Morgunblaðið - 14.03.2002, Síða 16

SUÐURNES
16 FIMMTUDAGUR 14. MARS 2002 MORGUNBLAÐIÐ
Þú færð HARD CANDY líka í:
Snyrtistofa Hönnu Kristínar, Faxafeni,
Snyrtivörudeild Hagkaups, Kringlunni,
Snyrtivörudeild Hagkaups, Smáralind,
Snyrtivörudeild Hagkaups, Skeifunni,
Top Shop, Lækjargötu,
Gallery Förðun, Keflavík,
Snyrtivörudeild Hagkaup,s Akureyri,
Silfurtorg, Ísafirði www.forval.is
Ráðgjafi verður í
Líbíu, Mjódd
fimmtudaginn 14. mars
og föstudaginn 15. mars
kynnir ný og
endurbætt
naglalökk sem
NÝTT NÝTT NÝTT NÝTT

þekja vel

þornar fljótt

tolla lengur
Komdu við í næstu
HARD CANDY
verslun og líttu á!
Snyrtivörudeild HAGKAUPS
Spönginni
fimmtudaginn 14. mars
föstudaginn 15. mars og
laugardaginn 16. mars
og
SÖNGLEIKURINN Grettir eftir
Egil Ólafsson, Ólaf Hauk Sím-
onarson og Þórarin Eldjárn verð-
ur frumsýndur í Frumleikhúsinu
annað kvöld, 15. mars, en upp-
færsla verksins er í höndum
Leikfélags Keflavíkur og leiklist-
arklúbbs Fjölbrautaskóla Suð-
urnesja, Vox Arena. Þetta er í
fyrsta sinn sem leikhóparnir tveir
starfa saman og hér er á ferðinni
stór og góður hópur, að sögn
Jóns Páls Eyjólfssonar leikstjóra
sem steig sín fyrstu leikspor hjá
áðurnefndum leikhópum.
Rúmlega 30 leikarar taka þátt í
uppfærslunni og fjöldi laga í sýn-
ingunni er álíka mikill. Það þurfti
því líka að huga að góðum söng-
röddum þegar valið var í hlut-
verkin og að sögn Jóns Páls eru í
hópnum margar stórar raddir.
Stjörnur framtíðarinnar
Það er sennilega ekki auðvelt
að feta í fótspor Þursaflokksins
sem sá um tónlistarflutninginn
þegar verkið var frumflutt hjá
Leikfélagi Reykjavíkur fyrir um
20 árum, en tónlistarflutning-
urinn er í höndum reyndra
manna, þeirra Júlíusar Guð-
mundssonar og Sigurðar Guð-
mundssonar, sem einnig sjá um
útsetningu og endurhljóðblöndun.
Áðurnefndur Júlíus var í leik-
arahópi LK þegar félagið setti
Gretti á svið árið 1989 og fékk
góða dóma, ekki síst fyrir söng
og af þeim hópi sem stóð að
þeirri sýningu er einn menntaður
óperusöngvari í dag og annar
leikari. Jón Páll segist gruna að í
hópnum nú leynist stjörnur fram-
tíðarinnar. „Við erum með mikið
af hæfileikaríku ungu fólki í sýn-
ingunni og það kæmi mér ekki á
óvart ef landsmenn ættu eftir að
berja einhver þeirra augum eða
ljá eyru í framtíðinni.“
Jóhann Már Smárason túlkar
Gretti og önnur aðalhlutverk eru
í höndum Jóns Marínós Sigurð-
arsonar, Sólrúnar Steinarsdóttur,
Atla Más Gylfasonar og Söndru
Þorsteinsdóttur, en saman mynda
þau fjölskyldu Grettis.
Aðalsöguhetjan, Grettir Ás-
mundarson, er í mörgu líkur
nafna sínum úr Grettissögu, enda
söngleikurinn skírskotun í þá
sögu. Grettir nútímans á enn í
baráttu við drauginn Glám, þótt
vissulegi hafi hann tekið á sig
nýjar myndir. Gretti er einnig
uppsigað við hinar ýmsu stofn-
anir samfélagsins og gengur illa
að fóta sig í lífinu.
Það er kannski einmitt þessi
atriði sem gerir það að verkum
að söngleikurinn hefur verið eins
vinsæll og raun ber vitni, eða
hvað segir leikstjórinn: „Verkið
er einfaldlega gott. Í Gretti er
varpað upp þessum eilífðarspurn-
ingum, er allt fyrirfram ákveðið
eða erum við höfundar okkar
eigin lífs? Hver er ávinningurinn
af því að breyta útliti okkar til
að öðlast það sem við þráum
mest og borgar það sig að breyta
rétt? Eigum við að axla ábyrgð
gjörða okkar og taka afleiðing-
unum, vera sönn og segja satt?
Það er hollt að velta þessum
spurningum upp því við búum í
samfélagi þar sem firringin hef-
ur náð því marki að skilaboðin til
þeirra sem eiga að taka við land-
inu eru þau, að einungis kjánar
hafi samvisku og gangist við
ábyrgð.“
Söngleikurinn Grettir verður frumsýndur í Frumleikhúsinu annað kvöld
Verkið er
einfald-
lega gott
Morgunblaðið/Svanhildur Eiríksdóttir
Leikstjórinn, Jón Páll Eyjólfsson, gefur leikurunum góð ráð.
Skólagangan reynist Gretti ekki þrautalaus eins og sjá má á svip hans og kennarans. Jóhann Már Smárason
leikur Gretti í samnefndum söngleik og Sigríður Vigdís Þórðardóttir er í hlutverki kennslukonunnar.
Keflavík
HALLGRÍMUR Bogason bæjar-
fulltrúi skipar efsta sætið á lista
Framsóknarflokksins í Grindavík fyr-
ir bæjarstjórnarkosningarnar í vor,
eins og við síðustu kosningar. Dag-
bjartur Willar-
dson bæjarfulltrúi
er í öðru sæti en
hann skipaði
þriðja sætið síðast
en varð bæjar-
fulltrúi þegar
Sverrir Vilbergs-
son hætti í bæjar-
stjórn. Nýtt fólk
er í næstu sætum.
Framsóknar-
menn fengu tvo fulltrúa kosna í bæj-
arstjórn Grindavíkur við síðustu
kosningar og mynda meirihluta um
stjórnun bæjarins með fulltrúum
Sjálfstæðisflokksins.
Í þriðja sæti listans, sem sam-
þykktur var á félagsfundi í Fram-
sóknarfélagi Grindavíkur í fyrra-
kvöld, er Gunnar Már Gunnarsson
bankastarfsmaður og Dóra Birna
Jónsdóttir gjaldkeri í því fjórða. List-
inn er að öðru leyti þannig skipaður:
5. Guðmundur Grétar Karlsson há-
skólanemi, 6. Jónas Þórhallsson skrif-
stofumaður, 7. Páll Gíslason verktaki,
8. Sigríður Þórðardóttir verslunar-
maður, 9. Kristín Þorsteinsdóttir
skólaliði, 10. Einar Lárusson verk-
stjóri, 11. Vigdís Helgadóttir húsmóð-
ir, 12. Kristrún Bragadóttir verslun-
armaður, 13. Agnar Guðmundsson
bifreiðarstjóri og í 14. sæti er Bjarni
Andrésson netagerðarmaður.
Hallgrímur
leiðir lista
Framsóknar
Grindavík
Hallgrímur
Bogason
HÓPUR Breta fór í fyrstu höfr-
unga- og hvalaskoðunarferðina frá
Keflavík í ár og sáu hnúfubakskú
með kálf. Var mikil ánægja með
það í hópnum, að sögn Helgu Ingi-
mundardóttur, útgerðarmanns
Moby Dick.
Raunveruleg hvalaskoðunarver-
tíð hefst ekki fyrr en um næstu
mánaðamót. Helga segir þó að
komið hafi pantanir fyrir sérferðir
óvenju snemma. Fyrsta ferðin var
farin síðastliðinn sunnudag með lið-
lega tuttugu Breta sem hér voru í
hvataferð. Önnur ferð er bókuð um
helgina og líkur eru á því að Moby
Dick fari fleiri ferðir í mánuðinum.
Helga segir að ekki sé öruggt að
sjá hvali á þessum tíma en meiri
líkur á höfrungum. Því hafi það
komið á óvart þegar hnúfubakarnir
sáust en engir höfrungar. Þá voru
óvenju stórar torfur af skarfi á
sjónum.
Að sögn Helgu eru bókanir í
hvalaskoðun svipaðar eða jafnvel
ívið betri en á sama tíma á síðasta
ári. Útlitið sé því ágætt fyrir sum-
arið. Telur hún að atburðirnir í
Bandaríkjunum 11. september hafi
ekki haft eins slæm áhrif á þennan
þátt ferðaþjónustunnar og menn
óttuðust. Hins vegar mætti búast
við að viðskipti töpuðust við það að
breska flugfélagið Go hætti að
fljúga hingað til lands í sumar.
Gestir í þessari fjölmennu ferð Moby Dick sáu hnúfubak, eins og Bret-
arnir sem fóru um helgina í fyrstu hvalaskoðunarferð ársins.
Hnúfubakar sáust
í fyrstu ferðinni
Keflavík
NETABÁTURINN Guðfinnur KE
varð vélarvana 7–8 sjómílur vestur
af Garðskaga síðdegis í gær. Ekki
var talin hætta á ferðum. Björgunar-
skipið Hannes Þ. Hafstein frá Sand-
gerði dró bátinn til hafnar.
Dreginn
til hafnar
Sandgerði
♦ ♦ ♦