Morgunblaðið - 30.04.2002, Blaðsíða 27

LISTIR
MORGUNBLAÐIÐ ÞRIÐJUDAGUR 30. APRÍL 2002 27
Áttu þér
draum?
Ertu stelpa á aldrinum 13–16 ára?
Búðu til þitt eigið fyrirtæki utan um
drauminn þinn – í ritgerð.
Það er ekki eftir neinu að bíða.
Síðasti skiladagur er 2. maí 2002.
w w w. m b l . i s w w w. d e l o i t t e . i s
Vertu óhrædd við að láta gamminn geisa! Festu hugmyndir þínar
á blað og komdu þeim á framfæri – það er til mikils að vinna!
Höfundum bestu ritgerðanna verður boðið á fjörugt sumar-
námskeið, Leiðtogabúðir FramtíðarAUÐAR, helgina 30. maí–
1. júní þar sem markmiðið er að efla sjálfstraust og sköpunarkraft,
samskipta- og tjáningarhæfileika og kynnast grunnhugtökum
viðskipta í skemmtilegum fyrirtækjaleik.
Vertu með!
Í ritgerðinni getur þú sagt frá því hvernig starfsemi fer fram í drauma-
fyrirtækinu þínu, hvernig þú vilt stjórna því, hverjir viðskiptavinir þess eru og
hvað það hefur fram yfir önnur fyrirtæki. Lengd ritgerðarinnar á að vera 1–2
vélritaðar síður eða 400–700 orð. Henni á að skila í tölvupósti á netfangið
audur@ru.is eða í umslagi merktu FramtíðarAUÐUR, Háskólanum í Reykjavík,
Ofanleiti 2, 103 Reykjavík, fyrir 2. maí 2002.
Þær Linda Karen Gunnarsdóttir, Vigdís Eva
Guðmundsdóttir, Halla Ólafsdóttir og Lilja Karen
Steinþórsdóttir voru meðal þeirra sem tóku þátt í
leiðtogabúðunum að Skógum í fyrra.
Linda Karen skrifaði sína ritgerð um
teiknimyndafyrirtæki
Henni fannst muna miklu að þetta voru eingöngu stelpur.
„Þær eru svo duglegar að vinna saman. ... Þetta var ótrúlega
þroskandi og við lærðum mikið af þessu. Þetta var í rauninni
eitt stórt leikrit, en við lifðum okkur samt alveg inn í
hlutverkin.“
Höllu fannst námskeiðið heppnast ótrúlega vel
„Þessar stelpur sem hittust þarna voru mjög ólíkar og við
þekktumst ekki neitt, en á eftir erum við eins og bestu
vinkonur. ... Svona leiðtogabúðir ættu að vera fyrir allar stelpur
og ekki bara sem tilraun í þrjú ár, heldur á hverju ári.“
Lilja Karen var mjög ánægð með fyrirtækjaleikinn
„Við lærðum mjög mikið af því að taka þátt í fyrirtækjaleiknum – við lifðum
okkur svo sterkt inn í leikinn og litum þannig á að þetta væri raunverulega
okkar fyrirtæki og að við yrðum að láta hlutina ganga upp.“
Vigdís Eva mælir með námskeiðinu fyrir allar stelpur
„Maður hefur fengið meira sjálfstraust og meiri innsýn og skilning á því
hvernig fyrirtæki eru rekin. Það var líka alltaf verið að leggja áherslu á að við
gætum allt sem við vildum.“
6200
BRESKI listahópurinn Crash
heiðraði borgarbúa með heimsókn
sinni nýverið og hengdi upp yfirlits-
sýningu á verkum sínum, en hópur-
inn hefur starfað í 5 ár. Á sýningunni
voru grafísk hönnunarverkefni sem
Crash birtir m.a. í tímaritum og á
veggspjöldum í því skyni að gagn-
rýna fjölmiðla með þeirra eigin að-
ferðum, eins og kemur fram í til-
kynningu. Markmið stofnenda,
þeirra Scott Kings hönnuðar og
Matt Worleys ritstjóra og sögukenn-
ara, var að skapa andófsrödd gegn
ráðandi viðmiðum í breskri auglýs-
inga- og fjölmiðlamenningu eins og
segir einnig í fréttatilkynningu.
Þetta gerir hópurinn á ýmsa vegu.
Eitt verkið er t.d. samtal við Ulrike
Meinhof úr hinum alræmdu þýsku
Baader-Meinhof hryðjuverkasam-
tökum. Á öðrum vegg voru úrklippur
úr sögu The Angry Brigade, einu
hreinræktuðu ensku hryðjuverka-
samtökanna, en þau stóðu fyrir ýms-
um hryðjuverkum á árunum 1967-
1971. Hópurinn var gjarnan nefndur
hin bresku Baader-Meinhof samtök.
Þarna var jafnframt mynd sem í
fyrstu virðist vera af kúbversku bylt-
ingarhetjunni Che Guevara, en þeg-
ar betur er að gáð er þarna komin
söngkonan Cher, ein helsta tákn-
mynd skemmtanamenningar nú-
tímans.
Gagnrýni hópsins á þessari sýn-
ingu er ekki mjög beinskeytt né
ágeng enda um yfirlitssýningu að
ræða. Hún verður þó til að vekja
mann til umhugsunar og markmið
hópsins er göfugt og þarft. Það er
t.d. alltaf umhugsunarvert hvernig
fjölmiðlar geta búið til hetjur og písl-
arvætti úr fólki sem framið hefur ill-
virki. Vald fjölmiðla er vandmeðfarið
því auðvelt er að teygja raunveru-
leikann og toga þannig að samband
fólks við hann rofni á stundum.
Framsetning verkanna og hönnun
er fyrsta flokks og hæfir efninu,
enda báðir aðstandenda Crash fag-
menn á því sviði. Þeir koma t.d báðir
að útgáfu tímaritsins Sleeze Nation,
Scott sem listrænn stjórnandi en
Matt sem einn ritstjóra. Þeim sem
vilja kynna sér ritið og efni þess er
bent á að fara inn á verðlaunaða
heimasíðu tímaritsins http://
www.sleazenation.com/sleaze.html.
Þó að þessi sýning væri kannski
ekki hávær í sjálfu sér er hún hvatn-
ing til íslenskra listamanna að láta
sig þjóðfélagsmál meiru varða. Sýn-
ingin er einnig í ágætum takti við
heimsmálin og hryðjuverkaumræð-
una og minnir fólk á að saga hryðju-
verka nær langt aftur fyrir 11. sept-
ember 2001.
Hryðjuverk
í myndlist
MYNDLIST
Gallerí Skuggi
Sýningunni er lokið.
ÞJÓÐFÉLAGSGAGNRÝNI
CRASH
Þóroddur Bjarnason
Eitt verka Crash-hópsins, „Cher
Guevara“.
Begga fína