Morgunblaðið - 10.03.2002, Qupperneq 8

HYUNDAI býður upp á breiða línu
bíla, allt frá smábílum upp í með-
alstóran jeppa. Á öllum vígstöðvum
er Hyundai með ódýrustu kostum
og má þar sérstaklega minna á
Santa Fé jepplinginn og ekki síst
lúxusbílinn Sonata. Elantra, sem
hér er til umfjöllunar, er stór milli-
stærðarbíll, og er í þar í fríðum
flokki annarra valkosta, eins og t.d.
Opel Vectra, Skoda Octavia og
Toyota Avensis svo nokkrir séu
nefndir.
Einungis 1,6 lítra vél
Ný Elantra er betur undir þessa
samkeppni búin en áður því hún er
orðin stærri og rúmbetri. Stóri
kosturinn við Elantra í þessum
samanburði er að hann er á umtals-
vert lægra verði en flestir keppi-
nautarnir, þó ekki Skoda Octavia.
Þessi bíll hefur líka fengið góða
dóma fyrir árekstrarvarnir, m.a. í
Bandaríkjunum, og bilanatíðni í
Hyundai er alls ekki há, ef marka
má niðurstöður í TUV-könnuninni.
Þar er hann í 68. sæti af 107 sætum
yfir bíla eins til þriggja ára gamla
með 5,5% bilanatíðni.
Við prófuðum bílinn á dögunum
með 1,6 lítra vélinni sem er reynd-
ar eini vélarkosturinn sem stendur
til boða. Það verður að segjast að
vélin mætti alveg vera aflmeiri fyr-
ir þetta mikinn bíl. Hámarksafköst
eru 107 hestöfl og í sjálfskiptum
bílnum vantar hreinlega upp á aflið
vilji menn sportlega takta. Í bein-
skipta bílnum þarf að hræra vel í
gírum og ná háum vélarsnúningi til
að ná öllu út úr henni. Mikill kostur
er að spólvörninni, ekki síst þegar
götur eru huldar klakabörðum eins
og verið hefur. Elantra líður samt
dálítið fyrir það að hafa ekki stærri
vélar fyrir þá sem vilja meiri af-
köst.
Bíllinn býður því upp á þægileg-
an akstur innanbæjar en hann er
tiltölulega laus við sportlega takta
og er af þeim sökum kannski ekki
spennandi fyrir akstursfíklana sem
vilja finna meira fyrir bílnum sín-
um.
Þetta er ágætlega einangraður
bíll og verður lítið vart við vind-
hljóð á ferð en aðeins heyrist frá
dekkjunum þegar komið er upp á
góðan þjóðvegahraða.
Mikill staðalbúnaður
Annað sem Elantra hefur með
sér er mikill staðalbúnaður. Hér er
hann boðinn með fjórum örygg-
ispúðum, ABS-kerfi og spólvörn, en
að auki má telja upp hluti eins og
hita í framsætum, rafstýrða spegla
og hliðarrúður, armpúða með
geymsluhólfi í aftursæti og hólf
milli framsæta. Hins vegar flaskar
framleiðandinn á því að bjóða ekki
þriðja þriggja punkta beltið og
þriðja hnakkapúðann í aftursætum.
Sætin eru frekar djúp og stinn
og styðja vel við líkamann. Öku-
mannssætið er að auki með hæð-
arstillingu og stillingu í baki en
jafnframt er hægt að stilla halla á
setunni. Ökumaður finnur því auð-
veldlega strax þægilega stöðu undir
stýri og uppröðun á stjórntækjum
er öll rökrétt og mælar í góðri
sjónlínu.
Bíllinn stenst ekki alveg sam-
anburði við fyrrnefnda keppinauta
hvað varðar innréttingar og frá-
gang enda gríðarlegar framfarir
orðið á þessu sviði einmitt í þessum
flokki evrópskra bíla.
Það er í raun ekkert hægt að
setja út á aksturseiginleika El-
antra. Hann kemur hvergi á óvart
og er hreinn og beinn. Hann er
þægilegt samgöngutæki og reyndar
nokkuð vænlegur kostur þegar litið
er til verðsins og búnaðar. Það er
reyndar sterkasta hlið þessa bíls.
Fyrir fernra dyra stallbak með
fimm gíra beinskiptingu er verðið
1.690.000 krónur. Aðrir bílar í sama
stærðarflokki eru t.d. Opel Vectra,
Toyota Avensis og Skoda Octavia.
Allir eru þessir bílar um 4,50 m á
lengd. Sá eini sem skákar Elantra í
verði er Skoda Octavia Ambiente,
sem kostar beinskiptur 1.630.000
kr.
Morgunblaðið/Árni Sæberg
Hyundai Elantra-stallbakur, einnig fáanlegur sem langbakur.
Elantra – hefð-
bundinn fólksbíll
Elantra er svipaður að lengd og Skoda Octavia, 4,50 m.
Fremur þröngt op er í farangursrýmið. Einfaldleiki er ríkjandi í innréttingu.
Einungis 1,6 lítra vél er fáanleg í bílinn. gugu@mbl.is
REYNSLUAKSTUR
Hyundai Elantra
Guðjón Guðmundsson
8 B SUNNUDAGUR 10. MARS 2002 MORGUNBLAÐIÐ
bílar
Vél: 1.599 rúmsentimetr-
ar, fjórir strokkar, tveir
yfirliggjandi knastásar.
Afl: 107 hestöfl við 5.800
snúninga á mínútu.
Tog: 146 Nm við 3.000
snúninga á mínútu.
Gírkassi: Fimm gíra
handskiptur.
Hemlar: Kældir diskar að
framan, diskar að aftan.
Lengd: 4.495 mm.
Breidd: 1.720 mm.
Hæð: 1.425 mm.
Eigin þyngd: 1.253 kg.
Farangursrými: 415 lítrar.
Hröðun: 11 sekúndur úr
kyrrstöðu í 100 km/klst.
Hámarkshraði:
182 km/klst.
Eyðsla: 7,4 lítrar
í blönduðum akstri.
Verð: 1.690.000 kr.
Umboð: B&L hf.
Hyundai Elantra Gls