Morgunblaðið - 14.03.2002, Side 4

FRÉTTIR
4 FIMMTUDAGUR 14. MARS 2002 MORGUNBLAÐIÐ
GÍSLI Baldur Garðarsson, stjórnar-
formaður Olís, sagði í ræðu sinni á
aðalfundi félagsins í gær að það væri
andstætt öllum sjónarmiðum um
persónuvernd að Samkeppnisstofn-
un geti gengið í tölvugögn félagsins
og þá sérstaklega tölvupóst starfs-
manna. „Þetta er samskiptamáti,
sem helst verður líkt við símtöl, og
þetta jafngilti að heimila Samkeppn-
isstofnun að beita einhvers konar
afturvirkri símhlerun,“ sagði stjórn-
arformaðurinn og er þar að vísa til
þess er Samkeppnisstofnun gerði
húsleit hjá olíufélögunum þremur og
tók ýmis gögn þar í vörslu sína.
Stjórnarformaðurinn sagði aðgerð
Samkeppnisstofnunar harkalega og
telur starfsmenn hafa farið offari og
út fyrir þann ramma sem reglur um
húsleit í lögum um meðferð opin-
berra mála heimili. „Ljóst er að
Samkeppnisstofnun hefur nú í fórum
sínum öll tölvugögn allra olíufélag-
anna a.m.k. 7 ár aftur í tímann auk
gífurlegs magns skjala. Í nútíma fyr-
irtækjarekstri eru öll gögn fyrir-
tækja geymd í tölvum. Hér er því um
mjög mikið magn gagna að ræða,
ekki aðeins öll bókhaldsgögn, allur
tölvupóstur, öll bréfaskipti, heldur
öll önnur gögn svo sem áætlanagerð,
stefnumótun og öll önnur viðkvæm
gögn þriggja stórfyrirtækja, sem
eiga í harðri samkeppni á þröngum
markaði. Það er því ótrúleg ábyrgð,
sem lögð er á fáa starfsmenn Sam-
keppnisstofnunar við meðferð og úr-
vinnslu þessara gagna,“ sagði Gísli
Baldur og kvað reynsluna hafa sýnt
að opinberum eftirlitsstofnunum
hefði ekki tekist að tryggja skilyrð-
islausan trúnað í meðferð slíkra
gagna. Segir hann að reikna megi
með að málsmeðferðin megi áður en
yfir ljúki eiga eftir að stórskaða til-
verugrundvöll og trúverðugleika
Samkeppnisstofnunar auk skaða
sem hún muni valda fyrirtækjunum.
Gísli Baldur sagði að til þessa
hefði Samkeppnisstofnun látið
nægja að senda Olís fyrirspurnir og
aldrei gert athugasemdir við svör.
Hann segir Olís ekkert hafa að fela,
veittar verði allar upplýsingar sem
farið verði fram á og gefnar skýr-
ingar. Gísli telur þó einsýnt að félag-
ið muni eiga gott samstarf við Sam-
keppnisstofnun.
Vita að sumt telst brot
„Olíufélögin vita, að sumt í starf-
semi félaganna kann að teljast brot á
samkeppnislögum. Samrekstur
bensínstöðva til að mynda, samráð
um að selja eða leggja niður bens-
ínstöðvar og þar með skiptingu
markaðssvæða úti á landsbyggðinni.
Sala til erlendra skipa í íslenskri
landhelgi. Sameiginlegar birgða-
stöðvar, samstarf um dreifingu elds-
neytis, bæði með skipum og bílum.
Sumt af þessu dylst engum og engin
tilraun hefur verið gerð til þess að
draga á það dul. Tæpast hefur þetta
gefið tilefni til þess að ganga fram
með þeim hætti sem gert hefur ver-
ið. Raunar var Samkeppnisstofnun
Stjórnarformaður Olís gagnrýnir húsleit Samkeppnisstofnunar
Telur að málið muni valda
skaða hjá fyrirtækjunum
árið 1993 sendur listi yfir allar sam-
reknar bensínstöðvar félaganna
ásamt sýnishorni af samningi um
slíkan rekstur, en engar athuga-
semdir voru þá gerðar.“ Stjórnarfor-
maður Olís sagði það kjarna málsins
að afkoma olíufélaganna hefði ekki
verið með þeim hætti að það benti til
misnotkunar á fákeppnismarkaði.
Hagnaður Olís hefði verið 67 aurar á
hvern seldan eldsneytislítra sl. 10 ár
og sagði hann afkomutölur olíufélag-
anna sýna að þau hefðu ekki nýtt sér
fákeppnisstöðu sína til okurálagn-
ingar frá því að verðlag var gefið
frjálst. Hann sagði forsvarsmenn ol-
íufyrirtækjanna oft hafa átt saman
fundi undanfarin ár. Samrekstur og
sameiginlegt eignarhald á ýmsum
félögum sem Samkeppnisstofnun
vissi um gerði samráð nauðsynlegt.
Það ætti hins vegar ekki um elds-
neytisverð. Það væri ákvarðað um
hver mánaðamót og það félag sem
birti lægsta verðið réði einfaldlega
ferðinni.
HUNDARNIR Pjakkur og Bangsi á
bænum Lækjarbakka í Mýrdal
sýndu fréttaritara Morgunblaðsins
sérstaka forvitni er þeir spókuðu
sig ofan á snjóflóðinu sem féll á bæ-
inn á dögunum. Án efa hafa þeir
undrast allan þennan snjó og átt
erfitt með að átta sig á kennileitum
undir öllu farginu, loksins er þeim
var hleypt út.
Forvitnir
á flóði
Morgunblaðið/Jónas Erlendsson
ÖKUMAÐUR fiskflutningabíls
náði að stökkva út áður en bíll-
inn fór út af veginum um Hálf-
dán í Bíldudal um hádegisbil í
gær.
Að sögn lögreglunnar á Pat-
reksfirði var mikil hálka á þess-
um slóðum. Ökumaður var ný-
lagður af stað upp brekku
þegar bíllinn byrjaði að spóla
og fór svo að renna aftur á bak.
Ekki varð við neitt ráðið og sá
ökumaður ekki annan kost en
að forða sér út áður en bíllinn
færi út af vegarkantinum, þar
sem hann valt á hliðina og rann
um 30–40 metra niður hlíðina.
Bíllinn er mikið skemmdur en
ökumaðurinn slapp ómeiddur.
Stökk út
á síðustu
stundu
FULLTRÚAR í stjórnarnefnd
Landspítala – háskólasjúkrahúss
(LSH) fá greiddar 37 nefndaeiningar
eða 45.209 krónur á mánuði hver fyr-
ir setu í stjórnarnefndinni, skv.
ákvörðun þóknananefndar ríkisins.
Formaður stjórnarnefndarinnar fær
tvöfalda þessa upphæð eða 90.418 kr.
á mánuði og fær að auki greidda 57
yfirvinnutíma á mánuði skv. ákvörð-
un heilbrigðisráðherra.
Sjö manns eiga sæti í stjórnar-
nefndinni sem heldur að jafnaði tvo
fundi í hverjum mánuði. Formaður
hennar er Guðný Sverrisdóttir en
hún er búsett á Grenivík og þarf því
að ferðast til Reykjavíkur til að
sækja stjórnarnefndarfundi. Greiðir
spítalinn útlagðan kostnað hennar
vegna þessara ferða s.s. flug, gist-
ingu og fæði, skv. upplýsingum sem
fengust hjá Magnúsi Péturssyni, for-
stjóra LSH. Þar að auki fær Guðný
greidda 27 yfirvinnutíma í hverjum
mánuði eða 57. 900 kr. vegna þess
tíma sem hún þarf að verja í ferð-
irnar en hún kemur yfirleitt til
Reykjavíkur daginn fyrir stjórnar-
nefndarfundi.
Þessar greiðslur vegna yfirvinnu
og útlagðs kostnaðar formanns
stjórnarnefndar LSH eru sam-
kvæmt ákvörðun heilbrigðisráð-
herra. Samtals nema þóknun stjórn-
arnefndarformanns og greiðslur
vegna yfirvinnu 148.318 kr. á mán-
uði.
Í stjórnarnefnd LSH sitja, auk
Guðnýjar, Thomas Möller varafor-
maður, Esther Guðmundsdóttir,
Margrét S. Björnsdóttir, Pálmi
Ragnar Pálmason, Egill Jóhannsson
og Már Kristjánsson.
Fulltrúum í framkvæmdastjórn
ekki greidd þóknun
Auk stjórnarnefndar starfar sex
manna framkvæmdastjórn yfir spít-
alanum en í henni eiga sæti fastir
starfsmenn sjúkrahússins og fá þeir
ekki greidda þóknun fyrir setu sína í
framkvæmdastjórninni.
Þóknun fulltrúa í stjórnarnefnd Landspítala 45 þúsund krónur á mánuði
Formanni greiddar 148 þúsund
krónur í þóknun og yfirvinnu
LYFJASTOFNUN beinir
þeim tilmælum til lækna að
þeir aðgæti mjög umgengni
sína við lyfseðilseyðublöð þar
sem gera megi ráð fyrir því
að þau séu mun eftirsóknar-
verðari en áður fyrir þá sem
hyggjast svíkja út lyf.
Í fyrra var lyfseðlum
breytt m.a. í ljósi þess að til-
raunum til að falsa þá með
því að ljósrita þá eða skanna
hafði fjölgað mjög. Dæmi
voru um að skönnuð afrit eins
og sama lyfseðils hafi verið
afgreidd í sjö apótekum. Lyf-
seðilseyðublöð hafa lengi
gengið kaupum og sölum
meðal fíkniefnaneytanda. Var
þeimbreytt þannig að nú eru í
þeim vatnsmerki og er fölsun
því mun erfiðari.
Rannveig Gunnarsdóttir,
forstjóri Lyfjastofnunar, seg-
ir að af þessum sökum séu
óútfyllt lyfseðilseyðublöð
„verðmeiri“ en áður. Í fyrra
bárust Lyfjastofnun sjö til-
kynningar um stuld á lyfseð-
ilsblokkum auk tveggja til-
kynninga þar sem ekki var
vitað hvort stolið hefði verið
nokkrum lyfseðilseyðublöðum
eða heilli blokk eða blokkum.
Þessar tilkynningar bárust
allar eftir 1. júní 2001 og í öll-
um tilvikum nema einu var
um að ræða nýja formið.
Geyma skal lyfseðla í
læstum hirslum
Í tilkynningu frá Lyfja-
stofnun sem var birt í
Læknablaðinu kemur fram að
mjög mikilvægt sé að læknar
gæti vel að óútfylltum lyfseð-
ilseyðublöðum. Þau beri að
geyma í læstum hirslum og
halda skrá yfir notkun þeirra.
Í raun sé hægt að líta á lyf-
seðilseyðublað sem óútfyllta
ávísun á peninga í fíkniefna-
heiminum.
Lyfseðlar
„verðmeiri“
þar sem
fölsun
er erfið
HÆSTIRÉTTUR hefur staðfest
gæsluvarðhald yfir manni sem m.a.
er gefið að sök að hafa framið fimm
auðgunar- og skjalafalsbrot frá 16.
janúar til 4. febrúar á þessu ári.
Maðurinn er 75% öryrki og hefur
ekki stundað vinnu um langt skeið en
fjármagnað áfengis- og vímuefn-
anotkun sína með afbrotum. Hann á
að baki nokkurn sakaferil og hefur á
síðustu fjórum árum hlotið þrjá
fangelsisdóma, samtals 33 mánuði,
fyrir fjölmörg auðgunarbrot, líkams-
árásir og fleira. Var talin ástæða til
að ætla að hann héldi afbrotum sín-
um áfram þegar hann fengi frelsi.
Hæstiréttur staðfesti því úrskurð
héraðsdóms um að hann sætti
gæsluvarðhaldi til 16. apríl nk.
Fimm afbrot
á þremur
vikum