Morgunblaðið - 12.05.2002, Blaðsíða 16
16 B SUNNUDAGUR 12. MAÍ 2002 MORGUNBLAÐIÐ
ferðalög
Fyrir sex árum lentu Jón Ingi Gíslason og Hrönn Hafsteinsdóttir fyrir tilviljum í Santa Domingo, höfuðborg
Dóminíska lýðveldisins. Þau ætluðu á einhverja eyju í Karíbahafinu í viku og þessi staður varð fyrir valinu.
Það var örlagarík ákvörðun. Þau höfðu uppi á þorpinu Cabrera og kynntust þorpsbúum. Æ síðan fara þau
þangað á veturna og taka þátt í lífi einnar stórfjölskyldunnar.
Hvað dregur ykkur aftur og aftur til Cabrera?
„Þetta er ekki ferðamannastaður sem er mikill kostur og við erum bara með innfæddum þorpsbúum og
tökum þátt í lífi þeirra. Fólkið er það sem dregur okkur þangað ár eftir ár og mannlífið. Lífsgleði er ein-
kennandi fyrir þorpsbúa og þá er í raun alveg sama hvernig ástandið er hjá þeim. Þetta er vingjarnlegt
fólk og mjög gefandi að fá að umgangast það eins og fjölskyldu sína.“
Jón Ingi segir að hugsanagangur þessa fólks sé ólíkur því sem þau eigi að venjast hér heima. „Þarna
snýst ekki allt um peninga eins og hér heima og þeir sem eru svo heppnir að eiga eitthvað af peningum
vilja alls ekki eignast meira af þeim.
Það er fjarska góð tilbreyting að umgangast fólk sem hefur þetta lífsviðhorf og það vekur mann til um-
hugsunar um hvað það er sem máli skiptir í lífinu. Auk þessa er veðurfarið nánast fullkomið, hitinn er á
bilinu 25–30 stig og góð gola við Atlantshafið. “
Við hvað starfa þorpsbúar aðallega?
„Það er erfitt að segja til um það því fáir hafa í raun fasta atvinnu. Þeir sem það gera eru þá að vinna á
hótelum eða veitingahúsum á vinsælum ferðamannastöðum.
Annars er þetta landbúnaðarhérað og fólk ræktar grænmeti og fær ríkulega ávaxtauppskeru. Þá vinnur
það einnig listaverk úr sandsteini, sker út dýr og fígúrur.“
Hafið þið eignast góða vini þarna?
„Já, alltaf þegar við komum til Cabrera verðum við hluti af einni stórfjölskyldunni. Við fögnum með þeim
á hátíðisdögum, tökum þátt í kosningabaráttunni í þorpinu, aðstoðum við heimilisstörf og annað sem þarf
að gera. Við liggjum aldrei í sólbaði og slöppum af í þeim skilningi heldur erum alltaf að fást við eitt-
hvað.“
Hvað er aðaluppistaðan í fæðu þorpsbúa?
„Hrísgrjón og síðan borða þeir kjötmeti með og borða mikið af grænmeti og ávöxtum. Við eldum sjaldan
því það er mjög ódýrt að borða úti. Oft eru fjölskyldur með matsölur og eitt til tvö borð hjá sér sem mat-
ast er við og við borgum um
200 krónur fyrir úrvals-
máltíð á slíkum stöðum.
Meðallaunin eru ekki há hjá
þeim sem eru útivinnandi,
svona um 6–8.000 krónur á
mánuði. Matur er auðvitað
dýrari á ferðamannastöðum,
allt að tífalt dýrari“
Hvernig eru húsakynni?
„Þau eru frekar einföld, yf-
irleitt litlir kofar en upp í lítil
steypt hús. Það er ekki mikið
um eigulega muni inni hjá
fólki en allir eiga þó sjón-
varp. Í landinu búa um ellefu
milljónir manna og auðvitað
er líka til mjög efnað fólk
þar sem ríkidæmi er mikið.“
Hafa vinir ykkar ekkert
smitast af áhuga ykkar á
þorpinu og farið með ykkur
þangað?
„Jú, það hefur þróast þann-
ig að í nokkur skipti hafa
vinir farið með okkur.“
Taka þátt
í lífi inn-
fæddra
Það er ekki í alfaraleið þorpið Cabrera í
Dóminíska lýðveldinu sem hjónin Jón
Ingi Gíslason og Hrönn Hafsteins-
dóttir, veitingamenn á Ara í Ögri, heim-
sækja á hverju ári. Á Cabrera hvíla þau
sig á amstrinu hér og taka þátt í dag-
legu lífi innfæddra.
Jón Ingi Gíslason og Hrönn Hafsteinsdóttir fara á hverjum vetri til Cabrera í Dómíníska lýðveldinu.
Þorpsbúar eru afar vingjarnlegir og Jón Ingi segir það mjög gefandi að fá að um-
gangast þá eins og fjölskyldu sína.
Flestir búa í kofum eða litlum, fábrotnum steinhúsum.
Allir eiga þó sjónvarp.
Örlagarík ferð
Ó
HÆTT er að segja að í
þýsku fjármálaborginni
Frankfurt sé að finna mið-
punkt Evrópu. Frá alþjóða-
flugvellinum í Frankfurt liggja
samgönguæðar út um allan heim
þar sem næststærsti flugvöllur í
Evrópu, járnbrautarlestir og hrað-
brautir leika lykilhlutverk í flutn-
ingaskipulagi álfunnar. Mjög freist-
andi kann að vera fyrir íslenska
ferðamenn að fara í borgarferðir til
Frankfurt eða hefja Evrópuferð
þaðan sé ferðinni heitið eitthvert
lengra enda bjóða Flugleiðir þang-
að daglegt flug yfir sumartímann og
allt frá tvisvar til fjórum sinnum í
viku yfir vetrartímann. Kjörið er að
staldra við í
borginni og
njóta einhverra
þeirra lysti-
semda, sem hún
hefur upp á að
bjóða, hvort sem
menn hafa í huga
sögu, listir,
menningu, söfn,
verslanir, veit-
ingastaði, hótel-
dvöl eða aðra af-
þreyingu. Úr
fjölmörgu er að
velja.
Í ljósi þess hve
borgin er vel
staðsett, dregur
hún að sér fjölda
ráðstefna, kaup-
stefna, vörusýn-
inga, fundahalda
og námskeiða af
ýmsum toga, en
nærri lætur að
yfir 60 þúsund slíkar alþjóðlegar
uppákomur fari fram árlega í borg-
inni. Í augum okkar Íslendinga er
alþjóðlega bókamessan svonefnda,
sem haldin er í október ár hvert, án
efa einna þekktust, en hún dregur
að sér fjölda manna, sem ýmist eru
þangað mættir til að kaupa eða selja
bókatitla svo og höfunda og aðra
áhugamenn um bækur.
Eftir rúmlega þriggja tíma flug
og mjúka lendingu á Frankfurt-
flugvelli tók fulltrúi Þýska ferða-
málaráðsins á móti okkur Knut
Haenschke.
Hann hóf ferðina á því að fara
með okkur á veitingastaðinn Sachs-
enhäuser Warte þar sem borinn var
fram þýskur eðalsnitsel með soðn-
um aspars og Riesling-hvítvíni.
Aspasinn var auðsjáanlega á miklu
fleiri borðum þennan dag og þegar
betur var að gáð, kom í ljós að asp-
as-uppskerutíminn stóð sem hæst.
Hann stendur aðeins yfir í fjórar
vikur í maí og þá borða Þjóðverjar
soðinn aspas eins og þeir geta í sig
látið. Hann er aðeins ræktaður á
þremur stöðum í Þýskalandi og í
maí flæðir ferskur aspasinn um úti-
markaði vítt og breytt um landið.
Skýjakljúfar í fjármálaumhverfi
Frankfurt var illa útleikin eftir
seinni heimsstyrjöldina og er borg-
in því nú frekar ný af nálinni þar
sem elstu hverfin eru frá árunum í
kringum 1950. Borgin stendur á
bökkum Main-ár sem rennur í Rín
og telja íbúar um 660 þúsund.
Byggingalistin í Frankfurt er afar
fjölbreytileg og þar úir og grúir af
alls konar arkitektastefnum og
straumum. Í gamla borgarhlutan-
um hafa miklar endurbyggingar átt
sér stað í anda gamla tímans, en
skýjakljúfar setja mikinn svip sinn
á hina nýlegri borgarmynd. Í fjár-
málahverfinu er m.a. að finna um
400 banka. Hæsti skýjakljúfurinn,
sem hýsir Commerz Bank, er um
300 metrar á hæð og 60 hæðir og
setur sig þar með í fyrsta sæti yfir
hæstu byggingar Evrópu. Tilkomu-
mesta byggingin er án efa sú er
hýsir Deutsche Bank, bygging úr
gleri að mestu leyti með tveimur
háum glerturnum, sem minna á
smækkaða mynd af tvíburaturnun-
um frægu í New York sem nú heyra
sögunni til. Í
gríni segja íbúar
Frankfurt gjarn-
an að þótt stjórn-
völd sitji í Berlín,
sé valdið hjá
Deutsche Bank.
Borgaryfirvöld í
Frankfurt
áforma nú bygg-
ingu fimmtán
enn hærri skýja-
kljúfa, sem eiga
m.a að hýsa 365
metra háa þú-
saldarbyggingu.
Glæsileg ráð-
stefnuhöll í
Frankfurt er ná-
tengd sýningar-
höllum af ýmsum
gerðum og
stærðum. Borgin
státar einnig af
óperuhúsi,
skemmtistöðum,
15 hektara dýragarði með yfir fimm
þúsund dýrategundum og grasa-
garði með yfir fjögur þúsund
plöntutegundum í Pálmagarðinum
svonefnda. Í hjarta borgarinnar er
líka hinn framandi Kínverski garð-
ur, sem er kjörinn til íhugunar eða
léttra gönguferða í friðsælu um-
hverfi. Síðast en ekki síst er í fjár-
málaborginni verðbréfamarkaður-
inn Börse og ráðstefnumiðstöð, sem
gerir almenningi kleift að fylgjast
með á Netinu (www.frankfurt-tour-
ismus.de) hvaða ráðstefnu- og
kaupstefnupakkar eru í boði á
hverjum tíma.
Tímaflakk um gamla bæinn
Í gamla daga eða allt til ársins
1944 var Römerberg hinn eiginlegi
miðbær Frankfurt og er sá staður í
raun enn „andlit“ borgarinnar í
augum heimamanna þar sem borg-
aryfirvöld hafa nú aðsetur. Við
Römerberg er að finna elstu minjar
um mannvistarleifar í Frankfurt.
Þarna hefja flestir ferðamenn
göngu sína um borgina. Tilfinning
ferðamannsins er sú að þar sé um-
hverfið allt ævafornt, en reyndin er
sú að Römerberg var endurbyggt í
gamla stílnum á árunum 1981–1986.
Falleg stytta með rennandi vatni
situr á miðju torginu og á að minna
borgarfulltrúa á að koma réttlát-
lega fram við þegnana enda ber hún
heitið: „Uppspretta réttlætis“.
Nokkrum skrefum frá má finna eina
af þremur upplýsingaskrifstofum
fyrir ferðamenn í borginni. Um líkt
leyti og endurbygging Römerberg
fór fram, voru vel þekktir arkitekt-
Fjölbreytni
í Frankfurt
Gamli og nýi tíminn fléttast skemmtilega saman í
þýsku borginni Frankfurt og það gerir hana þar með að
borg andstæðna. Jóhanna Ingvarsdóttir skoðaði borg-
ina áður en lagt var í hann til annarra áhugaverðra
staða í Þýskalandi.
Tourist Information
Kaiserstrasse 56 D-60329
Frankfurt am Main
Sími: 0049 69 21238800
Fax: 0049 69 21237880)
Heimasíða:
http://www.tcf.frankfurt.de
Netfang: info@tcf.frankfurt.de
Frankfurter Goethe Museum
Grosser Hirschgraben 23-25
60311 Frankfurt am Main
Sími: 0049 69 13880-0
Fax: 0049 69 13880-222
Netfang:
www.goethehaus-frankfurt.de
Veitingastaðurinn
Sachsenhäuser Warte
Darmstädter Landstrasse 279
Sími: 0049 69 682716
Fax: 0049 69 685362
Netfang:
www.sachsenhaeuserwarte.de