Morgunblaðið - 24.03.2002, Blaðsíða 17

FRÉTTIR
MORGUNBLAÐIÐ SUNNUDAGUR 24. MARS 2002 17
Alltaf á þriðjudögum
Flogið með
varning og
lyf til Afg-
anistans
RÍKISSTJÓRNIN hefur
ákveðið að styðja frekar við
hjálparstarf í Afganistan. Á
næstunni verður m.a. flogið
með varning og lyf frá Króatíu
og Egyptalandi til Afganistans
og Pakistans.
Í janúar ákvað ríkisstjórnin
að veita aðstoð til Afganistans.
Fólst hún í því að Flugfélagið
Atlanta sá um flutninga frá
Evrópu á tækjum, varningi og
lyfjum til hjálparstarfs þar. Í
fréttatilkynningu frá utanríkis-
ráðuneytinu segir að þessi að-
stoð hafi almennt mælst vel fyr-
ir.
Fræðslunámskeið fyrir
nýbakaða foreldra
Í VIKUNNI eftir páska hefst nám-
skeið fyrir nýbakaða foreldra með
því markmiði að veita foreldrum
fræðslu og leiðsögn svo þeir geti not-
ið foreldrahlutverksins sem best.
Námskeiðið er fyrir þá sem eiga
barn á aldrinum 0 til 12 mánaða og er
algjör nýjung hér á landi, að sögn
Herthu W. Jónsdóttur, leiðbeinanda.
Námskeiðið er hugsað sem viðbót
við aðra þá fræðslu sem foreldrum
býðst frá starfsfólki heilbrigðiskerf-
isins. Meðal annars verður fjallað
um fjölskylduna og foreldrahlut-
verkið, um vöxt og þroska barnsins,
næringu, svefn o.fl. Auk þess er
stuðlað að meiri ánægju og vellíðan
foreldra ungra barna með umræðu
um tengda þætti s.s. siðfræði og
samskipti og áhersla lögð á samstill-
ingu, slökun og hugarró.
Leiðbeinendur á námskeiðinu eru
Kristín Guðmundsdóttir og Hertha
W. Jónsdóttir sem eru báðar barna-
hjúkrunarfræðingar með mikla
reynslu og þekkingu á umönnun
barna. Námskeiðið stendur í 2½ klst.
í tvö skipti og hefst næsta námskeið
þann 4. apríl í safnaðarheimili Kárs-
nessóknar, Borgum í Kópavogi.
AUGLÝSING á sjónvarpsstöðinni
Sýn sem birtist undir fyrirsögninni
„Tveir veikindadagar í mánuði!
Veldu vel,“ braut í bága við siðaregl-
ur Sambands íslenskra auglýsinga-
stofa, SÍA.
Þetta er niðurstaða siðanefndar
SÍA eftir að hafa fjallað um kæru
Samtaka verslunarinnar og Banda-
lags háskólamanna vegna auglýsing-
arinnar sem birtist 12. mars sl. Í
fréttatilkynningu frá nefndinni segir
að auglýsingin hafi brotið í bága við
ákvæði siðareglnanna um velsæmi
og heiðarleika.
Í ljósi þess að auglýsingastofa
sjónvarpsstöðvarinnar hafi hætt
birtingu umræddrar auglýsingar
voru ekki talin efni til frekari að-
gerða.
Braut í
bága við
siðareglur