Morgunblaðið - 03.08.2002, Síða 12

FRÉTTIR
12 LAUGARDAGUR 3. ÁGÚST 2002 MORGUNBLAÐIÐ
HINN 23. maí sl. varði Sigríður
Hjörleifsdóttir doktorsritgerð á
sviði líftækni við háskólann í Lundi í
Svíþjóð. Doktorsritgerð Sigríðar
nefnist „Diversity of thermostable
DNA enzymes from Icelandic hot
springs“. Ritgerðin fjallar um fjöl-
breytileika
hverabaktería og
hitaþolinna
DNA-ensíma úr
íslenskum hver-
um. Efni ritgerð-
arinnar er í
þremur meg-
inþáttum. Í fyrsta
lagi var fjöl-
breytileiki bakt-
eríutegunda
skoðaður með 16S rRNA-greiningu í
þremur ólíkum vistkerfum. Einni
nýrri tegund (Thermus scotoductus)
var lýst. Í öðru lagi var skimað fyrir
þremur hitaþolnum DNA-ensímum;
DNA-polymerasa, DNA-lígasa og
skerðiensímum. Skimað var í fjórum
ættkvíslum hitakærra baktería. Í
framhaldi af þeirri vinnu voru tvö ný
ensím markaðssett. Í þriðja þætti
ritgerðarinnar er lýst nýrri aðferð
við skimun á DNA-ensímum þar
sem skimað er með sérhönnuðum
vísum í öllu DNA-mengi þeirra níu
Thermus-tegunda sem þekktar eru
og einnig úr DNA-mengi heilla
hveravistkerfa. Þessi aðferð lofar
góðu við leit að áður óþekktum
DNA-ensímum.
Ritgerðin byggist á átta vís-
indagreinum og hafa sex þeirra þeg-
ar verið birtar í ritrýndum vís-
indaritum.
Aðalleiðbeinandi Sigríðar var pró-
fessor Jakob K. Kristjánsson við
Háskóla Íslands og prófessor Olle
Holst var aðstoðarleiðbeinandi og
tengiliður við háskólann í Lundi.
Andmælandi í opinni vörn var pró-
fessor Nils-Kåre Birkeland frá há-
skólanum í Bergen í Noregi. Próf-
dómarar voru prófessor Leif Bülow,
Rolf Bernander dósent og dr. Hen-
rik Strålbrand, allir frá háskólanum
í Lundi. Athöfninni stýrði prófessor
Patrick Adlercreutz.
Sigríður er fædd 1958. Móðir
hennar er prófessor Sigríður Þ. Val-
geirsdóttir og faðir hennar var Hjör-
leifur Baldvinsson prentari. Eig-
inmaður Sigríðar er Kristján G.
Sveinsson verkfræðingur og eiga
þau þrjú börn; Evu Maríu, Þórdísi
og Svein Heiðar.
Sigríður lauk stúdentsprófi frá
Menntaskólanum við Hamrahlíð
1978, BS-prófi í líffræði frá Háskóla
Íslands 1984 og Licentiat-gráðu í líf-
tækni frá háskólanum í Lundi 1989.
Sigríður vann á Örverufræðistofu
Líffræðistofnunar HÍ 1983–1986, á
Iðntæknistofnun Íslands, líf-
tæknideild 1990–1997, Íslenskri
erfðagreiningu 1997–2001 og frá
2001 hefur hún unnið hjá líftækni-
fyrirtækinu Prokaria ehf., m.a. við
einangrun á nýjum DNA-ensímum.
Doktor
í líftækni
Sigríður
Hjörleifsdóttir
FJÁRMÁLAEFTIRLITIÐ hefur
verið beðið um að kanna hvort Bún-
aðarbanki Íslands hafi gerst brot-
legur í skilningi almennra hegning-
arlaga með rangri skýrslugjöf til
Héraðsdóms Reykjavíkur hinn 26.
mars sl.
Kærandi er Þorsteinn Ingason,
sem stefndi Búnaðarbankanum fyrir
héraðsdóm í fyrra fyrir að hafa fyllt
út sýningarvíxla án heimildar og
með því vakið upp ólögmætan víx-
ilrétt. Í málinu gerir Þorsteinn
skaðabótakröfur upp á 500 milljónir
króna auk vaxta.
Kærandi vitnar í greinargerð
Búnaðarbankans til héraðsdóms þar
sem segir m.a. að svo virðist sem
stefnandi hafi afhent umrædda víxla
óútfyllta hvað varðar gjalddaga og
fjárhæðir. Hafi víxlarnir því ekki
verið sýningarvíxlar.
Í bréfi Fjármálaeftirlitsins frá 9.
júlí 1999, sem kærandi vitnar enn-
fremur til, segir m.a. að á fyrirliggj-
andi ljósriti af einum af umræddum
víxlum komi fram að hann hafi verið
stimplaður 28. nóvember 1984 og
verði því að ætla að fjárhæðin hafi
verið sett á víxilinn á þeim degi og
þar með gerður að fullgildum sýn-
ingarvíxli.
Telur kærandi því augljóst að
Búnaðarbankinn haldi fram fullyrð-
ingu þvert á niðurstöðu Fjármála-
eftirlitsins sem varðar umrædda
víxla.
Þegar málið var lagt fyrir héraðs-
dóms krafðist Búnaðarbankinn þess
að Þorsteinn legði fram 12 milljón
króna tryggingu fyrir málskostnaði.
Dómurinn hafnaði þeirri kröfu, en
honum var gert að leggja fram
25.000 kr. í tryggingu. Í dómnum
segir um þessa háu kröfu bankans:
„Dóminum þykir því nokkurri furðu
sæta, að sóknaraðili [Búnaðarbank-
inn] skuli nú reyna að loka þeirri
leið, sem hann sjálfur hefur lagt til
við varnaraðila [Þorsteinn] að farin
verði.“
Ársæll Hafsteinsson, yfirlögfræð-
ingur Búnaðarbankans, minnir á að
mál Þorsteins gegn Búnaðarbankan-
um sé til meðferðar hjá Héraðsdómi
Reykjavíkur. Hafi bankinn hvatt
Þorstein til að fara með umkvört-
unarefni sín fyrir dómstóla, sem
hann hafi og gert í desember sl.
„Þrátt fyrir að málið sé hjá héraðs-
dómi heldur hann áfram að senda
umkvartanir sínar til Fjármálaeft-
irlitsins, nú síðast vegna orða sem
fram koma í greinargerð bankans
sem lögð var fyrir héraðsdóm. Bank-
inn hefur hafnað öllum kröfum Þor-
steins og telur að dómstólar muni
gera slíkt hið sama,“ segir Ársæll.
Sakar Búnað-
arbankann um
ranga skýrslu
NÝIR eigendur hafa tekið við um-
boði á Íslandi fyrir bíla frá Fiat og
Alfa Romeo. Sturla Þór Sigurðsson
og Þorvaldur Sigurðsson keyptu
umboðin og rekstur Ístraktors af
Páli Gíslasyni en Ístraktor verður
áfram til sem eignarhaldsfélag og
leigir nýjum umboðsmönnum hús-
næðið við Smiðsbúð 2 í Garðabæ þar
sem bílasala og verkstæði hafa verið
til húsa. Starfsmenn fyrirtækisins,
sem eru sjö, vinna áfram hjá nýja
umboðinu sem sinnir áfram allri
verkstæðis- og varahlutaþjónustu
við bíla frá Fiat.
Ístraktor er liðlega 20 ára gamalt
fyrirtæki og hafði lengstum framan
af umboð meðal annars fyrir vinnu-
vélar, vörubíla, bílkrana og snjó-
troðara en árið 1996 bættust við
fólksbílar frá Fiat-samsteypunni.
Páll Gíslason tjáði Morgunblaðinu
að hann hefði fyrir alllöngu ákveðið
að selja fyrirtækið, tveir áratugir
væri ágætt úthald, og fundist hefðu
verðugir kaupendur sem fulltrúum
Fiat hefði litist vel á. Hann kveðst
hafa á þessum árum selt 550 Fiat-
og Alfa Romeo-fólksbíla og um 50
sendibíla. Nú væru um 1.700 bílar af
þessum gerðum í umferð og mikil-
vægt væri að geta veitt þeim áfram
góða þjónustu auk þess að selja
áfram bíla frá Fiat-samsteypunni.
Sturla Þór Sigurðsson viðskipta-
fræðingur er framkvæmdastjóri
fyrirtækisins og tók hann við af Páli
í fyrradag. Hann segir það vera
fyrsta verk nýrra eigenda að panta
bíla og verði lögð áhersla á hinn
nýja Fiat Stilo sem fengið hafi góðar
viðtökur erlendis. Von er á fyrstu
bílunum síðari hluta mánaðarins og
er stefnt að frumsýningu síðustu
helgina í ágúst. Þá eru í pöntun Fiat
Multipla og Punto, sem báðir eru í
endurnýjuðum útgáfum, og Alfa
156, sem fengið hefur andlitslyft-
ingu. Sturla Þór sagði þá bræður
vera bjartsýna á að íslenskur bíla-
markaður væri að snúast til betri
vegar. Rekstur bílaumboða væri þó
snúinn þar sem sveiflur væru mjög
miklar. Hann sagði búið að setja
niður viðskiptaáætlun til fjögurra
ára og stefnt væri að hagnaði eftir
nokkurra mánaða rekstur. Lögð
yrði mikil áhersla á markaðs-
setningu og að hafa yfirbyggingu
fyrirtækisins sem minnsta og fjölga
ekki starfsfólki fyrr en aukin sala
gefi tilefni til.
Nýir umboðsmenn
fyrir Fiat- og Alfa
Romeo-bílana
Morgunblaðið/Sverrir
Sturla Þór Sigurðsson hefur ásamt bróður sínum, Þorvaldi, tekið við
umboði fyrir bíla frá Fiat af Páli Gíslasyni sem er til hægri á myndinni.
FÓLKSBIFREIÐ er mikið skemmd
ef ekki ónýt eftir bruna á Nýbýla-
vegsbrúnni um hádegisbil í gær.
Ökumaður var einn í bifreiðinni og
tókst honum að koma sér út í tæka
tíð og urðu því ekki slys á fólki.
Slökkvilið höfuðborgarsvæðisins var
kallað út vegna brunans og slökkti í
bifreiðinni á skömmum tíma. Elds-
upptök eru ókunn.
Morgunblaðið/Ómar
Miklar skemmdir
urðu í bílabruna
LÖGREGLUMENN frá ríkislög-
reglustjóra og tollverðir frá tollstjór-
anum í Reykjavík verða við eftirlit
víða um land um verslunarmanna-
helgina. Lögreglumenn og tollverðir
ásamt fíkniefnaleitarhundum verða á
flugvöllum, í höfnum og við útisam-
komur. Þá hafa lögreglustjórar víðast
hvar hafa með sér samstarf um öfl-
ugra eftirlit.
Þegar mest er aðstoða 14 lögreglu-
menn frá ríkislögreglustjóra við um-
ferðareftirlit, einkum á Norður-,
Vestur- og Suðurlandi og eru þeir
viðbúnir því að færa sig þangað þar
sem umferðarþunginn er mestur.
Bifreið búin öndunarmæli verður
einnig til taks. Í samvinnu við Vega-
gerðina er haldið úti sjö merktum og
ómerktum lögreglubílum sem búnir
eru radar og hraðamyndavélum.
Skipulag löggæslu er í höndum lög-
reglustjóra í hverju umdæmi en
menn ríkislögreglustjóra verða þeim
til aðstoðar og ber embættið kostn-
aðinn.
Forðist mestu
umferðarhnútana
Gísli Pálsson aðstoðaryfirlögreglu-
þjónn segir að mikil áhersla verði
lögð á að berjast gegn fíkniefnum. Á
útihátíðum, við hópferðamiðstöðvar, í
Þorlákshöfn, Vestmannaeyjum og
Bakkaflugvelli verður öflugt fíkni-
efnaeftirlit. Þrír hópar lögreglu-
manna frá ríkislögreglustjóra og toll-
varða frá tollstjóranum í Reykjavík
verða á ferðinni auk þeirra fíkniefna-
hunda sem lögregluembættin á
landsbyggðinni ráða yfir. Fíkniefna-
salar og -neytendur ættu því að
hugsa sig tvisvar um.
Í nágrenni höfuðborgarinnar er
þunginn mestur á föstudegi og frá há-
degi á mánudegi. Myndast þar jafnan
langar bílalestir. Hjálmar Björgvins-
son, aðalvarðstjóri, því til ökumanna
að þeir skipuleggi ferðir sínar þannig
að þeir lendi ekki í mestu umferðar-
hnútunum. Hann minnir á að helstu
orsakir umferðarslysa eru hraðakst-
ur og akstur undir áhrifum áfengis og
ítrekar nauðsyn þess að spenna belt-
in. Að jafnaði eru um 60 ölvaðir öku-
menn stöðvaðir um verslunarmanna-
helgi og á sjöunda hundrað eru teknir
fyrir hraðakstur. Þetta segir Hjálm-
ar vera alltof mikinn fjölda.
Lögreglumenn frá ríkislögreglustjóra og tollverðir við eftirlit víða um land
Vinna í sameiningu að öfl-
ugri löggæslu um helgina
Morgunblaðið/Kristinn
Lögregla leggur mikla áherslu á umferðareftirlit um þessa mestu ferðahelgi landsins. Við Rauðavatn ræddu
lögreglan í Reykjavík og Umferðarráð við ökumenn og aðgættu búnað.