Morgunblaðið - 11.05.2002, Side 14

HÖFUÐBORGARSVÆÐIÐ
14 LAUGARDAGUR 11. MAÍ 2002 MORGUNBLAÐIÐ
NÚMERSLAUSAR skelli-
nöðrur, veggjakrot, og lítið sjá-
anleg lögregla var meðal þess
sem brann á íbúum Breiðholts-
ins á fundi um löggæslumál í
hverfinu sem efnt var til á mið-
vikudagskvöld. Meðal þess
sem kom fram á fundinum var
vilji lögreglu til að safna saman
netföngum íbúa á svæðinu
þannig að hægt væri að senda
þeim reglulega ábendingar um
mál er varða löggæslu og ör-
yggi í hverfinu.
Fundurinn var haldinn í há-
tíðarsal Breiðholtsskóla og í
upphafi hans höfðu Helgi
Kristófersson, íbúi í hverfinu
og stjórnarmaður í SAMFOK,
Geir Jón Þórisson yfirlög-
regluþjónn, Jónína Sigþrúður
Sigurðardóttir, yfirmaður fjar-
skiptamiðstöðvar lögreglunn-
ar, og Karl Steinar Valsson að-
stoðaryfirlögregluþjónn
framsögu. Sagði Helgi að mik-
ið væri kvartað undan lög-
gæslumálum í hverfinu og þeg-
ar óskað væri eftir aðstoð
lögreglu tæki oft tvo til þrjá
tíma að fá lögreglubíl á staðinn
þegar um almennar beiðnir
væri að ræða. Á hinn bóginn
sagði hann að lögregla sinnti
neyðartilvikum fljótt og örugg-
lega en ljóst væri að ekki væri
nægum mannskap til að dreifa.
Jákvæðar breytingar
í Breiðholtshverfi
Geir Jón lagði áherslu á að
miklar og jákvæðar breytingar
hefðu orðið í Breiðholtshverfi á
síðustu árum. Í dag væri
hverfið mjög gott og vand-
ræðaunglingum ekki til að
dreifa. Sagði hann að í fyrra
hefðu verið að jafnaði 18 lög-
regluverkefni á dag í hverfinu
en til samanburðar væru þau
150–260 í Reykjavík allri og
um helgar væru þau 500–650
talsins í borginni. Nauðsynlegt
væri að forgangsraða þessum
verkefnum eftir alvarleika
þeirra og því gæti komið til
þess að bið væri eftir lögreglu í
almenn útköll.
Jónína Sigþrúður ræddi í er-
indi sínu hvernig fjarskipta-
miðstöð lögreglunnar starfar.
Þar væru sex lögregluembætti
undir einum hatti og þannig
gætu lögreglubílar úr öðrum
umdæmum sinnt neyðarverk-
efnum í Breiðholti, væri Breið-
holtsbíllinn upptekinn. Hún
gerði forgangsröðun fjar-
skiptamiðstöðvarinnar einnig
að umtalsefni sínu og útskýrði
að verkefnum væri flokkað í
tvennt eftir því hvort um neyð-
artilvik eða almennt tilvik væri
að ræða. Sagði hún að vel hefði
gengið að afgreiða stóru málin
og ekkert stæði út af borðinu
hvað þau snerti. Hins vegar
gæti verið að litlu málunum
hefði kannski ekki verið nægi-
lega vel sinnt. Hefði fólk orðið
fyrir því að erindum þess hefði
ekki verið sinnt innan viðun-
andi tíma væri það vegna þess
að önnur mál hefðu verið
brýnni.
Auðgunarbrot 596 í fyrra
Karl Steinar sagði verkefn-
um í Breiðholti heldur hafa
fjölgað í ár miðað við árið á
undan eða um u.þ.b. eitt erindi
á dag. Þetta væri ekki mikil
aukning og í mörgum tilfellum
væri um frumkvæðisverkefni
lögreglu að ræða, t.a.m. þegar
bílar væru stöðvaðir fyrir um-
ferðarlagabrot. Sagði hann að
á síðasta ári hefðu verkefni
lögreglu í póstnúmerum 109
og 111 verið 6.488 talsins.
Mætti þar nefna 55 líkams-
meiðingar, 29 hótanir, 382
eignarspjöll, 596 auðgunarbrot
sem væru innbrot, þjófnaðir og
fleira, 28 fíkniefnamál, 519 um-
ferðaróhöpp og loks ýmis um-
ferðarlagabrot sem hefðu ver-
ið 1.568 talsins.
Þá sagði hann það hafa verið
til athugunar hjá lögreglu að
byggja upp net íbúa í hverju
hverfi með því að safna saman
netföngum þeirra sem vilja og
senda upplýsingar um það sem
er á döfinni í löggæslumálum
hverfisins hverju sinni. Sömu-
leiðis benti hann á að íbúar
gætu sent fyrirspurnir til lög-
reglu í gegnum heimasíðu
hennar (www.logregla.is) sem
yrði þá svarað. Loks kynnti
hann nýjan hverfislögreglu-
þjón, Arnþór Bjarnason, sem
hefja mun störf í Breiðholti um
miðjan mánuðinn.
Mun láta skoða skelli-
nöðrumálið sérstaklega
Að loknum framsöguræðum
gafst fundargestum tækifæri
til að koma með fyrirspurnir.
Höfðu margir á orði að mikil
hætta stafaði af ofsaakstri
númerslausra skellinaðra um
hverfið og óttuðust margir um
að börn yrðu fyrir þessum far-
artækjum. Þrátt fyrir að lög-
regla hefði hendur í hári þeirra
pilta sem aka vélhjólunum
væru þau undantekningarlítið
komnin í umferð daginn eftir
þannig að afskipti lögreglu
virtust lítið gagn gera. Var
þetta áberandi áhyggjuefni
meðal fundargesta.
Í máli Geirs Jóns kom fram
að lögreglan gæti lítið gert
varðandi þetta mál. Hún gæti
stöðvað óskráð ökutæki í
akstri en ekki lagt hald á þau.
Oftar en ekki væri það þannig
að foreldrar væru fljótir að
sækja hjólin og afhenda þau
unglingunum aftur. Íbúi, sem
hefur starfað sem lögreglu-
maður, sagðist telja að þetta
væri ekki lögreglumál heldur
spurning um að breyta lögum
þannig að lögregla fengi heim-
ildir til að leggja hald á hjólin.
Karl Steinar sagðist vera
sannfærður um að hægt væri
að taka á þessu máli og sagðist
myndu láta skoða það sérstak-
lega.
Góður árangur með
ómerktum lögreglubílum
Einn fundarmanna sagði
greinilegt að löggæsla í Breið-
holtinu væri ónóg og að fjölga
þyrfti í lögregluliðinu þar. Aðr-
ir lýstu þeirri skoðun sinni að
löggæslan þyrfti að vera sýni-
legri en nú er, varla sæist lög-
reglubíll í hverfinu, hvað þá
einkennisklæddir lögreglu-
þjónar.
Sagði Geir Jón að fjöldi lög-
reglumanna miðaðist við það
fjármagn sem veitt væri til
málaflokksins. Fjárlög væru
sett á Alþingi og lögreglan
þyrfti að fara að þeim eins og
öðrum lögum. Hins vegar
sagði hann spurningu hvort
nýta mætti fjármagnið betur
og í því sambandi benti hann á
að í dag væri í raun ekki þörf
fyrir að hafa lögreglustöð í
hverju hverfi. Tæknin væri
slík að hægt væri að hafa lög-
reglumennina í bílum þar sem
væri tölvu- og fjarskiptaútbún-
aður, og þannig nýttist mann-
skapurinn á götunum í stað
þess að sitja við síma inni í
stöð. Hvað varðar sýnileikann
sagði Geir Jón að það kæmi sér
á óvart að fólk óskaði eftir því
að sjá lögreglu meira því
venjulega bæri mest á henni
þegar eitthvað væri að. Hann
sagði lögregluna hafa tekið
upp breytt kerfi þar sem
ómerktir bílar eru látnir
skanna hverfin og þannig hefði
tekist að hafa hendur í hári
fjölmargra afbrotamanna sem
ekki væru jafn varir um sig og
ella. Þannig skipti sýnileikinn
ekki alltaf mestu máli enda
væri ljóst að afbrotamenn
þróuðu sínar vinnuaðferðir
mjög vel.
Veggjakrotarar
oft fullorðið fólk
Einn fundargesta sagði
veggjakrot hvimleitt í hverfinu
og engu líkara en að um farald
væri að ræða. Spurði viðkom-
andi hvort eitthvað væri hægt
að gera til að spyrna gegn
þessu.
Karl Steinar sagði mikil-
vægt að kalla lögreglu til þeg-
ar viðkomandi yrði veggja-
krotsins var eða stæði
veggjakrotara að verki. Krotið
væri þá myndað og málið skoð-
að með hliðsjón af upplýsing-
um lögreglu. Reynt væri að
mála yfir veggjakrot eins fljótt
og mögulegt væri enda virtist
sem veggjakrotarar hefðu til-
hneigingu til að bæta við þar
sem krot væri fyrir. Hann
sagði athyglisvert að í mörgum
tilfellum væri ekki um krakka
eða unglinga að ræða heldur
fólk sem komið væri yfir tví-
tugt.
Kona ein kvartaði undan því
að þegar hún hringdi til lög-
reglu til að tilkynna um sölu
fíkniefna í hvefinu hafi hún
fengið þau svör frá viðkomandi
lögreglumanni að það væru
bara tveir á vaktinni og sá sem
talaði þyrfti að sitja við sím-
ann. Geir Jón sagði þetta dæmi
um röng svör. Viðkomandi lög-
reglumaður hefði að sjálfsögðu
átt að senda á staðinn lög-
reglumanninn sem var á ferð
um hverfið.
Rítalín gangi
kaupum og sölum
Önnur kona sagðist ánægð
með stöðu mála í hverfinu enda
hefði ástandið verið mun verra
þar sem hún bjó áður. Hún
sagðist hins vegar vilja fá meiri
upplýsingar um það sem væri
að gerast í hverfinu hverju
sinni. Þannig hefði hún heyrt
hjá stúlku í tíunda bekk að
rítalín gengi kaupum og sölum
meðal unglinga um þessar
mundir og spurði hún við-
stadda hvort þeir vissu af því.
Sömuleiðis sagðist hún hafa
frétt að öfuguggi hefði verið á
ferðinni í hverfinu nýlega.
Sagði Karl Steinar nethópana
einmitt geta nýst í slíkum til-
fellum, til að koma upplýsing-
um og ábendingum til foreldra.
Sagðist hann vilja vinna með
íbúum að því að slíkur nethóp-
ur yrði að raunveruleika og
gerðu fundargestir góðan róm
að því.
Fleiri mál voru til umræðu á
borð við bílastæðavandamál
þar sem óviðkomandi legðu í
stæði sem tilheyrðu fjölbýlis-
húsunum, hópamyndum í
Elliðaárdalnum og mikilvægi
samstarfs lögreglu og for-
eldra. Lögðu fulltrúar lögregl-
unnar áherslu á mikilvægi
ábendinga íbúa, bæði varðandi
einstök mál en einnig um það
sem betur mætti fara í starfi
lögreglu. Var ekki annað að
heyra en fundargestum hefði
þótt fundurinn fróðlegur og
lýstu báðir aðilar yfir vilja til
að leikurinn yrði endurtekinn
síðar meir.
Áhyggjur íbúa viðraðar á opnum fundi þar sem löggæslumál í hverfinu voru rædd
Morgunblaðið/Jim Smart
Frá lögreglunni voru Jónína Sigþrúður Sigurðardóttir, yf-
irmaður fjarskiptamiðstöðvarinnar, Karl Steinar Valsson
aðstoðaryfirlögregluþjónn og Geir Jón Þórisson yfirlög-
regluþjónn. Fundarstjóri var Þorbjörn Guðmundsson.
Skellinöðrur,
veggjakrot
og löng bið
eftir aðstoð
Morgunblaðið/Jim Smart
Fram kom vilji lögreglu til að útbúa netfangalista þannig að hægt væri að senda íbúum
ábendingar og upplýsingar um það sem er að gerast í löggæslumálum hverfisins hverju sinni.
Breiðholt
ÞEIR fúlsuðu ekki við veislu-
föngunum, litlu gestirnir
sem tóku þátt í vígsluhátíð
nýja fjögurra deilda leikskól-
ans á Hörðuvöllum í Hafn-
arfirði síðastliðinn miðviku-
dag. Skólinn er byggður á
gömlum merg því Verka-
kvennafélagið Framtíðin
stofnaði leikskóla á þessum
stað árið 1935 og rak hann til
ársins 1997.
Framkvæmdir við skólann
hófust síðastliðið haust og er
miðað við að samtímis verði
þar um 90 til 100 börn. Bygg-
ingin og rekstur leikskólans
var boðið út sem einka-
framkvæmd en það er FM-
hús ehf. sem er eigandi og
rekstraraðili húsnæðisins.
Aðalverktaki við bygg-
inguna var Fjarðarmót ehf.
en hönnuðir voru Arkitektar
Bergstaðastræti 10, Land-
mótun ehf. og VSÓ-ráðgjöf.
Morgunblaðið/Árni Sæberg
Nýr leik-
skóli á göml-
um merg
Hafnarfjörður
FÉLAGSMÁLANEFND
Mosfellsbæjar hefur
ákveðið að bjóða Mosfell-
ingum að taka þátt í nám-
skeiði um fjármál heimilis-
ins. Á námskeiðinu verða
kenndar ýmsar leiðir til að
takast á við fjárhagsvand-
ann og m.a. kynntar að-
ferðir til að takast á við
kvíða vegna áhyggna af
fjármálum.
Námskeiðið, sem er
haldið í samvinnu við
Lágafellssókn, Rauða-
krossinn og Búnaðarbank-
ann, er í samræmi við
starfsáætlun félagsmála-
sviðs Mosfellsbæjar fyrir
árið 2002 að því er fram
kemur í fréttatilkynningu
frá bænum, en þar er gert
ráð fyrir að hafist verði
handa um að efla sam-
vinnu við aðrar stofnanir
samfélagsins sem hafa það
að markmiði að aðstoða
fólk við að leysa úr fjár-
málavanda.
Um er að ræða fimm
daga námskeið sem hefst
fimmtudaginn 16. maí.
Fjöldi þátttakenda er
takmarkaður og verður
farið með allar upplýsing-
ar sem trúnaðarmál.
Umsóknareyðublöð og
frekari upplýsingar fást
hjá starfsmönnum félags-
málasviðs Mosfellsbæjar.
Félagsmálanefnd í samvinnu við einkaaðila
Stendur fyrir námskeiði
um fjármál heimilisins
Mosfellsbær