Morgunblaðið - 21.05.2002, Blaðsíða 6

FRÉTTIR
6 ÞRIÐJUDAGUR 21. MAÍ 2002 MORGUNBLAÐIÐ
EFTIR að blaðamaður Morg-
unblaðsins hafði fest á sig fallhlíf-
ina fullvissaði flugmaðurinn hann
um að það væru nú ekki miklar
líkur til þess að hún yrði brúkuð.
Hann þekkti aðeins tvö dæmi um
að menn hefðu stokkið út, í annað
skiptið brann vængur eftir að eld-
ingu laust niður í sviffluguna og í
hitt skiptið eftir árekstur í háloft-
unum.
„Þér líst ekkert á þetta,“ sagði
flugmaðurinn og formaður Svif-
flugfélags Íslands, Kristján Svein-
björnsson, í um 600 metra hæð yf-
ir Sandskeiði. Farkosturinn var
tveggja sæta sviffluga og Kristján
var nýbúinn að losa taugina sem
hafði verið fest við „dráttarvél-
ina“ sem dró sviffluguna á loft.
Yfirleitt er tauginni sleppt í 300
metra hæð en þar sem aðstæður
til svifflugs voru ekkert sérlega
góðar var farið hærra. Töluverð
ókyrrð var í lofti en blaðamaður
bar sig engu að síður vel. Fyrir
neðan hlykkjaðist Suðurlands-
vegur yfir Hellisheiðina og í
fjarska sást Esjan rísa upp úr
mistrinu. Um borð var kyrrð og
ró. Aðeins örlítill hvinur og engin
þreytandi vélarhljóð.
„Óttalegur hrærigrautur“
Þar sem engin er vélin þurfa
svifflugsmenn að finna upp-
streymi og láta það bera sig
hærra. Í þetta sinn gekk það frek-
ar brösuglega og þar sem það
fannst var það „óttalegur hræri-
grautur“ að sögn flugmannsins og
var það hverju orði sannara.
Smám saman dró úr flughæðinni
og eftir um 15 mínútna flugferð
lenti svifflugan heilu og höldnu á
flugbrautinni á Sandskeiði.
Frá stofnun árið 1936 hefur
Svifflugfélag Íslands haft aðstöðu
á Sandskeiði og hefur reist þar tvö
flugskýli og vélageymslu. Þegar
Morgunblaðsmenn bar að garði á
laugardag voru félagsmenn önn-
um kafnir við að gera svifflug-
urnar klárar fyrir sumarvertíðina.
Ekki veitti af plássinu því eitt
helsta einkenni svifflugna er ein-
mitt mikið vænghaf, sjaldnast
minna en 15 metrar og meira en
20. Svifflug er nánast eingöngu
stundað á sumrin og svolítið fram
á haust en á veturna eru væng-
irnir teknir af og þannig eru þær
geymdar yfir veturinn. Á meðan
hýsa flugskýlin tjaldvagna og
fellihýsi en geymslugjaldið er
mikilvægur tekjustofn félagsins.
Einstaklingssport
Það voru þýskir herflugmenn
sem kenndu Íslendingum svifflug
á árunum fyrir stríð og seldu þeim
nokkrar svifflugur áður en þeir
fóru af landi brott. Lítið var þó
greitt fyrir þær því þegar stríðið
byrjaði hættu Íslendingar að
borga af svifflugunum. Enn í dag
eru flestar svifflugurnar á Íslandi
þýskar en um 80-90% svifflugna í
heiminum eru framleidd þar.
Á laugardag voru Árni S. Jó-
hannsson, Helgi Haraldsson og
Kristinn Pálmason að festa væng-
ina á þýska svifflugu, árgerð 1962.
Sóttist það vel enda vanir menn að
verki. Helgi var þó elstur í hett-
unni. Sagðist hann hafa flogið
svifflugu í fyrsta skipti rigninga-
sumarið mikla árið 1955. „Þetta er
ævidella og lítil von til þess að hún
læknist,“ sagði hann sposkur á
svip. „Svo er fólk að spyrja hvort
þetta sé gaman en tilfellið er að
orðið gaman er ónothæft í þessu
samhengi og hálfidíótískt. En
þetta er lífsstíll, það er það svo
sannarlega.“ Í svifflugi eigi menn
við náttúruöflin en þó aðallega við
sjálfa sig. „Svifflugið er eins mikið
einstaklingssport og verið getur,“
sagði Helgi en bætti því þó við að
félagsskapurinn væri engu að síð-
ur nauðsynlegur, enda erfitt að
setja saman svifflugvél einsamall.
Morgunblaðið/Árni Sæberg
Kristinn Pálmason, Helgi Haraldsson og Árni S. Jóhannsson önnum kafnir við að festa vængina á þýska svif-
flugvél, árgerð 1962. Þetta er sérlega góð byrjendavél og fyrirgefur nánast allt, sögðu þeir. Vængirnir verða
samt að vera tryggilega fastir ef ekki á illa að fara.
Kristján Sveinbjörnsson, for-
maður Svifflugsfélags Íslands
og reyndur flugkennari, sýnir
blaðamanni hæðarmæla og
önnur tól um borð áður en
lagt er af stað.
Ævidella
og lítil
von um
lækningu
SJÁLFSTÆÐISMENN lögðu fram
fyrirspurn á fundi Íþrótta- og tóm-
stundaráðs síðastliðinn föstudag þar
sem óskað er skýringa á ummælum
Steinunnar Valdísar Óskarsdóttur,
formanns ÍTR, sem birtust í Morg-
unblaðinu 14. maí síðastliðinn. Segir
m.a. svo í fyrirspurninni:
„Þar fullyrti formaðurinn að leitað
hefði verið til nokkurra aðila til að
kanna hvort þeir hefðu áhuga á að
eiga samstarf við Reykjavíkurborg
um uppbyggingu líkamsræktar-
stöðvar við Laugardagslaug. Ein-
ungis einn aðili hafi sýnt verkefninu
áhuga og því hafi verið samið við
hann en ekki farið í formlegt útboð
um framkvæmdina. Nú hefur komið
fram að ekkert er til í þessum stað-
hæfingum en í Morgunblaðinu 15.
maí lýsa tveir aðilar því yfir í frétta-
viðtali að fullyrðingar formanns ÍTR
um þessi mál standist ekki. Annar
aðilinn segir að aldrei hafi verið leit-
að til sín en ljóst er að hinn aðilinn
hafði áhuga á verkefninu og hefur
lagt sönnur á það með opinberum
skjölum. Þeim áhuga var hins vegar
leynt fyrir borgarráði og með full-
yrðingu sinni í Morgunblaðinu reyn-
ir formaður ÍTR að blekkja almenn-
ing með sama hætti. Fulltrúar
Sjálfstæðisflokksins óska eftir skýr-
ingum á þessu háttalagi og skýrum
svörum við þeirri spurningu hvers
vegna ekki var farið í formlegt útboð
vegna verkefnisins þar sem fyrir lá
að fleiri aðilar sýndu því áhuga, en sá
sem R-listinn kaus að semja við.“
„Nýtilkominn ágreiningur“
Steinunn Valdís Óskarsdóttir, for-
maður ÍTR, segir að fyrirspurnin
hafi verið lögð fram á fundi ráðsins á
föstudag að henni fjarstaddri og
kveðst vilja svara henni formlega á
sama vettvangi.
Hún segir hafa verið skýrt í sínum
málflutningi og Ingibjargar Sólrún-
ar Gísladóttur borgarstjóra hvernig
staðið var að samningi um uppbygg-
ingu líkamsræktarstöðvar við Laug-
ardalslaug og ekki hafi verið uppi
ágreiningur um það í borgarráði þar
sem tillaga um að semja við einn til-
tekinn aðila hafi verið samþykkt með
öllum greiddum atkvæðum á sínum
tíma. „Hugmyndin kom upphaflega
frá Birni Leifssyni og eftir það var
áhugi fleiri kannaður. Hins vegar
var það mat manna að áhugi og geta
annarra aðila hefði ekki verið eins
mikil og hans og því varð þetta nið-
urstaðan. Ágreiningur um þetta mál
er því nýtilkominn,“ segir formaður
ÍTR.
Áhugi annarra og
geta talin minni
á sínum tíma
Formaður ÍTR segir engan ágreining
í borgarráði um líkamsræktaraðstöðu
ÞYRLA Landhelgisgæslunnar
sótti slasaðan sjómann um borð í
norska línubátinn Froyanes í gær
en hann hafði slasast illa á hendi.
Báturinn var staddur um 120
sjómílur suðvestur af Reykjanesi
þegar óskað var eftir aðstoð
Landhelgisgæslunnar.
Þyrlan fór í loftið kl. 15.16 og
var lent með skipverjann rúm-
lega tveimur klukkustundum síð-
ar.
Morgunblaðið/Júlíus
Þyrlan lenti við slysadeildina í Fossvogi um klukkan hálf sex eftir um
tveggja klukkustunda flug.
Sótti sjómann í norskan línubát
,,ÞESSI málflutningur er ömurlegur
útúrsnúningur og fyrir neðan virð-
ingu stjórnmálamanna, sem vilja
láta taka sig alvarlega,“ segir Geir
H. Haarde fjármálaráðherra að-
spurður um ummæli Ingibjargar
Sólrúnar Gísladóttur borgarstjóra í
Morgunblaðinu um helgina, um
hvort sjálfstæðismenn ætli að bregð-
ast í málefnum aldraðra í Reykjavík.
Fjármálaráðherra segir vinnu-
brögð R-listans í tengslum við vilja-
yfirlýsingu, sem borgarstjóri og heil-
brigðisráðherra undirrituðu um
uppbyggingu hjúkrunarrýma, vera
fyrir neðan allar hellur.
,,Allir gera sér ljóst að það er mik-
ið verk að vinna að því er varðar mál-
efni aldraðra og hjúkrunarheimilin
sérstaklega en blekkingaryfirlýsing,
eins og þessi viljayfirlýsing, sem R-
listinn fékk heilbrigðisráðherra til að
skrifa undir með sér, er ekki slíku
máli til framdráttar. Þetta eru
vinnubrögð sem eru fyrir neðan allar
hellur og túlkunin sem R-listinn var
með í sinni auglýsingu í Morgun-
blaðinu á föstudaginn tekur af öll tví-
mæli í því efni og sýnir til hvers þess-
ir refir voru skornir. Þar segir að
Reykjavíkurlistinn, ekki Reykjavík-
urborg, hafi gert samkomulag við
ríkisvaldið um þetta mál. Þetta er al-
gjörlega rangt. Það hefur ekkert
slíkt samkomulag verið gert og segir
sig sjálft að milljörðum króna verður
ekki ávísað úr ríkissjóði nema með
atbeina fjármálaráðherra og ríkis-
stjórnar, jafnvel þó að það sé fyr-
irvari um fjárveitingar í viljayfirlýs-
ingunni.
Bæði borgarstjóri og forseti borg-
arstjórnar hafa, í borgarstjórn og í
greinum, talað um þetta sem samn-
ing. Það er alrangt og verið er að
kasta ryki í augun á fólki með mál-
flutningi af því tagi,“ segir fjármála-
ráðherra.
Geir H. Haarde fjár-
málaráðherra um um-
mæli borgarstjóra
„Ömurleg-
ur útúr-
snúningur“
♦ ♦ ♦
ÖKUMAÐUR vélhjóls hlaut slæm
beinbrot þegar hann ók aftan á bif-
reið á afrein við Bústaðabrúna í
Reykjavík.
Skv. upplýsingum frá lögreglu var
vélhjólinu ekið í austur og beygt til
hægri inn á afrein að Kringlumýr-
arbraut til suðurs en bifreiðin var á
vesturleið en var síðan beygt til
vinstri inn á afreinina. Hún er tvær
akreinar á kafla og varð áreksturinn
með þeim hætti að ökumaður vél-
hjólsins skipti um akrein og ók aftan
á bifreiðina. Þegar hann skall á bíln-
um hlaut hann opið beinbrot á fót-
legg og braut úlnliðsbein.
Vélhjólamaður
beinbrotinn
eftir árekstur
VERIÐ er að setja upp vopnaleit-
artæki á Egilsstaðaflugvelli. Hand-
farangur úr millilandaflugi verður
gegnumlýstur og farþegar þurfa að
ganga í gegnum sérstakt málmleit-
arhlið. Vopnaleitartækin þarf að
setja upp áður en beint áætlunarflug
LTU til Egilsstaða hefst, en fyrsta
flugvélin í þessum ferðum lendir á
Egilsstaðaflugvelli 7. júní nk. Flogið
verður milli Düsseldorf og Egils-
staða alla föstudaga í sumar.
Ferðaskrifstofa Austurlands hef-
ur selt í ferðirnar og ábyrgst að selja
500 sæti út. Nú þegar er búið að selja
240. Eitthvað er um að útlendingar
bóki sig með fluginu til landsins, en
þeir fara mestan partinn úr í Kefla-
vík, þar sem er millilent.
Vopnaleitar-
tæki á Egils-
staðaflugvelli
Egilsstöðum. Morgunblaðið.
♦ ♦ ♦