Morgunblaðið - 03.08.2002, Side 6

FRÉTTIR
6 LAUGARDAGUR 3. ÁGÚST 2002 MORGUNBLAÐIÐ
BLAÐAMAÐUR Morgunblaðsins
átti ekki erfitt með að sjá hressustu
stelpurnar á BSÍ á augabragði,
þegar hann ásamt ljósmyndara leit
þar við síðdegis í gær. Þær Ragn-
heiður, Valdís, Guðrún og Kristín
Ósk voru allar á leið til Vest-
mannaeyja, ein þeirra í þriðja sinn,
ein í annað sinn en tvær í fyrsta
sinn. „Það var engin spurning um
að fara aftur,“ sagði Kristín Ósk, sú
þeirra með mestu reynsluna.
Ferðalagið var engan veginn að
hefjast, þær stöllur eru allar af Suð-
urnesjum. Þeirra beið nú rútan í
Þorlákshöfn og Herjólfur til eyja.
Sjóhattarnir gerðu mikla lukku,
enda eru þeir sérstaklega valdir
með tilliti til hjúskaparstöðu.
Morgunblaðið/Arnaldur
Vaskar meyjar á leið í Eyjar, með sjóhatta að sjálfsögðu.
Í góðum gír með sjóhattana
UNGMENNAHREYFING Rauða
kross Íslands dreifði smokkum á
Reykjavíkurflugvelli og við BSÍ í
gærdag. Átakið beinist gegn klam-
ydíu og öðrum kynsjúkdómum.
„Okkur fannst ástæða til að
dreifa smokkum til þess að minna á
mikilvægi þess að stunda öruggt
kynlíf,“ sagði Unnur Hjálmars-
dóttir, sjálfboðaliði. Dreift er
smokkum, póstkortum og lykla-
kippu með smokki inniföldum.
Morgunblaðið/Arnaldur
Unnur Hjálmarsdóttir sjálfboðaliði afhenti Eyjaförum smokka.
Með öryggið á hreinu
LUNDINN þykir herramanns-
matur í Vestmannaeyjum sem víðar
um land en á þjóðhátíðinni um
helgina verður þessi matur í önd-
vegi, jafnt reyktur sem nýr.
„Lundakallarnir“ sex á myndinni
hömuðust við að hamfletta og
hreinsa lunda sem þeir höfðu tekið í
Álseynni í vikunni. Að þessu sinni
voru hreinsaðir um 2.200 lundar af
22 kippum og ekki ólíklegt að
hnossgætið renni út í Herjólfs-
dalnum um helgina. Við aðgerða-
borðið eru frá vinstri Ágúst Hall-
dórsson, Einir Guðlaugsson, Har-
aldur Gunnarsson, Birkir Guð-
laugsson, Guðlaugur Sigurgeirsson
og Halldór Sveinsson.
Lundinn hamflettur fyrir þjóðhátíð
Morgunblaðið/Sigurgeir
UM leið og maður hefur farið einu
sinni fer maður aftur og aftur,“
sagði Daníel Stefán, galvaskur á
leið í flug Íslandsflugs til Vest-
mannaeyja. Þau Eva Björk, Daníel
Stefán og Jóhann voru þrjú að
ferðast saman, en þeirra beið fjöldi
vina í Eyjum. „Einn okkar er frá
miðvikudegi til þriðjudags,“ sagði
Jóhann.
Eftirvæntingin skein úr augum
þeirra þremenninga og ekki laust
við að öfundin vaknaði. „Það skiptir
engu máli hvort það rignir eða
ekki, það er alltaf jafngaman,“
sögðu þau, „og á hverjum degi ger-
ist eitthvað nýtt. Þrátt fyrir að þú
sért alltaf á sama blettinum er dvöl-
in sífellt ný upplifun,“ sagði Daníel
rétt áður en kallað var á farþegana
að ganga um borð.
Morgunblaðið/Arnaldur
Þau Eva Björk, Daníel Stefán og Jóhann voru til í tuskið.
Einu sinni og maður fer aftur og aftur
UMFERÐ úr Reykjavík gekk að
sögn lögreglu vel í gærkvöld.
Mjög margir voru á ferðinni, bæði
um Suðurlandsveg og Vestur-
landsveg, en almennt voru bílar
vel búnir og ferðalangar með bros
á vör.
Veðurspáin fyrir helgina hljóð-
ar á þann veg, að úrkomu sé að
vænta á Suður- og Vesturlandi,
sérstaklega seinni part laugar-
dags og fyrri part sunnudags.
Þrátt fyrir vætuna munu helgar-
gestir ekki láta deigan síga. Síð-
degis á sunnudag er útlit fyrir
uppstyttu. Á Austurlandi er spáð
þurru og hlýju veðri, allt að 22
stigum í innsveitum í dag.
Umferð og veður
Spáð rigningu
syðra um tíma
ARI Bergmann Einarsson, formaður stjórnar
Starfsmannasjóðs SPRON, segir það hafa
fengist staðfest, að eigendur 45,1% heildar-
stofnfjár SPRON hafi staðfest samninga við
Starfsmannasjóðinn. Þessi tala hafi fengist
staðfest af löggiltum endurskoðanda í gær.
Ari ítrekar að enn eigi eftir að ganga frá lof-
orðum um samninga og því búist hann fast-
lega við því að Starfsmannasjóðurinn nái yfir
50% eigenda heildarstofnfjár.
Jón Steinar Gunnlaugsson, lögmaður stofn-
fjáreigendanna fimm, óskaði í gær eftir sam-
komulagi við forsvarsmenn Starfsmanna-
sjóðsins um að menn, sem tilnefndir yrðu af
hvorum aðila, sannreyndu tölur um fjölda
samninga og heildarfjárhæð stofnfjárhluta í
SPRON, sem Starfsmannasjóður SPRON
kveðst hafa fest kaup á.
Jón Steinar ritaði Ara Bergmann Einars-
syni svohljóðandi bréf:
„Fyrir hönd umbjóðenda minna, stofnfjár-
eigendanna fimm í Sparisjóði Reykjavíkur og
nágrennis, leyfi ég mér að óska eftir sam-
komulagi um að tilnefndir verði tveir menn,
einn af hvorum aðila, til að fara yfir samninga
þá, sem þér tjáist hafa gert um kaup á
stofnfé í SPRON til að sannreyna þær tölur
um fjölda samninga og heildarfjárhæð stofn-
fjárhluta, sem þér hafið gefið upp opin-
berlega, að þér hafið fest kaup á.
Skoðunarmenn fái aðeins það verkefni að
telja samningana og leggja fjárhæðir saman.
Þeir verði bundnir trúnaði um nöfn viðsemj-
enda yðar, líka gagnvart mér og umbjóð-
endum mínum. Ég hef fengið Sverri Ingólfs-
son, löggiltan endurskoðanda hjá Moore
Stephens endurskoðun ehf., til að annast
talninguna fyrir hönd umbjóðenda minna ef
þér samþykkið þetta.
Ég óska eftir að þessu verði hrundið í
framkvæmd strax, ekki síðar en um hádegi í
dag.“
Ari Bergmann Einarsson, formaður
stjórnar Starfsmannasjóðs SPRON
Eigendur 45,1% hafa
staðfest samninga
STOFNFJÁREIGENDURNIR fimm sem
gert hafa tilboð í stofnfjárhluti í Sparisjóði
Reykjavíkur og nágrennis héldu því fram í
gær að yfirlýsingar Starfsmannasjóðs
SPRON ehf. um að sjóðurinn hefði tryggt sér
meirihluta á fyrirhuguðum fundi stofnfjáreig-
enda 12. ágúst gætu ekki staðist. Miðað við
svör 185 stofnfjáreigenda í SPRON í síma-
könnun sem unnin var fyrir stofnfjáreigend-
urna fimm í fyrrakvöld hefðu um 40% stofn-
fjáreigenda gert samning um sölu á stofnfénu
til annaðhvort SPRON eða stofnfjáreigend-
anna fimm.
Í tilkynningu frá skrifstofu stofnfjáreigend-
anna fimm í gær segir: „Nú þegar hafa stofn-
fjáreigendurnir fimm gert samninga um kaup
á 15% stofnfjár. Frestur til að selja stofnfé til
þeirra átti að renna út á hádegi í dag, en hef-
ur verið framlengdur til miðnættis í kvöld [í
gærkvöldi],“ segir í tilkynningunni.
Þar segir einnig að fullyrðingar Starfs-
mannasjóðs SPRON um að hafa tryggt sér
um 62% stofnfjár í SPRON með bindandi
samningum við um 44% og tryggt sér stuðn-
ing 18% til viðbótar á fundi stofnfjáreigenda
12. ágúst næstkomandi komi ekki heim og
saman við niðurstöður símakönnunarinnar.
Endurskoðandi staðfestir tölur
Starfsmannasjóðsins
Síðdegis í gær svöruðu svo forsvarsmenn
Starfsmannasjóðsins með eftirfarandi yfirlýs-
ingu:
„Starfsmannasjóður SPRON ehf. fól í dag
[gær] Sigurði Jónssyni, löggiltum endurskoð-
anda hjá KPMG endurskoðun hf., að yfirfara
undirritaða samninga Starfsmannasjóðsins
við stofnfjáraðila. Sigurður hefur staðfest að
undangenginni athugun að hlutfall bindandi
samninga um kaup á stofnfé sem kom fram í
fréttatilkynningu frá sjóðnum í gær, 1. ágúst,
er rétt.“
Forsvarsmenn Starfsmannasjóðs SPRON
og fimm stofnfjáreigenda deila áfram
Ágreiningur um
réttmæti yfirlýsinga