Morgunblaðið - 02.04.2002, Page 28
28 ÞRIÐJUDAGUR 2. APRÍL 2002 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ÉG undirrituð, Þórunn Valdimars-
dóttir sagnfræðingur og rithöfundur,
er komin áleiðis við efnisöflun til sögu
þjóðskáldsins, þýðand-
ans, uppreisnarklerks-
ins og ritstjórans Matt-
híasar Jochumssonar.
Mikið efni varðandi
Matthías er varðveitt á
handritadeild Lands-
bókasafns í Þjóðarbók-
hlöðunni, sem ég hef
farið í gegnum, en sárt
er hve lítið er þar af
bréfum til Matthíasar,
og þau eingöngu frá er-
lendu fólki. Afkomend-
ur séra Matthíasar eru
margir og góð von er til
að gögn varðandi sögu
hans leynist í hirslum í
ýmsum ættleggjum, rit-
mál, smámunir, sögur,
myndir, kvæði eða aðrar minjar.
Ljóst er að hinn mikli áratugur þrifn-
aðar og eyðileggingar, sá sjöundi síð-
ustu aldar, eyddi mörgu, en vonandi
síður því sem viðkom Matthíasi, því
hann var eins og önnur stórskáld tek-
inn í hálfguðatölu. Verðmæti varð-
andi sögu hans, myndir, sögubrot,
óbirtur kveðskapur, bréf, leynast
örugglega víðar en á menningarstofn-
unum, hann hafði samskipti við svo
margt fólk á sinni löngu leið.
Ögmundur Helgason, forstöðu-
maður handritadeildar, hvatti mig til
að nota þessa aðferð til
að kalla eftir efni til
sögu Matthíasar sem
enn kann að leynast úti í
samfélaginu. Ekki er
verið að fara fram á að
fólk framselji menjar
sem það stendur í kær-
leikssambandi við held-
ur láni þær tímabundið
svo hægt sé að taka af
ljósrit eða myndir.
Matthías er sameign
okkar allra eins og jökl-
arnir og miðjan á há-
lendinu. Vonandi tekur
fólk á sig krók eftir
þessa hvatningu í stað
þess að lúra áfram á efni
til sögu hans. Látið orð-
ið ganga. Handritadeildin á neðstu
hæð Þjóðarbókhlöðunnar tekur feg-
ins hendi við efni til láns eða varð-
veislu varðandi Matthías og fortíð
okkar allra. Með von um góðar und-
irtektir.
ÞÓRUNN VALDIMARSDÓTTIR,
rithöfundur.
Efni til sögu Matthíasar
Jochumssonar
Frá Þórunni Valdimarsdóttur:
Matthías
Jochumsson
Í MORGUNBLAÐINU 16. mars
gefur að líta grein eftir Ingibjörgu
Sólrúnu Gísladóttur sem hefur annað
yfirbragð en fyrri greinar hennar.
Þar leynist ekki að hún hefur fengið
alvarlegt sjokk þegar hún gerir sér
grein fyrir hverjir eru mótframbjóð-
endur hennar í Reykjavík. Hún er
ekki vön að telja sig þurfa að skýra
oft frá þeim blekkingum sem hún
hefur haldið að kjósendum í sam-
bandi við skuldasöfnu Reykjavíkur-
borgar. Sjálfstæðisflokkurinn hefur
haft yfir að ráða hæfum frambjóð-
endum bæði í Reykjavík og annar-
staðar og hafa færri komist á listana
en viljað hafa. Þar sem uppstilling-
arnefndir eða kjördæmaráð hafa
þurft að velja frambjóðendur á D-
listana hefur svo sannarlega ekki
verið eftirsóknarvert að þurfa að
hafna góðu fólki vegna þrengsla.
En hverfum aftur að Ingibjörgu
Sólrúnu, nú sér hún að hún hefur
fengið ofjarla sína til að berjast við og
fer þar fremstur í flokki Björn
Bjarnason sem enginn efast um að er
einn af okkar hæfustu stjórnmála-
mönnum. Björn er líka vafalítið sá er
best kannast við menntamál og al-
mennt við öll sveitarstjórnarmál, það
þýðir ekki fyrir Ingibjörgu Sólrúnu
að bera fram gömlu blekkingarnar
gegn honum, né þeim lista sem nú er
fyrir D-listann.
Hingað til hefur það verið háttur
Ingibjargar að svara andstæðingum
sínum með hroka og segja að þetta sé
ekki rétt eða þetta sé nú gamalt
plötuspil sem enginn tekur mark á.
Nú veit almenningur, sem eitthvað
fylgist með borgarmálefnum að R-
listinn, undir stjórn Ingibjargar Sól-
rúnar, hefur rúmlega áttfaldað
skuldir borgarinnar síðan hann
prettaði sig inn í Ráðhúsið á vordög-
um 1994, þetta eru rúmar níu millj-
ónir dag hvern sem skuldirnar
hækka.
Fyrir kosningarnar 1994 var 80–
100 manna hópi frá hvorum lista boð-
ið niður í Hótel Holiday Inn, á blaða-
mannafund um loforð R-listans,
hverju hann ætlaði að breyta kæmist
hann til valda. Þessi fundur var allur
tekinn upp á segulband hjá útvarpinu
og á ég eintak af þeim fundi. Segja
má að það setur að manni hroll þegar
maður hlustar á þetta og ber saman
við efndir R-listans. Svo gríðarleg
svik hafa örugglega sjaldan verið á
prent sett, fyrir fjórum árum bað R-
listinn um biðlund fjögur ár í viðbót
því ekki hefði unnist tími til að vinna
allt sem þurfa þótti eftir að D-listinn
hafði stjórnað svo lengi. Segja má að
það litla sem R-listinn hefur ætlað að
framkvæma eru svo mikil asnaspörk
að fólk hefur risið upp til mótmæla og
undirskrifta hvar sem er í bænum.
Nefna má nokkur dæmi: byggingarn-
ar á Álheimatúninu, barnaheimili við
Hæðargarð og á Teigunum, Lauga-
veg 53 sem allt er ein sorgarsaga,
meira og minna allt sem róta átti við í
Kvosinni, hótel við Aðalstræti, fyll-
ingin við Grandann í Vesturbænum,
o.m.fl. Í Kastljósþætti er Ingibjörg
Sólrún mætti Birni Bjarnasyni var
hún öll á iði, gat ekki setið kyrr
augnablik, tók trekk í trekk fram í
fyrir Birni, gat ekki leynt sínum
ruddaskap og frekju, aðeins ef tíminn
liði fyrr: án þess að Björn gæti dregið
fram meira af svikum R-listans og
prettum. Ég skora á fólk að kynna
sér betur vinnubrögð R-listans og
sýna það í kjörkassanum í vor hvaða
álit það hefur á stjórn borgarinnar.
KARL ORMSSON,
fv. deildarfulltrúi.
Hroki borgarstjórans
Frá Karli Ormssyni: