Morgunblaðið - 03.08.2002, Side 9

FERÐAÞJÓNUSTAN Tanni Travel
á Eskifirði er 10 ára á þessu ári og
hefur markað sér skýr markmið í
starfseminni að sögn Sveins Sig-
urbjarnarsonar framkvæmda-
stjóra. Í bílaflota Tanna Travel eru
fimm hópferðabílar, þar af tveir
bílar, sem starfsmennirnir hafa
endursmíðað sjálfir í stað þess að fá
aðkeypta vinnu. Með þessu móti
skapar fyrirtækið sér sjálft vinnu á
veturna þegar lítið er að gera í
akstrinum.
Sveinn segir ekki svo mikinn
sparnað fólginn í að endursmíða
bílana sjálfur, en það sé tvímæla-
laust tilvinnandi vegna mik-
ilvægrar atvinnusköpunar. „Vet-
urinn hjá okkur er daufur og við
erum fyrst og fremst að reyna að
halda vinnunni hér í byggðarlag-
inu,“ segir hann. „Við getum hugs-
anlega farið og fengið okkur vinnu
einhvers staðar, unnið fyrir þessu
og látið aðra gera þetta. En með því
að gera þetta svona erum við að
skapa okkur vinnu hér heima og
borgum okkar skatta og skyldur af
henni.“
Endursmíðin felst m.a. í að skipta
um framstykkin í bílunum og gera
við svokallaðar prófílagrindur til
að lengja endingartíma bílanna um
allt að 15 ár, sem hlýtur að teljast
ágætt miðað við nærri tvítugan bíl.
Fyrirtækið hefur með þessu móti
endursmíðað tvo bíla sína, þar af
var annar tekinn í gegn í vetur.
Nýjasta rútan lítur vel út hjá Sveini
og erfitt að sjá að hún sé 18 ára
gömul. Sveinn segist mæta nútíma-
öryggiskröfum og setti bílbelti í
rútuna og ráðgerir að allar rút-
urnar fimm verði brátt búnar bíl-
beltum.
Viðskiptahópurinn er breiður,
allt frá unglingum upp í eldri borg-
ara, innlenda sem erlenda, auk þess
sem Sveinn fer með Íslendinga í
rútuferðir til útlanda s.s. Norð-
urlanda, Bretlands og Ítalíu svo
dæmi séu tekin. Sex stöðugildi eru
hjá Tanna Travel en fyrirtækið er
sprottið upp úr fyrirtækinu Benna
og Svenna. Sveinn segir að tekin
hafi verið sú ákvörðun fyrir 15 ár-
um að gera bílana fyrst og fremst
út á Austurlandi. „Á sumrin erum
við ekki að keyra fyrir ferðaskrif-
stofurnar í hefðbundnum túr-
istaferðum, vegna þess að þær
borguðu bæði seint og illa. Við
ákváðum því að reka okkar bíla al-
veg sjálfir og fylgja okkar stefnu í
stað þess að vera undir hælnum á
ferðaskrifstofunum.“
Sveinn og félagar hans eru fyrst
og fremst í leiguferðum og þjóna
m.a. göngufólki á Austurlandi. Má
nefna að þeir keyra t.d. hópa á
hinni vinsælu gönguleið milli Snæ-
fells og Lónsöræfa.
Þá eru ótaldar utanlandsferðir
sem farnar eru. „Við erum búin að
fara eina ferð til Færeyja og erum
að fara í aðra ferð í ágúst,“ segir
Sveinn. Um er að ræða vikuferðir
og farið með Norrænu frá Seyð-
isfirði. „Síðan erum við að undirbúa
ferð til nyrsta odda Noregs næsta
vor.“
Nafnið Tanni Travel er sótt í
fornan snjóbíl sem gekk milli Nes-
kaupstaðar og Eskifjarðar í áratug.
Var hann keyptur nýr árið 1974 og
var fyrsti snjóbíllinn með tönn sem
kom til landsins. Lá beinast við að
gefa honum nafnið Tanni. Nú hefur
hann fyrir löngu lokið mikilvægu
hlutverki sínu og stendur úti á plani
hjá Sveini sem virðulegur safn-
gripur.
Endursmíða hóp-
ferðabíla sína sjálfir
FRÉTTIR
MORGUNBLAÐIÐ LAUGARDAGUR 3. ÁGÚST 2002 9
Lokað í dag

 

 
    

 



 
4ra vikna uppbyggjandi námskeið fyrir þá, sem eiga við
streitu, kvíða og fælni að stríða og/eða eru að ganga í gegn-
um miklar breytingar í lífinu. Kenndar verða leiðir til þess að
að slaka á og öðlast aukið frelsi og lífsgleði. Ásmundur, sem
m.a. byggir námskeiðið á eigin reynslu af kvíða, tekur fyrir
þætti eins og jógastöður, öndunaræfingar, slökun og andleg
lögmál sem stuðla að velgengni, jafnvægi og heilsu. Ekki er krafist reynslu af
jóga. Yfirgripsmikið og traust námskeið frá árinu 1994.
Hefst fimmtudaginn 8. ágúst – þri. og fim. kl. 20:00
Auðbrekku 14, Kópavogi.
Símar 544 5560 og 864 1445,
www.yogastudio.is
Jóga gegn kvíða
með Ásmundi Gunnlaugssyni
Bréf til siglingafólks o.fl.
Ágætu farþegar
m/CARNIVAL PRIDE
í Karíbahafi og Florida 27. sept. 2002
Enn á ný kemur Heimsklúbbur Ingólfs-PRÍMA á óvart með spennandi nýjung í siglingum. Eins og
flestum er kunnugt fer fyrirtæki okkar með umboð fyrir glæsilegustu skemmtiskip heimsins,
PRINCESS og CARNIVAL. Eftir 10 ára þjónustu við CARNIVAL bauðst okkur að selja á hálfvirði
í ferðir hins glæsilega CARNIVAL PRIDE, og þess njóta farþegar okkar beint í fargjöldum, sem eru
allt að kr. 50.000 lægri á mann en keppinautanna í 7 daga siglingum. Að vonum hafa undirtektir
markaðarins verið einmuna góðar, þannig að nú eru 3 stórar hópsiglingar því nær uppseldar
í vetur, en auk þess bjóðum við þjónustu við einstaklinga og smærri hópa vikulega í allan vetur, þar
sem við höfum tryggt okkur flugsæti hjá FLUGLEIÐUM í beinu flugi til hinnar glæsilegu borgar
ORLANDO. Þægilegra né ódýrara getur það ekki verið. Þegar eftir lendingu er haldið á prýðisgott
hótel við ævintýralegan flugvöllinn til gistingar yfir nótt með morgunverði. Um hádegi næsta dag er
ekið frá hóteli að skipshlið, rúmlega klukkustundarakstur, en það ber til nýjunga, að nú er siglt frá
höfninni CAPE CANAVERAL. Íslenskur fararstjóri ykkar leiðbeinir og aðstoðar farþega.
Lagt er úr höfn kl. 16.00 á laugard. og hefur ykkur nú gefist tóm til að koma ykkur fyrir í glæsileg-
um vistarverum skipsins, sem þið völduð sjálf með aðstoð okkar, og er hópurinn talsvert dreifður
um hin ýmsu þilför, en allar vistarverur eru góðar og innréttingar skipsins listrænar í anda
klassískrar hefðar og mynda fagran ramma um þá dýrðardaga, sem í vændum eru. Fullt lúxusfæði
er innifalið á skipinu, en ekki áfengir drykkir né kynnisferðir í landi, en þær eru ýmist keyptar um
borð, eða fararstjórinn skipuleggur stuttar landferðir. Um borð í skipinu eruð þið líkt og stödd í
fljótandi lúxusborg, sem færir ykkur fyrirhafnarlaust á milli ævintýralegra staða með framandi
hitabeltisstemmningu. Starfsfólk um borð er næstum eins margt og farþegar. Margs konar
skemmtun er í boði um borð, og sumir veitingastaðir opnir allan sólarhringinn. Allur þessi munaður
kostar þó ekki nema sem svarar ca. kr. 10 þúsund á mann á dag, gisting, fæði, skemmtanir og sjálf
siglingin í 8 daga. Gerð hefur verið athugun á gistikostnaði í farfuglaheimili á Íslandi og fæði á
þokkalegum matsölustað, 3 máltíðir á dag, og er nokkru dýrara, eða um kr. 11.500 á mann á dag, en
annar samanburður er með öllu óraunhæfur. Suma daga er verið á sjó að slappa af, sóla sig í fersku
sjávarloftinu undir hitabeltissól í þægilegum andvara, aðra daga verið í landi lengi dags að skoða
framandi heim á ævintýraslóðum.
Á 9. degi ferðar leggur skipið aftur að bryggju í Florida, og bíða þá 3-4 yndislegir dagar í einni
mestu ævintýraborg heimsins, ORLANDO, þar sem búið er við bestu aðstæður í hótelsvítum á
hinum orðlagða gististað CARIBE SUITES, með veitingasölum, fögrum garði og landslagssundlaug,
þar til flogið er aftur beint til Keflavíkur með Flugleiðum. Orlando býður upp á nokkra frægustu
skemmtigarða og söfn heimsins, s.s. Disney World, Sea World, Universal Studios, fræga
matsölustaði og fjölda verslana. Komið er heim til Íslands á 12. degi, nema að óskað sé
framlengingar í Florida eða t.d. í paradísarlegri fegurð eyjunnar DOMINICANA, en þangað verður
nú einnig hægt að fljúga á lækkuðum fargjöldum með íslenskum vélum og áhöfnum.
HEIMSKLÚBBUR INGÓLFS-PRÍMA þakkar viðskipti ykkar og óskar ykkur ævintýralega góðrar ferðar.
F.h. WORLD CLUB-PRIMA
Ingólfur Guðbrandsson, forstjóri.
Enn fást nokkur pláss með CARNIVAL PRIDE með brottf. á föstud.
til ORLANDO í okt., nóv., des. og eftir áramót. Hópar 7. feb. og 11. apr.
Austurstræti 17, 4. hæð, 101 Reykjavík, sími 562 0400, fax 562 6564,
netfang: prima@heimsklubbur.is, heimasíða: http://www.heimsklubbur.is
LÖGREGLAN í Reykjavík mun
leggja áherslu á gæslu í íbúðahverf-
um um verslunarmannahelgina. Þá
hefur lögreglan í hyggju að stórauka
umferðareftirlit dagana í kringum
verslunarmannahelgi, með því að
fjölga lögreglumönnum á bifhjólum.
Karl Steinar Valsson, aðstoðaryfir-
lögregluþjónn, segir að allt verði gert
til þess að koma í veg fyrir að þjófar
notfæri sér þær aðstæður sem eru
fyrir hendi þegar stórir hópar fólks
halda úr borginni í kringum verslun-
armannahelgina og munu óeinkenn-
isklæddir lögreglumenn fylgjast bet-
ur með hverfum í borginni.
„Við verðum með álíka mikinn
fjölda í vinnu og venjulega, en breyt-
um áherslum því reynslan hefur sýnt
að minna er um hefðbundin útköll á
slíkum helgum,“ segir Karl Steinar.
„Þar af leiðandi verða fleiri óeinkenn-
isklæddir lögreglumenn á götum
borgarinnar. Þessi aðferð hefur gefist
vel, en fólk verður engu að síður að
gera viðeigandi ráðstafnir á híbýlum
sínum áður en lagt er af stað,“ segir
Karl Steinar og bendir á heimasíðu
lögreglunnar, www.lr.is, en þar er að
finna ráðleggingar af slíkum toga.
Hann segir að talsvert hafi verið um
innbrot í híbýli fólks fyrir nokkrum
árum, en minna bæri á þeim nú.
Ennfremur verður lögreglan með
eftirlit í kringum áfengisverslanir til
þess að koma í veg fyrir að börn og
unglingar komist yfir áfengi.
Breyttar áherslur lögreglunnar
um verslunarmannahelgina
Öflug lögregluvakt
í íbúðahverfum
Reiðhestur
hljóp í veg
fyrir bíl
ÞAÐ telst mikil mildi að
hestamaður skyldi sleppa svo
til ómeiddur þegar hestur
hans fældist og hljóp í veg fyr-
ir bíl á Laugardalsvegi í
Grímstungum um hádegisbil í
gær. Áreksturinn var harður
og að sögn lögreglunnar á Sel-
fossi kastaðist maðurinn yfir
bílinn og lenti í götunni fyrir
aftan hann. Aflífa þurfti hest-
inn og bíllinn stórskemmdist
en ökumaður og tveir farþegar
meiddust ekki. Hestamaðurinn
hugðist sjálfur leita sér lækn-
isaðstoðar.
Bílvelta við
Unaós
MAÐUR var fluttur á sjúkrahúsið á
Egilsstöðum með sjúkrabíl eftir bíl-
veltu við bæinn Unaós á leiðinni til
Borgarfjarðar eystra. Hlaut hann
skurði í andliti en áverkar hans voru
ekki taldir alvarlegir. Atvikið varð á
miðvikudag.
HALLUR Hallsson, talsmaður
Keikó-samtakanna á Íslandi, segir
að háhyrningurinn Keikó hafi frá því
í júlíbyrjun verið með öðrum há-
hyrningum, en þá hafi þjálfarar
Keikós farið með hann á háhyrn-
ingaslóðir, og séu þetta nokkur
þáttaskil í lífi háhyrningsins. Keikó
hafi fyrst verið meðal háhyrning-
anna í fjóra daga en svo var haldið
með hann aftur heim í Klettsvík, þar
sem hann fékk að éta, en ekki leit út
fyrir að hann hefði nærst mikið með-
an hann dvaldi á háhyrningaslóðun-
um.
Hallur segir að svo hafi verið farið
á ný með Keikó á háhyrningaslóðir
þar sem hann hefur haldið sig síðast-
liðnar tvær vikur, en fylgst er með
Keikó í gegnum tvö senditæki, ann-
ars vegar VHF- og hins vegar gervi-
hnattatæki, sem eru á ugga dýrsins.
Segir Hallur það mjög jákvæða
vísbendingu að Keikó skuli hafa
dvalið í námunda við aðra háhyrn-
inga í þennan tíma, en ekki sé vitað
hvort hann hafi étið. Þó hafi sést til
hans og annarra háhyrninga nálægt
síldartorfu.
Keikó með-
al villtra
háhyrninga