Morgunblaðið - 14.03.2002, Blaðsíða 31

LISTIR
MORGUNBLAÐIÐ FIMMTUDAGUR 14. MARS 2002 31
AF einhverjum ástæðum hafði ég
enga hugmynd um hvað mynd ég var
að fara á. „Sean Penn er nú aldrei í
lélegri kvikmynd,“ hugsaði ég með
mér, og hlakkaði til að sjá karlinn,
því mér finnst alltaf eitthvað kyn-
þokkafullt – eða frekar kynreffilegt
– við hann. Og svo birtist hann á
tjaldinu... úps! sem þroskaheftur
náungi... þar fór kynímyndin í vask-
inn. En ég var fljót að jafna mig því
Penn er alveg stórkostlegur í hlut-
verki náungans Sam, sem er með
þroska á við sjö ára barn. Og sem
verra er, er faðir sjö ára stúlku, sem
ómeðvitað hættir að læra af hræðslu
við að verða klárari en pabbi sinn.
Barnaverndarsamtök koma inn í
málið, taka stúlkuna hans Lucy
Diamond (hann er mikill Bítlaaðdá-
andi) frá honum og hann fær lög-
fræðinginn Ritu Harrison (Pfeiffer)
til að taka að sér málið, og viti menn!
Þessi harðkjarna framafrú bara lær-
ir ýmislegt af samverustundum sín-
um við mann sem hún nennti ekki
mikið að spjalla við áður.
I am Sam fjallar um mál sem hafa
verið í fréttum á Íslandi undanfarið,
um rétt andlega fatlaðra foreldra.
Mál sem þörf er að ræða og flestir
vilja helst ekki hugsa út í. Hér er þó
frekar lint tekið á málum, myndin
hefði mátt vera beittari – en hún gef-
ur vissulega jákvæða mynd af
þroskaheftum sem foreldrum. Bítl-
arnir sögðu „All You Need Is Love“,
og það er yfirskrift myndarinnar, en
málið er ekki alveg svo einfalt.
Þetta er Hollywood-mynd, og gerð
eftir gildum sem ríkja þar á bæ. Hún
er fyrirsjáanleg og margir þættir
hennar klisjukenndir, samanber lög-
fræðinginn. Það er þó nokkur húmor
í myndinni, margir góðir brandarar,
þar sem jafnvel er gert grín að ein-
feldni þroskaheftra, þótt það sé mest
góðlátlegt. En það bjargar myndinni
alveg, því hún er líka hryllilega væm-
in. Ekki nóg með að Penn sé veru-
lega sannfærandi – og heillandi á
sinn hátt – í hlutverki Sams, heldur
er Dakota Fanning stórkostleg sem
Lucy Diamond. Um leið og hún birt-
ist á skjánum er hún búin að vinna
hjarta manns. Og öll atriðin með
þeim tveimur saman eru... ja, ég
bara hágrét. Ég hef bara aldrei
grenjað svona mikið í bíó, og hvað þá
alla leiðina heim og hálftíma eftir að
ég var lögst upp í rúm. Ég sver það.
Þrátt fyrir klisjurnar og grenjurnar,
linkindina og væmnina, þá finnst
mér þetta fín mynd – kannski af því
að eftir á fannst mér einsog Sam og
Lucy væri bestu vinir mínir, og ég
myndi svíkja þau ef ég segði eitthvað
annað. Það segir nú eitthvað.
Reuters
„Ekki nóg með að Penn sé verulega sannfærandi – og heillandi á sinn
hátt – í hlutverki Sams, heldur er Fanning stórkostleg sem Lucy.“
Besti pabbi
í heimi
KVIKMYNDIR
Bíóborgin
Leikstjórn: Jessie Nelson. Handrit: Krist-
ine Johnson og Jessie Nelson. Kvik-
myndataka: Elliot Davis. Aðalhlutverk:
Sean Penn, Michelle Pfeiffer, Dakota
Fanning, Dianne Wiest, Loretta Devine,
Richard Schiff og Laura Dern. 132 mín.
USA. New Line Cinema 2001.
I AM SAM/ÉG ER SAM
Hildur Loftsdóttir
ÞAÐ var í fyrra að Sigurður
Flosason, ásamt fleiri félögum úr
Stórsveit Reykjavíkur, lék í ís-
lenskfæreyskgrænlensku stór-
sveitinni NAPA undir stjórn Mar-
íu Schneiders, sem er einn fremsti
stórsveitarstjórnandi djassins um
þessar mundir. Þar lék færeyski
bassaleikarinn Edvard Nyholm
Debes, sem trúlega er fremstur
færeyskra djassleikara, og banda-
ríski píanistinn Jim Milne, sem
hefur búið í Nuuk í áratugi og rek-
ur þar hljóðver og útgáfufyrir-
tæki. Hann lék á árum áður með
ýmsum toppdjassistum s.s. Thad
Jones, Mel Lewis og Don Ellis.
Debes fékk þá hugmynd að þeir
félagar legðu saman í tríó og léku
þeir í Þórshöfn og Nuuk í mars-
byrjun áður en Reykjavík var
heimsótt og seinna á árinu er
stefnt að nýju í kjölfar norrænna
víkinga, m.a. til Írands, Hjalt-
landseyja og Nýfundnalands.
Efnisskráin samanstendur af
verkum eftir þá félaga auk dans-
ins færeyska um Flóvin Bæna-
diktsson, sem vinsæll varð á Ís-
landi snúinn uppá Gretti sterka og
söng Árni Tryggvason á prent-
smiðjufæreysku texta sem Gunn-
ar Eyjólfsson og Helgi S. Jónsson
sömdu og hófst svo: Ásmundur
byggvði á bjarginu.
Tónleikarnir hófust á Hjarta-
rótum Sigurðar Flosasonar af
Gengið á hljóðið. Blés hann í altó
en skipti yfir á sópran í næsta
verki, sem var eftir Debes og ná-
lægt evrópskri tónskáldatónlist
með frjálsdjassívafi. Hann blés
einnig í sópran í seinna verki Deb-
es og gæddi það húmor með tal-
andi saxófónkafla í lokin. Lög
Milne voru hefðbundnari en Deb-
esar. Six Stomper var bíbopp-
stompari einsog Mingus samdi
stundum að gamni sínu og svo var
fallegur óður til grænlenska sum-
arsins í fjarðarbotnunum er
hnjúkaþeyrinn ríkir og einn tangó
þarsem Flosason blés fínan sóló
einsog oftast. Mýkstur var Sig-
urður í ballöðu sinni Stjörnur, en
heitastur í aukalaginu Heima er
best af Gengið á hljóðið. Þar átti
Milne fínan sóló þarsem honum
tókst að byggja upp garneríska
spennu.
Þetta voru hinir skemmtileg-
ustu tónleikar og Debes var jafn-
vígur í sólóum og rýþma. Tónninn
fínn og sveiflan sterk. Milne átti
góða spretti og saxófónleikur Sig-
urðar fyrsta flokks, en það er sos-
um daglegt brauð, tríóið gott þó
ekki væri það í Himnastigaklass-
anum.
Norður-
hjaradjass
DJASS
Norræna húsið
Sigurður Flosason, sópran- og altó-
saxófóna, Jim Milne, píanó, og Edvard
Nyholm Debes, bassa. Sunnudaginn
10.3. 2002.
GRISFO
Vernharður Linnet
ÞAÐ er ánægjulegt að sjá hversu
góðum árangri er hægt að ná með
hóp ungra leikenda og skemmti-
legar hugmyndir í farteskinu. Stef-
án Jónsson hefur á undanförnum
árum sett upp athyglisverðar sýn-
ingar með leikhópum framhalds-
skólanna, skemmst er minnast frá-
bærrar sýningar hans á Dýrunum í
Hálsaskógi með Flensborgarskólan-
um í fyrra.
Sýningin að þessu sinni er sam-
sett úr þremur þáttum sem eiga í
raun fátt sameiginlegt annað en
það sem einkennir leikrit fremur en
ekki, nefnilega samskipti kynjanna,
ástir og átök. Úr þessu verður þó
haglega fléttuð sýning sem vísar
fram og til baka innan þess ramma
sem henni er gefinn.
Fyrsti þátturinn er byggður á
100 ára gömlum íslenskum ástar-
bréfum milli manns og konu. Upp-
haf þess þáttar er einstaklega
myndrænt og skemmtilega hugsað
þar sem starfsmenn í vinnugöllum
bera inn konur í búningum sem
minna á aldamótin og þegar þeir yf-
irgefa salinn taka þær til máls hver
af annarri. Góð framsögn leikenda
og vel útfærð hrynjandi skapaði
sterka stemningu.
Annar þátturinn er eftir Banda-
ríkjamanninn David Ives og er að
sögn leikstjórans upphaflega sam-
inn fyrir tvo leikara; lýsir því
hvernig karl og kona reyna að finna
leiðina hvert að öðru á bar. Höfund-
urinn beitir þeirri skemmtilegu að-
ferð að í hvert sinn sem persón-
urnar lenda í ógöngum er hoppað
til baka og þær fá tækifæri til að
leiðrétta sig og halda áfram. Leik-
stjórinn bregður á það ráð að
skipta textanum á milli fjölda leik-
enda og búa til fjölmörg pör sem
gæðir textann enn meiri fjölbreytni
og veitir fleirum tækifæri til að
spreyta sig í leik. Þessi þáttur var
mjög vel sviðsettur og skýr, per-
sónur einfaldar og textameðferð
góð. Það er reyndar einkenni á
þessari sýningu allri hversu skýr-
mæltir leikendur eru og greinilegt
að lögð hefur verið verðskulduð al-
úð við þann þátt, því fátt er verra
en skilja ekki hvað leikendur eru að
muldra á sviðinu.
Þriðji þátturinn er sýnu lengstur
og heillegastur eftir breska gam-
anleikjahöfundinn Alan Ayckbourn.
Þátturinn gerist á hótelbar og segir
frá tvennum hjónum og karlmanni
sem reynir stíft við konu á barnum
og verður sífellt drukknari eftir því
sem á líður kvöldið. Þarna reyndi
verulega á leikhæfileika þátttak-
enda og er skemmst frá því að
segja að þátturinn er frábærlega
unninn, leikurinn nákvæmur og
skýr sem er skilyrði fyrir að þátt-
urinn nái tilgangi sínum því leikið
er samtímis á þremur stöðum og
skipt hratt á milli án þess að nokk-
urn tímann megi verða dauður
punktur. Leikurinn var mjög ýktur
og vakti sérstaka athygli hversu
samstiga leikendur voru í þeim stíl
sem leikstjórinn hafði lagt þeim til;
Hilmar Guðjónsson fór hamförum á
sviðinu og missti hvergi dampinn.
Söng- og dansatriðið var sannkall-
aður hápunktur annars mjög vel
heppnaðrar sýningar.
Kynleg
sýning
LEIKLIST
Fúría, Leikfélag Kvennaskólans
Þrír leikþættir eftir leikhópinn, David
Ives og Alan Ayckbourn. Búningar: Rann-
veig Gylfadóttir. Leikstjóri: Stefán Jóns-
son.
KYNVERUR
Hávar Sigurjónsson
EINAR Scheving hélt djasstón-
leika í Clark-tónleikasalnum á Uni-
versity of Miami í Flórída á dög-
unum. Tónleikar þessir voru hluti
af meistaraprófi Einars í tónlist-
ardeild skólans, en hann hefir
stundað þar nám, með trommuleik
sem aðalgrein, síðastliðin 5 ár.
Fjórir aðrir tónlistarmenn aðstoð-
uðu Einar, en á efnisskránni voru
fimm af sjö tónverkunum eftir
hann sjálfan. Þóttu tónleikarnir
takast afar vel, og sér í lagi var
Einari og félögum hans klappað lof
í lófa fyrir hans eigin tónsmíðar.
Rúmlega hundrað manna salurinn
var troðfullur.
Einar hefir unnið að kennslu-
störfum við háskólann með meist-
aranáminu undanfarin ár og mun
halda þar áfram kennslu að náminu
loknu. Maki hans, Tinna Laufey
Ásgeirsdóttir, vinnur nú að dokt-
orsritgerð sinni í hagfræði við
sama skólann, University of
Miami.
Meistara-
prófstónleikar
í Miami
Flórída. Morgunblaðið.
DANSKI hönnuðurinn Arne Jac-
obsen átti 100 ára fæðingarafmæli
11. febrúar. Af tilefninu hefur m.a.
verið gefin út bók um ævi og störf
Jacobsens og færði verslunin Epal
hf. Listaháskóla Íslands, hönnun-
ardeild, Kennaraháskóla Íslands,
listgreinadeild, Iðnskólanum í
Reykjavík, hönnunardeild og Iðn-
skólanum í Hafnarfirði, hönnunar-
deild, eintak af þessari bók til eign-
ar.
Af sama tilefni voru veitt verð-
laun í samkeppni, spurninga-
keppni, um Arne Jacobsen og féllu
þau í skaut Hrannar Bjargar-
Harðardóttur.
Einu tímariti í hverju landi gafst
kostur á að efna til þessarar sam-
keppni og sá Hús og híbýli um
keppnina á Íslandi. Verðlaunin eru
gjafaaskja sem er framleidd sér-
staklega af þessu tilefni í takmörk-
uðu upplagi, eða 1.500 stk. og komu
11 öskjur til Íslands. Í öskjunni er
hin áður nefnda bók, tekanna úr
stáli, stálkanna undir heitt vatn,
tesía úr stáli með undirskál, allt
framleitt af Stelton. Auk þess
fylgir öskjunni uppáhalds te Arne
Jacobsen.
Samkeppni
um Arne
Jacobsen
♦ ♦ ♦
VORTÓNLEIKAR Karlakórsins
Stefnis í Mosfellssveit verða í Graf-
arvogskirkju í kvöld, fimmtudags-
kvöld, kl. 20.30 og á laugardag kl.
16.30.
Efnistök kórsins er að þessu sinni
íslensk og erlend lög, létt verk og
kirkjuleg, og lög sem flutt eru í tilefni
100 ára afmælis Halldórs Laxness.
Einsöngvari með kórnum að þessu
sinni er mezzosópransöngkonan Sig-
ríður Jónsdóttir. Einnig syngja ein-
söng kórfélagarnir Birgir Hólm
Ólafsson, Björn Ó. Björgvinsson og
Böðvar Guðmundsson. Stjórnandi
kórsins er Atli Guðlaugsson, undir-
leikari Sigurður Marteinsson og
raddþjálfari Sigríður Jónsdóttir.
Vortónleikar
Karlakórsins Stefnis