Morgunblaðið - 21.09.2002, Qupperneq 16

HÖFUÐBORGARSVÆÐIÐ
16 LAUGARDAGUR 21. SEPTEMBER 2002 MORGUNBLAÐIÐ
meistar inn. is
HÖNNUN LIST
Í TÆP 30 ár hefur Reynir Jónasson
séð um að fylla Neskirkju af vold-
ugum orgeltónum og annarri tón-
list og þannig átt sinn þátt í að
snerta við tilfinningum kirkjugesta
á stórum og smáum stundum. Á
morgun mun Reynir töfra fram
slíka tóna í síðasta sinn í kirkjunni,
að minnsta kosti sem fastur starfs-
maður hennar, því þá heldur hann
kveðjutónleika sína.
Reynir verður sjötugur næst-
komandi fimmtudag og því er það
fyrir aldurs sakir sem hann lætur
nú af störfum. Hann segir blendnar
tilfinningar fylgja því að kveðja
kirkjuna sína. „Ég hlakka að sumu
leyti til en þó togast það á. Ég fékk
æðislega fínt orgel fyrir þremur ár-
um sem ég var búinn að bíða eftir í
17 ár og manni finnst maður aldrei
vera búinn að spila nóg á þannig
hljóðfæri. Þess vegna er dálítið
vont að þurfa að hætta því.“ Hann
segir þó að sjálfsagt fái hann að
laumast í kirkjuna til að taka í org-
elið en það sé öðruvísi en að hafa
það undir höndum og æfa sig að
staðaldri.
Tvö orgel vígð
sama daginn
Þegar Reynir er spurður hvort
eitthvað standi upp úr í minning-
unni frá hinum 29 ára langa starfs-
ferli hans við kirkjuna hikar hann
ekki við að svara. „Það var þegar
nýja orgelið var vígt. Það var topp-
urinn á tilverunni því ég var búinn
að hlakka svo mikið til. Ég fór til
Ameríku að velja þetta orgel eftir
að hafa barist lengi fyrir þessu.
Þetta þótti svolítið dýrt en það stóð
þannig á að krónan stóð vel gagn-
vart dollaranum á þeim tíma sem
þetta var ákveðið. Þá gerði org-
elsmiðurinn okkur tilboð í íslensk-
um krónum sem var dálítið sér-
stakt.“
Hann segir þetta hafa verið í
fyrsta sinn sem orgelsmiðurinn
smíðaði hljóðfæri sem fór til Evr-
ópu þrátt fyrir að hann væri Evr-
ópumaður sjálfur, Þjóðverji, sem
var búinn að vera í Ameríku í 40 ár.
Og orgelin sem fóru til Íslands í
þetta sinn voru tvö því það orgelið í
Langholtskirkju kom frá sömu
verksmiðju. „Við tókum á móti
þeim sama daginn úti í verksmiðj-
unni, ég og Jón Stefánsson, org-
anisti í Langholtskirkju, og síðan
voru þau vígð hér heima sama dag-
inn, 19. september 1999.“
Nikkan tekin við
Með starfslokunum í Neskirkju
verður orgelleikurinn lagður að
mestu á hilluna. Að sögn Reynis
verður þó gaman að snúa sér að
öðru og í vetur mun hann kenna
„svolítið á harmoniku“ eins og hann
orðar það en hann er landsmönnum
að góðu kunnur fyrir harmoniku-
leik sinn. „Ég hef haft mikið að
gera í harmonikunni og spila að
jafnaði tvisvar sinnum í viku í
veislum og á skemmtunum. Þar hef
ég verið að láta fólk syngja og
þenja raddböndin – það er mjög
vinsælt. Svo hef ég verið ráðinn for-
fallakennari í harmonikuleik í Tón-
listarskóla Garðabæjar.“ Hann seg-
ir áhuga á að læra á harmoniku
hafa farið vaxandi hjá börnum að
undanförnu um allt land.
Reynir segist því búast við að
harmonikuleikurinn verði ráðandi
hjá sér í framtíðinni og á hann
margar harmonikur að velja úr
þegar spilaþörfin kemur yfir hann.
„Þetta er mjög göfugt hljóðfæri. Ég
spila til dæmis oft á harmoniku við
jarðarfarir. Fólki þykir vænt um
þetta hljóðfæri og það getur verið
mjög vel viðeigandi að spila ljúf lög
á harmoniku við slíkar athafnir.“
Á morgun er það hins vegar Nes-
kirkja og orgelið góða sem hann
kveður að sinni og hefjast loka-
tónleikar hans klukkan 17. „Mig
langar til að fylla kirkjuna. Svo
mætti geta þess að á fimmtudeg-
inum 26. september, þegar afmælið
mitt er, þá ætla ég að vera með opið
hús í Rúgbrauðsgerðinni klukkan
17.30 og ég hlakka til að sjá sem
flesta þar.“
Reynir Jónasson hættir í Neskirkju eftir áratuga starf
„Aldrei
búinn að
spila nóg“
Vesturbær
Morgunblaðið/Þorkell
Reynir við orgelið góða sem hann beið eftir í 17 ár. Hann og Jón Stef-
ánsson, organisti í Langholtskirkju, tóku á móti orgeli sama daginn.
BORGARRÁÐ hefur samþykkt að
breyta skilgreiningu á neðsta hluta
Hverfisgötu þannig að ekki verði
lengur gert ráð fyrir verslun í allt að
helmingi framhliða húsa við götuna í
aðalskipulagi borgarinnar. Sam-
kvæmt upplýsingum frá Skipulags-
og byggingasviði Reykjavíkur er
ekki talið raunhæft að gera ráð fyrir
svo mikilli verslun við götuna.
Nikulás Úlfar Másson, arkitekt
hjá skipulags- og byggingasviði
Reykjavíkurborgar, segir breyt-
inguna varða þróunaráætlun Reykja-
víkurborgar sem samþykkt var um
mitt ár 2000. Í henni séu skilgreind
verslunarsvæði í miðborg Reykjavík-
ur sem skiptast í svokölluð aðalversl-
unarsvæði og hliðarverslunarsvæði.
Þróunaráætlunin hafi gert ráð fyrir
að Hverfisgatan milli Lækjargötu og
Frakkastígs sé skilgreind sem hlið-
arverslunarsvæði sem þýði að þar sé
gert ráð fyrir að allt að helmingur
framhliða húsa yrðu fyrir verslanir.
Tillaga skipulags- og bygginga-
nefndar, sem afgreidd var í borgar-
ráði sl. þriðjudag, gerði ráð fyrir að
fallið yrði frá þessari skilgreiningu
fyrir Hverfisgötu milli Lækjargötu
og Klapparstígs en hún yrði látin
halda sér milli Klapparstígs og
Frakkastígs. Segir Nikulás að með
þessu sé opnað fyrir að þarna verði
minna af verslunum en áður var gert
ráð fyrir. „Menn endurskoðuðu
þessa áætlun og töldu að þarna væri
ekki raunhæft að gera ráð fyrir
svona mikilli verslun.“
Aldrei verið verslunargata
Nikulás bendir á að þegar hafi ver-
ið komið fyrir annars konar starf-
semi í mörgum umræddra húsa. „Til
dæmis setti Alþjóðahúsið þarna upp
kaffihús og einnig er Hverfisbarinn á
þessu svæði. Þetta endurspeglar ein-
faldlega þá þróun sem þarna er og
það má kannski segja að Hverfisgat-
an sem slík hafi aldrei verið versl-
unargata eins og við leggjum skiln-
ing í það orð.“
Á fundi borgarráðs var tillaga
skipulags- og bygginganefndar sam-
þykkt með þeirri breytingu þó að
fallist verði frá skilgreiningu um
helmingur verslunarhúsnæðis milli
Lækjargötu og Smiðjustígs í stað
Klapparstígs. Segir í bókun borgar-
ráðs að í deiliskipulagi af reitnum frá
Smiðjustíg að Klapparstig sé gert
ráð fyrir uppbyggingu sem „eðlilegt
er að taki mið af því að þar geti komið
tiltekið hlutfall verslunar.“
Verður þannig haldið í umrædda
skilgreiningu á Hverfisgötu milli
Smiðjustígs og Frakkastígs.
Fallið frá að skilgreina neðsta hluta Hverfisgötu sem hliðarverslunargötu
Ekki er raunhæft að gera
ráð fyrir svo mikilli verslun
Miðborg
Morgunblaðið/Sverrir
Þjóðleikhúsið og Þjóðmenningarhúsið eru meðal þeirra bygginga sem eru við neðsta hluta Hverfisgötunnar.
BORGARRÁÐ hefur falið Skipu-
lags- og byggingasviði Reykjavíkur
að finna lausn á aðstöðuvanda Tals
fyrir farsímastöð sem þjóna mun
hlutum Norðurmýrar-, Holta- og
Hlíðahverfa. Fóru forsvarsmenn
Tals fram á það við borgaryfirvöld
að fá aðstöðu fyrir stöðina á Mikla-
túni.
Í sumar sendi forstjóri Tals erindi
til borgarráðs þar sem greint var frá
þörf fyrirtækisins á aðstöðu fyrir
stöðina. Segir í bréfinu að notendum
hafi fjölgað, notkun þeirra aukist og
kröfur um gæði og styrk þjónust-
unnar hafi einnig vaxið. Er farið
fram á að fyrirtækinu verði heimilað
að setja niður tækjaskýli og „léttan
stálstaur fyrir búnað“ við húsbygg-
ingar hverfisstöðvar Gatnamála-
stjóra við Flókagötu, nánar tiltekið á
Miklatúni austan við Kjarvalsstaði,
og segir að mannvirki til þess að
þjóna fjarskiptaþörfum borgarbúa
yrðu lítt áberandi á þessum stað.
Kemur fram að staurinn yrði „um 16
metra hár og lítið sverari en ljósa-
staur. Hann myndi standa nokkra
metra upp úr trjágróðrinum og yfir
þök húsanna í nágrenninu.“
Umsóknum fari fjölgandi
á næstu misserum
Borgarráð óskaði eftir umsögn
Skipulags- og byggingasviðs vegna
umsóknarinnar og taldi nefndin ekki
unnt að taka afstöðu til erindisins á
grundvelli þeirra upplýsinga sem
fyrir lágu í málinu. Lagði nefndin til
að Skipulags- og byggingarsviði yrði
falið að vinna að lausn málsins í sam-
ráði við umsækjanda og var það nið-
urstaða borgarráðs.
Þá bókaði nefndin að ljóst væri að
umsóknum um slík mannvirki myndi
fjölga á næstu árum „og áhrif þeirra
á borgarmyndina geta orðið veru-
leg.“ Fól borgarráð borgarverk-
fræðingi og sviðsstjóra Skipulags-
og byggingarsviðs að móta tillögu að
heildstæðri stefnu og vinnureglum
varðandi staðsetningu, samnýtingu
og gerð sendistöðva fjarskiptafyrir-
tækja og sambærilegra mannvirkja.
Morgunblaðið/Sverrir
Tal óskaði eftir því að fá að setja upp búnað sinn við hverfisstöð Gatna-
málastjóra á Miklatúni en mikill gróður umlykur hana.
Tal óskar eftir að-
stöðu fyrir farsíma-
stöð á Miklatúni
Austurbær
ENDURNÝJAÐUR hefur verið
samningur um samstarf Land-
verndar og Hafnarfjarðarbæjar um
Vistvernd í verki til tveggja ára.
Lúðvík Geirsson bæjarstjóri og for-
maður Landverndar, Ólöf Guðný
Valdimarsdóttir, vígðu um leið nýj-
an kynningarbás Landverndar fyr-
ir verkefnið Vistvernd í verki í
versluninni Fjarðarkaupum. Fjarð-
arkaup eru einn af styrktaraðilum
verkefnisins.
Hafnarfjörður hefur verið með
frá upphafi og niðurgreitt jarð-
gerðartunnur til þeirra fjölskyldna
sem þátt taka. Verkefnið hefur
gengið hvað best í Hafnarfirði, nú
hafa 63 fjölskyldur hafa tekið þátt,
eða u.þ.b. 250 manns á tveggja ára
tímabili.
Morgunblaðið/Þorkell
Starfa áfram að
vistvernd í verki
Hafnarfjörður