Morgunblaðið - 19.03.2002, Blaðsíða 14

HÖFUÐBORGARSVÆÐIÐ
14 ÞRIÐJUDAGUR 19. MARS 2002 MORGUNBLAÐIÐ
Reykjavík frá kr. 3.700,- á dag
Alicante frá kr. 2.214,- á dag
Mallorca frá kr. 2.214,- á dag
Madrid frá kr. 2.214,- á dag
Barcelona frá kr. 2.214,- á dag
Nánari uppl. í síma
591 4000
Verð miðast við flokk A
Lágmarksleiga 7 dagar
Innifalið: Ótakmarkaður akstur,
trygging og vsk.
Gildir til 31/03/02
Knarrarvogur 2 – 104 Reykjavík
Avis býður betur ... um allan heim
Traustur alþjóðlegur þjónustuaðili
NÝJAR hugmyndir um mis-
læg gatnamót Miklubrautar
og Kringlumýrarbrautar
voru kynntar á síðasta fundi
skipulags- og byggingar-
nefndar Reykjavíkur. Gera
þær ráð fyrir að umferð flæði
frítt um Kringlumýrarbraut-
ina en umferðarljós verði sett
á Miklubraut.
Að sögn Stefáns Finnsson-
ar, verkfræðings hjá borgar-
verkfræðingi, hafa ýmsar
lausnir á mislægum gatna-
mótum á þessum stað verið
skoðaðar í gegn um tíðina.
„Allar hafa þær gengið út á að
Miklabrautin yrði aðalgatan
þannig að hún myndi renna
frítt. Hins vegar er í aðal-
skipulagi, sem nú er í kynn-
ingu, gert ráð fyrir að þessu
verði snúið við og að Kringlu-
mýrarbrautin verði ráðandi.
Hins vegar hefur aldrei verið
útfærð nánar lausn í þessa
veru fyrr en núna með þess-
ari úttekt sem við vorum að
gera.“
Aðspurður hvort umferðar-
magn á götunum ráði því að
Kringlumýrarbrautin er sett í
forgang í stað Miklubrautar-
innar segir Stefán að í raun sé
meiri umferð á Miklubraut en
Kringlumýrarbraut. Hins
vegar sé ýmislegt sem mæli
með því að snúa þessu við.
„Það er erfiðara að taka við
aukinni umferð á Miklubraut-
inni til vesturs því þar eru
þrengsli strax við Lönguhlíð.
Þessi útfærsla gefur meiri
sveigjanleika á að leysa um-
ferðarmálin í Hlíðunum með
stokk eða göngum en í aðal-
skipulagi er gert ráð fyrir
stuttum stokki sem næði frá
Eskihlíð að Reykjahlíð.“
Hann segir hugmyndir um að
gera stokkinn lengri og jafn-
vel hafa hann sundurslitinn
þannig að það yrðu tveir
stokkar. „Það er að vísu ekki
komið í skipulag en maður sér
ákveðna kosti við það og það
yrði þægilegra að leysa þetta
ef Miklubrautin er á ljósum
við Kringlumýrarbrautina.“
Aðgengi að Hamrahlíð
versnar
Annar ókostur við að láta
Miklubrautina vera á er að
sögn Stefáns að gert er ráð
fyrir að hún yrði grafin niður.
„Göngin sem eru að Kringl-
unni austanvið takmarka hins
vegar hversu mikið er hægt
að grafa niður og ef þessu er
snúið á þann veginn er líklegt
að það yrði að lyfta Miklu-
brautinni í gatnamótunum
um einn til tvo metra sem
menn telja ókost umhverfis-
ins vegna. Hins vegar ef
Kringlumýrarbrautin er tek-
in niður er hægt að halda
Miklubrautinni nokkurnvegin
í óbreyttri hæð.“
Hann segir þó ókostinn við
að grafa Kringlumýrarbraut-
ina niður þann að fyrirsjáan-
legt er að aðgengi að Hamra-
hlíðinni versni. Vinstribeygja
frá Kringlumýrarbraut inn
Hamrahlíð myndi þannig að
öllum líkindum lokast. Verði
þessi leið farin séu hugmynd-
ir um að gera mislæg gatna-
mót við Listabraut í fram-
haldinu. Það kallaði á það að
grafa Kringlumýrarbrautina
enn lengra niður sem aftur
ylli því að aðgengið að
Hamrahlíðinni versnaði enn.
Stefán telur þó mikilvægt
af umhverfissjónarmiðum að
Kringlumýrarbrautin verði
grafin undir Miklubrautina í
stað þess að hún komi á brú.
„Ef þessu verður lyft mikið
upp hefur það meiri áhrif
bæði hvað varðar hið sjón-
ræna, hávaða og mengun sem
ég held að yrði ekki gott fyrir
íbúðarbyggðina sem er þarna
þétt við.“
Þriggja milljarða
framkvæmd
Að sögn Stefáns er lagt til
að gatnamótin fari inn á vega-
áætlun næstu fimm ára sem
nú er í vinnslu. Kostnaðar-
áætlun fyrir þessa lausn
gatnamótanna er 1,4 milljarð-
ar króna. Til samanburðar er
endurreiknaður kostnaður
við hugmyndir sem miða að
því að Miklabrautin væri í
fríu flæði og eitthvað í kring
um 1,2 milljarðar. Mislæg
gatnamót við Listabraut
myndu síðan kosta um 1,5
milljarða til viðbótar þannig
að alls er verið að tala um
framkvæmdir upp á tæpa
þrjá milljarða. „Það að gera
þarna mislæg gatnamót kall-
ar á að það verði gerð önnur
mislæg gatnamót austar eða
sunnar, eftir því hvor brautin
verður í fríu flæði,“ segir
Stefán. „Ef Kringlumýrar-
brautin verður í fríu flæði þá
kallar það á að gera eitthvað
við Listabrautina en ef Mikla-
brautin verður í fríu flæði þá
kallar það á aðgerðir austur-
úr, við Háaleitisbraut og
Grensásveg.“
Ný útfærsla á mislægum gatnamótum Miklubrautar og Kringlumýrarbrautar kynnt

  












 
 












% &  #
 ' (  #

 
Kringlumýr-
arbraut verði
í fríu flæði
Kringla
FJARAN sefur aldrei og þar er líf
árið um kring. Smáar lífverur er að
finna undir steinum og í fjöruborð-
inu sem forvitnilegt er að rann-
saka, sérstaklega þegar maður er
ekki hár í loftinu. Fjaran í Graf-
arvogi er full af lífi og þegar vorar
verður það enn fjölskrúðugra og
meira spennandi. Fjöru þessa
heimsækja líka selir annað veifið
og baða sig í vorsólinni á sléttum
fjörusteinunum. Börn og fullorðnir
eru heldur ekki sjaldséðir gestir á
þessum slóðum enda ýmislegt
skemmtilegt sem sjórinn ber á
land, svo sem skeljar og slípaðir
steinar. Svo er aldrei að vita nema
að flöskuskeyti reki á fjörur
manns. En fjaran er ekki hættulaus
og sleipir steinarnir eru varasamir.
Þá er varhugavert að standa á
steini eða klettum utarlega í fjör-
unni þegar flæðir að, því enginn vill
vera á flæðiskeri staddur.
Morgunblaðið/Guðlaugur Wíum
Fjölskrúð-
ugt líf í
fjörunni
Grafarvogur
JÓHANN Sigurjónsson, bæjarstjóri
Mosfellsbæjar, segir rangt að búið
hafi verið að ákveða að ráða umsækj-
anda um stöðu skólastjóra í bænum
og síðar hætt við. Hið rétta sé að
endanleg ákvörðun um ráðningu
hans hafi verið í höndum bæjar-
stjórnar og hún hafi aldrei verið tek-
in.
Morgunblaðið greindi frá því á
laugardag að umsækjandi um starfið
hafi stefnt bænum og krafist 60 millj-
óna króna skaðabóta vegna þeirrar
ákvörðunar bæjaryfirvalda að falla
frá því að ráða hann til starfans. Jó-
þess að annar einstaklingur, sem
hafði sótt um en dró umsókn sína til
baka, vildi koma inn aftur. Það kom
ekki til staðfestingar á ráðningu hins
umsækjandans í bæjarstjórn heldur
var samþykkt í bæjarstjórn að fram-
lengja umsóknarfrestinn. Í framhald-
inu voru þær umsóknir sem fyrir
lágu metnar á grundvelli hæfni,
reynslu og sýnar á skólastarf og hæf-
asti einstaklingurinn ráðinn.“
Jóhann segir þetta meðal þess sem
fram kemur í lögfræðiáliti, sem bær-
inn aflaði sér í kjölfar þess að hann
var krafinn um skaðabætur vegna
málsins, og ákvörðun um að hafna
kröfunum byggist á því áliti.
hann segir hið rétta í málinu að end-
anleg ákvörðun um ráðningu manns-
ins hafi ekki legið fyrir. „Það má
segja að bæjarráð sé eins konar um-
sagnaraðili í málinu fyrir bæjarstjórn
sem tekur síðan endanlega ákvörðun
í þessu máli og hún var aldrei tekin.“
„Hæfasti einstaklingurinn
ráðinn“
Bæjarráð ákvað á fundi sínum 1.
mars í fyrra að ráða manninn en féll
frá ákvörðun sinni viku síðar. „Þessi
meðmæli komu aldrei til staðfesting-
ar í bæjarstjórninni,“ segir Jóhann.
„Bæjarráð lagði svo til að umsókn-
arfresturinn væri framlengdur í ljósi
Ekki var búið að taka loka-
ákvörðun um ráðningu
Mosfellsbær
Bæjarstjóri um stefnu og kröfu umsækjanda um starf skólastjóra
FARIÐ getur svo að
landsmót Ungmenna-
félags Íslands verði
haldið í Kópavogi árið
2004 en bæjaryfirvöld
þar hafa lýst því yfir að
þau bjóði mótið velkom-
ið. Stjórn UMFÍ mun
taka ákvörðun um hvar
mótið verður haldið 22.
mars næstkomandi.
Til stóð að halda mótið
á Ísafirði en eftir að bæj-
arstjórn þar ákvað í
byrjun febrúar að falla
frá því gaf stjórn UMFÍ
sambandsaðilum sínum
frest til 15. mars til að
sækja um að halda mót-
ið. Fari mótið í Kópavog-
inn verður það í umsjá
Ungmennasambands
Kópavogs.
Segir í bókun bæjar-
ráðs um málið að öll að-
staða sé fyrir hendi í
Kópavogi til að halda
landsmót UMFÍ með
þeim glæsibrag sem
slíku móti sæmi. Þá telur
Bæjarráð Kópavogs að
slíkt mótshald sé verð-
ugt og hvetjandi verk-
efni fyrir hin öflugu
íþrótta- og ungmenna-
félög á svæðinu og einn-
ig fyrir fjölmörg önnur
æskulýðs- og menning-
arsamtök í bænum.
Fimm aðildarfélög
hafa sótt um að halda
mótið en ákvörðun um
hvert þeirra verður fyrir
valinu verður tekin á
stjórnarfundi UMFÍ
næstkomandi föstudag.
Sótt
um að
halda
lands-
mót
UMFÍ
Kópavogur