Morgunblaðið - 03.08.2002, Side 14

AKUREYRI
14 LAUGARDAGUR 3. ÁGÚST 2002 MORGUNBLAÐIÐ
AKUREYRARBÆR
Íþrótta- og tómstundadeild
Áhugasamt fólk vantar til starfa með unglingum í
félagsmiðstöðvum hjá Akureyrarbæ. Umsjónarmenn
í 50% starf. Unnið er að breytingum á starfsmanna-
haldi í félagsmiðstöðvunum og möguleiki á 100%
starfi. Einnig vantar aðstoðarfólk í tímavinnu. Vinnu-
tími er seinni hluta dags og kvöldvinna. Æskilegt er
að viðkomandi hafi menntun, samfélagsþjálfa eða
reynslu af félagsstarfi með unglingum.
Viðkomandi þurfa að vera framtakssamir, hug-
myndaríkir og hafa ánægju af að starfa með ungling-
um. Laun eru samkvæmt kjarasamningi STAK og
launanefndar sveitafélaga. Upplýsingar um kaup og
kjör veitir starfsmannadeild.
Umsóknareyðublöð fást hjá móttökuritara í
Glerárgötu 26, 2. hæð, og í þjónustuanddyri ráðhúss-
ins Geislagötu 9, eða vefsíðu Akureyrarbæjar
www.akureyri.is. Umsóknum skal skilað til íþrótta-
og tómstundadeildar, Glerárgötu 26, 2. hæð.
Umsóknarfrestur er til 16. ágúst 2002.
SÓLIN sleikti spegilsléttan hafflöt-
inn og ekki bærðist hár á höfði í bít-
ið í gær þegar Morgunblaðið lagði í
hann frá bryggju á Akureyri með
tveimur starfsmanna ÚA í því skyni
að fylgjast með þeim fóðra ýsu og
þorsk í kvíum í Eyjafirði.
„Við gefum þeim þrisvar til fjór-
um sinnum í viku að meðaltali; höf-
um verið að gefa 1–2% af heild-
arþyngd í kvíunum á dag,“ sagði
Jón Þorvarðarson, stöðvarstjóri
þorskeldis sem stýrir Birni EA, sem
gárungarnir kalla Eldbak, í stíl við
önnur fley ÚA. Vildu jafnvel kalla
hann Gullfoss, eftir að Eimskipa-
félagið eignaðist meirihluta í félag-
inu!
„Það er hvergi fallegra en ein-
mitt hér í Eyjafirðinum – þegar
veðrið er svona. Það er bara ekki
alltaf svona!“ segir Kristján Pét-
ursson sem kemur inn í stýrishúsið.
„Starfið í sumar er framhald af
tilrauninni sem gerð var í fyrra.
Það var settur kraftur í undirbún-
ingsstarfið í byrjun mars í vor en
við byrjuðum ekki að veiða fyrr en í
endaðan apríl,“ segir Jón.
Fiskurinn er aðallega veiddur í
gildrur, sem svo eru kallaðar.
„Varðandi þorskinn erum við í
sjálfu sér ekki að gera neitt sem
ekki hefur verið gert áður, en ýsa
hefur ekki verið veidd áður og alin
áfram svo ég viti. Hún hefur verið
ræktuð frá upphafi bæði í Skotlandi
og Kanada; klakin út í kvíum, og
varð árangur af því. Hún tekur fóð-
ur hér hjá okkur en það er enn of
snemmt að segja hvort hún á eftir
að þyngjast eitthvað verulega. Það
kemur ekki í ljós fyrr en næsta
haust, að ári.“
Jón segir um 25 tonn af ýsu í
kvínni nú og reiknar ekki með að
bætt verði við það. „Þorskurinn er
númer eitt; við erum með tæp 30
tonn af honum eins og er.“
Aðallega er veitt í gildrur sem
fyrr segir en nokkur tonn hafa og
verið veidd í snurvoð.
„Gildran sem veiðarfæri er mjög
heppileg innan fjarðar, þar sem eru
góð skilyrði til að koma henni nið-
ur,“ segir Jón og nefnir að mjög
góður árangur náist með gildru-
veiðinni. Hlutfall fisks sem lifir sé
hvergi hærra.
ÚA er með gildrur á nokkrum
stöðum í Eyjafirði, fiskurinn er háf-
aður úr þeim og fluttur í tanki með
Baldri í kvíarnar.
Jón segir gildrurnar fyrst hafa
verið reyndar hér í fyrra, en hafa
lengi verið notaðar við þorskveiðar
við Nýfundnaland og Japan.
„Þetta er í raun leiðinet sem leið-
ir út í stóran netkassa, fiskurinn fer
inn um hálfgerða trekt og er þar
þangað til við sækjum hann. Kass-
inn sem fiskurinn safnast inn í er
um það til 7.000
rúmmetrar.“
Ekki er annað að
sjá en þorskurinn
og ýsan kunni vel
að meta það sem
þeim er fært að éta.
Og múkkinn er svo
sem ekki langt
undan. Hann þigg-
ur leifarnar sem
fljóta úr kvínni …
Morgunblaðið/Skapti Hallgrímsson
Kristján Pétursson, til vinstri, og Jón Þorvarðarson, stöðvarstjóri þorskeldis hjá Útgerðarfélagi Akureyringa,
huga að einni kvínni á Eyjafirði. Akureyri og fjallið Súlur í baksýn. „Það er hvergi fallegra en einmitt hér í
Eyjafirðinum – þegar veðrið er svona. Það er bara ekki alltaf svona!“ sagði Kristján.
Sporðaköst þegar eldisþorskinum er gefið að éta.
Þorskurinn fúlsaði ekki við loðnu í morgunverð í gær.
Veisluhald hjá
þorski og ýsu
Ýsa í kví Útgerðarfélags Akureyringa skammt utan Krossaness.
STEFANÍA Traustadóttir verður
næsti bæjarstjóri í Ólafsfirði. Fjallað
var um málið á fundi bæjarráðs í vik-
unni og þar upplýsti Jóna Vilhelmína
Héðinsdóttir, formaður bæjarráðs,
að meirihluti bæjarstjórnar hefði átt
viðræður við Stefaníu Traustadóttur
um að hún tæki að sér starf bæj-
arstjóra. Lagði Jóna jafnframt til að
Stefanía yrði ráðin. Formanni bæj-
arráðs og forseta bæjarstjórnar var
falið að ganga frá samningi við Stef-
aníu, og verður hann síðan lagður
fyrir bæjarráð. Stefnt er að því að
Stefanía komi til starfa í Ólafsfirði
hinn 1. september næstkomandi.
Stefanía Traustadóttir er með BA-
próf í stjórnmálafræði frá Háskóla
Íslands, og er einnig félagsfræðing-
ur. Hún hefur undanfarið unnið sem
skrifstofustjóri við Hagfræðistofnun
Háskóla Íslands, en einnig tekið
virkan þátt í störfum að jafnréttis-
málum.
Hún er fædd 5. september 1951,
og á ættir að rekja í Ólafsfjörð þar
sem hún fæddist, en hún er dóttir
hjónanna Trausta Gestssonar og Ás-
dísar Ólafsdóttur.
Stefanía er ekki ókunnug stjórn-
málum, því hún var m.a. varaþing-
maður Alþýðubandalagsins í Norð-
urlandskjördæmi eystra 1988–1992,
og starfaði einnig mikið innan
Kvennalistans.
Stefanía Trausta-
dóttir verður
bæjarstjóri
Ólafsfjörður
FRIÐARATHÖFN verður við
tjörnina framan við Minjasafnið við
Aðalstræti á Akureyri þriðjudags-
kvöldið 6. ágúst næstkomandi til að
minnast fórnarlamba kjarnorku-
sprengjanna á Japan árið 1945.
Þetta er fimmta árið sem atburð-
anna er minnst með þessum hætti á
Akureyri. Athöfnin hefst kl. 22 með
stuttu ávarpi, en eftir það verður
kertum fleytt. Að venju verða flot-
kerti seld á staðnum.
Kertafleyting
FIMMTU og síðustu sumartón-
leikarnir í tónleikaröðinni Sumar-
tónleikar í Akureyrarkirkju verða í
kirkjunni á sunnudag, 4. ágúst, kl.
17.
Flytjandi að þessu sinni er
skoski orgelleikarinn Susan Land-
ale, sem verið hefur búsett í
Frakklandi í fjölmörg ár. Hún mun
leika verk eftir César Franck, E.
Gigout og Leon Boëllmann auk
þess sem hún leikur hluta af Fæð-
ingu frelsarans eftir Oliver Messia-
en.
Susan Landale hefur sérhæft sig
í síðrómantískri tónlist og nú-
tímaverkum og hefur skrifað
greinar og
stundað rann-
sóknir m.a. á
verkum Olivers
Messiaen og
Petr Eben. Orðs-
tír hennar hefur
borist víða vegna
þessa en einnig
þykir flutningur
hennar á verkum
þeirra sem og
Jean Langlais einstakur.
Hún hefur leikið einleik með
frægum hljómsveitum í Prag,
Lundúnum og Heidelberg, leikið á
mörgum stærstu orgelhátíðum
beggja vegna Atlantshafsins auk
þess sem hún hefur efnt til ein-
leikstónleika í ýmsum heimsálfum.
Hún hefur frá árinu 1977 verið org-
elkennari við Tónlistarháskólann í
Rueil Malmaison og hafa margir
nemenda hennar unnið til verð-
launa fyrir leik sinn. Björn Steinar
Sólbergsson, organisti Akureyrar-
kirkju, var nemandi hennar.
Þetta er í þriðja sinn sem Susan
heldur tónleika í Akureyrarkirkju,
en hún var áður á ferðinni árin
1988 og 1999. Tónleikarnir standa í
klukkustund og er aðgangur
ókeypis.
Sumartónleikar í Akureyrarkirkju
Susan Landale
leikur á orgel
Susan Landale
orgelleikari.