Morgunblaðið - 03.08.2002, Síða 24

ERLENT
24 LAUGARDAGUR 3. ÁGÚST 2002 MORGUNBLAÐIÐ
JARÐVATNSBARKAR
Stærðir 50—100 mm
Lengd rúllu 50 m
Tilvalið þar sem ræsa
þarf fram land. Vara
sem vinnur með þér,
auðveld í meðhöndlun.
Ármúla 21, sími 533 2020
Stærðir 50—80
og 100 mm.
Lengd rúllu 50 mtr.
Tilvalið þar sem ræsa
þarf fram land. Vara
sem vinnur með þér,
auðveld í meðhöndlun.
EFRI deild ítalska þingsins sam-
þykkti í fyrrakvöld umdeilt laga-
frumvarp sem stjórnarandstæð-
ingar segja að hafi verið samið til
að koma í veg fyrir að Silvio Berl-
usconi, forsætisráðherra Ítalíu,
verði dæmdur fyrir spillingu.
Nokkrir þingmenn stjórnarand-
stöðunnar bundu klúta fyrir augun
til að mótmæla frumvarpinu sem
var samþykkt með 162 atkvæðum
gegn níu eftir heitar umræður.
Tugir þingmanna gengu af fundi í
mótmælaskyni áður en atkvæða-
greiðslan fór fram. Hundruð mót-
mælenda stóðu fyrir utan þing-
húsið og hrópuðu orðið „skömm“ í
sífellu.
Stjórnarflokkarnir eru með
traustan meirihluta í báðum deild-
um þingsins eftir stórsigur mið- og
hægriflokkanna í kosningum í
fyrra. Neðri deildin á að fjalla um
lögin í september eftir sumarhlé.
Hægt að ógilda réttarhöld
vegna „hlutdrægni“ dómara
Verði frumvarpið að lögum geta
sakborningar krafist þess að rétt-
arhöld verði lýst ógild eða færð til
annars dómstóls ef „rökstuddur
grunur“ leikur á að dómarar í mál-
um þeirra séu hlutdrægir.
Berlusconi hefur verið sóttur til
saka í Mílanó fyrir að hafa mútað
dómurum á níunda áratug liðinnar
aldar og ýmis önnur mál sem
tengjast viðskiptaveldi hans hafa
verið rannsökuð. Forsætisráð-
herrann hefur borið af sér allar
sakir og segist vera fórnarlamb
vinstrisinnaðra saksóknara.
Stuðningsmenn Berlusconis
segja að lagafrumvarpið sé nauð-
synlegt til að vernda þá sem séu
saksóttir í pólitískum tilgangi.
Stjórnarandstaðan hafði gert allt
sem hún gat til að hindra eða
seinka afgreiðslu lagafrumvarps-
ins.
Saksóttur fyrir að
múta dómurum
Stjórnarandstæðingarnir lýsa
frumvarpinu sem brellu til að
koma í veg fyrir að Berlusconi og
pólitískir bandamenn hans verði
leiddir fyrir rétt. Þeir segja að
með því að halda því fram að dóm-
arar séu hlutdrægir geti forsætis-
ráðherrann tafið réttarhöldin þar
til sökin fyrnist. Ítalskir saksókn-
arar hafa einnig látið í ljósi
áhyggjur af frumvarpinu. Verði
frumvarpið að lögum verða þau
afturvirk, þannig að þau gilda um
öll réttarhöld sem standa nú yfir.
Réttarhöld hafa þegar verið
ákveðin í máli Berlusconis og lög-
fræðings hans, Cesare Previti,
sem er einnig þingmaður flokks
forsætisráðherrans. Er þeim gefið
að sök að hafa mútað dómurum áð-
ur en þeir kváðu upp þann úrskurð
að Berlusconi mætti kaupa mat-
vælafyrirtæki af ríkinu á níunda
áratugnum.
Berlusconi og Previti hafa neit-
að sakargiftunum. Þeir hafa kraf-
ist þess að réttarhöldin verði færð
til annars dómstóls í Brescia
vegna þess að dómararnir í Míl-
anó dragi taum vinstrimanna.
Hefur hann kallað þá „rauðu dóm-
arana“.
Hefur verið
dæmdur í fangelsi
Berlusconi á einnig yfir höfði
sér réttarhöld vegna ásakana um
fjársvik og tvöfalt bókhald fjöl-
miðlaveldis hans, Fininvest. Það
mál hefur verið að velkjast í dóms-
kerfinu frá 1993.
Forsætisráðherrann hefur þegar
verið dæmdur í 28 mánaða fangelsi
vegna annars máls, auk þess sem
honum var gert að greiða sekt að
andvirði 415 milljóna króna. Hann
þarf þó ekki að afplána dóminn
fyrr en áfrýjunarferlinu lýkur og
búist er við að það taki mörg ár.
Líklegt er að Berlusconi verði
einnig leiddur fyrir rétt vegna
tveggja annarra mála sem snúast
um fjármálaóreiðu.
Forsætisráðherrann hefur enn-
fremur verið sakaður um að hafa
brotið lög um fjármögnun stjórn-
málaflokka og mútað embættis-
mönnum skattaeftirlitsins. Hann
hefur verið sýknaður í nokkrum
málum og aðrar ákærur hafa verið
felldar niður þar sem sökin hefur
fyrnst.
Berlusconi er auðugasti maður
Ítalíu, á meðal annars sjónvarps-
og útvarpsstöðvar, útgáfufyrir-
tæki, auglýsingastofu, trygginga-
félag, fasteignasölu og knatt-
spyrnufélagið AC Milan.
Umdeilt lagafrumvarp samþykkt í efri deild ítalska þingsins
Sagt auðvelda Berlusconi
að sleppa við réttarhöld
AP
Þingmenn ítölsku stjórnarandstöðunnar halda á spjöldum þar sem mót-
mælt er frumvarpi sem sagt er gera Silvio Berlusconi, forsætisráðherra
Ítalíu, kleift að komast hjá réttarhöldum.
Róm. AFP, AP.
’ Sagður geta tafiðréttarhöld þar til
sökin fyrnist ‘
AÐ MINNSTA kosti 154
manns hafa dáið af völdum dul-
arfullrar veiru sem herjað hef-
ur á suðausturhluta eyjunnar
Madagaskar síðustu tvo mán-
uði. Ekki er vitað hvers konar
veira þetta er en þeir sem sýkj-
ast kvarta yfir flensueinkenn-
um. Mörg börn og gamalmenni
hafa dáið og óttast er að tala
látinna hækki vegna þess að
margir þeirra sem sýkjast
halda að þeir séu aðeins með
slæmt kvef eða flensu og leita
ekki lækninga fyrr en það er
orðið of seint.
Mikið mann-
fall í Búrúndí
AÐ minnsta kosti 102 uppreisn-
armenn úr röðum hútúa og þrír
hermenn hafa fallið í grennd
við Bujumbura, höfuðborg
Búrúndís, síðustu daga. Íbúar á
svæðinu segja að meira en 40
óbreyttir borgarar hafi látið líf-
ið í átökunum en talsmaður
hersins neitaði því. Stjórnar-
herinn hóf árásir á uppreisnar-
mennina eftir að þeir skutu
sprengjum á höfuðborgina.
Borgarastríð hefur geisað í
Búrúndí frá 1993 og kostað
meira en 250.000 manns lífið,
aðallega óbreytta borgara.
Vilja hreinsa
nafn bílstjóra
Díönu
FORELDRAR Henris Pauls,
bílstjórans sem kennt var um
dauða Díönu Bretaprinsessu,
hafa höfðað mál í Frakklandi til
að reyna að hreinsa nafn hans.
Frönsk yfirvöld sögðu að bíl-
stjórinn hefði verið drukkinn
þegar slysið varð en foreldrar
hans telja að blóðsýni, sem
rannsakað var eftir slysið, hafi
ekki verið úr honum. Þeir
krefjast þess að óháðum vís-
indamönnum verði leyft að fá
blóðsýnið til DNA-rannsóknar.
Georgía
stefnir að
NATO-aðild
ÖRYGGISRÁÐ Georgíu fól í
gær sérstakri nefnd að semja
áætlun um ráðstafanir til að
greiða fyrir aðild landsins að
Atlantshafsbandalaginu. Áætl-
unin á að liggja fyrir ekki síðar
en 1. nóvember og gera stjórn-
inni í Tbilisi kleift að hefja
viðræður við NATO um
hugsanlega aðild landsins að
bandalaginu. Stjórnin ætlar þó
ekki að sækja um aðild á leið-
togafundi NATO í Prag í nóv-
ember.
Boðar
bandalag
KEMAL Dervis, efnahags-
málaráðherra Tyrklands, og
Ismael Cem utanríkisráðherra
sögðust í gær ætla að reyna að
mynda öflugt bandalag fyrir
þingkosningarnar í landinu 3.
nóvember. Dervis og Cem hef-
ur verið lýst sem „draumaliði“
þeirra sem eru hlynntir því að
Tyrkland gangi í Evrópusam-
bandið. Draumaliðið á þó á
brattann að sækja þar sem
skoðanakannanir benda til þess
að Flokkur íslamsks réttlætis
og þróunar fái flest þingsæti.
STUTT
Dularfull
drepsótt
LÍK þrettán Afríkumanna, sem talið
er að hafi reynt að synda til Spánar,
fundust við strandbæinn Tarifa á
Suðvestur-Spáni í fyrradag.
Fimm mannanna voru frá Norður-
Afríku og átta frá löndum sunnan
Sahara. Á meðal þeirra voru tvær
barnshafandi konur. Talið er að fólkið
hafi drukknað þegar það hafi reynt að
synda í land úr báti. Enginn bátur
hefur þó fundist.
Þúsundir Afríkumanna, aðallega
frá Marokkó, reyna að komast yfir
Njörvasund til að leita sér að atvinnu
á Spáni eða öðrum Evrópulöndum.
Njörvasund er aðeins 14 km breitt við
Tarifa, syðsta bæ Evrópu.
Samband marokkóskra farand-
verkamanna á Spáni, ATIME, áætlar
að um 4.000 Afríkumenn hafi drukkn-
að í Njörvasundi frá 1997. Alls hafa 32
drukknað það sem af er árinu, um
70% færri en á fyrri helmingi síðasta
árs þegar 114 lík rak á land.
Það sem af er árinu hafa spænsk
yfirvöld vísað 13.000 ólöglegum inn-
flytjendum frá Afríku úr landi, um
það bil jafnmörgum og allt síðasta ár.
Spánn
Lík þrett-
án Afríku-
manna
rak á land
Reuters
Björgunarmenn standa hjá líkunum sem skolaði á land við Tarifa.
Tarifa. AP, AFP.