Morgunblaðið - 14.03.2002, Side 23
ERLENT
MORGUNBLAÐIÐ FIMMTUDAGUR 14. MARS 2002 23
meistar inn. is
GULL ER GJÖFIN
Fyrir fagurkera
og safnara
Antik Kuriosa
Grensásvegi 14
s. 588 9595 og 660 3509
Opið mán-fös. frá kl. 12-18
Lau. frá kl 12-17
SAKSÓKNARAR í Houston í
Texas krefjast þess, að Andrea
Yates, sem fundin hefur verið
sek um að
hafa myrt
fimm börn
sín, verði
dæmd til
dauða. Kvið-
dómur úr-
skurðaði sl.
þriðjudag,
eftir að hafa
borið saman
bækur sínar í aðeins tæpar
fjórar klukkustundir, að Yates
væri sek um morðin, og hafnaði
kviðdómurinn þeim rökum
verjenda hennar að hún væri
ósakhæf sökum geðbilunar.
Frosnir verði
grafnir
DÓMSTÓLL í bænum Saumur
í Frakklandi úrskurðaði í gær,
að auðug hjón, sem voru fryst
eftir að þau dóu, skyldu tekin
úr frystigeymslunni og greftr-
uð. Hjónin voru fryst í þeirri
von, að einhverntíma í framtíð-
inni yrði hægt að lífga þau við.
Komst dómstóllinn að þeirri
niðurstöðu, að það stangaðist á
við landslög að hjónin yrðu
áfram geymd við 60 stiga frost í
kæliklefa í kjallara fjölskyldu-
óðalsins í Neuil-sur-Layon.
Aftaka í
Georgíu
FORSETI þingmannasamtaka
Evrópuráðsins, Peter Schneid-
er, fordæmdi í gær aftöku
Tracy Housels sem var dæmd-
ur fyrir nauðgun og morð í
Georgíu í Bandaríkjunum.
„Dauðarefsing ... bindur enda á
líf sakbornings en í staðinn fær
hann frægð. Hið fyrra er lítil
huggun fyrir aðstandendur
fórnarlambsins, hið síðara eyk-
ur þjáningar þeirra verulega,“
sagði Schneider. Housel var
sprautaður með banvænu efni á
þriðjudag en hann var með
bæði breskan og bandarískan
ríkisborgararétt.
STUTT
Krefjast
dauða-
refsingar
Yates
NORSKA ríkisstjórnin hefur ákveð-
ið að minnst 40% stjórnarmanna í
fyrirtækjum skuli vera konur. Regl-
urnar taka gildi innan árs hvað rík-
isfyrirtæki varðar en einkafyrir-
tækjum verður gert að innleiða þessi
umskipti árið 2005.
Talsmenn ráðuneytis málefna
barna og fjölskyldna í Noregi sögðu í
samtölum við fjölmiðla að þeim væri
ekki kunnugt um að sambærilegar
reglur hefðu verið innleiddar í öðr-
um löndum. Sem fyrr sagði tekur til-
skipunin fyrst til fyrirtækja sem eru
að hluta eða öllu leyti í eigu ríkisins
en einkagerinn verður síðar skyld-
aður til að gera slíkt hið sama.
Laila Dåvøy, ráðherra málaflokks
barna og fjölskyldna, sagði á fundi
með fréttamönnum að ákvörðun
þessi yrði að teljast söguleg. Að-
spurð kvaðst hún ekki óttast að til-
skipun stjórnvalda myndi hafa nei-
kvæð áhrif að því marki að lítt
reyndar konur yrðu teknar fram yfir
hæfa karlmenn. „Við höfum beðið
nógu lengi. . . það var orðið tímabært
að gera eitthvað. . . Þau hæfustu
verða valin og þau hæfustu finnast í
röðum karla og kvenna.“
Nýju reglurnar gilda raunar einn-
ig um karlmenn því kveðið verður á
um að minnst 40% þeirra sem í
stjórnum fyrirtækja sitja skulu vera
karlkyns.
Ekki eru allir jafnhrifnir af áform-
um þessum. Þingkonan Siv Jensen,
sem tilheyrir Framfaraflokknum, er
ein þeirra sem andmælt hafa tilskip-
uninni.
„Þetta kemur jafnréttisbaráttunni
ekkert við,“ sagði Jensen í viðtali við
norska útvarpið. Hún sagði að konur
myndu líta svo á að sæti þeirra í
stjórnum fyrirtækja væru ekki til
komin sökum eigin verðleika heldur
sýndarmennsku yfirvalda.
Raunar hafa nokkur norsk ríkis-
fyrirtæki þegar innleitt reglu þessa
og má þar nefna Statoil og Telenor-
símafyrirtækið. Minna fer fyrir kon-
um í stjórnum fyrirtækja í einka-
geiranum og nánast óþekkt er að
þær séu stjórnarformenn. Kristin
Krohn Devold er hins vegar varn-
armálaráðherra Noregs, ein fárra
kvenna sem hafa það embætti með
höndum í heimi hér nú um stundir.
40% stjórnarmanna séu konur
Norðmenn setja reglur um aukinn
hlut kvenna í stjórnum fyrirtækja