Morgunblaðið - 11.05.2002, Qupperneq 4
FRÉTTIR
4 LAUGARDAGUR 11. MAÍ 2002 MORGUNBLAÐIÐ
Sólfari›/Skuggahverfi
Geirsgata/Tónlistarhús
Slippasvæ›i›Ánanaust
Austurbæjarskóli
REYKJAVÍKURLISTINN
Reykjavík er
framtí›arborg
Sagnfræ›ingarnir Ingibjörg Sólrún borgarstjóri og Gu›jón
Fri›riksson rithöfundur ásamt borgarfulltrúunum Steinunni Valdísi
og Árna fiór bjó›a Reykvíkingum í sunnudagsgöngu um borgina
á morgun, 12.maí, kl.11:00.
Gangan hefst vi› Austurbæjarskóla og fla›an ver›ur
haldi› ni›ur a› ströndinni og fjalla› um fyrirhuga›ar
framkvæmdir í Skuggahverfi, vi› tónlistarhús og á
slippasvæ›inu. Förin endar í pylsuveislu vi›
framtí›arlandi› í Ánanaustum.
Sunnudagsganga
me› borgarstjóra
HARALDUR Örn Ólafsson fjall-
göngumaður telur líklegt að hann
leggi til atlögu við tind Everest úr
grunnbúðum á morgun, sunnudag.
Fyrstu áætlanir gerðu ráð fyrir að
hann legði af stað í gær, föstudag en
veður hefur sett strik í reikninginn.
Haldist nýjasta áætlun Haralds
heldur hann af stað á morgun,
sunnudag, og gæti því komist á tind
Everest á fimmtudag gangi allt að
óskum. Ef hann gerir atlöguna á
morgun verður hann í fylkingar-
brjósti leiðangra á fjallið, en fyrsti
hópurinn sem gerði atlögu að tind-
inum þurfti frá að hverfa vegna veð-
urs.
Haraldur var mjög bjartsýnn á
framhaldið þegar hann hafði sam-
band við bakvarðasveit sína í gær og
er í mjög góðu formi en bíður hag-
stæðs veðurs. Hjá honum í grunn-
búðum eru Ólafur Örn Haraldsson
faðir hans og Steinar Þór Sveinsson
vinur hans.
Haraldur í grunnbúðum Everest
í rúmlega 5 þúsund metra hæð.
Stefnir
á tind
Everest á
morgun
FRAMKVÆMDASTJÓRN Evr-
ópusambandsins hefur samþykkt til-
lögu til ráðherraráðsins um að komið
verði á fót sameiginlegri landamæra-
lögreglu á ytri landamærum Scheng-
en-svæðisins.
Ísland og Noregur eru aðilar að
Schengen-svæðinu ásamt þrettán
aðildarríkjum ESB og annast Ísland
eftirlit á ytri landamærum svæðisins
hér á landi fyrir hönd Schengen-
ríkjanna.
Framkvæmdastjórnin samþykkti
tillöguna 7. maí sl. og var haft eftir
António Vitorino, sem fer með dóms-
og löggæslumál innan framkvæmda-
stjórnarinnar, að jafnvel þótt hér
væri á ferðinni sérstaklega við-
kvæmt mál sem snýr beint að full-
veldi þjóða væri hann bjartsýnn á að
aðildarþjóðirnar myndu fallast á
þýðingu þessa máls.
Meginmarkmið tillögunnar er að
samhæfa og efla allt eftirlit á ytri
landamærum svæðisins í baráttunni
gegn hryðjuverkum, fíkniefnum og
ólöglegum innflytjendum
Umræða um tillöguna á byrj-
unarreit í aðildarríkjum
Óvíst er hver viðbrögð íslenskra
stjórnvalda verða við tillögu fram-
kvæmdastjórnarinnar þar sem hún
hefur ekki verið kynnt á vettvangi
Schengensamstarfsins.
„Við erum að sjá þetta í fyrsta sinn
í dag eins og önnur aðildarríki,“
sagði Stefán Eiríksson, skrifstofu-
stjóri í dómsmálaráðuneytinu, í gær.
„Við erum í rauninni bara að byrja
að kynna okkur þessar tillögur og er-
um á sama byrjunarreit og öll önnur
aðildarríki hvað það varðar,“ sagði
hann.
Kvaðst hann eiga von á að málið
yrði tekið til ítarlegrar skoðunar og
umræðu. „Það sem við rekum strax
augun í er að þarna er á ferð tillaga
um sameiginlegt lið og það þarf auð-
vitað að skoða mjög vandlega út frá
okkar löggjöf hvort það geti mögu-
lega gengið upp.“
Ísland og Noregur með til-
lögurétt en ekki atkvæðisrétt
Íslendingar hafa sömu stöðu og
Norðmenn í Schengen, tillögurétt en
ekki atkvæðisrétt. Að sögn Stefáns
mun tillagan koma til kasta ráð-
herraráðs Schengen-ríkjanna innan
samsettu nefndarinnar, sem Íslend-
ingar starfa í. Ísland og Noregur
hafa tillögurétt en ekki atkvæðisrétt
innan ráðsins. Neiti þessar þjóðir að
fallast á ákvarðanir sem teknar eru
innan samstarfsins þýðir það í raun
úrsögn úr Schengen-samstarfinu.
Stefán segir að Íslendingar hafi
tækifæri til þess á öllum stigum mála
að koma á framfæri athugasemdum,
fyrirvörum og breytingatillögum ef
og þegar ástæða er talin til.
„Við tökum þátt í öllu ákvarðana-
tökuferlinu og allri umræðu í vinnu í
embættismannanefndunum í ráð-
herraráðinu og í sendiherranefnd-
inni og ráðherranefndinni ef því er
að skipta. Það er í rauninni bara at-
kvæðagreiðslan sjálf sem við tökum
ekki þátt í,“ segir hann.
Framkvæmdastjórn ESB vill sameiginlega Schengen-landamæralögreglu
„Viðkvæmt mál sem snýr
beint að fullveldi þjóða“
LISTAHÁTÍÐ í Reykjavík 2002
verður sett í Borgarleikhúsinu í
dag kl. 14. Fjölmargir viðburðir
eru á dagskrá en hátíðin stendur
í þrjár vikur.
Meðal erlendra gesta að þessu
sinni er argentínski tangóhóp-
urinn Cenizas de tango sem verð-
ur með fimm sýningar í Íslensku
óperunni, þá fyrstu á morgun.
Byggist sýningin á persónu-
legri og gráglettinni sýn höfund-
arins, Roxönu Grinstein, á hinn
kunna argentínska tangó.
Í hópnum eru tólf dansarar,
sumir hverjir í fremstu röð í
heimalandi sínu.
Hópurinn kom til landsins síð-
degis í gær og tók ljósmyndari
Morgunblaðsins þessa mynd af
mannskapnum um það leyti sem
komið var í Íslensku óperuna.
Nánar er fjallað um hina ýmsu
viðburði á Listahátíð um helgina í
Lesbók.
Morgunblaðið/Árni Sæberg
Til í tangó
HÆSTIRÉTTUR hefur staðfest úr-
skurð Héraðsdóms Reykjavíkur frá
7. maí um að einn þeirra sem taldir
eru eiga aðild að smygli á 30 kg af
hassi skuli sæta gæsluvarðhaldi til
18. júní. Tveir aðrir menn sitja í haldi
vegna málsins.
Málinu var skotið til Hæstaréttar í
framhaldi af úrskurði héraðsdóms 7.
maí þar sem manninum er gert að
sæta gæsluvarðhaldi allt til 18. júní
vegna rannsóknar á smygli á 30 kg af
hassi. Krafðist maðurinn þess að úr-
skurðurinn yrði felldur úr gildi en til
vara að gæsluvarðhaldið yrði til
skemmri tíma.
Hæstiréttur staðfesti í gær úr-
skurð héraðsdóms. Er það á grund-
velli annarrar málsgreinar 103.
gr.laga nr. 10/1991 um meðferð op-
inberra mála. Segir þar í fyrstu
grein að sakborningur verði því að-
eins úrskurðaður í gæsluvarðhald að
kominn sé fram rökstuddur grunur
um að hann hafi framið verknað sem
fangelsisrefsing er lögð við að upp-
fylltum ákveðnum skilyrðum. Er vís-
að í skilyrðiðsem segir að úrskurða
megi hann í gæsluvarðhald ef ætla
megi að hann muni reyna að komast
úr landi, leynast eða koma sér undan
málsókn eða fullnustu refsingar.
Staðfestur úr-
skurður um
gæsluvarðhald
STJÓRN Lánasjóðs íslenskra
námsmanna hefur ákveðið að
hækka grunnframfærslu náms-
manna úr 69.500 krónum í 75.500
sem er rúmlega 8,6% hækkun.
Í fréttatilkynningu frá Stúd-
entaráði Háskóla Íslands segir að
hér sé um að ræða nokkru meiri
hækkun en verið hefur undanfarin
ár.
Einnig hefur tekjutenging lán-
þega við maka verið afnumin, en
það hefur verið baráttumál stúd-
enta til margra ára að auka fjár-
hagslegt sjálfstæði stúdenta.
Meðal annarra breytinga má
nefna lán vegna töku sumarprófa,
hækkun skólagjaldalána, hækkun
bókakaupaláns, rýmkun á hinni
svokölluðu fimm ára reglu og auk-
in réttindi einstæðra foreldra. Í
fréttatilkynningu segir að breyt-
ingarnar kosti í heild um 320 millj-
ónir króna.
Hærri námslán og tekjutenging af-
numin hjá Lánasjóði ísl. námsmanna