Morgunblaðið - 10.03.2002, Qupperneq 9

MORGUNBLAÐIÐ SUNNUDAGUR 10. MARS 2002 B 9
bílar

TATA fyrirtækið indverska sýndi hugmyndabíl-
inn Indiva sem er sjö manna bíll með 1,4 lítra vél
og er ætlun fyrirtækisins að hann verði settur á
markað í mjög náinni framtíð. Tata sýndi einnig
jeppann Safari og fólksbílana Indica og Sedan. Um
10% af framleiðslu fyrirtækisins eru til útflutnings
og segja forráðamenn þess ætlunina að sækja á
næstu árum af meiri þunga til Evrópulanda.
Indiva er 4,27 m langur og 1,78 m breiður og er
eins og aðrir hugmyndabílar skemmtilega frísk-
legur í útliti. Samt sem áður er hann næsta „eðli-
legur“ þannig að ekki þarf að koma á óvart að sjá
hann á götu, framúrstefnan í útlitinu er ekki meiri
en svo. Indiva er straumlínulagaður, með mjög
sléttum og felldum hliðum en heldur litlum hjól-
um.
Tata fyrirtækið var stofnað árið 1945 og fram-
leiddi í fyrstu járnbrautarvagna. Tæpum áratug
síðar hófst bílaframleiðsla, í fyrstunni í samstarfi
við Daimler Benz en því lauk árið 1969 og hefur
bílaframleiðslan síðan staðið á eigin fótum. Auk
fólksbíla framleiðir fyrirtækið vörubíla og rútur.
Útflutningur hófst árið 1961, aðallega til landa í
Afríku og Asíu en með Indica og Safari hefur fyr-
irtækið einnig sótt til Evrópu. Eru það helst Ítalía,
Spánn, Portúgal, Malta og Bretland.
Tata frá Indlandi sækir
til Evrópu
Morgunblaðið/jt
Indverski bílaframleiðandinn Tata sýndi meðal annars Tata Safari-jeppann.

MEÐAL áhugaverðari jeppa í Genf
er nýr bíll frá Kia sem nefndur er Sor-
ento. Hann er flokki eða flokkum ofar
en Sportage-jeppinn sem þekktur er
hérlendis. Sorento er hraðaksturs- og
lúxusjeppi en með jeppaeiginleikum.
Bílnum er einkum stefnt inn á markað í
Evrópu og virðist hann vel geta átt
þangað erindi.
Sorento er laglegur bíll og virðist við
fyrstu sýn geta samsamað sig jepp-
unum frá Mercedes Benz, BMW og
Lexus þar sem hann er ávalur og
rennilegur. Þá er mælaborð allt mjög
fágað og plássið er gott, bæði í fram-
sem aftursætum.
Sorento verður annars vegar boðinn
með 2,5 lítra dísilvél með samrásarinn-
sprautun sem er 145 hestöfl. Hin vélin
er 3,5 lítra sex strokka bensínvél, 195
hestafla. Þetta er vel búinn jeppi
byggður á sjálfstæðri grind og með
hátt og lágt drif. Ekki er ennþá vitað
hvert verðið verður. Sorento verður
dýrari en Sportage og spurning er
hversu miklu ódýrari en lúxusjepparnir
sem nefndir voru hér að framan verður
fróðlegt að sjá. Möguleikar hans hér-
lendis hljóta að ráðast mest af verðinu.
Morgunblaðið/jt
Sorento-jeppinn frá Kia er verklegur
gripur.
Áhuga-
verður Kia
Sorento
Á bílasýningum er greinilega hægt að
sýna annað handbragð en á bílum. Á
bás Lancia mátti sjá handverksmenn
við fiðlusmíði sem er ekki alveg ljóst
hvernig tengja má bílum en einnig við
bólstrun sem er skiljanlegra.