Morgunblaðið - 11.05.2002, Qupperneq 6

FRÉTTIR
6 LAUGARDAGUR 11. MAÍ 2002 MORGUNBLAÐIÐ
...símjúkur á brauðið
N
O
N
N
I
O
G
M
A
N
N
I
I
Y
D
D
A
•
6
2
9
0
/
S
IA
GERT er ráð fyrir að allt að 350 ís-
lenskir lögreglumenn annist löggæslu
og öryggisgæslu á meðan vorfundur
utanríkisráðherra NATO stendur yfir
í Reykjavík 14. og 15. maí nk. Eru þá
ótaldir erlendir öryggisverðir sem
hér verða. Skipulagningin hefur stað-
ið yfir síðastliðna 9 mánuði og hefur
fjöldi lögreglumanna komið að verk-
efninu og sótt sérstök námskeið í ör-
yggisgæslu og mannfjöldastjórnun
hjá Lögregluskóla ríkisins.
Haraldur Johannessen ríkislög-
reglustjóri sagði á blaðamannafundi í
gær að löggæslan yrði mjög áberandi
fundardagana enda hefði mannskap-
ur úr mörgum lögregluliðum á suð-
vesturhorninu verið færður undir
stjórn lögreglustjórans í Reykjavík.
Nokkrum götum í nágrenni við Hótel
Sögu og Háskólabíó verður lokað fyr-
ir almennri bílaumferð og þurfa íbúar
í Vesturbænum að velja sér aðrar
leiðir en venjulega milli heimilis og
annarra áfangastaða.
Öryggisgæsla verður vegna ein-
stakra ráðherra sem mæta til fund-
arins, en alls eru þeir 45 og má til
samanburðar nefna að 16 ráðherrar
komu á leiðtogafund Reagans og
Gorbatsjovs í Reykjavík árið 1986. Er
þetta stærsta verkefni sinnar tegund-
ar sem íslensk lögregluyfirvöld hafa
tekið sér fyrir hendur. Ríkislögreglu-
stjóri hefur falið lögreglustjóranum í
Reykjavík stjórn lögregluaðgerða í
höfuðborginni og lögreglustjóranum
á Keflavíkurflugvelli stjórn aðgerða
vegna komu og brottfarar fundar-
gesta á Keflavíkurflugvelli og vegna
aukins landamæraeftirlits í Flugstöð
Leifs Eiríkssonar.
Tugir íslenskra lögreglumanna
munu bera skotvopn
Sérstakt öryggissvæði verður af-
markað umhverfis fundarstaðinn og
aðra staði sem ráðherrarnir koma
saman á. Verða lögreglumenn ýmist
óvopnaðir eða vopnaðir í samræmi við
verkefni hverju sinni og munu erlend-
ir öryggisverðir bera vopn. Alls verða
á annað hundrað manna vopnaðir, þar
af tugir íslenskra lögreglumanna.
„Það er rétt og eðlilegt að skýra frá
því að íslenskir lögreglumenn munu
bera vopn,“ sagði Haraldur Johann-
essen ríkislögreglustjóri nánar spurð-
ur af Morgunblaðinu um vopnaburð
lögreglunnar. „Þá á ég við skotvopn
vegna þessa fundar og það er þónokk-
ur fjöldi íslenskra lögreglumanna
sem munu gera það. Þeir skipta
nokkrum tugum og verða hér í kring-
um fundinn í Reykjavík. Það er fyrir
utan þá vopnuðu löggæslu sem sýslu-
maðurinn á Keflavíkurflugvelli hefur
þar,“ sagði Haraldur og bætti við síð-
ar á fundinum: „Við verðum ýmist
með sýnilega vopnaða löggæslu hér á
höfuðborgarvæðinu, þ.e.a.s. að vopn
eru borin utanklæða en einnig innan-
klæða.“ Þessu til viðbótar bera örygg-
isverðir ráðherranna vopn sín innan-
klæða.
„Það mun kannski ýmsum þykja
óvenjulegt að íslenska lögreglan sé
vopnuð með þessu móti, en þegar
maður hugar að öryggi þessa fundar
og fundargesta, ástandi í heiminum
og hvernig lögregla erlendis tíðkar
sín störf, held ég að það sé mjög eðli-
legt,“ sagði Haraldur og tók fram að
hann teldi ekki ástæðu fyrir borgara
að hafa áhyggjur af vopnaburðinum.
Aukið flugeftirlit og
takmörkun á einkaflugi
Aukið eftirlit verður með flugi inn-
anlands vegna fundarins og hefur lög-
reglan átt samstarf við flugmála-
stjórn, sem hefur haft uppi sérstakar
öryggisráðstafanir í samvinnu við lög-
regluna og utanríkisráðuneytið.
Munu þannig verða takmarkanir á
innanlandsflugi í Reykjavík fundar-
dagana með því að einkaflug færist til
en áætlanaflug mun halda sér. Alls
staðar á landinu verður aukið eftirlit
með flugi.
Haraldur sagði að engar vísbend-
ingar væru um að mótmælendahópar
væru á leiðinni til landsins vegna
fundarins. Hins vegar væru skipulögð
mótmæli við fundarstaðinn á þriðju-
dag sem væru skipulögð í samstarfi
við lögreglu.
„Lögreglumenn verða víða og það
verða töluverð afskipti af borgurun-
um, sem eru ekki dags daglega,“
sagði hann en tók fram aðspurður að
ekki væri átt við að borgarar gætu átt
von á því að verða stöðvaðir fyrirvara-
laust á heimleið og teknir í skoðun.
Kemur vissulega við embætti
lögreglustjórans í Reykjavík
Aðspurður sagði Ingimundur Ein-
arsson, varalögreglustjóri í Reykja-
vík, að þótt margir lögreglumenn
yrðu við störf í tengslum við fundinn,
kæmi það ekki illa niður á almennum
vöktum. „Menn verða ekki mikið var-
ir við að þar verði fækkað,“ sagði
hann. „Hins vegar má búast við því að
verkefni verði lögð til hliðar að ein-
hverju leyti í rannsóknardeildunum
þessa tvo daga en við vonum að það
muni ekki koma niður á þeim verk-
efnum sem þar liggja fyrir. En vissu-
lega kemur þetta við allt embættið því
frá lögreglustjóranum í Reykjavík
koma 230–250 manns,“ sagði Ingi-
mundur.
Hagatorg verður lokað almennri
bílaumferð frá miðnætti aðfaranótt
13. maí til kl. 22 miðvikudaginn 15.
maí. Hagatorgi verður lokað við
Birkimel, Espimel, Fornhaga, Dun-
haga og Neshaga. Auk þess verður
Fornhagi lokaður við Hagaborg og
Neshagi lokaður við Furumel frá kl. 7
þriðjudaginn 14. maí til kl. 14 mið-
vikudaginn 15. maí.
Allt að 350 lögreglumenn, vopnaðir sem óvopnaðir, við störf vegna NATO-fundarins
Löggæsla verður mjög
áberandi báða dagana
Morgunblaðið/Jim Smart
Frá blaðamannafundinum í gær. F.v.: Jóhann R. Benediktsson, sýslu-
maður á Keflavíkurflugvelli, Haraldur Johannessen ríkislögreglustjóri,
Þórir Oddsson vararíkislögreglustjóri og Ingimundur Einarsson, vara-
lögreglustjóri í Reykjavík.
MIKILL munur er á fylgi við Reykja-
víkurlistann og Sjálfstæðisflokkinn í
tveimur yngstu aldurshópunum, sam-
kvæmt skoðanakönnun sem Fé-
lagsvísindastofnun gerði fyrir Morg-
unblaðið dagana 6. til 9. maí síðast-
liðinn.
Úr 800 manna úrtaki í Reykjavík
voru kjósendur spurðir um fylgi við
framboðslista í borgarstjórnarkosn-
ingum ef þær væru haldnar nú. Miðað
við þá sem aðeins nefndu R-lista
Reykjavíkurlistans og D-lista Sjálf-
stæðisflokksins þá sögðust 60,6%
fólks á aldrinum 18–24 ára kjósa R-
lista og 39,4% D-lista en í næsta ald-
urshópi fyrir ofan, 25–34 ára, snerist
þetta við og vel það, 64,5% nefndu D-
lista en 35,5% R-lista. Þetta er nokkur
sveifla frá síðustu könnun Félagsvís-
indastofnunar í apríl þegar hlutföll-
unum í þessum aldurshópum var öf-
ugt farið. Hafa ber þó í huga að þegar
úrtakið hefur verið brotið niður í
nokkra hópa með þessum hætti verða
vikmörk víðari en ella. Breytingar
milli kannana geta þó gefið ákveðna
vísbendingu.
Spurt var tveggja spurninga í
könnun á fylgi framboðanna til að
fækka óákveðnum. Fyrst var spurt:
„Ef borgarstjórnarkosningar væru
haldnar á morgun, hvaða flokk eða
lista myndir þú kjósa?“ Þeir sem
svöruðu „veit ekki“ voru spurðir
áfram: „Hvaða lista eða flokk telurðu
líklegast að þú myndir kjósa?“ Eftir
fyrri spurninguna voru 16% óákveðin,
en eftir þá seinni var hlutfall óráðinna
komið niður í 6,3% og 2,7% neituðu að
svara spurningunni.
Ef báðar spurningarnar eru teknar
saman fær D-listi 39,3% fylgi, R-listi
42%, F-listi frjálslyndra og óháðra
fengi 3,4%, H-listi húmanista fengi
0,2%, A-listi Höfuðborgarsamtak-
anna 0,9% og Æ-listi Vinstri-hægri
snú fengi 0,4%. 2,5% myndu ekki
kjósa, 2,3% skila auðu. Miðað við þá
sem tóku afstöðu fengi D-listi 45,6%
fylgi, R-listi 48,8%, F-listi 4%, H-listi
0,2%, A-listi 1% og Æ-listi 0,4%. Ef
aðeins eru teknir þeir sem nefndu
stóru framboðin fær D-listi 48,3% og
R-listi 51,7%. Munurinn telst ekki töl-
fræðilega marktækur þar sem vik-
mörk á fylgi framboðanna eru um
4,5%, til eða frá. Þetta er talsvert
minni munur milli framboðanna en í
síðustu könnun Félagsvísindastofn-
unar fyrir Morgunblaðið sem gerð
var 19. til 28. apríl sl. Þá voru sömu
hlutföll 45,6% hjá D-lista og 54,4% hjá
R-lista. Vikmörk voru þá rúm 5%.
Dregið saman milli
R- og D-lista meðal kvenna
Við nánari greiningu á niðurstöð-
unum er eingöngu horft til þeirra sem
styðja D- eða R-lista, þar sem fylg-
ismenn annarra framboða eru of fáir
til að raunhæfur samanburður fáist.
Skipt eftir kyni stuðningsmanna
stóru framboðanna þá eru mun fleiri
karlar sem styðja D-lista og fleiri
konur sem styðja R-lista. Meðal
kvenna hefur þó dregið saman frá síð-
ustu könnun. Þá sögðust 63,7% ætla
að styðja R-lista og 36,3% D-lista.
Hlutföllin nú meðal kvenna eru 58,5%
hjá R-lista og 41,5% nefna D-lista.
Skiptingin meðal karla er sú að 55,8%
þeirra nefna D-lista og 44,2% R-lista.
Líkt og fram kom í upphafi er
stuðningur við R- og D-lista mismun-
andi í tveimur yngstu aldurshópun-
um. Munurinn á fylgi eftir aldurshóp-
um er tölfræðilega marktækur að
mati Félagsvísindastofnunar. Í
tveimur elstu hópunum, 45–80 ára,
hefur R-listinn forskot, um 60% í
hvorum hópi, á móti um 40% hjá D-
lista. Í aldurshópnum 35–44 ára nefna
52% D-lista og 48% R-lista.
Sé miðað við búsetu stuðnings-
manna R- og D-lista er tölfræðilega
marktækur munur þar á. Eru þær
niðurstöður svipaðar frá síðustu
könnun, nema að nokkur breyting
hefur orðið í Breiðholti í póstnúmer-
unum 109 og 111. Þar eru fylkingarn-
ar nánast hnífjafnar, eða 50,7% á R-
lista og 49,3% á D-lista. Síðast hafði
R-listinn þar um 20 prósentustiga for-
skot. Líkt og í fyrri könnun hefur D-
listinn meira fylgi í nýju hverfunum,
þ.e. Árbæ, Grafarvogi og Grafarholti
með póstnúmerin 110, 112, 113 og
116. R-listinn hefur svipað forskot og
áður í eldri hverfum borgarinnar,
með póstnúmerunum 101, 103, 104,
105, 107 og 108. Munurinn er frá 2,5%
í hverfum 103 og 108 og upp í rúm
17% í hinum hverfunum.
Svarhlutfallið um 70%
Sem fyrr segir var könnunin nú
framkvæmd af Félagsvísindastofnun
dagana 6. til 9. maí síðastliðinn og fór
fram í gegnum síma. Úrtakið var 800
manns í Reykjavík, valið af handahófi
úr þjóðskrá, á aldrinum 18 til 80 ára.
Alls fengust svör frá 557 af þeim 800
sem komu í úrtakið, en það er 69,6%
svarhlutfall. Nettósvörun er 70,8%.
Að mati Félagsvísindastofnunar er
fullnægjandi samræmi milli skipting-
ar úrtaks og íbúa Reykjavíkur eftir
aldri og kyni.
Munur á fylgi R-
og D-lista eftir
aldurshópum











 


 




 




  
 

 
 


 
  
 

 
  
 
 
 
 
 
 
 

 
 
 
 
 
   
25.maí2002
Skoðanakönnun
Skoðanakönnun Félagsvísindastofnunar fyrir Morgunblaðið á fylgi flokka í Reykjavík