Morgunblaðið - 02.04.2002, Page 8

FRÉTTIR
8 ÞRIÐJUDAGUR 2. APRÍL 2002 MORGUNBLAÐIÐ
• Sjóðurinn fjárfestir eingöngu í ríkistryggðum
verðbréfum sem þýðir í raun litla breytingu
fyrir þig frá sparnaði í spariskírteinum.
• Þú ávaxtar fjármuni þína með hliðstæðum
hætti, bara á einfaldari hátt.
• Inneign ávallt laus til útborgunar.
• Ávöxtun síðustu 12 mánuði 12,88%
• Öryggið í fyrirrúmi.
Hafðu samband við þjónustufulltrúa á næsta afgreiðslustað eða
í síma 550 1400 og haltu áfram að spara.
Eignaskipting Áskriftarsjóðsins Afhverju Áskriftarsjóður ríkisverðbréfa?
Sérstök skiptikjör: enginn gengismunur
til 29. apríl til eigenda Spariskírteina ríkissjóðs
með gjalddaga 1. apríl 2002
Óverðtryggðar eignir
27%
Verðtryggðar eignir
73%
Spariskírteini ríkissjóðs
Öryggið í fyrirrúmi
www.spron.is
Námskeið um jarðfræði Reykjaness
Viljum sýna
fólki náttúruna
Endurmenntun Há-skóla Íslandsgengst fyrir marg-
víslegum uppákomum,
m.a. námskeiðahaldi.
Gjarnan er um námskeiða-
raðir að ræða og ein slík
röð hefur yfirskriftina „Ís-
land fyrir íslenska ferða-
menn“. Eitt námskeiðið í
umræddri röð er námskeið
með yfirskriftina „Jarð-
fræði Reykjaness“, en um-
sjónarmenn þess eru jarð-
fræðingarnir Helgi
Torfason og Hreggviður
Nordahl. Morgunblaðið
lagði nokkrar spurningar
fyrir Helga.
– Segðu okkur fyrst að-
eins um efni námskeiðsins
og uppbyggingu þess...
„Þetta verða tvær fram-
sögur fimmtudagskvöldin 4. og 11.
apríl þar sem farið verður yfir
jarðfræði Íslands og síðan nánar í
gegnum jarðfræði þessa svæðis,
Reykjanessins. Laugardagana 6.
og 13. apríl og sunnudaginn 14.
apríl, verða síðan dagsferðir á
Reykjanes þar sem við förum á
vettvang og skoðum og skilgrein-
um það sem fyrir augu ber. Hug-
myndin er sú að sem minnst fari
fram innan veggja kennslustofu,
þátttakendur séu sem mest úti í
náttúrunni að skoða viðfangsefnið
með eigin augum. Einnig að ró
svífi yfir vötnunum, menn gefi sér
tíma og flýti sér ekki. Það hefur
einmitt verið aðal þessara nám-
skeiða.“
– Er námskeiðið ætlað ein-
hverjum öðrum fremur?
„Nei alls ekki, námskeiðið er
ætlað almenningi, öllum sem
áhuga hafa á því að kynnast betur
landi sínu. Við höfum verið með
námskeið af þessu tagi áður og
þau hafa verið vel sótt. Þverskurð-
urinn af því fólki sem við höfum
séð hefur verið skemmtilegur.
Þarna hefur ægt saman körlum og
konum á öllum aldri, lögfræðing-
um, prestum, læknum, pitsuaf-
greiðslufólki, hjúkrunarkonum og
húsmæðrum svo eitthvað sé nefnt.
Það yngsta sem við höfum fengið
voru tvær 14–15 ára stelpur úr
Hagaskólanum sem tóku sig til og
fóru með okkur. Síðan er þetta
fólk allt upp í eftirlaunaaldur.“
– Það er stundum grínast með
að sérfræðingar eigi erfitt með að
tala um fög sín á mannamáli,
hvernig hefur ykkur tekist til?
„Já, þetta hefur maður heyrt,
en þetta er ekki vandamál. Við
Hreggviður kunnum mannamál.
Þessi námskeið eru sannarlega á
mannamáli.“
– Hvernig eru námskeið þessi
tilkomin?
„Þetta er hugmynd sem ég fékk
og á rætur að rekja til verkefnis
sem ég tók þátt í á vegum Orku-
stofnunar og fleiri aðila. Verið var
að vinna kortaseríur, m.a. af berg-
grunni, lausum jarðlögum og
grunnvatni á höfuðborgarsvæð-
inu. Það er svæðið Esja-Straums-
vík-Bláfjöll. Gerð voru
1 á móti 25 þúsund kort
af þessum þáttum
svæðisins. Það eru um
fimm ár síðan hug-
myndin kom upp, ég
fékk Hreggvið í lið með mér og við
skipulögðum námskeið upp úr
þekkingu okkar á svæðinu. Áður
hafa verið námskeið um Reykja-
nes, Reykjavík og nánasta ná-
grenni og Hengilsvæðið.“
– Þið eruð að þessu mjög
snemma árs, er ekki tekin veður-
farsleg áhætta?
„Þessi tími er valinn einfaldlega
vegna þess að þetta á ekki skarast
við annað sem við höfum fyrir
stafni. Við reyndum einu sinni að
hafa svona námskeið í október, en
vorum óheppnir með veður. Síðan
höfum við verið í apríl og það hef-
ur komið vel út. Aprílmánuður
hefur verið mjög hagstæður síð-
ustu árin.“
– Hvert verður farið?
„Þetta eru þrjár dagsferðir eins
og ég gat um áðan. Fyrst förum
við út á Reykjanestá og skoðum
okkur um á þeim slóðum. Því næst
förum við á Svartsengi og ná-
grenni Grindavíkur og loks förum
við í Krísuvík, Selvog og um Ög-
mundarhraun, sem er eitt af
yngstu hraununum á þessum slóð-
um. Þarna gefst þátttakendum
færi á að sjá náttúrufyrirbæri sem
sýna mótun Reykjanesskagans
síðustu 5–600 þúsund árin.
Sprungusveimar, brot og jarð-
skjálftar, rek hafsbotnsins, berg-
tegundir og breytileg ásýnd eftir
umhverfi o.m.fl.“
– Stendur til að útvíkka þetta
eitthvað?
„Við höfum hugsað nokkuð um
það félagarnir, m.a. langar okkur
til að efna til svipaðra námskeiða
um jarðfræði Snæfellsness. Við
höfum þó farið okkur hægt í því,
það er lengri ferð, útheimtir gist-
ingu og er þar með orðinn miklu
dýrari pakki. Við kannski vitum
ekki nógu vel hvort næg þátttaka
fengist ef verðið hækkaði. Nám-
skeiðið um Reykjanesið kostar
14.800. Við höfum líka
augastað á Dölunum,
þar er margt skemmti-
legt og merkilegt og
gaman væri að skipu-
leggja námskeið af
þessu tagi á þeim slóðum. Á það
hefur verið bent að það mætti fara
á þessar slóðir og á Snæfellsnes á
einum degi, til að halda kostnaði
niðri, en það yrði nokkuð á skjön
við þá áherslu sem við leggjum á
að menn gefi sér góðan tíma, að ró
svífi yfir vötnunum. Við viljum
sýna fólki náttúruna, þetta er gert
á lifandi hátt úti í náttúrunni. Það
er það sem gefur þessu gildi.“
Helgi Torfason
 Helgi Torfason er fæddur í
Reykjavík 1949. Lauk BS-prófi í
jarðfræði við Háskóla Íslands
1974 og doktorsprófi við Háskól-
ann í Liverpool 1979. Hann starf-
aði hjá Orkustofnun 1979–1985,
síðan suður í Kenýa á vegum
Sameinuðu þjóðanna á árunum
1985–87. Árin 1987 til 2001 var
hann svo aftur innanbúðarmaður
á Orkustofnun, en síðan 2001
hefur hann verið sviðsstjóri jarð-
fræðisviðs Náttúrufræðistofn-
unar Íslands. Eiginkona Helga er
Ella B. Bjarnarson sjúkraþjálfari
og eiga þau eina dóttur, Sunnu
Birnu.
Sýna mótun
Reykjanes-
skagans