Morgunblaðið - 17.07.2002, Blaðsíða 4

FRÉTTIR
4 MIÐVIKUDAGUR 17. JÚLÍ 2002 MORGUNBLAÐIÐ
ABSTRAKT EÐA HÚSIÐ?
Allt fyrir málarann og myndlistarmanninn í Litalandi,
nýrri verslun okkar í Domus Medica.
Komdu og fáðu góð ráð þegar þú ætlar að mála.
Dugguvogi 4 • www.slippfelagid.is Domus Medica við Snorrabraut
N
O
N
N
IO
G
M
A
N
N
I|
Y
D
D
A
•
N
M
06
45
4
•
si
a.
is
ATVINNULEYSI á höfuðborgar-
svæðinu hefur tvöfaldast á síðustu 12
mánuðum. Atvinnuleysi í júní var
2,7% af mannafla en það var 1,3% í
sama mánuði í fyrra. Þetta er mesta
atvinnuleysi sem mælst hefur á höf-
uðborgarsvæðið í þessum mánuði í
fjögur ár. Rúmlega 900 manns eru á
atvinnuleysisskrá hjá Verzlunar-
mannafélagi Reykjavíkur og álíka
margir eru án vinnu hjá Eflingu.
Um síðustu mánaðamót voru 3.900
manns án atvinnu á landinu öllu þar
af voru karlar 1.784 og konur 2.116.
Það jafngildir 2,3% atvinnuleysi í
júní, en var 1,2% á sama tíma í fyrra
samkvæmt tölum Vinnumálastofn-
unar. 74,3% atvinnulausra eru bú-
settir á höfuðborgarsvæðinu. At-
vinnuleysi frá maí til júní minnkaði
allstaðar á landinu nema á höfuð-
borgarsvæðinu.
Á landsbyggðinni minnkaði at-
vinnuleysi um 13,9% milli mánaða og
er nú 1,6% af mannafla á lands-
byggðinni en var 2% í maí.
Fram kemur hjá Vinnumálastofn-
un að atvinnuleysi minnki yfirleitt
frá maí til júní og síðustu 10 ár hafi
það minnkað um 7,3% að meðaltali,
milli þessara mánaða. Í ár minnkaði
atvinnuleysi hinsvegar um 0,2% frá
maí til júní svo árstíðarsveiflan nú
virðist vera önnur. Vinnumálastofn-
un gerir ráð fyrir því að atvinnuleysi
í júlí verði svipað og í júní.
Fólk með grunnmenntun
stærsti hópur atvinnulausra
Á öllu landinu er atvinnuleysi nú
meira en í júní í fyrra, nema á Vest-
fjörðum og Norðurlandi vestra þar
sem það er svipað. Atvinnuleysi
kvenna er minnst á Norðurlandi
vestra 1,1% en mest á höfuðborgar-
svæðinu 3,3%. Atvinnuleysi karla er
mest á höfuðborgarsvæðinu 2,3%, en
minnst á Vestfjörðum 0,6%.
Stærsti hópur þeirra sem skráðir
voru atvinnulausir í lok júní í ár er
fólk sem hefur einungis hlotið
grunnmenntun. Af þeim 3.900 sem
skráðir voru atvinnulausir í júnílok
eru 2.486, eða tæp 64%, með grunn-
menntun að baki. Fleiri konur en
karlar sem einungis hafa lokið
grunnmenntun eru atvinnulausar
eða tæp 56% á móti 44% karla.
Veruleg aukning atvinnuleysis
meðal félagsmanna VR
Gunnar Páll Pálsson, formaður
Verslunarmannafélags Reykjavíkur,
segir að veruleg aukning atvinnu-
leysis hafi orðið meðal félagsmanna
VR. Í síðasta mánuði voru þeir 921
en í janúar síðastliðnum hafi 628 fé-
lagsmenn verið atvinnulausir. Gunn-
ar Páll segir að þau gjaldþrot sem
orðið hafi að undanförnu veki nokk-
urn ugg með mönnum en þó bendi
fréttir og tölur til þess að hagkerfið
sé að taka við sér.
„Við gerum okkur vonir um að við
séum að sjá botninn á þessu. Það er
yfirleitt minnst atvinnuleysi á sumr-
in og það gæti því aukist eitthvað
með haustinu en við vonum að það
fari svo batnandi,“ segir Gunnar
Páll.
Hann segir það jafnan hafa verið
svo að þeir sem hafa minni menntun
verði frekar atvinnulausir. „Þær
gjaldþrotahrinur sem dunið hafa yfir
undanfarið ár hafa þó leitt til þess að
fleiri úr ferða- og upplýsingatækni-
geiranum hafa misst vinnuna heldur
en áður. En samkvæmt þeim upplýs-
ingum sem ég hef virðist það fólk
staldra stutt við á atvinnuleysiskrá
en finna sér fljótlega önnur störf,“
segir Gunnar Páll.
Ekki útlit fyrir að atvinnu-
ástandið snarbreytist
Þórunn H. Sveinbjörnsdóttir,
fyrsti varaformaður Eflingar, segir
að á milli 800 og 900 félagsmenn Efl-
ingar séu á atvinnuleysisskrá í júní
og um fjölgun sé að ræða frá fyrri
mánuðum. Hún segir að sá hópur
sem er í Eflingu sé mjög breiður,
meðal annars fólk í iðnaðarstörfum,
ræstingastörfum, hótel og veitinga-
geiranum, skólafólk, fólk í umönnun-
arstörfum og fleiri en fyrst og fremst
sé um að ræða fólk með grunn-
menntun. „Það sem við sjáum sem
vísbendingu er að venjulega minnk-
ar atvinnuleysi á sumrin en það hef-
ur ekki gerst í ár. Við verðum líka
vör við það að töluvert af skólafólki á
aldrinum 16-25 sem hefur ekki feng-
ið starf í sumar,“ segir Þórunn.
Aðspurð um hvernig henni lítist á
atvinnuástandið í vetur hjá fé-
lagsmönnum Eflingar segir Þórunn
að ekki gæti sérstakrar bjartsýni
hvað það varðar. Við höfum heyrt frá
jarðvegsvinnuverktökum að verk-
efni þar séu í rólegri kantinum sem
er heldur neikvæð vísbending inn í
veturinn. Það þarf eitthvað að koma
til ef ástandið á að verða gott í vetur,
þó einhverjar byggingar og annað
slíkt séu í farvatninu er ekki útlit fyr-
ir að atvinnuástandið snarbreytist,“
segir Þórunn.
BORGARRÁÐ hefur samþykkt,
með fjórum atkvæðum gegn þremur,
að Reykjavíkurborg kaupi fasteignir
við Laugaveg í eigu Jóns Ólafssonar,
stjórnarformanns Norðurlósa.
Minnihluti borgarráðs lét bóka mót-
mæli við samningnum.
Kauptilboðið nær til fasteignanna
nr. 86, 86b, 92 og 94 við Laugaveg.
Kaupverð er 140 milljónir króna.
Skipulagssjóður Reykjavíkurborgar
kaupir eignirnar af Jóni Ólafssyni og
co sf. og Stjörnubíói ehf.
Ingibjörg Sólrún Gísladóttir borg-
arstjóri segir að undanfarin misseri
hafi verið unnið að gerð deiliskipu-
lags fyrir Laugaveginn. „Það er
mjög mikilvægt að deiliskipulag sé
ekki bara strik á pappír, heldur verði
að veruleika,“ segir hún, „og kaup-
menn, jafnt sem byggingaraðilar og
fjárfestar sjái að borgaryfirvöldum
sé full alvara með tillögum um deili-
skipulag.“
Markmið að leysa
bílastæðavanda
Að sögn Ingibjargar Sólrúnar er
ætlunin með kaupunum að leysa
bílastæðavanda Laugavegarins.
„Við höfum lengi haft augastað á
tveimur lóðum, annars vegar þessari
og hins vegar Laugavegi 77. Við telj-
um mikilvægt að við eigum ákveð-
inna kosta völ í þessum efnum og tök
á þessari lóð á meðan við erum að
leiða bílastæðamál til lykta.“
Ingibjörg segir að verðið, 140
milljónir, sé viðunandi. „Við höfum,
eins og ég sagði áðan, lengi verið að
bera víurnar í lóðina. Þá hafa alltaf
verið nefndar miklu hærri tölur.
Þetta var skoðað síðast í fyrra og þá
náðu menn ekki saman. Við fengum
mat frá tveimur aðilum, sem töldu að
borgin væri að minnsta kosti skað-
laus við þetta verð, en líklegra væri
að það hefði í för með sér ávinning.“
Borgarstjóri segir að ef lóðirnar
verði nýttar fyrir bílastæði verði
grafinn bílastæðakjallari og Stjörnu-
bíó þar með rifið. „Byggingarmagnið
sem koma má fyrir á lóðinni er um
6.000 fermetrar.“
Sjálfstæðismenn segja ekki
þörf á að kaupa eignirnar
Borgarráðsfulltrúar Sjálfstæðis-
flokksins lögðu fram eftirfarandi
bókun við afgreiðslu málsins:
„Fulltrúar Sjálfstæðisflokksins
sjá ekki, að í því felist nein hags-
munagæsla fyrir hönd Reykvíkinga
eða þörf vegna skipulags að Skipu-
lagssjóður Reykjavíkurborgar taki
sölutilboði á eignum Jóns Ólafssonar
og co sf. og Stjörnubíós ehf. vegna
fasteignanna nr. 86, 86b, 92 og 94 við
Laugaveg og eru því andvígir heim-
ild til sjóðsins f.h. borgarsjóðs að
ganga að ofangreindu tilboði.“
Borgarráð ætlar að kaupa fasteignir Jóns Ólafssonar við Laugaveg
Samþykkti að kaupa
eignirnar á 140 milljónir
Morgunblaðið/Jim Smart
Kauptilboð borgarinnar nær til fasteignanna nr. 86, 86b, 92 og 94 við Laugaveg. Kaupverð er 140 milljónir.
Hefur tvöfaldast
á tólf mánuðum
Atvinnuleysi hefur aukist á höfuðborgarsvæðinu




 


     
 
  
 

    
 


 



  

HÉRAÐSDÓMUR Reykjavíkur
framlengdi í gær gæsluvarðhald yfir
tveimur mönnum sem játað hafa lík-
amsárás í Hafnarstræti sem leiddi til
dauða ungs manns. Voru sakborn-
ingarnir úrskurðaðir í áframhald-
andi gæsluvarðhald til 27. ágúst.
Árásin var gerð 25. maí sl. með því
að mennirnir, sem eru 20 og 23 ára,
réðust að Magnúsi Frey Svein-
björnssyni, 22 ára, með þeim afleið-
ingum að hann lést á gjörgæsludeild
Landspítalans eftir átta daga sjúkra-
húslegu. Stuttu eftir árásina gáfu
mennirnir sig fram við lögreglu og
hafa þeir setið í gæsluvarðhaldi síð-
an. Báðir hafa þeir komið við sögu
lögreglu áður.
Gæsluvarð-
hald fram-
lengt vegna
manndráps
♦ ♦ ♦
TVÖ umferðaróhöpp urðu í Kópa-
vogi með stuttu millibili laust eftir
klukkan fimm í gær. Einhverjar
skemmdir urðu á bíl sem hafnaði ut-
an vegar við Vatnsenda en engin
meiðsl urðu á fólki. Þá urðu töluverð-
ar skemmdir á bílum sem rákust á á
mótum Nýbýlavegar og Selja-
brekku. Engin meiðsl urðu á fólki.
Ekki leikur grunur á að um ölvunar-
akstur hafi verið að ræða.
Tvö umferðar-
óhöpp í Kópavogi