Morgunblaðið - 02.04.2002, Qupperneq 12
ERLENT
12 ÞRIÐJUDAGUR 2. APRÍL 2002 MORGUNBLAÐIÐ
SEX manns hið minnsta týndu lífi í
borginni Santa Cruz de Tenerife á
Kanaríeyjum í miklu óveðri sem þar
gekk yfir á sunnudag.
Úrhellið var slíkt að samkvæmt
mælingum féllu 224 lítrar af vatni á
hvern fermetra á fjórum klukku-
stundum í Santa Cruz de Tenerife,
höfuðstað Kanaríeyja.
Rafmagns- og símasambands-
laust var í borginni, sem er á eyj-
unni Tenerife, í gærmorgun. Talið
er að 150 þúsund símalínur séu
óvirkar. Unnið var að viðgerð á
símalínum og rafmagni í gær.
„Borgin er í raun í myrkri,“ sagði
Pilar Merino Tromboso, fulltrúi inn-
anríkisráðherra í Santa Cruz de
Tenerife. Hann sagði að íbúar hefðu
mestar áhyggjur af því að bygg-
ingar myndu hrynja.
Íslendingar ekki í hættu
Vitað er um sex manns sem hafa
farist og 100 hafa slasast í veðrinu,
sem olli flóðum og aurskriðum.
Samkvæmt fréttum spænskra vef-
miðla í gær voru allir þeir sem fór-
ust Spánverjar.
Eyjarnar, sem eru undan norð-
vesturströnd Afríku, eru vinsælar
meðal ferðamanna. Á eyjunni Gran
Canaria, sem einnig tilheyrir Kan-
arí-eyjum, eru nú staddir nokkur
hundruð Íslendingar en ekki er vit-
að til þess að íslenskir ferðamenn
séu á Tenerife. Íslenskar ferðaskrif-
stofur eru ekki með skipulagðar
ferðir þangað og ekki er vitað til
þess að þar búi Íslendingar. Að
sögn Auðar Gnár Ingvarsdóttur,
fararstjóra hjá Heimsferðum, var
sól og blíða á Gran Canaria í gær og
þar höfðu menn ekki orðið varir við
hamfarirnar á nágrannaeyjunni.
AP
Íbúi í Santa Cruz de Tenerife, höfuðstað Kanaríeyja, kannar í gær afleiðingar óveðursins.
Sex farast á Kanaríeyjum
Santa Cruz de Tenerife. Associated Press.
GORAN Svilanovic, utanríkisráð-
herra Júgóslavíu, lýsti yfir því síð-
degis í gær að stjórnvöld hefðu
ákveðið „að starfa af fullum heil-
indum“ með alþjóðlega stríðsglæpa-
dómstólnum í Haag. Þrátt fyrir
þessa yfirlýsingu höfðu stjórnvöld í
Júgóslavíu í gær enn ekki framselt
neinn þeirra manna sem Banda-
ríkjamenn höfðu krafist að leiddir
yrðu fyrir alþjóðlega stríðsglæpa-
dómstólinn í Haag. Þar með rann út
sá frestur sem Bandaríkjaþing hafði
gefið stjórnvöldum í Júgóslavíu sem
nú eiga yfir höfði sér refsiaðgerðir á
efnahagssviðinu.
Fresturinn rann út klukkan fimm
að íslenskum tíma aðfaranótt mánu-
dags og munu stjórnvöld í Júgóslav-
íu strax verða af 40 milljónum dala í
formi efnahagsaðstoðar.
Ríkisstjórn Serbíu gaf á sunnu-
dag út handtökuskipun á hendur
fjórum fyrrum aðstoðarmönnum
Slobodans Milosevic, fyrrum Júgó-
slavíuforseta. Handtökur fóru þó
ekki fram og á listanum var ekki að
finna nöfn þeirra Ratko Mladic, her-
stjóra Bosníu-Serba, og Radovan
Karadzic, forseta þeirra. Þeir eru
taldir bera ábyrgð á mestu grimmd-
arverkunum í Bosníustríðinu á ár-
unum 1992-1995.
Deilt á Kostunica
Zoran Djindjic, forsætisráðherra
Serbíu, sagði á sunnudag að Vojislav
Kostunica, forseti Júgóslavíu, hefði
ákveðið að grafa sem mest hann
mætti undan stríðsglæpadómstóln-
um í Haag. Hann hefði á undanliðn-
um 18 mánuðum gert allt hvað hann
gæti til að koma í veg fyrir sam-
vinnu Júgóslava og réttarins. Djind-
jic ítrekaði þá kröfu sína í gær að
Kostunica forseti styddi framsals-
kröfuna og sagði einangrun og efna-
hagshrun ella bíða þjóðarinnar.
Kostunica hefur lýst yfir því að
dómstólinn í Haag sé hlutdrægur og
að Serbar geti ekki vænst þar rétt-
látrar málsmeðferðar. Hann var
andvígur því að Milosevic yrði fram-
seldur til Haag í júní í fyrra enda fór
svo að það voru serbnesk stjórnvöld
en ekki sambandsstjórnin sem
ákváðu að forsetinn fyrrverandi
skyldi leiddur fyrir rétt í Hollandi.
Embættismenn dómstólsins telja
að um 15 eftirlýstir stríðsglæpa-
menn haldi til í Serbíu.
Bosníu-Serbi handtekinn
Friðargæsluliðar á vegum Atl-
antshafsbandalagsins (NATO)
handtóku í gær fyrrum foringja í
her Bosníu-Serba en hann er eft-
irlýstur vegna þátttöku í fjölda-
morðinu í bænum Srebrenica árið
1995. Maðurinn sem heitir Momir
Nikolic var handtekinn í bænum
Bratunac í austurhluta Bosníu.
Nikolic var næstráðandi Bratunac-
herdeildarinnar sem sökuð er um að
hafa framið fjöldamorðin í Srebre-
nica, sem talin eru hin hroðalegustu
í Evrópu frá lokum síðari heims-
styrjaldar. Talið er að allt að 8.000
Bosníu-Múslímar hafi verið myrtir í
bænum sem lýstur hafði verið sem
„griðasvæði“ á vegum Sameinuðu
þjóðanna.
Júgóslavar
lofa samvinnu
Belgrad. AFP.