Morgunblaðið - 17.07.2002, Blaðsíða 19

ERLENT
MORGUNBLAÐIÐ MIÐVIKUDAGUR 17. JÚLÍ 2002 19
ÖLDUNGADEILD Bandaríkja-
þings samþykkti einróma á mánu-
daginn lagafrumvarp er kveður á um
víðtækar umbætur á endurskoðun-
ariðnaðinum og stjórnun fyrirtækja.
Er markmiðið með þessum umbót-
um að vekja á ný traust á viðskipta-
lífinu, eftir að fjöldi hneykslismála,
þ.á m. WorldCom og Enron, hefur
dregið alvarlega úr áliti fjárfesta og
almennings á bandarískum stórfyr-
irtækjum.
George W. Bush forseti hefur sagt
að hann vilji endilega skrifa undir lög
um hert viðurlög við spillingu í við-
skiptalífinu, en óljóst er hvernig
frumvarpið mun líta endanlega út.
Samningamenn á vegum öldunga-
deildarinnar munu vinna að því með
leiðtogum í fulltrúadeildinni að kom-
ast að málamiðlun, en fyrr á þessu
ári samþykkti fulltrúadeildin laga-
frumvarp sem ekki var jafn harka-
legt og frumvarp öldungadeildarinn-
ar.
Samkvæmt frumvarpinu sem sam-
þykkt var á mánudaginn skal skipa
óháða nefnd sem hafi eftirlit með
endurskoðunariðnaðinum, setji tak-
mörk við möguleikum endurskoðun-
arfyrirtækja á að sinna ráðgjöf fyrir
fyrirtæki sem þau sinna endurskoð-
un hjá, banni lánveitingar fyrirtækja
til starfsmanna þeirra og láti til skar-
ar skríða gegn öðrum viðskiptahátt-
um sem hafa stuðlað að hneykslis-
málunum undanfarið. Frumvarpið
kveður einnig á um auknar refsingar
fyrir verðbréfasvindl og gerir auð-
veldara um vik að lögsækja sviksama
framkvæmdastjóra.
Bush og ýmsir embættismenn í
Hvíta húsinu hafa látið í ljósi efa-
semdir um nokkur lykilatriði í frum-
varpi öldungadeildarinnar. En sam-
hljóða samþykkt frumvarpsins mun
líklega auka þrýstinginn á forsetann
og repúblíkana í fulltrúadeildinni um
að komast sem fyrst að samkomulagi
við demókrata sem eru fylgjandi
harkalegra frumvarpinu.
Leiðtogi meirihluta demókrata í
öldungadeildinni, Tom Daschle,
skoraði á forseta fulltrúadeildarinn-
ar, Dennis Hastert, að sleppa samn-
ingaviðræðum og taka frumvarpið
beint til umræðu í fulltrúadeildinni.
„Bandarísku þjóðinni væri enginn
greiði gerður með því að einhverjir
fengju að fara með frumvarpið afsíð-
is og veikja það,“ sagði Daschle.
Talsmaður Hasterts hafnaði
áskorun Daschles og benti á að full-
trúadeildin, þar sem repúblíkanar
hafa meirihluta, hefði samþykkt sitt
frumvarp í apríl og hefði síðan beðið
aðgerða af hálfu öldungadeildarinn-
ar, þar sem demókratar hafa meiri-
hluta. „Við erum með gott frumvarp
og við ætlum að hefja samningavið-
ræður og fá fram betra frumvarp,“
sagði talsmaður Hasterts.
Í leiðara The Los Angeles Times á
mánudaginn sagði að á meðan Bush
fumaði með að láta til skarar skríða
gegn bókhaldssvikum hefði þingið nú
hlaupið í skarðið með fjölda umbóta-
tillagna. En þess verði að gæta, að
frumvörp sem lofi góðu, eins og til
dæmis frumvarpið sem öldunga-
deildin hafi nú samþykkt, verði ekki
þynnt út. „Þjóðin hefur ekki efni á
því.“
Í leiðara á sunnudaginn benti blað-
ið Bush forseta á það, að sagan sýndi
að óbeit almennings og áhyggjur
fjárfesta þrýsti umbótum í gegn,
hvort sem forsetanum og stuðnings-
mönnum hans í stórfyrirtækjunum
líkaði betur eða verr. Ef Bush gengi í
lið með umbótaöflunum nú þegar
gæti hann komið því til leiðar að um-
bæturnar yrðu fyrr að veruleika og
líka eignað sér nokkurn heiður af
þeim.
Öldungadeildin samþykkir
víðtækar umbótatillögur
Varað við því að tillögurnar verði
þynntar út með samningaviðræðum
Washington. The Los Angeles Times.
Tom Daschle, leiðtogi demó-
krata í öldungadeild Banda-
ríkjaþings.
Reuters
GEORGE W. Bush Bandaríkjafor-
seti undirritaði árið 1990 yfirlýsingu
þar sem hann hét því að selja ekki
næstu sex mánuði hlutabréf sem
hann hafði eignast í Harken-olíufé-
laginu. Rúmum tveim mánuðum síð-
ar seldi hann samt bréfin með góðum
hagnaði, rétt áður en skýrt var frá
fjárhagserfiðleikum Harken.
Bush fékk um 850 þúsund dollara,
um 720 milljónir króna, fyrir hluta-
bréfin. Endurskoðandi Bush, Robert
McCleskey, sagði í gær að hann teldi
ekki að erfiðleikar Harken hefðu átt
þátt í að Bush seldi bréfin fyrir tím-
ann heldur hefði Bush þurft lausafé
til að greiða lán sem hann tók til að
kaupa bréf í Texas Rangers-hafna-
boltafélaginu. Bandaríska fjármála-
eftirlitið, SEC, yfirheyrði ekki Bush
vegna málsins þegar stofnunin kann-
aði árið 1991 hvort um innherjavið-
skipti hefði verið að ræða en Bush
var einn af ráðamönnum Harken er
hann seldi bréfin.
Braut Bush
samning?
Washington. AP.
KYNNTAR voru í gær sex hug-
myndir að uppbyggingu á lóðinni
þar sem tvíburaturnar World Trade
Center stóðu í New York. Líkanið á
myndinni sýnir torg sem umkringt
er tíu hæða húsum, á sjálfu torginu
eru hins vegar lægri hús og á þökum
þeirra garðar með göngustígum.
Haldinn verður mikill borg-
arafundur í Jacob Javits-miðstöðinni
á laugardag þar sem íbúar geta sagt
skoðun sína á hugmyndunum.
Arftakar tvíburaturna kynntir
Reuters
FINNI á fertugsaldri fórst og
annar maður slasaðist illa er
bílsprengja sprakk nálægt
járnbrautarstöðinni í Helsinki
snemma í gærmorgun. Ekki er
vitað hver var að verki en lög-
reglan telur hugsanlegt að um
hefnd af hálfu glæpasamtaka
hafi verið að ræða. Sprengjan
virðist hafa sprungið er bíllinn
nam staðar við umferðarljós og
splundruðust rúður í hótelinu
Helka, sem er við götuna. Mað-
urinn sem særðist ók bíl sem
var aftan við þann sem var
sprengdur. Að sögn sænska
blaðsins Dagens Nyheter
þekkti lögreglan þann sem
fórst. Samkunduhús gyðinga er
skammt frá staðnum en tals-
maður lögreglunnar, Olli Toy-
ras, taldi útilokað að hryðju-
verkamenn hefðu verið að
verki.
Sprengju-
tilræði í
Helsinki
Helsinki. AFP.