Morgunblaðið - 28.03.2002, Blaðsíða 20
ERLENT
20 FIMMTUDAGUR 28. MARS 2002 MORGUNBLAÐIÐ
RÁÐAMENN fjármálafyrirtækis-
ins Andersen reyna nú í örvæntingu
að bjarga því frá gjaldþroti og hefur
Paul Volcker, fyrrverandi seðla-
bankastjóri Bandaríkjanna, verið
fenginn til að stýra endurskipulagn-
ingu á endurskoðunardeild Arthur
Andersen og gera á henni umbætur.
Aðalframkvæmdastjóri Arthur And-
ersen, Joseph Berardino, sagði af
sér á þriðjudag.
Andersen er eitt af stærstu fyr-
irtækjum á sínu sviði í heiminum og
það annaðist endurskoðun fyrir
bandaríska orkufyrirtækið Enron
sem sakað er um að hafa hagrætt
ýmsum staðreyndum til að blekkja
hluthafa, lánastofnanir og starfs-
menn. Hrun Enron hefur valdið
ímynd Andersen svo miklum vanda
að heimildarmenn telja ósennilegt
að hægt verði að bjarga því en rætt
er um að starfsemi þess utan
Bandaríkjanna verði sameinuð
keppinautum. Er rætt um að
KPMG taki yfir viðskiptin í Hong
Kong. Um 85.000 manns vinna hjá
Andersen í alls 84 löndum.
Fjöldi stórfyrirtækja hefur hætt
viðskiptum við Andersen til að
koma í veg fyrir að almenningur
bendli þau við vafasamar aðferðir.
Tvö bættust í hópinn á mánudag,
orkusamsteypan Calpine og raf-
eindatæknifyrirtækið Cadence De-
sign Systems. Enron-málið hefur
valdið miklum umræðum vestra um
starfsreglur endurskoðunarfyrir-
tækja sem oft eru umsvifamikil á
öðrum sviðum fjármála. Er einkum
gagnrýnt að ekki sé skilið með
traustum hætti á milli annars vegar
endurskoðunardeilda og hins vegar
deilda sem sjá um fjárfestingaráð-
gjöf.
Berardino, sem er 52 ár gamall
og hefur unnið hjá Andersen í 30 ár,
sagði í yfirlýsingu að hann hefði
komist að þeirri niðurstöðu að ef
hann héldi áfram störfum myndi
það skaða tilraunir Volckers.
Er Berardino ræddi við CNN-
sjónvarpsstöðina viðurkenndi hann
að Andersen gæti orðið gjaldþrota,
vandinn væri mikill. Enron hefði
lent í erfiðleikum og Andersen hefði
tengst því en nú væri verið að reyna
að ráða bót á vandanum. „Við höfum
reynt það með því að tala opinskátt
um endurbætur, hvernig endur-
skoðendur geti lagað aðferðir sínar
en fólk virðist einfaldlega ekki
hlusta eða taka okkur alvarlega,“
sagði Berardino.
Volcker á að reyna
að bjarga Andersen
Berardino aðal-
framkvæmda-
stjóri segir starfi
sínu lausu
Chicago, Washington. AP, AFP.
STERKIR eftirskjálftar skóku
jarðskjálftasvæðin í Norður-
Afganistan í gær og komu af
stað skriðum sem heftu för
bílalesta með hjálpargögn fyrir
mörg þúsund manns sem létu
fyrirberast undir berum himni
við rústir heimila sinna. Bær-
inn Nahrin jafnaðist að mestu
við jörðu í hörðum skjálfta sem
reið yfir á mánudaginn var.
Hamid Karzai, bráðabirgða-
forsætisráðherra Afganistans,
sagði í gær að um eitt þúsund
manns hefðu farist í skjálft-
anum, en starfsmenn hjálp-
arstofnana Sameinuðu þjóð-
anna sögðu að talan væri að
líkindum innan við 800. Fyrstu
fregnir, er bárust frá skjálfta-
svæðunum á þriðjudaginn,
hermdu að tvö þúsund manns
að minnsta kosti hefðu farist.
Jarðskjálftarnir
í Afganistan
Þúsundir
undir ber-
um himni
Nahrin í Afganistan. AP.
Paresa, sem er átta ára, meiddi sig á höfðinu þegar jarðskjálftinn reið yfir á mánudaginn. Í gær var hún með föður sínum að bjarga
því sem bjargað varð úr rústum heimilis þeirra í Nahrin. Bærinn jafnaðist að mestu við jörðu í jarðskjálftanum.
Sprunga sem myndaðist í jörðina í Nahrin í jarð-
skjálftanum sem skók N-Afganistan á mánudag.
AP
Loftmynd frá bænum Nahrin í gær, þar sem eyðileggingin af völdum jarðskjálftans á mánudaginn blasir við.
STÖÐUGAR umræður eru nú
innan kaþólsku kirkjunnar í
Bandaríkjunum um það heit sem
kaþólskir prestar hafa þurft að
gefa um skírlífi. Telja sumir í
kjölfar ítrekaðra frétta af kyn-
ferðismisnotkun kaþólskra presta
á sóknarbörnum sínum að kom-
inn sé tími til að heimila prestum
að ganga í hjónaband.
Roger M. Mahony, kardínáli í
Los Angeles, varð á mánudag
fyrstur bandarískra kardínála til
að lýsa því yfir að eðlilegt væri
að ræða opinskátt um þann
möguleika að heimila kaþólskum
prestum að ganga í hjónaband.
Vöktu ummæli hans, sem án efa
munu berast Páfagarði til eyrna,
eftirtekt enda eru þau í beinni
andstöðu við þá yfirlýsingu Jó-
hannesar Páls páfa að umræður
um skírlífiskröfuna séu ekki á
dagskrá.
Ekki eru nema tvær vikur síð-
an málgagn kaþólsku kirkjunnar
í Boston kallaði skírlífi presta
málefni sem ekki væri hægt að
sópa undir teppið.
Er fullyrt að flestir kaþólikka í
Bandaríkjunum, sem eru 62
milljónir manna, séu mótfallnir
því að prestum sé bannað að
ganga í hjónaband.
Skírlífi presta er ekki óbreyt-
anleg trúarkenning heldur gömul
regla sem tengist þeim aga sem
talið var rétt að prestar beittu
sig. Nánast útilokað er þó talið
að kaþólska kirkjan endurskoði
afstöðu sína á meðan Jóhannes
Páll II er páfi. Margir telja hins
vegar vel hugsanlegt að arftaki
hans muni hafa frjálslyndari
skoðanir í þessum efnum, og að
hugsanlegt sé að málefnið verði
tekið á dagskrá að honum gengn-
um.
Kaþólska kirkjan í Bandaríkjunum
Efast um kröfuna
um skírlífi presta
Los Angeles Times.