Morgunblaðið - 18.09.2002, Síða 4

RÚNAR Sigtryggsson skoraði tvö
mörk í sínum fyrsta deildarleik fyrir
Ciudad Real þegar lið hans sigraði
Granolles á útivelli, 35:28, í fyrstu
umferð spænsku 1. deildarinnar í
handknattleik um síðustu helgi.

CHRISTIAN Hjermind frá Dan-
mörku var markahæstur hjá Ciudad
Real með 10 mörk og Talant Dujsh-
ebaev gerði 6.

HEIÐMAR Felixson skoraði einn-
ig tvö mörk í fyrstu umferðinni en lið
hans, Bidasoa, tapaði fyrir Ademar
Leon á heimavelli, 33:26.

BARCELONA burstaði nýliða
Torrevieja, 45:25, og skoraði línu-
maðurinn öflugi Dragan Skrbic 9
mörk úr jafnmörgum skotum fyrir
Barcelona.

GUNNAR Berg Viktorsson náði
ekki að skora fyrir Paris SG sem
vann Istres, 28:23, í fyrstu umferð-
inni í frönsku 1. deildinni í hand-
knattleik.

DUNKERQUE, án Ragnars Ósk-
arssonar, sem leikur ekki með vegna
meiðsla næstu mánuðina, tapaði á
heimavelli fyrir Chambery, 28:23.

DAGNÝ Skúladóttir skoraði 9
mörk, 3 þeirra úr vítaköstum fyrir lið
sitt, Issy, í frönsku 1. deildinni í
handknattleik kvenna. Issy tapaði
fyrir Dijon, 30:23, á heimavelli, og
hefur ekki fengið stig í tveimur
fyrstu umferðunum.

HALLDÓR Sigfússon skoraði 4
mörk fyrir Friesenheim, undir
stjórn Atla Hilmarssonar, sem tap-
aði fyrir Solingen, 31:27, í suðurriðli
þýsku 2. deildarinnar í handknatt-
leik.

BJÖRGVIN Björgvinsson lék ekki
með Fram á móti Gróttu/KR í fyrstu
umferð Esso-deildar karla í hand-
knattleik. Björgvin hefur verið
slæmur í baki en er að ná sér og
verður tilbúinn í slaginn með Fram
fljótlega.

ANDREI Lazarev línumaðurinn
sem lék með FH í fyrra og Breiða-
blik þar áður er genginn til liðs við
Stjörnuna.

DÍANA Guðjónsdóttir hefur skipt
yfir úr Fram í Val. Díana er yngri
systir Guðríðar Guðjóndsdóttur,
þjálfara Vals, sem á árum áður gerði
garðinn frægan hjá Fram. Þá hefur
Valur endurheimt Sigurlaugu Rún-
arsdóttur en hún lék með danska lið-
inu Rödovre á síðustu leiktíð.

DAVÍÐ Magnússon og Baldur
Finnsson, 19 ára knattspyrnumenn
úr HK, eru á förum til belgíska fé-
lagsins Lokeren um næstu mánaða-
mót. Þeir dvelja við æfingar hjá fé-
laginu í átta daga en með Lokeren
leika fjórir íslenskir knattspyrnu-
menn.

JUVENTUS ætlar að bjóða Aless-
andro Del Piero nýjan samning við
félagið. Samningur framherjans
snjalla við Juventus á að renna út
eftir tvö ár en Luciano Moggi, for-
seti félagsins, segir að viðræður við
leikmanninn séu hafnar og segist
bjartsýnn á að Del Piero verði um
ókomin ár í búningi Juventus en
hann gekk til liðs við félagið fyrir 10
árum.

TERRY Venables knattspyrnu-
stjóri Leeds United segist ætla að
fara að engu óðslega með framherj-
ann Robbie Fowler en Fowler er
meiddur í mjöðm. Venables segir að
Fowler verði að fá tíma til að jafna
sig og hann reiknar ekki með að geta
notað hann fyrr en eftir einn mánuð.

ENSKA knattspyrnusambandið
hefur gefið Roy Keane, fyrirliða
Manchester United, frest fram á
föstudag til að svara ákærum sem
knattspyrnusambandið hefur lagt
fram gegn honum fyrir ummæli í
ævisögu sinni. Keane er sárt saknað
í liði United en hann er á sjúkralist-
anum eftir aðgerð á mjöðm og á með-
an gengur liði hans allt í óhag.
FÓLK
Stuðningsmenn Ferrari kunnueinkar vel að meta sigur Barri-
chello og fögnuðu þeir stórum er
hann hægði ferðina á
lokahringjunum svo
þeir Schumacher
gætu ekið nær sam-
hliða yfir marklín-
una. Þustu þeir tugþúsundum saman
inn á brautina og fögnuðu ákaft við
verðlaunaafhendinguna. Virtist skar-
latsrautt mannhafið á beina upphafs-
kafla brautarinnar nær endalaust.
Ralf Schumacher hjá BMW.Will-
iams tók best af stað, hóf keppni í
þriðja sæti en náði forystu inn í fyrstu
beygju og félagi hans Juan Pablo
Montoya fylgdi fast eftir. Greinilegt
var þó að Barrichello var með mun
léttari bíl en aðrir af fremstu ökuþór-
um því hann komst fljótt fram úr
bæði félaga sínum og Montoya. Eftir
tæpa 5 hringi komst Ralf Schumach-
er ekki lengra þar eð mótorinn gaf
sig. Montoya virtist fipast við það og
lét Barrichello tækifærið ekki frá sér
fara, skaust úr kjölsogi hans og fram
úr báðum Williams-mönnunum.
Brunaði Barrichello fljótt í burtu
frá Montoya svo botninn datt úr
keppninni um sigurinn. Og fljótlega
eftir sitt eina stopp hætti Montoya
keppni, í lok 34. hrings af 53, stífur í
framhjólabúnaði höfðu laskast í átök-
unum við brautina. Eftir það var leik-
urinn auðveldur fyrir Ferrariþórana
sem slógu verulega af ferðinni síðasta
þriðjunginn og hleyptu aftur átta
ökuþórum fram úr sér, en Barrri-
chello og Schumacher höfðu hringað
alla keppinauta sína þegar keppnin
var rétt rúmlega hálfnuð, slíkir voru
yfirburðir Ferrari-fáksins í Monza að
þessu sinni.
Dansað af kæti
„Þessi úrslit gátum við tæpast leyft
okkur að dreyma um, svo óraunhæft
hefði það verið. En betri niðurstöðu
getum við ekki hugsað okkur hér á
heimavelli, fyrir framan stuðnings-
menn okkar eftir alla velgengnina í
ár. Maður gæti haldið að þetta væri
draumur,“ sagði Schumacher eftir
keppnina. Þeir Barrichello sögðu það
hafa snert sig mjög að sjá upphafs- og
endakafla brautarinnar krökkann af
stuðningsmönnum Ferrari er verð-
laun voru afhent. Þustu þúsundir
unnenda Ferrari, svonefndir tífósí,
inn brautina í lokin og dönsuðu af
kæti.
Irvine færði Jagúar-liðinu bestu
úrslit frá í Mónakó í fyrra en þá varð
hann einnig þriðji. Að þessu sinni get-
ur hann þakkað það stórlega brott-
falli Williams- og McLaren-bílsins.
Mótorinn í bíl Räikkönens sprakk á
30. hring og Coulthard varð að fara
inn og skipta um væng í lok fyrsta
hrings eftir að rekast aftan á félaga
sinn í fyrstu beygju og átti þar með
enga möguleika. Barðist þó mjög vel
og varð á endanum skammt frá verð-
launasæti.
Renault-liðið hagnaðist einnig á
óförum Williams og McLaren en
Jarno Trulli og Jenson Button luku
keppni í fjórða og fimmta sæti eftir að
hafa ræst af stað í 11. og 17. sæti.
Lokastigið sem í boði var hreppti svo
Olivier Panis hjá BAR en hann hóf
keppni í 16. sæti. Þessir þrír óku með
sömu herfræði og Barrichello, þ.e.
tóku tvö þjónustustopp og virðist það
greinilega vera vegurinn til vegsemd-
ar í Monza.
Barrichello nánast öruggur
með annað sætið
Vegna liðsfyrirmæla Ferrari um að
hægja ferðina síðasta þriðjunginn
missti Barichello af tækifærinu til að
setja nýtt meðalhraðamet í keppni.
Meðalhraði hans var 241,090 km/klst
en árið 1971 var meðalhraði sigurveg-
arans Peter Gethin á Yardley-BRM
bíl 242,624 km/klst. Voru þá reyndar
engar hlykkbeygjur í brautinni sem
nú og engin þjónustustopp en Barri-
chello tók tvö slík. Og hvorki Barri-
chello né Michael Schumacher náðu
mesta meðalhraða á keppnishring á
sunnudag en það met á Damon Hill
frá 1993 er hraðasti hringur hans
mældist á 249,835 km/klst. Meðal-
hraði Barrichello á hraðasta hring
sunnudagsins var 249,289 km/klst.
Með sigrinum og vegna brottfalls
Montoya hefur Barrichello hins vegar
styrkt stöðu sína verulega í keppni
ökuþóra, er með 17 stiga forskot á
Montoya, 61:44, fyrir lokamótin tvö í
Indianapolis og Suzuka. Verður
Montoya að vinna bæði mótin sem
eftir eru til að komast upp fyrir hann
og jafnframt að því tilskildu að Barri-
chello fái ekki nema tvö stig út úr
þeim.
Ótrúlegir yfirburðir Ferrari
Til marks um yfirburði Ferrari-
liðsins og drottnun á kappaksturs-
brautinni í ár hefur það þegar unnið
meira en 100 stigum fleira en næsta
lið í keppni bílsmiða og jafnmörg og
næstu sex lið samtals. Með tvöföldum
sigri í Monza í dag bættu Rubens
Barrichello og Michael Schumacher
16 stigum við í sarp Ferrari og hefur
liðið þá unnið alls 189 stig í 15 mótum
ársins. Eftir eru tvö mót og er þess að
vænta að stigin verði rúmlega 200
þegar upp verður staðið.
Í öðru sæti er BMW.Williams-liðið
með 86 stig og McLaren í því þriðja
með 57. Fjórða er Renault með 20
stig, fimmta Sauber með 11 og sjötta
Jagúar-liðið með 8 en þar af vann
Eddie Irvine fjögur í dag. Og þótt stig
liðanna í öðru til sjötta sæti séu lögð
saman eru þau ekki jafnmörg og stig
Ferrari, eða 182. Verður það ekki fyrr
en stig Jordan í sjöunda sæti, 7, hafa
verið lögð við að jafnt er, þ.e. 189:189.
Sigur Barrichello er hans þriðji í ár
og fjórði á ferlinum; vann fyrst í
Hockenheim árið 2000 og auk sigurs-
ins í Monza vann hann Evrópukapp-
aksturinn í Nürburgring og Ung-
verska kappaksturinn fyrir mánuði.
Schumacher setti met í Monza
hvað varðar unninn stigafjölda á einni
og sömu vertíðinni, átti sjálfur gamla
metið frá í fyrra. Er kominn með 128
stig en gamla metið var 123 stig. Ann-
ar áfangi í sögu Formúlu-1 var stig-
inn í Monza er Sauber-ökuþórarnir
óku með svonefndan HANS-kraga
sem er sérstök brynja er hvílir á öxl-
um ökuþórsins og er ætlað að verja
höfuð hans í ákeyrslu. Annar ökuþór-
anna, unggæðingurinn Felipe Massa,
komst einnig á spjöld sögunnar fyrir
að verða fyrstur ökuþóra til að þurfa
sæta þeirri refsingu að vera færður
niður um 10 sæti á rásröð í næsta
kappakstri fyrir akstursbrot. Var
hann gerður ábyrgur fyrir háhraða-
samstuði þeirra Pedro de la Rosa hjá
Jagúar sem varð til þess að báðir féllu
úr leik. Vinni hann ráspólinn í In-
dianapolis eftir hálfan mánuð fær
hann ekki að leggja af stað framar en
í 11. sæti.
Bensínfótur Coulthards
þungur
Loks setti Skotinn David Coult-
hard hjá McLaren met sem honum
finnst tæpast til að stæra sig af en
hann var sektaður um 8.500 dollara
eða rúmlega 700.000 krónur, fyrir að
aka of hratt við bílskúrana í Monza.
Þótt Formúla-1 snúist um að aka sem
hraðast þá gilda strangar reglur um
hámarkshraða í akreininni meðfram
þjónustusvæðum liðanna, öðrum orð-
um bílskúrareininni. Frjálsu æfing-
arnar í Monza á föstudag voru tæpast
byrjaðar, innan við mínúta liðin, er
Coulthard mældist á 77 km/klst hraða
út úr reininni en að hámarki mátti
hann vera á 70 km. Þyngsli bensínfót-
arins eru Coulthard einkar dýrkeypt
að þessu sinni þar sem hann hefur áð-
ur gerst sekur um brot af þessu tagi á
vertíðinni. Jacques Villeneuve hjá
BAR gerði sitt til þess að reyna að slá
Coulthard við, því hann mældist síðar
um daginn á 76 km/klst hraða út úr
reininni. Hlaut hann 8.000 dollara
sekt fyrir vikið.
Barrichello beitti
bestu herfræðinni
AP
Brasilíski ökuþórinn Rubens Barrichello fagnar sigri sínum á Monza-brautinni ásamt heimsmeist-
aranum Michael Schumacher. Með sigrinum er Barrichello nánast öruggur með annað sætið.
MICHAEL Schumacher sagði
tvöfaldan sigur Ferrari-liðsins í
Monza, mekka ítalskra aksturs-
íþrótta – á sunnudaginn, hafa
verið eins og óraunverulegan
draum; fyrirfram hefði liðið ekki
haft væntingar í þá veru vegna
eðlis brautarinnar. Vegna óvissu
um herfræði mótherjanna hjá
BMW.Williams valdi Rubens
Barrichello að leggja upp með
tveggja þjónustustoppa áætlun.
Reyndist það frábrugðið keppn-
isáætlun annarra helstu öku-
þóra og var í raun lykillinn að
sigri hans á sunnudag. Ók hann
stórvel eftir glæsilegt viðbragð
á léttari bíl en aðrir og var í sjö-
unda himni í lokin.
Ágúst
Ásgeirsson
skrifar