Morgunblaðið - 19.03.2002, Blaðsíða 50

50 ÞRIÐJUDAGUR 19. MARS 2002 MORGUNBLAÐIÐ






 







  





 

 

  







 
   

 





 !

  !
  


    
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ÞAÐ er skammt stórra högga á
milli hjá heilbrigðisþjónustunni í
sambandi við aldraða, sjúka og
slasaða, nú skal
leggja á þá nýja
skatta í formi
hækkunar á
kostnaði við
sjúkraþjálfun.
Með því að
semja ekki við
sjúkraþjálfara
bitnar þetta
mjög á mörgum
eldri borgurum,
sem verða nú að greiða sína
sjúkraþjálfun og eltast síðan við
endurgreiðslu frá Tryggingastofn-
un, ef tryggingaráði þóknast að
samþykkja það, en nú er ekki leng-
ur nægilegt að framvísa beiðni frá
lækni um sjúkraþjálfun heldur er
það undir duttlungum trygginga-
ráðs komið hvort endurgreiðsla
fæst.
Það er undravert hvað stjórn-
endum heilbrigðismála geta fundið
upp til að skerða kjör aldraðra og
gera þeim lífið erfiðara, en ekki er
langt síðan sjúkraliðar stóðu í
samningabaráttu, sem sköpuðu
mörgum eldri borgurum veruleg
óþægindi og kostnaðarauka, og
núna eru stjórnvöld að loka á að
aldraðir, sem þurfa á sjúkraþjálfun
að halda, fái notið þess, nema með
stórauknum tilkostnaði og alls kon-
ar aukasnúningum, sem margir eru
ekki færir um að standa í. Þessar
nýju reglur, að sjúklingur þurfi að
sækja um og bíða úrskurðar trygg-
ingaráðs um endurgreiðslu, og það
að sjúklingur þurfi að greiða þjálf-
unina fyrst og sækja síðan endur-
greiðsluna í Tryggingastofnun, er
mörgum þeirra ofviða, bæði fjár-
hagslega og heilsufarslega, og mun
leiða til þess að margir verða að
hætta í sjúkraþjálfun, sem er þeim
þó lífsnauðsynleg.
Það vekur athygli hvað þær
launastéttir, sem mest sinna og
þjóna öldruðum, eiga erfitt með að
fá launakjör sín bætt í samræmi
við aðrar stéttir, samanber sjúkra-
liða í vetur og sjúkraþjálfara núna.
Nú skal hindra þá í að sinna okkur
eins og verið hefur með því að
semja ekki við þá. Hvers á ég að
gjalda að þurfa að greiða fullt
gjald, sem ég hef ekki efni á, fyrir
sjúkraþjálfun, sem mér ber sam-
kvæmt lögum að fá greidda að
fullu, sbr. grein 27 í lögum nr. 117
frá 1993, sem eru lög um almanna-
tryggingar?
Í nýjum reglum frá trygginga-
ráði á Tryggingastofnun að greiða
sem nemur 75% í fyrstu 15 skiptin,
allt eftir það, fyrir eldri borgara
(ellilífeyrisþega) hjá stofnun, sem
Tryggingastofnun hefur samið við,
en það mun vera að mestu hjá
stofnunum, sem ríkið rekur eða
styrkir. Það sama gildir fyrir ein-
staklinga sem hafa umönnunar-
kort.
En ef farið er til sjúkraþjálfara,
sem ekki er með samning við
Tryggingastofnun, fær eldra fólk
(ellilífeyrisþegar) aðins kr. 1.692 í
fyrstu 15 skiptin og síðan kr. 2.256,
ef tryggingaráði þóknast að sam-
þykkja umsókn okkar. Þarna er
það ekki mat læknis hvort við þurf-
um og fáum þjálfun, nú skal það
vera mat tryggingaráðs. Og sam-
kvæmt þessum nýju reglum fá þeir
sem eru með umönnunarkort miklu
hærri endurgreiðslur en aldraðir,
eða kr. 2.256 í fyrstu 15 skiptin og
kr. 2.820 eftir það.
Þetta er enn eitt dæmið um að
aldraðir skuli borga meira en aðrir,
enn er höggvið að öldruðum. Hvers
eigum við aldraðir í Kópavogi að
gjalda? Við höfum góðar þjálfunar-
stöðvar, bæði í Sunnuhlíð og
Hamraborg, sem að mestum hluta
sinna öldruðum, en nú er svo komið
að fjöldi okkar verður að hætta við
sjúkraþjálfunina vegna kostnaðar
og fyrirhafnar við að fá endur-
greiðslu. Ég skora á ráðamenn,
bæði ríkisstjórn og Alþingi, að
koma og kynna sér hvaða fólk það
er sem á hlut að máli, og kynna sér
hvaða afrek þeir eru að vinna með
því að hrekja þetta aldraða, sjúka
fólk frá því að fá nauðsynlega
sjúkraþjálfun, þetta aldraða, sjúka
fólk, sem hefur orðið að hverfa frá
með tárvot augu, vegna þess að
það getur ekki, vegna heilsufars og
fjárhags, farið að duttlungum
tryggingaráðs.
Heitir þetta að standa vörð um
hagsmuni aldraðra?
KARL GÚSTAF ÁSGRÍMSSON,
formaður félags eldri borgara,
Kópavogi.
Sjúkraþjálfun
og aldraðir
Frá Karli Gústafi Ásgrímssyni:
Karl Gústaf
Ásgrímsson
MENN geta haft mismunandi skoð-
anir á því hvort veðrið á Íslandi sé
betra en í Flórída. Staðreyndin er
aftur á móti sú að meðalhiti í Flórída
er mun hærri og sólskinsstundir
fleiri.
Menn geta einnig haft mismun-
andi skoðanir á því hvernig stjórna
eigi fiskveiðum við Ísland. Stað-
reyndin er aftur á móti sú að aðeins
leikreglur sem stuðla að nýliðun
styrkja atvinnugreinar og stuðla að
framleiðniaukningu. Það hafa al-
þjóðlegar rannsóknir sýnt fram á.
Fyrningarleið veitir jafnan að-
gang að fiskveiðum á meðan auð-
lindagjald hindrar nýliðun. Þeir sem
styðja auðlindagjald verða að taka
því að hún mun leiða til hnignunar
útgerðar á Íslandi, hver svo sem
skoðun þeirra er á því.
GUÐMUNDUR ÖRN JÓNSSON
Laugalind 1, Kópavogi.
Skoðun
Frá Guðmundi Erni Jónssyni: