Morgunblaðið - 12.03.2002, Blaðsíða 7

FRÉTTIR
MORGUNBLAÐIÐ ÞRIÐJUDAGUR 12. MARS 2002 7
SÉRFRÆÐINGAR fjármálaráðu-
neytisins telja ekki óraunhæft að
gera ráð fyrir að viðskiptahallinn á
árinu 2002 geti orðið um eða jafnvel
innan við 20 milljarða kr., eða sem
nemur um 2½% af landsframleiðslu.
Til samanburðar var viðskiptahall-
inn fjórfalt meiri árið 1997, eða 10%
af landsframleiðslu.
Innflutningur fór áfram minnk-
andi í febrúarmánuði og ef miðað er
við fast gengi hefur innflutningur
síðustu þrjá mánuði, án skipa og
flugvéla, dregist saman um 20% á
einu ári.
Þetta kemur fram í vefriti fjár-
málaráðuneytisins en þar segir að
nær allar hagtölur sem birst hafa að
undanförnu bendi til þess að íslenskt
efnahagslíf sé að leita jafnvægis eftir
einhverja mestu uppsveiflu sem á Ís-
landi hefur orðið.
Viðskiptahallinn
gæti orðið innan
við 20 milljarðar LÖGREGLAN í Borgarnesi hefurnú til rannsóknar fimm innbrot ísumarbústaði í Svarfhólslandi í
Svínadal og eitt innbrot að auki í
hreppslaugina í Skorradal. Talið er
að innbrotin hafi verið framin á
tímabilin 1. til 9. mars. Enginn
ákveðinn aðili liggur undir grun
vegna innbrotanna en ýmislegt þyk-
ir benda til þess að sömu aðilar hafi
verið að verki. Brotist var inn í bú-
staðina og teknir ýmsir lausamunir
og heimilistæki, s.s. sjónvarpstæki,
myndbandstæki, bakaraofn og
fleira.
Innbrot í
sumarbústaði
í Svínadal
TÍMAKAUP sveina í járniðn-
aði hefur hækkað um 32,5% frá
árinu 1998 en talsvert minna á
landsbyggðinni, eða um 21%.
Greitt meðaltímakaup hjá al-
mennum starfsmönnum í járn-
iðnaði á höfuðborgarsvæðinu
hefur hækkað um 17% á sama
tímabili og tímakaup nema í
járniðnaði á höfuðborgarsvæð-
inu um 34%. Þetta eru meðal
helstu niðurstaðna í kjarakönn-
un Félags járniðnaðarmanna
sem gerð var í nóvember í
fyrra.
Sveiflur í heildarlaunum á
umræddu tímabili eru veru-
legar og þannig hefur orðið
nokkru minni hækkun á heild-
arlaunum en greiddu tíma-
kaupi hjá sveinum og nemum.
Hjá netagerðarmönnum var
hækkun heildarlauna svipuð og
hækkun tímakaups. Aftur á
móti hækkuðu heildarlaun al-
mennra starfsmanna í járniðn-
aði á höfuðborgarsvæðinu
meira en greitt tímakaup.
Sveinar á höfuðborgarsvæðinu
unnu að meðaltali ellefu stundir
á viku í yfirvinnu en almennir
starfsmenn í járniðnaði tíu.
Tveir af hverjum þremur
töldu möguleikana á að fá at-
vinnu í meðallagi en um fimmt-
ungur taldi möguleikana litla
en meiri svartsýni um atvinnu-
horfur gætti hjá svarendum á
landsbyggðinni.
Heildar-
laun
hækka
minna en
tímakaup
Kjarakönnun
Félags járn-
iðnaðarmanna
SKIPULAGSSTOFNUN barst ný-
lega tillaga Seyðisfjarðarkaupstaðar
og verkfræðistofunnar Hönnunar
að áætlun vegna mats á umhverfis-
áhrifum snjóflóðavarna á Bjólfs-
svæði á Seyðisfirði. Stofnunin stefn-
ir að því að ákvörðun um tillöguna
liggi fyrir 11. apríl. Unnt er að gera
athugasemdir við tillöguna til 25.
mars og skulu þær sendar Skipu-
lagsstofnun.
Stofnunin hefur leitað umsagnar
Seyðisfjarðarkaupstaðar, Byggða-
stofnunar, Fornleifaverndar ríkis-
ins, Heilbrigðiseftirlits Austurlands,
Náttúruverndar ríkisins og Veður-
stofu Íslands.
Áætlað er að reisa snjóflóðavarn-
argarð þar sem heitir Brún í Bjólfi.
Framkvæmdasvæðið er í 650 til 680
m hæð yfir sjó. Er hún hluti af
áætlun sem miðar að því að bæta
varnir og minnka hættu á snjóflóð-
um fyrir byggðina þar sem heitir
Aldan og Bakkahverfi. Varnargarð-
urinn mun þó ekki veita viðunandi
öryggi fyrir þessi hverfi heldur
verður að líta á hann sem upphaf að
aðgerðum, segir m.a. í matsáætlun-
inni. Kynntir eru tveir kostir þver-
garðs á Brún, annars vegar 300 m
langur garður og hins vegar 450 m
garður.
Hægt er að nálgast tillögu að áð-
urnefndri matsáætlun á heimasíðu
Hönnunar: www.honnun.is.
Snjóflóðavarnir
á Seyðisfirði
Skipulags-
stofnun
skoðar
matsáætlun
AUGLÝSINGADEILD
netfang: augl@mbl.is eða sími 569 1111