. Hún
segir að torgið Erbe sé líka þess
virði að skoða, það sé markaðstorg
og hér áður fyrr hafi kaupmenn selt
þar afurðir sínar en nú sé það orðið
meira túristaglingur sem fæst þar.
Diddú segir að þegar fólk ætlar að
fá sér í svanginn sé spennandi að
hafa augun opin fyrir skilti sem á
stendur Osteria. „Ég á marga svo-
leiðis uppáhaldsstaði. Þar er allt
heimalagað, þetta eru eins konar
vín-snakkbúllur og þarna er yfirleitt
hægt að fá gott vín og góðan mat.
Síðan er líka upplagt að leita að
stöðum sem merktir eru Trattoria
en það eru fjölskylduveitingastaðir.
Þá eru það fjölskyldur sem eru með
sérhefðir og sérrétti sem hafa fylgt
þeim langt aftur í aldir. Fólk verður
bara að prófa sig áfram. Þessir stað-
ir eru ódýrari en veitingastaðir al-
mennt og oftar en ekki er maturinn
miklu betri. Ég varast hins vegar
eins og heitan eldinn að fara á veit-
ingastaði þar sem myndir af matn-
um eru á skiltum fyrir utan staðina.
Það lofar ekki góðu.“
Stórfenglegir vínakrar
Diddú segir að ekki sé hægt að
tala um mat og Veróna öðruvísi en
að minnast á ísbúðirnar, þær séu
frábærar. Það er engin ein sem hún
vill benda á en segir að margar slík-
ar séu við Piazza Bra- og Piazza
Erbe-torgin svo og skemmtileg lítil
kaffihús með dýrindis kökum og
tertum. „Í hlíðunum umhverfis Ver-
óna eru stórfenglegir vínakrar og
hægt er að heimsækja vínbændur,
dreypa á þeirra eðalafurðum og
gæða sér á heimalöguðum kræsing-
um með. Það er út af fyrir sig æv-
intýri.“
Diddú segir fjölskylduna hafa ver-
ið með annan fótinn í Veróna síðan
hún bjó þar. „Veróna er sögufræg
borg og kemur líklega næst á eftir
Róm hvað varðar sögulegar menjar
frá tímum Rómverja. Það er því
margt að skoða, kirkjur sem eru
óborganleg söfn í sjálfu sér, mergj-
aðar byggingar, brýr, kastalar og
sögufræg torg að ógleymdum menj-
um um ástarævintýri Rómeós og
Júlíu. Ættir þeirra og fjölskyldur
eru frá Veróna. Hið fræga hús Júlíu
er ekki langt frá Piazza Erbe. Að-
alverslunargatan, sem er göngu-
gata, liggur milli Piazza Erbe og Pi-
azza Bra. Áin Adige umlykur gamla
borgarhlutann og það eru margar
áhugaverðar brýr að skoða sem
reistar hafa verið yfir ána. Það er
svo skrítið að þótt gengið sé milli
áhugaverðra staða í borginni verður
maður ekki fótalúinn því það er allt-
af hægt að tylla sér á skemmtileg
veitingahús og allir þessir staðir eru
innan seilingar, þ.e.a.s. á svipuðum
slóðum.“
Börn alls staðar velkomin
Hringleikahúsið segir hún að sé
þess virði að heimsækja og minnir á
að þar hafi Kristján Jóhannsson
sungið og að í ágúst muni Kristinn
Sigmundsson syngja þar í Nabucco
eftir Verdi.
Þegar hún er spurð hvort auðvelt
sé að vera með börn í borginni segir
hún að hún sé mjög barnvæn og
þess vegna hafi hún kosið að búa
þar. „Ég var við nám í Mílanó en
kaus að taka lest á hverjum degi og
búa frekar í Veróna. Það eru margir
fallegir garðar og torg í borginni
sem börn hafa gaman af að spranga
um í og þau eru alls staðar velkom-
in.“
Diddú ætlar með fjölskylduna til
Veróna í sumar og þegar hún er
spurð hvort einn staður sé áhuga-
verðari en annar nefnir hún litla bæi
við Garda-vatnið, sem er bara í um
hálftíma akstursfjarlægð frá borg-
inni.
Uppáhaldsstaðir Sigrúnar Hjálmtýsdóttur í Veróna á Ítalíu
Ævintýri að heim-
sækja Postulana tólf
Fyrir nokkrum árum bjó Sigrún
Hjálmtýsdóttir, Diddú, í Veróna
á Ítalíu ásamt fjölskyldunni en
hún stundaði söngnám í Míl-
anó og fór daglega á milli
borganna með lest.
Það er því margt að skoða í Veróna,
t.d. kirkjur sem eru óborganleg söfn í
sjálfu sér.
Kristján Jóhannsson hefur sungið í Arena-hringleikahúsinu og í ágúst næstkomandi mun Kristinn Sigmundsson syngja
þar í Nabucco eftir Verdi.
Tékkland
Vorferðir til Prag
Ferðaskrifstofa Guðmundar Jón-
assonar býður í vor
þrjár ferðir til Prag, 26. apríl, 3.
maí og 10. maí.
Prag er höfuðborg Tékklands og
þar búa um 1,2 milljónir manna.
Flogið verður frá Keflavík til
Frankfurt og ekið þaðan til Prag.
Þar verður svo gist næstu 6
nætur en á næstsíðasta degi ek-
ið áleiðis til Frankfurt, með við-
komu í bænum Karlovy Vary, og
gist síðustu nóttina í Þýskalandi.
Heimflug er svo frá Frankfurt.
Verð á mann er 79.900 krónur.
Innifalið í verði er flug, flugvalla-
skattar, akstur milli Frankfurt og
Prag, gisting í tveggja manna
herbergi, morgunverður, skoð-
unarferð um Prag
og íslensk fararstjórn. Einnig
verða í boði fleiri skoðunarferðir
sem bókast og greiðast hjá far-
arstjóra.
Lágmarksfjöldi þátttakenda er
20 manns.
Færeyjar – Noregur
Sextán daga rútuferð
Rúta Vestfjarðaleiðar fylgir hóp
um Noreg og Færeyjar í 16 daga
hringferð þann 12. júní næst-
komandi. Hægt er að vera 9
daga af fyrri eða seinni hluta
ferðarinnar. Ekið er norður um
land áleiðis til Seyðisfjarðar og
gist, en síðan siglt með ferjunni
M/F Norrænu til Þórshafnar í
Færeyjum og komið þangað að
morgni föstudags. Þar er þrem-
ur dögum varið til að skoða eyj-
arnar, bæði ekið og siglt, m.a.
farið um Straumey, Austurey,
Sandey og einnig farið á slóðir
Færeyingasögu í Skúfey.
Á mánudegi er siglt með Nor-
rænu til Bergen með viðkomu í
Leirvík á Hjaltlandi. Eftir hádegi
á þriðjudegi er lagt upp frá
Bergen í viku hringferð um Vest-
ur- og Suður-Noreg. Meðal staða
sem heimsóttir verða er Bergen,
Harðangursfjörður, Ósló, Lille-
hammer, Guðbrandsdalur, Ånd-
dalssnes, Gullna leiðin ásamt
fjörðunum Geirangerfirði og
Sognfirði. Heimleiðis er haldið á
þriðjudegi frá Bergen með við-
komu í Færeyjum og komið til
Seyðisfjarðar á fimmtudags-
morgni 27. júní og ekið til
Reykjavíkur. Fararstjóri er Krist-
ján M. Baldursson.

Vestfjardaleid Travel
Skógarhlíð 10
Sími 562 9950
Fax. 562 9912
Netfang: kristjan@vesttravel.is
Heimasíða: www.vesttravel.is
Morgunblaðið/Árni Sæberg
Diddú, Þorkell og dæturnar fara á sumrin til Veróna en þar bjuggu þau um skeið og tóku ástfóstri við borgina.
Aðalverslunargatan, sem er göngugata, liggur milli torganna Piazza Erbe og
Piazza Bra.

Veitingastaðurinn Dodici
Apostoli
Vicolo Corticella 3
37121 Verona
Sími: 0045 596999
Fax: 0045 591530
Netfang: dodiciapostoli-
@tiscalinet.it
Heimasíða: www.12apostoli.it/