Morgunblaðið - 03.08.2002, Side 18

ÁRBORGARSVÆÐIÐ
18 LAUGARDAGUR 3. ÁGÚST 2002 MORGUNBLAÐIÐ
Njótið fegurðar
Þingvallasvæðisins
Upplýsingar og pantanir
í síma 894 7664
www.himbriminn.is
info@himbriminn.is
ÚTSÝNIS-, FRÆÐSLU-
OG GÖNGUFERÐIR
ÆVINTÝRA-, KVÖLD-
OG VEIÐIFERÐIR
„ÉG BYRJAÐI í verslun 27. júlí
1947 og hef verið óslitið í þessu
síðan, án þess að líta upp. Ég var
17 ár á Eyravegi 3 en er núna hér
við Austurveginn,“ segir Dagur
Dagsson 81 árs gamall kaupmaður
á Selfossi í versluninni Ingólfi að
Austurvegi 34. „Það sem ég höndl-
aði með var þetta dót, sælgæti,
sígarettur og vindlar og dálítið af
vefnaðarvöru. Við byggðum svo
hérna við Austurveginn og ég
byrjaði rekstur hérna 1970. Þann-
ig hef ég verið í þessu í 55 ár en er
nú orðinn dálítið latur við þetta
núna,“ segir Dagur en hjá honum
fæst ýmislegt matarkyns, sælgæti
og ýmsar heimilisvörur.
„Ég setti mér það snemma að
útiloka mig frá því að lifa lífinu, að
vera eitthvað að skemmta mér eða
fylgjast með. Þetta var vegna þess
að skrokkurinn var lélegur. Ég
fékk berkla sem eyðilögðu í mér
lungun og vinstra hnéð sem varð
staur. Það var búið með það að
maður elti stelpur og varla fer
maður til þess núna.
Það hefur margt breyst á þess-
um tíma. Það er til dæmis ein-
hvern veginn erfiðara að fá vörur
núna. Ég fór í bæinn hér áður eftir
vörum en hef ekki gert það und-
anfarin ár og þá dettur maður út.
Að vísu nota ég símann og þá
koma jú vörur en svo gerist það að
menn eiga ekki hluti sem fengist
hafa árum saman hjá manni.
Það var oft líflegt í búðinni, sér-
staklega á Eyraveginum en þá
komu oft ungir menn og spjölluðu
um daginn og veginn. Annars
finnst mér samfélagið dálítið
skrýtið núna. Það er eins og menn
séu að fara út af strikinu sínu í
peningamálum. Svo er ekki þor-
andi að fara út í Reykjavík á
kvöldin og Reykjavík sem var svo
saklaus hér áður.
Svo er það ESB, ég vil alls ekki
ganga í Evrópusambandið því þá
koma menn bara hér og kaupa
þetta allt upp og senda hingað ein-
hvern glæpalýð til að mjólka belj-
urnar. Ég er hræddur við yfirgang
þess stóra þegar Evrópusam-
bandið er búið að ná öllu undir sig.
Það má vara sig að bugta sig of
mikið fyrir útlendingunum.
Mér finnst hræðilegt að horfa á
aukin innbrot en það er einhvern
veginn þannig að eftir því sem
meira er dekrað við ungt fólk þá
verður það æstara í að skemma og
eyðileggja. Í gamla daga skrif-
uðum við hjá krökkunum og vor-
um með yfir 100 krakka í við-
skiptum og það gekk vel, þau
komu alltaf og borguðu úttektina.
Þetta eru mömmur og pabbar
núna og ömmur og afar. Núna vita
krakkar ekki eins hvað þetta er og
skynja ekki skuldina sem verður
til, halda bara að allt sé búið um
leið og úttektin hefur verið skráð.
Annars eru krakkarnir skemmti-
legir, þau vita og sjá svo margt.
Ég vildi alveg vera 17 ára í dag
með öll þau tækifæri í menntun
sem fyrir hendi eru. Við eigum
mjög öflugt ungt fólk sem mun
vinna okkur inn í framtíðina og
það á örugglega eftir að höndla
enn meiri hraða í samfélaginu en
er í dag,“ segir Dagur Dagsson
þar sem hann stendur vaktina í
verslun sinni.
„Hér áður fór maður stundum
smá hring á sunnudögum í heim-
sókn á bæi en þetta hefur minnkað
hin síðari ár. Ég á núna 30 ára
gamlan Volvo, mjög góðan bíl, en
ég er orðinn latari við að keyra,
kann ekki við að vera að keyra í
erindisleysu eitthvað út í bláinn.
Svo er umferðin orðin hraðari og
ég er ónýtur að fara eitthvað einn
á báti. Annars er maður bara
bjartsýnn, ég verð í þessu áfram,
það er gott að hafa eitthvað til að
vakna til á hverjum degi,“ segir
Dagur Dagsson kaupmaður á Sel-
fossi.
Dagur Dagsson hefur verið kaupmaður á Selfossi í 54 ár
Það var
oft líflegt
í búðinni
hér áður
Morgunblaðið/Sig. Jóns
Dagur Dagsson kaupmaður í verslun sinni Ingólfi á Austurvegi 34 á Selfossi.
Selfoss
Á VORDÖGUM hóf starfsemi sína
hér í Hveragerði nýtt fyrirtæki í
matvælaiðnaði. Fyrirtækið heitir
Jarðgull ehf og framleiðir margs-
konar soðkraft undir merkinu
„Fond“.
Þetta er fyrsta fyrirtæki sinnar
tegundar á Íslandi. Hér er um að
ræða sósu- eða súpugrunn, sem er
ósaltaður og án allra aukaefna.
Þetta grunnefni er mikið notað við
matargerð, einkum á hótelum, veit-
ingastöðum og í mötuneytum.
Einnig má nota það við matseld í
heimahúsum. Þegar er hafin fram-
leiðsla á soði úr nautakjöti, lamba-
kjöti og kjúklingum. Einnig verður
framleitt grænmetissoð, súpur og
sósur.
Næringargildi soðsins er mikið,
en það er bæði ósaltað og fitulaust
og í því eru engin aukaefni. Notaðar
eru jarðgufur til framleiðslunnar,
sem lækkar til muna framleiðslu-
kostnað ef miðað er við raforku, sem
yfirleitt er notuð þar sem þetta
grunnefni hefur verið búið til.
Þessi matvælagrunnur hefur ekki
fyrr verið framleiddur hér á landi
með þessum hætti og hefur ekki
verið boðinn til sölu á almennum
markaði, en á næstunni stendur til
að bæta úr því. Geymsluþol soð-
kraftsins er a.m.k. tveir mánuðir.
Eigendur hins nýja fyrirtækis eru
Gísli Tómasson, matreiðslumeistari,
Kristján Örn Jónsson, Árni Gunn-
arsson framkvæmdastjóri HNLF
og Jón Þórðarson lyfjafræðingur.
Þeir Gísli og Kristján Örn vinna við
fyrirtækið, auk eins sölumanns sem
er í Reykjavík.
Hugmyndina að stofnun Jarðgulls
á Gísli og segir hann að hún hafi
kviknað í eldhúsinu, þegar hann var
að búa til soðkraft, eins
og tíðkast víða á veit-
ingahúsum landsins.
Jarðgull ehf hefur
notið lánafyrirgreiðslu
Byggðasjóðs en IMPRA
hefur styrkt markaðs-
setningu þess. Heil-
brigðiseftirlit Suður-
lands veitti starfsleyfi
og Rannsóknaþjónustan
Sýni ehf rannsakaði og
reiknaði út næringar-
gildi vörunnar. Þess má
geta að í 100 gr. af kjúk-
lingasoði (demi glace) er
orkan 102kj/24 kkal,
prótein 6 gr., kolvetni 0 gr. og fita 0
gr..
Við þessa framleiðslu eru ýmsar
afurðir fullnýttar eins og t.d. kjöt af
beinum, sem ella er hent að hluta til.
Jarðgull hefur framleiðslu á soðkrafti
Notar jarðgufu
við framleiðsluna
Hugmyndin að Jarðgulli kviknaði í eldhúsinu. Eigendurnir (f.v.) Gísli
Tómasson, Árni Gunnarsson, Kristján Örn Jónsson og Jón Þórðarson.
Framleiðslan komin í plast, tilbúin í sölu.
Hveragerði
EFTIR að bókasafnið flutti í nýtt
húsnæði í Ráðhúsi Ölfuss hefur
gestakomum fjölgað. Þetta gerist
um hásumar en þá er notkun bóka-
safna oftast hvað minnst.
Jón Sævar Baldvinsson, forstöðu-
maður bókasafnsins, segir að aukn-
ingin sé mest tengd tölvunotkun. Á
safninu eru tvær deildir, á fullorð-
insdeildinni eru sjö tölvur sem allar
eru tengdar Netinu og á barnadeild-
inni eru þær sex og að auki eru tvær
tölvur sem fólk getur staðið við og
eru þær einnig með nettengingu.
Börn fá aðeins að fara í tölvurnar
einu sinni á dag og þá bara í 30 mín-
útur í senn, tími fullorðinna er ekk-
ert takmarkaður. Jón Sævar sagði
að börnin væru að allan daginn ef
ekki væri hafður kvóti á þeim, en að-
sókn fullorðinna hefur farið mjög
vaxandi og koma flestir eftir klukkan
fimm þegar búið er að loka barna-
deildinni.
Reyndar hefur ásókn fullorðinna
aukist svo að það hefur þurft að opna
barnadeildina fyrir þá.
Þeir fjölmörgu útlendingar sem
hér starfa hafa sótt mikið í þessa
þjónustu og kunna vel að meta. Fyrir
stuttu gekst bókasafnið fyrir tölvu-
námskeiði fyrir fjórtán eða fimmtán
Pólverja sem starfa hér og var feng-
inn pólskur kennari sem starfar hjá
verkfræðistofu Sigurðar Thorodd-
sen til að leiðbeina þeim.
Morgunblaðið/ Jón H. Sigurmundsson
Börnin í Þorlákshöfn notfæra sér aukna tölvuþjónustu bókasafnsins.
Tölvunotkun
stóraukist
Þorlákshöfn
200 gestir koma í bókasafnið á dag
M O N S O O N
M A K E U P
litir sem lífga
Skólavörðustíg 21, sími 551 4050.
Viskustykki
Til í níu munstrum