Morgunblaðið - 11.05.2002, Side 22

ÁRBORGARSVÆÐIÐ
22 LAUGARDAGUR 11. MAÍ 2002 MORGUNBLAÐIÐ
Sími 575 8500 • Fax 575 8505
Síðumúla 11 • 2. hæð • 108 Reykjavík
KAUPENDALISTINN
Opið í dag frá kl. 13-15.
EINBÝLISHÚS
Höfum fjársterkan kaupanda að einbýlishúsi í Þingholtunum. Góðar
greiðslur í boði fyrir rétta eign.
Heildsala vantar 150-200 fm einbýlishús ásamt tvöföldum bílskúr í
Grafarvogi. Bein kaup eða skipti á heilli húseign á útsýnisstað í Hólunum.
RAÐ- OG PARHÚS
Vantar fyrir hjón sem eru að flytja utan af landsbyggðinni rað- eða parhús
helst á einni hæð.
Vantar rað- eða parhús með fjórum svefnherb. í Garðabæ fyrir traustan
kaupanda.
Endurskoðandi er að leita að raðhúsi í Fossvogsdal.
SÉRHÆÐIR
Traustur kaupandi hefur beðið okkur að útvega 120-150 fm hæð á svæði
101 eða 107. Góðar greiðslur í boði.
Óskum eftir 5 herb. sérhæð í Norðurmýri, þ.e. Hrefnugötu, Kjartansgötu,
Guðrúnargötu, Bollagötu, Gunnarsbraut eða Auðarstræti.
Vantar sérhæðir í Kópavogi, Garðarbæ og Hafnarfirði.
4RA - 7 HERB.
Einstæða móðir vantar 4ra herbergja íbúð í nágrenni (göngufæri)
Austurbæjarskólans. Góðar greiðslur í boði.
5 herb. íbúð í Fossvogi óskast fyrir traustan kaupanda. Góðar greiðslur í
boði.
Höfum traustan kaupanda að 4ra herb. íbúð í Hlíðunum eða vesturbæ í
góðu fjölbýlishúsi.
Vantar fyrir traustan viðskiptavin góða 4ra herb. íbúð, helst með bílskúr í
Fossvogi, Gerðum eða Háaleitishverfi.
Harðan KR-ing vantar 4ra herb. íbúð í nágrenni heimavallarins. Góðar
greiðslur í boði.
Óskum eftir 5 herb. íbúð á svæði 101, helst við Freyjugötu, Sjafnargötu,
Fjölnisveg, Bergstaðastræti, Mímisveg eða Lokastíg, en aðrar götur koma
til greina.
2JA -3JA HERB.
Stýrimann vantar 3ja herb. íbúð á svæði 101 eða 105.
Erum með kaupanda að 3ja hebergja íbúð í nágrenni Hlemmtorgs.
Kennara vantar 2ja til 3ja herbergja íbúð í Vogunum, svæði 104 í skiptum
fyrir 2ja herbergja íbúð á Akureyri.
MENNINGARNEFND Árborgar
hélt kvöldvöku í Fjölbrautaskóla
Suðurlands í tilefni þess að þrjátíu
ár eru liðin frá því að Árvaka Sel-
foss var fyrst haldin.
Það var árið 1972 sem efnt var
til Árvöku Selfoss sem var mikill
viðburður með atvinnu- og þjón-
ustusýningu og menningarviðburð-
um af ýmsu tagi. Árvaka þessi var
haldin nokkur ár í röð en féll síðan
niður. Oft hefur verið rætt um það
að endurvekja þennan viðburð og
var kvöldvakan liður í þeirri um-
ræðu.
Á kvöldvökunni, sem var vel
sótt, var fjölbreytt dagskrá með
þátttöku kóra og söngvara á Sel-
fossi. Formaður menningarmála-
nefndar Árborgar, Björn Gíslason,
veitti listafólki viðurkenningar fyr-
ir vel unnin störf á liðnum árum.
Félög og kórar sendu nefndinni
tilnefningar og hún heiðraði síðan
fólkið með blómvendi. Björn sagði
menningarkvöldvökuna hafa tekist
mjög vel og nauðsynlegt að festa
hana í sessi til framtíðar.
Morgunblaðið/Sig. Jóns.
Þau fengu viðurkenningu: Einar Sigurjónsson fyrir frumkvöðlastarf að stofnun kórs eldri borgara, Ester Hall-
dórsdóttir fyrir leiklist, Bjarni Dagsson fyrir 55 ára söng með Kirkjukór Selfoss, María Kjartansdóttir fyrir
söng með Kirkjukór og Samkór Selfoss í 29 ár, Björn Gíslason, formaður menningarmálanefndar, Sigríður Þor-
geirsdóttir fyrir 29 ára söng með Samkór Selfoss, Guðmundur Jóhannsson fyrir 42 ára starf með Lúðrasveit
Selfoss, Sigurdór Karlsson og Ragnar Þórðarson fyrir söng í 37 ár með Karlakór Selfoss.
Viðurkenningar á
menningarkvöldvöku
Selfoss
FORELDRAFÉLAG grunn-
skólans hélt nýlega fund með
foreldrum 7. bekkja þar sem
undirritaður var samningur á
milli foreldra. Framkvæmda-
stjóri Heimilis og skóla, Krist-
björg Hjaltadóttir, kom á fund-
inn og kynnti samninginn.
Í kynningu sinni sagði hún
m.a. að það væru foreldrar sjálf-
ir sem færu með forsjá barna
sinna og bæru ábyrgð á þeim,
en ekki stjórnvöld, skóli, kenn-
arar eða sérfræðingar. Með
samningnum verða foreldrar
sterkari, geta staðið betur sam-
an, því forvarnir byrja heima.
Einnig sagði Kristbjörg að
rannsóknir hefðu sýnt að hvert
ár, sem börnum er haldið frá
neyslu, skiptir miklu máli. Eftir
kynninguna voru málin rædd og
foreldrar skiptust á skoðunum
um ágæti samningsins, síðan
hófst undirskrift.
Kristbjörg sagði einnig frá því
að nú um þessar mundir væru
samtökin Heimili og skóli 10 ára
og af því tilefni var haldið For-
eldraþing á Hótel Sögu. Þar
voru Unnur Halldórsdóttir
stofnandi samtakanna og Guðni
Olgeirsson starfsmaður mennta-
málaráðuneytisins heiðruð.
Einnig var minning Hrólfs
Kjartanssonar heiðruð með því
að fundargestir risu úr sætum.
Samtökin hafa nýlega gert
þjónustusamning við mennta-
málaráðuneytið, þar sem Heimili
og skóli taka að sér símsvörun,
með ráðgjöf fyrir foreldra.
Heimasíða samtakanna er
heimiliogskoli.is og er þar að
finna spjallþræði, spurningar og
svör, fræðslu og upplýsingar.
Foreldra-
samningur
Hveragerði
Morgunblaðið/Margrét Ísaksdóttir
Framkvæmdastjóri Heimilis og
skóla, Kristbjörg Hjaltadóttir.
SLÖKKVILIÐSMENN hjá Bruna-
vörnum Árnessýslu nýttu sér tæki-
færi til reykköfunaræfinga þegar
búið var að tæma húsnæði leikskól-
ans Árbæjar á Kirkjuvegi 3 á Sel-
fossi. Fyrirhugað er að rífa húsið
þar sem það stendur á lóð nýbygg-
ingarinnar við Hótel Selfoss sem
tekin verður í notkun 1. júní næst-
komandi.
Leikskólinn flytur í nýtt húsnæði
í Fosshverfi þar sem er að rísa nýr
fjögurra deilda leikskóli sem opn-
aður verður í júlí. Í millitíðinni hef-
ur leikskólinn flutt sig á nýjan stað
á íþróttavallarsvæðinu við Engja-
veg.
Slökkviliðsmennirnir fylltu húsið
af reyk og æfðu síðan reykköfunina
af kappi. Þeir sögðu það tilvalið að
nýta tækifærið sem gæfist þar til
húsið yrði rifið, sem fyrirhugað er
að gera 20. maí.
Reykköf-
un æfð í
tómum
leikskóla
Morgunblaðið/Sig. Jóns
Slökkviliðsmenn bíða þess að fara inn í reykfylltan leikskólann Árbæ.
Selfoss
ÞAÐ boðar sumarkomu þegar Þóróddur og Elín
í Hjólabæ setja út hjólin og það glampar á fák-
ana. Þau hafa verið með verslun við Austurveg
11 á Selfossi síðan 1988 en þar á undan hafa
menn verið með veiðivörur á þessum stað síðan
1967.
Í Hjólabæ, hjá Þóroddi, eru í boði reiðhjól og
auk þess er þar reiðhjólaverkstæði þar sem Þór-
oddur fær margvíslegustu verkefni að glíma við
sem hann segir að gefi þessu öllu góðan tón. Hjá
þeim hjónum er líka veiðivöruverslunin Veiðibær
en það fer saman að þegar fólk fer að huga að
reiðhjólum þá fara veiðimenn að huga að sínum
græjum. Þá geta golfmenn fengið kylfur og það
sem þá vantar í golfferðina. Þannig eru þau hjón
með sannkallaða sumarverslun hjá sér. „Ég hef
mikil og góð samskipti við fólk í gegnum þetta
allt saman og það er alltaf eitthvað að gerast á
þessum vettvangi allt árið, “ sagði Þóroddur.
Morgunblaðið/Sig. Jóns
Þóroddur og Elín við Hjólabæ og Veiðibæ á Selfossi.
Hjólin boða
sumarkomuna
Selfoss