Morgunblaðið - 09.07.2002, Blaðsíða 4
FRÉTTIR
4 ÞRIÐJUDAGUR 9. JÚLÍ 2002 MORGUNBLAÐIÐ
Ford Explorer 4.0 Executive,
f. skrd. 06.03. 2000, ek. 47 þ. km.,
5 d., sjálfskiptur. Verð 2.790.000.
Nánari upplýsingar
hjá Bílaþingi.
Opnunartímar:
Mánud.-föstud. kl. 10-18.
Laugavegur 170-174 • Sími 590 5000 • Heimasíða: www.bilathing.is
Netfang: bilathing@hekla.is
BÁTURINN Guðrún Kristjáns
virkar smár í návígi við Hornbjarg
en hann er hins vegar stærsti plast-
bátur sem smíðaður hefur verið á
Íslandi. Það eru Sjóferðir Hafsteins
og Kiddýjar á Ísafirði sem reka
bátinn og sigla með ferðamenn frá
Ísafirði og til nálægra staða.
Að sögn Hafsteins Ingólfssonar,
annars eiganda Sjóferða Hafsteins
og Kiddýjar, er sigling í kringum
Hornbjargið ekki hluti af áætl-
unarferðum en ef sérstaklega er
beðið um siglingu að Hornbjargi er
að sjálfsögðu orðið við þeim óskum.
Hann segir að þegar myndin var
tekin hafi 48 Svíar verið um borð í
Guðrúnu Kristjáns, en báturinn er
tveggja ára 29 tonna bátur. Haf-
steinn er sáttur við ferða-
mannastrauminn það sem af er
sumri og segir að ekki hafi verið
hægt að kvarta yfir veðrinu. Bæði
íslenskir og erlendir ferðamenn
sæki í sjóferðirnar en hann bætir
við að þýskir ferðalangar séu fjöl-
mennastir þeirra erlendu.
Morgunblaðið/Jón Páll
Siglt við
Hornbjarg
GRÓÐUR í miðbæ Reykjavíkur lít-
ur víðast hvar ekki vel út; laufblöð á
trjám, runnum og blómum eru brún
eða svört og segir Vala Valdimars-
dóttir, aðstoðaryfirverkstjóri hjá
Skrúðgörðum Reykjavíkur, að
ástæðan sé mjög mikið rok í
Reykjavík einn dag í lok júní sl.
Vala segir að sterkur vindur geti
þurrkað upp vökvann í plöntum með
þeim afleiðingum að laufblöðin
verða brún eða svört. „Ef það kem-
ur mikið rok þá skrælnar gróður-
inn,“ útskýrir hún. „Margir halda að
gróðurinn sé svona illa farinn út af
maðki en þetta er rokinu að kenna,“
segir hún ennfremur og bætir því
við að hún muni ekki eftir því, á
þeim fimm árum sem hún hafi starf-
að hjá Skrúðgörðum Reykjavíkur,
að rok um mitt sumar hafi haft eins
mikil áhrif á gróðurinn og nú. Hún
tekur þó fram að svo virðist sem
gróðurinn sé að jafna sig og gerir
ráð fyrir því að hann eigi, áður en
sumri lýkur, eftir að ná sínum rétta
lit aftur.
Gróður
víða illa
farinn í
Reykjavík
Morgunblaðið/Arnaldur
Víða má sjá skemmdir á gróðri í miðbæ Reykjavíkur eins og á þessum
runnum fyrir framan Hljómskálann í Reykjavík.
HANNAÐ hefur verið nýtt útlit á
veðurkort mbl.is en þar eru upplýs-
ingar um veður uppfærðar átta
sinnum á dag frá ellefu stöðvum á
landinu. Þegar veðurvefurinn er
opnaður birtist kortið með síðustu
upplýsingum um veður sem sendar
hafa verið frá Veðurstofu Íslands.
Hægt er að skoða spá dagsins
ásamt spá fimm daga fram í tím-
ann. Einnig er hægt að fá nánari
skýringar á veðurmerkjum sem
birtast á kortinu.
Undir hausnum „Veðurhorfur“
er hægt að skoða veðurspá fyrir
landið í heild. Einnig er hægt að
skoða styttri spá og fá upplýsingar
um veðurhorfur á höfuðborgar-
svæðinu. Þá er hægt að skoða veð-
ur í borgum víða um heim og einnig
er hægt að velja hvaða borgir not-
andinn vill að birtist daglega með
því að smella á hnappinn „Breyta
borgum“ og velja þær borgir sem
sýna á. Á veðurvefnum er einnig
hægt að nálgast upplýsingar um
frjótölur í Reykjavík og á Akureyri
sem berast frá Náttúrufræðistofn-
un Íslands.
Hægt er að nálgast veðurvefinn
með því að smella á tengilinn „Veð-
ur“ undir hausnum „Efni“ á forsíðu
mbl.is. Notendur með eldri útgáfu
af Flash-spilara sem er nauðsyn-
legur til að skoða kortið munu fá
glugga þar sem hægt er að upp-
færa forritið. Það eina sem þarf að
gera er að smella á hnappinn „Yes“
og í framhaldi birtist nýja kortið.
Allar upplýsingar um veður sem
sjá má og lesa á veðurvef mbl.is
koma frá Veðurstofu Íslands.
Nýtt útlit á
veðurkorti
mbl.is
KONA hrasaði og fótbrotnaði á
gilbarminum vestan megin við
Dettifoss á sunnudaginn. Að
sögn lögreglu á Húsavík var
hún borin þónokkra leið á
sjúkrabörum að sjúkrabíl sem
flutti hana til Akureyrar. Svæð-
ið þar sem óhappið varð er
nokkuð stórgrýtt og því vara-
samt yfirferðar.
Fótbrotnaði
við Dettifoss
JEPPI fór útaf veginum og valt á
Þykkvabæjarvegi um hádegisbil í
gær. Kona, sem var ein í bifreiðinni,
slasaðist á höfði og var flutt með
sjúkrabíl til Reykjavíkur. Klippa
þurfti hana út úr bifreiðinni. Að sögn
lögreglu á Hvolsvelli virðist sem bíll-
inn hafi oltið heilan hring og lent á
hjólunum.
Bílvelta við
Þykkvabæ
MJÖG mikilvægt er að fólk leiti sér
tilsagnar áður en farið er að stunda
kajakíþróttir, að mati Þorsteins
Guðmundssonar, formanns Kayak-
klúbbsins.
Að hans sögn hefur töluverð um-
ræða verið meðal félagsmanna í
klúbbnum um mikilvægi þess að
leita sér tilsagnar í kajakróðri og
stunda björgunaræfingar með
reglubundnu millibili.
Skemmst er að minnast bana-
slyss sem varð á Skjálfandaflóa í
júní þegar kajakræðari sem var
einn á ferð drukknaði. Þorsteinn
undirstrikar að þó að sú frétt hafi
vakið menn til umhugsunar tengist
umræðan nú ekki því atviki heldur
sé um almenna umræðu um örygg-
ismál að ræða sem komi upp aftur
og aftur.
Klúbburinn stendur fyrir reglu-
bundnum æfingum, félagabjörgun-
um, veltuæfingum og fleiri æfing-
um, en að auki er fólki bent á að
sækja námskeið í kajakróðri sem
nokkrir aðilar standa fyrir.
Félagabjörgun byggist á því að
fleiri en einn séu saman á ferð en
einnig er æfð einstaklingsbjörgun
þar sem ákveðin tæki og tól eru
höfð við höndina. Þorsteinn nefnir
að í köldum sjónum við strendur Ís-
lands þurfi mikla leikni og viðbrags-
flýti við notkun slíkra tækja. Þá er
einnig kennd svonefnd „velta“ sem
skiptir miklu máli að menn standi
skil á, sérstaklega þegar róið er
einn.
„Ef þú lendir á hvolfi og þarft að
fara úr bátnum, þótt ekki sé nema
einhverja tugi metra frá landi, get-
ur það orðið þér þrekraun að kom-
ast í land,“ bendir Þorsteinn á.
Hann segir að mikil áhersla sé
lögð á það innan klúbbsins að menn
séu með góðan búnað, klæðnaður sé
góður og menn notist við björg-
unarvesti en sumir hafa borið við að
vestin séu fyrir sér þegar róið er.
Í Kayakklúbbnum er á þriðja
hundrað virkra félagsmanna, að
sögn Þorsteins, en einnig eru starf-
ræktir kajakklúbbar á Akureyri,
Neskaupstað, Ísafirði og Stykkis-
hólmi. Þá er töluvert um að fólk
stundi íþróttina utan klúbba og
áætlar Þorsteinn að yfir 1.000 bátar
hafi verið seldir hér á landi und-
anfarin þrjú ár.
Kayakklúbburinn hefur áhyggjur af öryggismálum kajakræðara
Mikilvægt er að fólk leiti sér
tilsagnar í kajakíþróttinni
HÉRAÐSDÓMUR Reykjavíkur
sýknaði í gær Samkeppnisráð af kröf-
um Grænmetis ehf. um að felldur yrði
úr gildi úrskurður áfrýjunarnefndar
samkeppnismála frá 3. apríl 2001. Í
umræddum úrskurði vísaði áfrýjun-
arnefndin frá máli Grænmetis ehf.
gegn Samkeppnisráði, en fyrirtækið
krafðist þess að áfrýjunarnefndin
hnekkti ákvörðun Samkeppnisráðs
um að afturkalla ákvörðun nr. 44/1999
frá 17. desember 1999 um að aðhafast
ekki vegna kaupa Grænmetis á
95,03% hlutafjár í Ágæti 2. nóvember
sama ár.
Grænmeti ehf. seldi Banönum ehf.
hlutafé sitt í Ágæti tæpum mánuði
síðar. Tilkynnti Samkeppnisstofnun
fyrirtækinu að hlutabréfakaupin
væru til skoðunar hjá samkeppnisyf-
irvöldum og af því tilefni hefðu ýmsir
þættir varðandi fyrri viðskipti með
sömu hlutabréf verið skoðaðir. Fyr-
irhugað væri að að leggja fyrir Sam-
keppnisráð að afturkalla ákvörðun nr.
44/1999 en hún hefði verið byggð á
röngum forsendum.
Á fundi Samkeppnisráðs 2. febrúar
2001 var ákveðið að afturkalla
ákvörðun nr. 44/1999 og sagði í
ákvörðunarorðum að Grænmeti ehf.
og fleiri hefðu veitt Samkeppnisstofn-
un vísvitandi rangar upplýsingar og
hefðu haldið vísvitandi frá henni upp-
lýsingum í tengslum við rannsókn
hennar á kaupum Grænmetis ehf. í
Ágæti hf. Áfrýjunarnefnd samkeppn-
ismála fékk málið til meðferðar en
vísaði því frá á þeim forsendum að
Grænmeti ehf. og aðrir aðilar málsins
hefðu ekki lengur lögvarða hagsmuni
af því að hnekkja hinni áfrýjuðu
ákvörðun um að afturkalla ákvörðun
nr. 44/1999.
Í niðurstöðu héraðsdóms segir m.a.
að það sé hlutverk Samkeppnisráðs
skv. 2. mgr. 5. gr. samkeppnislaga, að
framfylgja boðum og bönnum lag-
anna. Hlutverk Samkeppnisráðs sé
skilgreint og afmarkað í lagaákvæð-
inu og gert sé ráð fyrir að í því felist
að taka ákvarðanir í samræmi við það.
Dómurinn féllst ekki á með Græn-
meti ehf. að úrskurður áfrýjunar-
nefndar væri ólögmætur og taldi ekki
skipta máli hvort í úrskurðinum fælist
efnisleg niðurstaða eða úrlausn á
ágreiningsefnum sem borin voru und-
ir nefndina.
Sigríður Ingvarsdóttir héraðsdóm-
ari kvað upp dóminn. Ragnar H. Hall
hrl. var lögmaður Grænmetis ehf. og
Heimir Örn Herbertsson hdl. lög-
maður Samkeppnisráðs.
Samkeppnisráð sýknað af
kröfum Grænmetis ehf.
KARLMAÐUR var handtek-
inn og yfirheyrður, grunaður
um að hafa nauðgað konu á þrí-
tugsaldri á Landsmóti hesta-
manna á Vindheimamelum í
Skagafirði aðfaranótt sunnu-
dags. Að sögn lögreglunnar á
Sauðárkróki hafði konan ekki
lagt fram kæru í gær, en hún
var flutt til aðhlynningar á
neyðarmóttöku heilsugæslunn-
ar á Akureyri. Grunnrannsókn
málsins er lokið.
Yfirheyrð-
ur vegna
meintrar
nauðgunar