Morgunblaðið - 03.08.2002, Page 68

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 3. ÁGÚST 2002 VERÐ Í LAUSASÖLU 190 KR. MEÐ VSK.
ÞRÍR menn voru handteknir eftir
afar fólskulega líkamsárás í Vest-
urbæ Reykjavíkur um hádegisbil í
gær. Maðurinn sem ráðist var á
slasaðist alvarlega á höfði og
gekkst hann undir aðgerð á Land-
spítala – háskólasjúkrahúsi í gær.
Talið var líklegt að krafist yrði
gæsluvarðhalds yfir árásarmönn-
unum í dag, laugardag.
Miklu liði lögreglumanna var
stefnt á staðinn, enda ljóst af til-
kynningu að um alvarlega líkams-
árás væri að ræða. Þegar lög-
regla kom á vettvang lá fórnar-
lambið meðvitundarlaust á
göngustíg milli Seilugranda og
Tjarnarmýrar. Árásarmennirnir
voru á bak og burt en lögregla
hafði þó fljótlega uppi á tveimur
þeirra við Eiðistorg á Seltjarnar-
nesi. Annar þeirra var handtekinn
við verslun ÁTVR en hinn var
kominn langleiðina út að bensín-
stöð Skeljungs við Austurströnd
þegar lögregla handsamaði hann.
Í tengslum við rannsókn lögregl-
unnar fór fram rannsóknarvinna í
íbúð í Vesturbænum. Árásar-
mennirnir voru taldir undir áhrif-
um áfengis eða fíkniefna og mun
hafa verið um að ræða föður um
fimmtugt með sonum sínum
tveimur um tvítugt. Hafa þeir
komið við sögu lögreglunnar áð-
ur.
Morgunblaðið/Júlíus
Hinn slasaði var meðvitundarlaus þegar lögregla og sjúkralið kom á vettvang árásarinnar.
Þrír menn handteknir eftir fólskulega árás
LÖGREGLAN í Reykjavík handtók í
gær karlmann um fertugt vegna
gruns um að hann hefði nauðgað konu
í heimahúsi í Breiðholti aðfaranótt
föstudags. Konan tilkynnti sjálf at-
burðinn og var flutt á Landspítalann
þar sem hún gekkst undir rannsókn á
Neyðarmóttöku vegna nauðgunar.
Hún lagði fram kæru til lögreglunnar
sem hefur tekið málið til rannsóknar.
Að sögn lögreglunnar leikur grunur á
að um hópnauðgun hafi verið að ræða,
þ.e. að gerendur hafi verið allt að þrír.
Hinum handtekna var sleppt úr haldi
að loknum yfirheyrslum í gær. Lög-
reglan hefur ekki haft uppi á hinum
mönnunum sem sagðir eru hafa átt
hlutdeild að málinu.
Fólkið mun ekki hafa þekkst, en
var í samkvæmi í íbúð í Breiðholtinu
þegar meintur glæpur var framinn.
Sá sem handtekinn var í gær hefur
ekki komið við sögu lögreglunnar áð-
ur.
Grunur um
hópnauðgun
„ÍSLENSKI herinn hefur átt aðild að NATO frá 1949,
og hefur starfað undir yfirstjórn Atlantshafsherstjórn-
arinnar, annarrar af tveimur meginstjórnstöðvum
bandalagsins. Vegna stöðu landsins, sinnir íslenski her-
inn eingöngu varnar- og eftirlitshlutverki.“
Þannig hljóðar upphaf kynningar á starfsemi ís-
lenska hersins, en kynninguna og sýnishorn af tækja-
búnaði hans getur að líta á bökkum árinnar Main í
Frankfurt í Þýskalandi. Það skal tekið fram, að engin
alvara er að baki þessu fyrirbæri, nema sú sem felst í
meiningum listamannsins sem skapaði verkið, en hann
heitir Antal Lakner og er Ungverji. Íslenski herinn,
eins og verkið heitir, er til sýnis á myndlistartvíær-
ingnum Manifesta 4.
Hernaður
í Frankfurt
Brynvarinn Plankton-búnaður íslenska hersins.

Íslenski herinn/28
MORGUNBLAÐIÐ kemur
næst út þriðjudaginn 6. ágúst.
Fréttaþjónusta verður alla
helgina á mbl.is og er vaktsími
hennar 861-7970. Áskriftar-
deild blaðsins verður opin í dag,
laugardag, frá kl. 6 til 14. Sími
hennar er 569-1122. Áskriftar-
deildin er lokuð sunnudag og
mánudag.
Auglýsingadeild blaðsins
verður opin fyrir tilkynningar
kl. 9–12 á mánudag, frídag
verslunarmanna. Símanúmerið
er 569-1111.
LANDSVIRKJUN og Norðurál
undirrituðu í gær samkomulag um
afhendingu orku vegna fyrri
áfanga stækkunar álvers Norður-
áls á Grundartanga, það er stækk-
un úr 90.000 tonnum í 180.000
tonn. Eftir síðari áfanga yrði ál-
verið alls 240.000 tonn. Samkomu-
lagið er gert með fyrirvara um
samþykki stjórna beggja fyrir-
tækja.
Orkuþörf mætt
með ýmsu móti
Samkomulagið er einnig háð fyr-
irvörum, til dæmis um að Norðurál
tryggi sér hráefni til stækkunar-
innar og gangi frá fjármögnun
hennar, samningar takist um orku-
verð og að leyfi fáist fyrir nauð-
synlegum orkuframkvæmdum, þar
á meðal Norðlingaölduveitu.
Alls er orkuþörf vegna stækk-
unarinnar í 180.000 tonn, um 1.300
gígavattstundir, á ári, sem jafn-
gildir meðalaflþörf upp á 150
megavött.
Samkomulagið gerir ráð fyrir að
Landsvirkjun afli orkunnar með
ýmsu móti, til dæmis með orku-
framkvæmdum á Þjórsársvæðinu
og jarðgufuvirkjunum Hitaveitu
Suðurnesja og Orkuveitu Reykja-
víkur.
Kominn grunnur að
hugsanlegu orkuverði
„Norðurál og Landsvirkjun hafa
verið í viðræðum frá því um síðast-
liðin áramót, og nú hefur náðst
samkomulag um stærð á álveri og
um virkjanakosti. Einnig hafa
samningaviðræður um orkuverð
hafist, og er kominn grunnur að
hugsanlegu orkuverði,“ sagði Ed-
vard G. Guðnason, markaðsstjóri
hjá Landsvirkjun.
Gert er ráð fyrir að fyrri hluti
stækkunarinnar, það er úr 90.000
tonnum í 180.000 tonn, muni kosta
um 30 milljarða króna á núverandi
gengi. Að sögn Ragnars Guð-
mundssonar, framkvæmdastjóra
fjármála- og stjórnunarsviðs hjá
Norðuráli, hafa nokkrar erlendar
fjármálastofnanir þegar sýnt
áhuga á að taka að sér fjármögnun
stækkunarinnar.
Núverandi starfsleyfi álversins
nær til 180.000 tonna ársfram-
leiðslu, en meðal fyrirvara sam-
komulagsins er, að samþykkt verði
starfsleyfi fyrir allt að 300.000
tonna ársframleiðslu. Síðastliðið
vor féllst Skipulagsstofnun á þá
stækkun, að undangengnu mati á
umhverfisáhrifum.
Allt að 150 nýir
starfsmenn ráðnir
Verði af fyrirhugaðri stækkun
álversins í 180.000 tonn má gera
ráð fyrir að allt að 150 nýir starfs-
menn verði ráðnir.
Aðspurður segir Ragnar Guð-
mundsson að undirbúningur fram-
kvæmda muni hefjast, ef samn-
ingar takast, á næsta ári, og nýi
áfanginn verði tekinn í notkun árið
2005.
Landsvirkjun og Norðurál undirrita samkomulag um orkuviðskipti
Stækkun Norðuráls 30
milljarða framkvæmd
BRETINN sem reyndi að smygla
hálfu kg af hassi til landsins hinn 26.
júlí sl. var á fimmtudag dæmdur í 45
daga fangelsi í Héraðsdómi Reykja-
víkur.
Gekk óvenju hratt fyrir sig
Mál hans gekk óvenju hratt fyrir
sig í dómskerfinu, en ákæra var gef-
in út á fimmtudag og dæmt í málinu
samdægurs, þar sem um játninga-
mál var að ræða. Leið því ekki nema
vika frá því maðurinn var hand-
tekinn þangað til hann fékk dóm.
Hann hafði 486 grömm af hassi í
165 einingum innvortis og játaði sak-
argiftir. Að lokinni þingfestingu fór
fram málflutningur um viðurlög og
kveðinn upp dómur í beinu fram-
haldi.
Allan V. Magnússon héraðsdóm-
ari kvað upp dóminn. Verjandi
ákærða var Sveinn Andri Sveinsson
hrl. og sækjandi Sigurður Gísli
Gíslason fulltrúi hjá Lögreglustjór-
anum í Reykjavík.
Fékk dóm viku
eftir handtöku
FORSVARSMENN ASÍ og Neyt-
endasamtakanna telja hækkun á
gjaldskrá Landssímans og raf-
magnsveitnanna ógna stöðugleika
sem náðst hefur að viðhalda í efna-
hagslífinu undanfarið. „Við getum
ekki séð að rök séu fyrir þessum
hækkunum. Þær koma mjög á óvart
og eru okkur áhyggjuefni,“ segir
Halldór Björnsson, varaforseti ASÍ.
Gagnrýna
verðhækkanir

Óttast/30