Morgunblaðið - 12.07.2002, Side 7

Kringlunni, sími 588 1680,
v. Nesveg, Seltjarnarnesi,
sími 561 1680.
iðunn
tískuverslun
ÚTSALA
ÚTSALA
25-50%
afsláttur
DAGLEGT LÍF
MORGUNBLAÐIÐ FÖSTUDAGUR 12. JÚLÍ 2002 B 7
klaka
Morgunblaðið/Arnaldur
„Við erum opnir fyrir öllu,“ segir Oscar Bjarnason.
HUGMYNDIN kviknaðifyrir nokkru. Mér þóttieinfaldlega lítið vera aðgerast í grafískri hönn-
un hér á landi og vildi kanna betur
hvort menn ættu eitthvað í fórum
sínum. Erlendis eru pdf-tímarit
mikið notuð og ég ákvað að setja
eitt slíkt saman. Ég hóaði í nokkra
grúskara, fékk snillingana í Ís-
landssíma til þess að hýsa verkið
og dreif þetta af,“ segir Oscar
Bjarnason. Hann er maðurinn á
bakvið tímaritið Frozt Magazine,
en nýlega kom út annað tölublað
sem geymir sýnishorn af verkum
ungs fólks í grafískri hönnun.
Reyndar er varla hægt að nota
hugtökin tölublað og tímarit um
Frozt Magazine, þar sem það er
ekki rit í hefðbundnum skilningi.
Það kemur eingöngu út á Netinu,
á svonefndu pdf-formi (e. portable
document format), en það form var
upphaflega þróað svo hægt væri
að flytja skrár sitt á hvað milli
Macintosh- og PC-tölva.
Skoðað í öllum heimshornum
„Það eina sem þarf til þess að
skoða Frozt er forritið Acrobat
Reader sem hægt er að nálgast
ókeypis og fylgir meira að segja
með sumum nýrri tölvum. Þannig
að þetta er alls ekki bara fyrir ein-
hverja sérvitringa,“ segir Oscar.
Frozt er að finna á slóðinni
www.frozt.com, þar sem 2. tölu-
blað bíður nú glóðvolgt. En um
hvað snýst Frozt Magazine?
„Þetta er vettvangur fyrir hvers
kyns prenthönnun, en hver hönn-
uður á eina „síðu“ í „blaðinu“.
Þema fyrsta tölublaðs var Ísland,
og ýmsar ólíkar hugmyndir bárust
frá þeim tólf sem þar tóku þátt.
Rauði þráðurinn í nýja tölublaðinu
er póstkort, en þá voru þátttak-
endum gefnar frjálsar hendur um
hönnun í hefðbundinni póstkorta-
stærð, A6.“
Fyrsta tölublað hefur að sögn
Oscars fengið um tvö þúsund
heimsóknir, en um helmingur „les-
enda“ er staddur í öðrum löndum,
allt frá Malasíu til Bandaríkjanna.
„Miðað við að útgáfan hefur ekk-
ert verið formlega auglýst, er
þetta fínn árangur. Reyndar höf-
um við kynnt þetta með því að láta
orðið berast um tölvupóst, við
sendum þeim línu sem við höldum
að gætu haft áhuga, þeir senda svo
til sinna vina og þannig koll af
kolli. Þetta eru keðjuverkandi
áhrif sem skila sér nokkuð vel.“
Við nánari eftirgrennslan vísar
fornafnið „við“ ekki í fjölmenna
ritstjórn, það eru einfaldlega Osc-
ar sjálfur og félagi hans, Vilhjálm-
ur Ingi Vilhjálmsson, sem aðstoðar
hann við að velja úr innsendu efni.
Á forsíðu Frozt er fólk einmitt
hvatt til þess að senda inn verk sín
og freista þess að fá þau birt. „Ef
viðráðanlegur fjöldi berst, reynum
við að birta allt, en veljum úr ef
magnið verður of mikið. Valið
byggist á því að hafa úrvalið sem
mest og fjölbreyttast, við höfum
enga fordóma gagnvart ákveðnum
stílbrigðum. Einu þröskuldarnir
snúast um almennt siðgæði og
metnaðarfull vinnubrögð, að öðru
leyti erum við opnir fyrir öllu.“
Verkin í Frozt eru fyrst og
fremst myndræn, en sumum
þeirra fylgja fáein orð eða línur.
Oscar telur að hægt sé að segja
fjölmargt með grafískri hönnun,
sum verkin hafi pólitískar skír-
skotanir og önnur byggist ein-
göngu á fagurfræði, það sé enda
fjölbreytnin sem geri greinina
skemmtilega. „En annars eru uppi
hugmyndir um að auka hlut texta,
gefa jafnvel út sérhefti með grein-
um, en það mun allt koma í ljós.
Ýmsar fleiri hugmyndir eru í
vinnslu, en þetta mun líka þróast
eftir því efni sem kemur inn.“
Reynum að veifa heiminum
Verkin í Frozt þurfa ekki endi-
lega að vera unnin í tölvu, þótt
krafa sér gerð um skil á pdf-formi.
„Maður getur teiknað eða tússað
ef maður vill og skannað svo
myndina inn, það er allt hægt,“
segir Oscar, sem sjálfur hyggur á
nám í grafískri hönnun í Listahá-
skóla Íslands í haust. Hann hefur
annars numið prentsmíði að hluta,
og starfar nú við vef- og skjáhönn-
un hjá Góðu fólki McCann-Erick-
son, í deildinni Fiskum. Nýlega
var hann fenginn til þess að hanna
tvær síður í veftímaritið Cre@te-
Online, sem auglýsir sig sem „bibl-
íu vefhönnuðarins“ og er kynnt á
slóðinni www.createonline.co.uk.
Misjafnt er hvort höfundar efnis
í Frozt Magazine eru lærðir eða
sjálfmenntaðir í grafískri hönnun,
ekki er spurt um prófskírteini.
„Þátttakan getur jafnvel komið á
framfæri einhverjum grúskurum
heima í stofu, sem senda inn efni.
Á lokasíðu hvers tölublaðs er net-
fangalisti höfunda, og það væri
auðvitað frábært ef ritið yrði til
þess að einhver næði að slá í
gegn,“ segir Oscar.
Nokkur íslensk blöð og tímarit
er hægt að nálgast á pdf-formi,
sem og ársskýrslur sumra fyrir-
tækja, en Oscar telur Frozt samt
eina pdf-tímaritið sinnar tegundar
hér á landi. „Þá er ég að meina
eina pdf-ritið sem snýst um graf-
íska hönnun og kemur eingöngu út
á þessu formi.“
Undirtitill tímaritsins er Ice-
landic Design for the Masses, eða
Íslensk hönnun fyrir lýðinn. Oscar
brosir og útskýrir. „Já, þetta er
hugsað út á við. Við erum svolítið
að veifa heiminum og minna á að
hér er sitthvað að gerast í hönnun,
að Skandinavía á ekki einkarétt á
athygli í umfjöllun um norræna
hönnun. Þetta er svona: „Halló, við
erum ekki bara kaldur klaki norð-
ur við pól!““
Fyrir þá sem sakna pappírsins
má geta þess að hægt er að prenta
efni Frozt út og ramma inn...
ÍSLAND „Iceland in a box.“
Oscar Bjarnason. Raunstærð er A4.
PÓSTKORT „The sun is shining and the girls are pretty.“
Ragnar Freyr Pálsson. Raunstærð er A6.
PÓSTKORT Sigurður Halldór Eggertsson.
Raunstærð er A6.
ÍSLAND „You won’t be getting a tan around
here.“ Dagný Reykjalín.
ÍSLAND „The Future Sound of Iceland.“
Vilhjálmur Ingi Vilhjálmsson.
Heitir straumar
á
Ungur maður með brennandi
áhuga á grafískri hönnun hefur
sett saman séríslenskt hönn-
unartímarit á pdf-formi.
Sigurbjörg Þrastardóttir hitti
hann og leit á litrík sýnishorn úr
fyrstu tveimur „tölublöðunum“
sem bæði höfðu rauðan þráð.
sith@mbl.is
Íslensk hönnun fyrir lýðinn