Morgunblaðið - 14.03.2002, Side 18

LANDIÐ
18 FIMMTUDAGUR 14. MARS 2002 MORGUNBLAÐIÐ
G LF
í Túnis
Ferðaskrifstofa Vesturlands býður upp á 11 daga
golfferðir til Túnis, þar sem ekkert er til sparað til
að gera ánægjulega og eftirminnilega ferð.

Golf við kjöraðstæður í þægilegu loftslagi.

Fyrsta flokks strandhótel, góður matur og þjónusta.

Sérlega áhugaverður menningarheimur.

Brottför 26. apríl.
Fararstjóri Sigurður Pétursson golfkennari.
Verð kr. 145.800 í tvíbýli innifelur: Flug, fararstjórn,
akstur, gistingu, hálft fæði og 8 vallargjöld.
Ferðaskrifstofa Vesturlands, sími 437 2323.
Sími 437 2323, fax 437 2321. Netfang travest@simnet.is
SJÓSLYSANEFND hefur fengið
aðstöðu í hluta húsnæðis flugstöðv-
arinnar í Stykkishólmi. Starfsemin
hófst um síðustu áramót og starfa
tveir starfsmenn á vegum nefnd-
arinnar.
Fyrir skömmu var haldinn fund-
ur hjá sjóslysanefnd þar sem rædd
voru málefni nefndarinnar. Ingi
Tryggvason, lögfræðingur í Borg-
arnesi, er formaður nefndarinnar.
Hann segir að 1. september árið
2000 hafi tekið gildi sérstök lög um
sjóslysanefnd og nefndin starfar nú
samkvæmt þeim. Í þeim lögum er
nefndin mun sjálfstæðari en áður
var. Nú er nefndin sjálfstæður
rannsóknaraðili. Áður var hlutverks
hennar getið í sjómannalögum. Sjó-
slysanefnd á, eins og nafn hennar
bendir til, að rannsaka orsök sjó-
slysa og koma fram með tillögur um
það sem betur má fara varðandi ör-
yggismál um borð í skipum. Sigl-
ingastofnun mun síðan fylgja eftir
tillögum nefndarinnar um úrbætur.
Samkvæmt lögum um sjóslysanefnd
ber að tilkynna til sjóslysanefndar
öll slys sem gerast um borð í skip-
um og köfunarslys. Nefndin hefur
sett sér þau markmið að afgreiða öll
mál innan þriggja mánaða frá því að
þau berast nefndinni. Vonast Ingi
til þess að það markmið náist áður
en langt um líður, því nefndin hefur
nú tvo starfsmenn til að vinna að
rannsókn mála. Með breyttum
reglum sjóslysanefndar telur Ingi
að sjópróf munu að mestu leggjast
af.
Í sjóslysanefnd sitja 5 menn skip-
aðir af samgönguráðherra og hafa
þeir sérþekkingu, hver á sínu sviði,
varðandi öryggismál um borð í bát-
um og skipum.
Sjóslysanefnd
flytur í flugstöðina
Morgunblaðið/Gunnlaugur Árnason
Sjóslysanefnd hittist nýlega á fundi í Stykkishólmi ásamt starfsmönnum
sínum. Á myndinni eru, frá vinstri, Emil Ragnarsson, Pétur Ágústsson,
Guðmundur Lárusson, starfsmaður nefndarinnar, Halldór Almarsson,
varamaður Hilmars Snorrasonar, Pálmi Kr. Jónsson, Ingi Tryggvason
og Jón Arilíus Ingólfssonar, forstöðumaður nefndarinnar.
Stykkishólmur
HESTAMIÐSTÖÐIN á Gauks-
mýri fékk í ársbyrjun 2002 hvatn-
ingarverðlaun INVEST – Iðnþró-
unarfélags Norðurlands vestra –
fyrir uppbyggingu hestamiðstöðv-
ar á Gauksmýri í Húnaþingi
vestra. Verðlaunin voru listaverk
eftir Bjarnheiði Jóhannsdóttur,
unnið úr postulíni, heitið er AFL
og höfðar til stormsins, sem má
segja að sé táknrænt fyrir aðstæð-
ur á Gauksmýri bæði hvað varðar
framkvæmdir og veðurfar að vetr-
um.
Hestamiðstöðin á Gauksmýri er
ungt fyrirtæki, stofnað árið 1999
af Jóhanni Albertssyni, Sigríði
Lárusdóttur og Magnúsi Lárus-
syni en með þeim í rekstrinum er
Svanhildur Hall. Þau Magnús og
Svanhildur eru bæði menntuð í
hrossatamningum.
Með þeim að uppbyggingu á
Gauksmýri stendur faðir Sigríðar
og Magnúsar, Lárus Þ.Valdimars-
son.
Á Gauksmýri er verið að byggja
upp alhliða miðstöð sem snýr að
íslenska hestinum. Bæði eru reglu-
leg námskeið í gangi, tamningar á
hrossum, þjónusta við hesta-
eigendur með hagagöngu og góð
aðstaða til móttöku gesta, til
lengri eða skemmri tíma, svo
nokkuð sé nefnt.
Á staðnum er mikil reiðskemma,
þar fer tamning fram að vetrum
og einnig kennslan að hluta. Þá
eru í nágrenni Gauksmýrar komn-
ir góðir reiðvegir, ábúendur hafa
endurheimt votlendi með áður
uppþurrkaðri tjörn. Þar er nú risið
fuglaskoðunarhús.
Nú í vetur var opnuð gestamót-
taka sem kallast Gaukshreiðrið,
þar er alhliða veitingasala og gott
útsýni yfir nýjan reiðvöll sem er
framan við aðalhúsið.
Það má með sanni segja að
Gauksmýri sómi sér vel í hópi
fyrri hvatningarverðlaunahafa
INVEST, sem eru Kántrybærinn
á Skagaströnd og Vesturfarasafnið
á Hofsósi.
Morgunblaðið/Karl Ásgeir Sigurgeirsson
F.v. Guðmundur Skarphéðinsson, formaður INVEST, Lárus Þ. Valdi-
marsson, Svanhildur Hall, Sigríður Lárusdóttir og Jóhann Albertsson.
Hvatningar-
verðlaunin fóru
á Gauksmýri
Hvammstangi
FÉLAGAR í Björgunarhundasveit
Íslands, 28 að tölu ásamt 21 leit-
arhundi, eru um þessar mundir
með æfingabúðir í Kröflu. Þar eru
hundarnir þjálfaðir til leitar að
fólki í snjóflóði. Þeir gangast síð-
an undir færnipróf. Námskeiðið
stendur í sex daga en kennarar á
námskeiðinu eru frá Noregi og
Bretlandi. Veður hefur verið
ágætt til útiverka þessa daga
þannig að vel hefur nýst til æf-
inga.
Ekki þarf að lýsa því hve mik-
ilvægt er að hafa á hraðbergi vel
þjálfaða björgunarmenn með þjálf-
aða leitarhunda til snjóflóðaleitar.
Þátttakendur á námskeiðinu við
Kröflu komu víðsvegar að af land-
inu og fara heim með hunda sína
betur í stakk búnir til að bregðast
skjótt við þegar kallið kemur.
Morgunblaðið/BFH
Fjölmargir hundar og eigendur þeirra taka þátt í æfingabúðunum við Kröflu.
Hundalíf við Kröflu
Mývatnssveit
ÞAÐ hljóp heldur betur á snærið
fyrir skömmu hjá þeim börnum og
unglingum sem iðka handknattleik
á Húsavík. Guðmundur Guðmunds-
son, landsliðsþjálfari karla í hand-
knattleik, var á ferð í Þingeyjar-
sýslu og gaf sér tíma til að mæta á
æfingu hjá Íþróttafélaginu Völs-
ungi.
Á æfingunni sem fram fór í
Íþróttahöllinni á Húsavík þjálfuðu
þeir krakkana í sameiningu Guð-
mundur og Jóhann Kr. Gunnarsson,
þjálfari yngri flokka félagsins.
Krakkarnir reyndu eðlilega að sýna
Guðmundi sínar bestu handknatt-
leikshliðar og eitthvað heyrðist
hann tala um landsliðstakta hjá
þeim sumum. Í lok æfingarinnar
áritaði Guðmundur plaköt með
mynd af landsliðinu sem stóð sig
svo vel í Svíþjóð fyrr í vetur og gaf
öllum þeim sem þiggja vildu. Þá
vildi ungviðið einnig fá nafn Guð-
mundar á bolta sína og varð hann
fúslega við því.
Guðmundur tjáði fréttaritara að-
spurður að það hefði verið mjög
gaman að koma og hitta krakkana
og einnig það að sjá að hér væri
unnið öflugt barna- og unglinga-
starf á vegum félagsins. Jóhann Kr.
þjálfari var mjög ánægður með
komu Guðmundar hingað og sagði
þetta mikilvægt fyrir krakkana,
hann sjálfan og ekki síst allt hand-
knattleiksstarf á vegum Völsungs.
Landsliðs-
þjálfari í
heimsókn
Húsavík
Morgunblaðið/Hafþór Hreiðarsson
Guðmundur Guðmundsson áritaði landsliðsplaköt og bolta fyrir krakkana.